ലോറി സമരം ഒത്തുതീര്‍പ്പാക്കുന്നതിന് സാഹചര്യമൊരുക്കാന്‍ കേന്ദ്ര സര്‍ക്കാരുമായി ബന്ധപ്പെട്ട് സംസ്ഥാന സര്‍ക്കാര്‍ ശ്രമം നടത്തുമെന്ന് ഗതാഗത മന്ത്രി എ. കെ. ശശീന്ദ്രന്‍ പറഞ്ഞു. ലോറി ഉടമ സംഘടനാ പ്രതിനിധികളുമായി ചര്‍ച്ച നടത്തിയ ശേഷം സംസാരിക്കുകയായിരുന്നു മന്ത്രി.

    നോര്‍ക്ക എമര്‍ജന്‍സി ആംബുലന്‍സ് സര്‍വീസ് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു.  അടിയന്തരഘട്ടങ്ങളില്‍ പ്രവാസി മലയാളികളുടെ സേവനത്തിനായി നോര്‍ക്ക റൂട്ട്‌സിന്റെ ആഭിമുഖ്യത്തില്‍ സൗജന്യ ആംബുലന്‍സ് സര്‍വീസ് ഏര്‍പ്പെടുത്തണമെന്നത് വിദേശമലയാളികളുടെ ദീര്‍ഘകാലമായുള്ള ആവശ്യമായിരുന്നു.

    ഒഡെപെക്കിന്റെ പ്രവര്‍ത്തനങ്ങള്‍ കൂടുതല്‍ ജനകീയമാക്കാന്‍ സര്‍ക്കാര്‍ എല്ലാ സഹായങ്ങളും ചെയ്യുമെന്ന് തൊഴിലും നൈപുണ്യവും എക്‌സൈസും വകുപ്പു മന്ത്രി ടി. പി. രാമകൃഷ്ണന്‍ പറഞ്ഞു. ഒഡെപെക്കിന്റെ പുതിയ വെബ് പോര്‍ട്ടലിന്റെ ഉദ്ഘാടനം നിര്‍വഹിക്കുകയായിരുന്നു മന്ത്രി.

    ദേവസ്വം റിക്രൂട്ട്‌മെന്റ് നടപടികള്‍ സുതാര്യമായാണ് നടക്കുന്നതെന്ന് ചെയര്‍മാന്‍ അഡ്വ. എം. രാജഗോപാലന്‍ നായര്‍ വാര്‍ത്താസമ്മേളനത്തില്‍ പറഞ്ഞു. റിക്രൂട്ട്‌മെന്റ് നടപടികളെ താറടിക്കുംവിധം സമൂഹമാധ്യമങ്ങള്‍ വഴി പ്രചാരണം നടക്കുന്നത് ശ്രദ്ധയില്‍പ്പെട്ടു. ഇതിനെതിരെ വിജിലന്‍സ് ഡിജിപിക്ക് പരാതി നല്‍കി. മുഖ്യമന്ത്രിക്കും ദേവസ്വം മന്ത്രിക്കും പരാതി നല്‍കുമെന്ന് അദ്ദേഹം പറഞ്ഞു.

കൊച്ചി: മാരക ലഹരിവിപത്തില്‍ നിന്നും യുവാക്കളെയും വിദ്യാര്‍ത്ഥികളെയും ജീവിത ലഹരിയിലേക്ക് തിരിച്ച് വിടുന്നതിനായി സംസ്ഥാന എക്‌സൈസ് വകുപ്പ് ജില്ലാ ഭരണകൂടത്തിന്റെ സഹകരണത്തോടെ സംഘടിപ്പിക്കുന്ന ഹാഫ് മാരത്തണിലേക്ക് ഏവരെയും സ്വാഗതം ചെയ്ത് എക്‌സൈസ് കമ്മീഷണര്‍ ഋഷി രാജ് സിങ്. ഓഗസ്‌ററ് 12ന് നടക്കുന്ന ഹാഫ് മാരത്തണിന്റെ പ്രചരണാര്‍ത്ഥം മഹാരാജാസ് കോളേജില്‍ എക്‌സൈസ് വകുപ്പ് സംഘടിപ്പിച്ച വിവിധ കലാപരിപാടികള്‍ കാണാനെത്തിയതായിരുന്നു അദ്ദേഹം. മാരത്തണിലെ വിജയികള്‍ക്ക് മികച്ച പ്രതിഫലമാണ് സമ്മാനതുകയായി ഏര്‍പ്പെടുത്തിയിരിക്കുന്നതെന്നും അദ്ദേഹം പറഞ്ഞു. വിവിധ വിഭാഗങ്ങളിലാണ് സമ്മാനങ്ങള്‍ നല്‍കുന്നത്. 

