രാഷ്ട്രീയ സാമൂഹ്യ ചലനം സൃഷ്ടിക്കാന്‍ ഏറ്റവും സാധ്യതയുള്ള മാധ്യമങ്ങളാണ് ഡോക്യുമെന്ററികളും ഹ്രസ്വചിത്രങ്ങളുമെന്ന് സ്പീക്കര്‍ പി. ശ്രീരാമകൃഷ്ണന്‍ പറഞ്ഞു. രാജ്യാന്തര ഡോക്യുമെന്ററി ഹ്രസ്വചിത്ര മേളയുടെ സമാപന സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. 

കേരള ലളിതകലാ അക്കാദമിയുടെ 2017-18 ലെ സംസ്ഥാന ഫെല്ലോഷിപ്പ് പുരസ്‌കാര സമര്‍പ്പണം നാളെ (ജൂലൈ 26) വൈകിട്ട് 4.30ന് മുഖ്യമന്ത്രി പിണറായി വിജയന്‍ നിര്‍വഹിക്കും.  

വി.ജെ.ടി ഹാളില്‍ നടക്കുന്ന ചടങ്ങില്‍ സാംസ്‌കാരികമന്ത്രി എ.കെ. ബാലന്‍ അധ്യക്ഷത വഹിക്കും.  ചലച്ചിത്രനടന്‍ ഇന്ദ്രന്‍സ് വിശിഷ്ടാതിഥിയാകും. 

മേയര്‍ വി.കെ. പ്രശാന്ത്, വി.എസ്. ശിവകുമാര്‍ എം.എല്‍.എ, റാണി ജോര്‍ജ്, ആര്‍ട്ടിസ്റ്റ് ബി.ഡി. ദത്തന്‍, ചലച്ചിത്ര അക്കാദമി ചെയര്‍മാന്‍ കമല്‍, കെ.എസ്.എഫ്.ഡി.സി ചെയര്‍മാന്‍ ലെനില്‍ രാജേന്ദ്രന്‍ തുടങ്ങിയവര്‍ വിശിഷ്ട സാന്നിധ്യമാകും.

പി.എന്‍.എക്‌സ്.3146/18

തിരുവനന്തപുരം എന്‍ജിനീയറിംഗ് കോളജില്‍ 2018-19 അദ്ധ്യയന വര്‍ഷത്തേക്കുള്ള എം.ടെക് സായാഹ്ന കോഴ്‌സുകളില്‍ ഒഴിവുള്ള സീറ്റുകളിലേക്ക് സ്‌പോട്ട് അഡ്മിഷന്‍ 26 രാവിലെ 10 മുതല്‍ ഒരു മണിവരെ ഓഫീസില്‍ നടക്കും.  

കേരള നിയമസഭയുടെ വജ്രജൂബിലി ആഘോഷ പരിപാടികളുടെ ഭാഗമായി സംഘടിപ്പിക്കുന്ന ഫെസ്റ്റിവല്‍ ഓണ്‍ ഡെമോക്രസിയുടെ ഔദേ്യാഗിക ലോഗോയുടെ പ്രകാശനവും വെബ്‌സൈറ്റ് ലോഞ്ചും ഇന്ന് (ജൂലൈ 25) വൈകിട്ട് 3.30 ന് നിയമസഭാ സമുച്ചയത്തിലെ ബാങ്ക്വറ്റ് ഹാളില്‍ സ്പീക്കര്‍ പി. ശ്രീരാമകൃഷ്ണന്‍ നിര്‍വഹിക്കും.  

പി.എന്‍.എക്‌സ്.3144/18

നോര്‍ക്ക എമര്‍ജന്‍സി ആംബുലന്‍സ് സര്‍വീസിന് ഇന്ന് (ജൂലൈ 25) തുടക്കം കുറിക്കും.  വൈകിട്ട് നാലിന് മുഖ്യമന്ത്രി പിണറായി വിജയന്റെ ഓഫീസില്‍ നടക്കുന്ന ചടങ്ങില്‍ അദ്ദേഹം സര്‍വീസ് ഉദ്ഘാടനം ചെയ്യും.

