ജനകീയാസൂത്രണം പദ്ധതിയില്‍ ഉള്‍പെടുത്തി 40 ലക്ഷം രൂപ ചിലവില്‍ എടച്ചേരി ഗ്രാമ പഞ്ചായത്ത് കളിയാംവെളളിയില്‍ നിര്‍മ്മിച്ച ഹോമിയോ ഡിസ്‌പെന്‍സറി പുതിയ കെട്ടിടത്തിന്റെ ഉദ്ഘാടനം ഗ്രാമ പഞ്ചായത്ത് പ്രസിഡണ്ട് ടി.കെ  അരവിന്ദാക്ഷന്‍ നിര്‍വഹിച്ചു. വൈസ് പ്രസിഡണ്ട് കെ.ടി.കെ  ഷൈനി അധ്യക്ഷത വഹിച്ചു. മെഡിക്കല്‍ ഓഫീസര്‍ കെ ഇന്ദു സ്വഗതം പറഞ്ഞു. ഡോ. രാജേഷ്, ഗംഗാധരന്‍ ഇ, ഷീമ വളളില്‍, രാധ തടത്തില്‍ , ലിസ ടി.കെ, ഇ.വി കല്യാണി, സി.പവിത്രന്‍ മാസ്റ്റര്‍, ടി.കെ  അഹമ്മദ് മാസ്റ്റര്‍, വല്‍സരാജ് മണലാട്ട്, ഇ.മുകുന്ദന്‍ മാസ്റ്റര്‍ , ടി.കെ ബാബു പങ്കെടുത്തു.

കേന്ദ്ര വനം പരിസ്ഥിതി കാലാവസ്ഥ വ്യതിയാന മന്ത്രാലയത്തിന് സമര്‍പ്പിക്കുന്ന തീരദേശ പരിപാലന പ്ലാന്‍ പൊതു ജനങ്ങള്‍ക്ക് പരിചയപ്പെടുത്തുന്നതിനായി പ്രദര്‍ശിപ്പിച്ചു. ടൗണ്‍ ഹാളില്‍ നടന്ന പ്രദര്‍ശനം മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. കലക്ടര്‍ യു.വി.ജോസ് അധ്യക്ഷത വഹിച്ചു.  

ഉന്നത വിദ്യാഭ്യാസം നേടിയ സ്ത്രീകള്‍ പോലും സാമൂഹ്യവും  നിയമപരവുമായ ബോധ്യം ഇല്ലാത്തവരായി മാറുന്ന അവസ്ഥയാണ് സംസ്ഥാനത്ത് ഉളളതെന്ന് വനിതാ കമ്മീഷന്‍ ചെയര്‍പേഴ്‌സണ്‍ എം.സി ജോസഫൈന്‍. പരാതി നല്‍കി കമ്മീഷന് മുമ്പാകെ ഹാജരാവാത്തവരുടെ എണ്ണം വര്‍ദ്ധിച്ചുവരികയാണെന്നും ഇത് കമ്മീഷനെ അപമാനിക്കുന്നതിന് തുല്യമാണെന്നും അവര്‍ പറഞ്ഞു. കലക്‌ട്രേറ്റ് കോണ്‍ഫറന്‍സ് ഹാളില്‍ നടന്ന വനിതാ കമ്മീഷന്‍ മെഗാ അദാലത്തില്‍ ആദ്യ ദിനം കേസുകള്‍ പരിഗണിച്ച് സംസാരിക്കുകയായിരുന്നു അവര്‍.

ആലപ്പുഴ, കോട്ടയം ജില്ലകളില്‍ വെളളപ്പൊക്കത്തില്‍ ബുദ്ധിമുട്ടുന്ന സഹോദരങ്ങളെ സഹായിക്കാന്‍ സര്‍ക്കാരിന്റെ പരിശ്രമങ്ങളില്‍ കോഴിക്കോട് ജില്ലാഭരണകൂടവും പങ്കാളികളാകുന്നു. വെളളപ്പൊക്ക ബാധിത മേഖലകളില്‍ ഭക്ഷ്യ സാധനങ്ങള്‍ എത്തിച്ചു കൊടുക്കാന്‍ ജില്ലാ കലക്ടര്‍ യു.വി ജോസിന്റെ അധ്യക്ഷതയില്‍ കലക്ടറുടെ ചേമ്പറില്‍ ചേര്‍ന്ന യോഗം തീരുമാനിച്ചു. ഇന്ന് (ജൂലായ് 26) മാനാഞ്ചിറ ഡി.ടി.പി.സി ഹാളില്‍ ഭക്ഷ്യസാധനങ്ങള്‍ സംഭാവനയായി സ്വീകരിക്കും. പണം സ്വീകരിക്കുന്നതല്ല. 

    കോഴിക്കോട് ഇംഹാന്‍സില്‍ പോസ്റ്റ് ബേസിക് ഡിപ്ലോമ ഇന്‍ സൈക്യാട്രിക് നഴ്‌സിംഗ് കോഴ്‌സിന് അപേക്ഷ ക്ഷണിച്ചു.  യോഗ്യത ജനറല്‍ നഴ്‌സിംഗ്/ബി.എസ്.സി. നഴ്‌സിംഗ്/പോസ്റ്റ് ബേസിക് ബി.എസ്.സി. നഴ്‌സിംഗ് ബിരുദം. അപേക്ഷ ഫോറം ഓഫീസില്‍ നേരിട്ടും www.imhans.org സൈറ്റിലും ലഭിക്കും. അപേക്ഷിക്കേണ്ട അവസാന തീയതി ആഗസ്റ്റ് 6.  ഫോണ്‍ 9605770068, 9745156700.
 

                        ഒരു മാസത്തിനകം ചുരം റോഡ് ആറ്റകുറ്റപ്പണികള്‍ പൂര്‍ത്തിയാക്കി ചരക്ക് ഗതാഗതം പുന:സ്ഥാപിക്കാമെന്ന് കോഴിക്കോട് ജില്ലാ കളക്ടര്‍ യു.വി.ജോസ് ജില്ലാ പഞ്ചായത്ത് സംഘത്തിന് ഉറപ്പ് നല്‍കി

                        ഒരു മാസത്തിനകം ചുരം റോഡ് ആറ്റകുറ്റപ്പണികള്‍ പൂര്‍ത്തിയാക്കി ചരക്ക് ഗതാഗതം പുന:സ്ഥാപിക്കാമെന്ന് കോഴിക്കോട് ജില്ലാ കളക്ടര്‍ യു.വി.ജോസ് ജില്ലാ പഞ്ചായത്ത് സംഘത്തിന് ഉറപ്പ് നല്‍കി