കൊച്ചി: മുവാററുപുഴയിലെ കാടമ്പാറ കുഴിക്കാട്ടുശ്ശേരി പട്ടികജാതി കോളനി നവീകരണത്തിന് തുടക്കമായി. നവീകരണ പ്രവര്‍ത്തനങ്ങളുടെ ഉദ്ഘാടനം എല്‍ദോ എബ്രഹാം എം.എല്‍.എ നിര്‍വ്വഹിച്ചു. കൂടുതല്‍ പട്ടികജാതി കോളനികളില്‍ പദ്ധതി ആരംഭിക്കാനുള്ള നടപടിക്രമങ്ങള്‍ പൂര്‍ത്തിയാക്കി വരികയാണെന്ന് എം.എല്‍.എ പറഞ്ഞു. ഓരോ പ്രവര്‍ത്തികളുടേയും എസ്റ്റിമേററ് തയാറാക്കി ഭരണാനുമതി വാങ്ങിയാണ് നിര്‍മ്മാണ പ്രവര്‍ത്തനങ്ങള്‍ നടക്കുന്നത്. 40 പട്ടികജാതി കുടുംബങ്ങളുള്ള കോളനികളെയാണ് പദ്ധതിക്കായി തിരഞ്ഞെടുക്കുന്നത്. 

കൊച്ചി: മട്ടാഞ്ചേരിയിലെ ജനങ്ങള്‍ അനുഭവിക്കുന്ന മാലിന്യപ്രശ്‌നങ്ങള്‍ക്കും കുടിവെള്ള ക്ഷാമത്തിതിനും ശാശ്വത പരിഹാരം കണ്‍െണ്ടത്തണമെന്ന്  സംസ്ഥാന ന്യൂനപക്ഷ കമ്മീഷന്‍. ഇതു സംബന്ധിച്ചുള്ള നടപടികള്‍ സ്വീകരിച്ച ശേഷം രണ്ടണ്‍ു മാസത്തിനകം റിപ്പോര്‍ട്ട് സമര്‍പ്പിക്കാന്‍ കൊച്ചി കേരള ജല അതോറിറ്റി പി.എച്ച്. ഡിവിഷന്‍ എക്‌സിക്യുട്ടീവ് എഞ്ചിനീയര്‍ക്കും കൊച്ചി മുനിസിപ്പല്‍ സെക്രട്ടറിക്കും കമ്മീഷന്‍ ചെയര്‍മാന്‍ പി.കെ. ഹനീഫ നിര്‍ദേശം നല്‍കി.

കൊച്ചി: പറവൂര്‍ ബ്ലോക്ക് പഞ്ചായത്തിന് കീഴിലെ കോട്ടുവള്ളി, ഏഴിക്കര, ചേന്ദമംഗലം, വടക്കേക്കര, ചിറ്റാറ്റുകര എന്നീ ഗ്രാമ പഞ്ചായത്തുകളില്‍ പ്രവര്‍ത്തിക്കുന്ന മഹിളാ പ്രധാന്‍ ഏജന്റുമാരെ  ഉള്‍പ്പെടുത്തി 'ഹരിത ഭവനം സമ്പാദ്യ ഭവനം' പദ്ധതി ബ്ലോക്ക് പഞ്ചായത്ത് പ്രസിഡന്റ് അഡ്വ. യേശുദാസ് പറപ്പിളളി ഉദ്ഘാടനം ചെയ്തു. എറണാകുളം ജില്ലയില്‍ പദ്ധതി നടപ്പാക്കുന്ന ആദ്യ ബ്ലോക്ക് പഞ്ചായത്താണ് പറവൂര്‍.