സംസ്ഥാന ടൂറിസം വകുപ്പിന്റെ മാനേജ്‌മെന്റ് ഇന്‍സ്റ്റിറ്റ്യൂട്ടായ കിറ്റ്‌സില്‍ എം.ബി.എ. (ട്രാവല്‍ ആന്റ് ടൂറിസം) കോഴ്‌സിലേക്ക് ഏതാനും സീറ്റുകള്‍ ഒഴിവുണ്ട്.  താത്പര്യമുള്ളവര്‍ യോഗ്യതാ സര്‍ട്ടിഫിക്കറ്റുകള്‍ സഹിതം 26ന് രാവിലെ 10 ന് കിറ്റ്‌സില്‍ നേരിട്ട് ഹാജരാകണം.  കൂടുതല്‍ വിവരങ്ങള്‍ക്ക് : www.kittsedu.org. , 9446529467, 0471 2329539, 2327707.

പി.എന്‍.എക്‌സ്.3142/18

മൂന്നാമത് എന്‍ജിനിയേഴ്‌സ് കോണ്‍ഗ്രസ് നിശാഗന്ധി ഓഡിറ്റോറിയത്തില്‍ 27,28,29 തീയതികളില്‍ നടക്കും.  28ന് രാവിലെ 9.30ന് മുഖ്യമന്ത്രി പിണറായി വിജയന്‍ സമ്മേളനം ഉദ്ഘാടനം ചെയ്യും.  പൊതുമരാമത്ത് വകുപ്പ് മന്ത്രി ജി. സുധാകരന്‍ അധ്യക്ഷത വഹിക്കും.  ധനകാര്യ വകുപ്പ് മന്ത്രി ഡോ. ടി.എം. തോമസ് ഐസക് മുഖ്യ പ്രഭാഷണവും മാഗസിന്‍ പ്രകാശനവും നിര്‍വഹിക്കും.  ചീഫ് സെക്രട്ടറി ടോം ജോസ്, കിഫ്ബി സി.ഇ.ഒ കെ.എം. എബ്രഹാം, പൊതുമരാമത്ത് വകുപ്പ് പ്രിന്‍സിപ്പല്‍ സെക്രട്ടറി കമലവര്‍ധനാവു എന്നിവര്‍ പ്രതേ്യക പ്രഭാഷണം നടത്തും.   

കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത തൊഴിലാളികളുടെ മക്കള്‍ക്ക് (ആശ്രിതര്‍ അര്‍ഹരല്ല) 2018-19 അദ്ധ്യയന വര്‍ഷത്തേക്ക് സ്‌ക്കോളര്‍ഷിപ്പ് നല്‍കുന്നതിന് അപേക്ഷ ക്ഷണിച്ചു.  എട്ടാം ക്ലാസും അതിന് മുകളിലുമുള്ള കോഴ്‌സുകളില്‍ പഠിക്കുന്ന വിദ്യാര്‍ത്ഥികള്‍ക്കാണ് സ്‌കോളര്‍ഷിപ്പ്.  ഓരോ കോഴ്‌സിനും അതിന്റെ അടിസ്ഥാന യോഗ്യതാ പരീക്ഷ വിജയിക്കണം.  സ്‌കോളര്‍ഷിപ്പ് ലഭ്യമാകുന്നതിന് സര്‍ക്കാര്‍/സര്‍ക്കാര്‍ അംഗീകൃത സ്ഥാപനങ്ങളില്‍ പഠിക്കുന്നവരും സ്വകാര്യ സ്ഥാപനങ്ങളില്‍ പഠിക്കുന്നവരും അന്യ സംസ്ഥാനങ്ങളിലെ സ്വകാര്യ സ്ഥാപനങ്ങളില്‍ പഠിക്കുന്നവരും സ്ഥാപനത്തിന്റെ  അംഗീകാരം സംബന്ധിച്ച രേഖകള്‍ ഹാജ