അംബേദ്ക്കര്‍ കോളേജ് ഓഫ് ആര്‍ട്‌സ് & സയന്‍സ്, വണ്ടൂര്‍ (എയ്ഡഡ്) ല്‍ ബി എ, ബി കോം,  ബി എസ് സി  ഡിഗ്രി കോഴ്‌സുകളിലെ  ഫിസിക്കലി ഹാന്റ്റിക്യാപ്പിഡ്, ലക്ഷ ദ്വീപ് എന്നീ ക്വാട്ടകളിലും,  ബി എസ് സി  മാത്തമാറ്റിക്‌സില്‍ എസ്.സി   കമ്മ്യൂണിറ്റി കോട്ടയിലും സീറ്റുകള്‍ ഒഴിവുണ്ട്.  യോഗ്യരായ വിദ്യാര്‍ത്ഥികള്‍ക്ക് ജൂലൈ 31വരെ   കോളേജ് ഓഫീസില്‍ റിപ്പോര്‍ട്ട് ചെയ്യാം.

ജില്ലാ റൈഫിള്‍ അസോസിയേഷന്റെ ആഭിമുഖ്യത്തില്‍ ജില്ലാ എയര്‍ റൈഫിള്‍ ചാമ്പ്യന്‍ഷിപ്പ് ജൂലൈ 28ന് രാവിലെ ഒമ്പത് മുതല്‍ നിലമ്പൂര്‍ പീവിസ് സ്‌കൂളില്‍ നടത്തും.  പങ്കെടുക്കാന്‍ താല്‍പര്യമുള്ളവര്‍ 27നകം സെക്രട്ടറി, മലപ്പുറം ജില്ലാ റൈഫിള്‍ അസോസിയേഷന്‍, സ്‌പോട്‌സ് പ്രമോഷന്‍ അക്കാദമി, ഇന്‍ഡസ്ട്രിയല്‍ എസ്റ്റേറ്റ് റോഡ്, ഗ്രൗണ്ട് വ്യൂ ടവര്‍, മഞ്ചേരി വിലാസത്തില്‍ അപേക്ഷിക്കണം.

2019ലെ ലോകസഭാ തെരഞ്ഞെടുപ്പിന് ഉപയോഗിക്കുന്ന ജില്ലയിലെ ഇലക്‌ട്രോണിക് വോട്ടിങ് മെഷീനുകളുടെയും വി.വിപാറ്റ് മെഷീനുകളുടെയും ഫസ്റ്റ് ലെവല്‍ പരിശോധന ജൂലൈ 26ന് രാവിലെ 11 മുതല്‍ കലക്‌ട്രേറ്റില്‍ തുടങ്ങും.  അംഗീകൃത രാഷ്ട്രീയ പാര്‍ട്ടി പ്രതിനിധികള്‍ക്ക് പരിശോധനയുമായി ബന്ധപ്പെട്ട പ്രവര്‍ത്തനങ്ങളും  പരിശോധനക്ക് ശേഷം വെയര്‍ ഹൗസ് അടച്ചു സീല്‍ വെക്കുന്നതും വീക്ഷിക്കാവുന്നതാണെന്ന് ഇലക്ഷന്‍ ഡെപ്യൂട്ടി കലക്ടര്‍ അറിയിച്ചു.

വ്യവസായ വാണിജ്യ വകുപ്പ് ജില്ലാ വ്യവസായ കേന്ദ്രത്തിന്റെ ആഭിമുഖ്യത്തില്‍ സംരംഭകര്‍ക്കായി സംരംഭകത്വ ബോധവത്കരണ സെമിനാര്‍ സംഘടിപ്പിച്ചു. തിരൂരങ്ങാടി ബ്ലോക്ക് പഞ്ചായത്ത് ഹാളില്‍ നടന്ന പരിപാടി ബ്ലോക്ക് പഞ്ചായത്ത് പ്രസിഡണ്ട് കെ അബ്ദുല്‍ കലാം മാസ്റ്റര്‍ ഉദ്ഘാടനം ചെയ്തു. സെമിനാറില്‍ വ്യവസായ വകുപ്പ് സേവനങ്ങളും പദ്ധതികളും എം സ് എം ഇ മേഖലയില്‍ ബാങ്കുകളുടെ പങ്കും പദ്ധതികളും പഞ്ചായത്ത് മുന്‍സിപ്പല്‍ ലൈസന്‍സ് നടപടി ക്രമങ്ങള്‍ എന്നീ വിഷയങ്ങളില്‍ ക്‌ളാസ്സുകള്‍ സംഘടിപ്പിച്ചു.

താനൂര്‍ സി.എച്ച്.എം.കെ.എം ഗവ. ആര്‍ട്‌സ് ആന്‍ഡ് സയന്‍സ് കോളേജില്‍ ബി.എസ്.സി ഇലക്‌ട്രോണിക്‌സില്‍ അതിഥി അധ്യാപക നിയമനത്തിന് അപേക്ഷ ക്ഷണിച്ചു.  ഇലക്‌ട്രോണിക്‌സില്‍ നെറ്റ്/പി.എച്ച്.ഡി യോഗ്യത ഉള്ളവര്‍ക്കു കോഴിക്കാട് കോളേജ് വിദ്യാഭ്യാസ ഡയറക്ടറുടെ ഓഫീസില്‍ രജിസ്റ്റര്‍ ചെയ്തിട്ടുള്ളവര്‍ക്കും അപേക്ഷിക്കാം. യോഗ്യത ഉള്ളവരുടെ അഭാവത്തില്‍ പി.ജിയുള്ളവരെയും പരിഗണിക്കും. താല്‍പര്യമുള്ളവര്‍ ജൂലൈ 30ന് രാവിലെ 10.30ന് അസ്സല്‍ രേഖകളുമായി കോളേജില്‍ എത്തണം.  ഫോണ്‍ 0494 2582800. 

കായികക്ഷമതാ പരീക്ഷ
ജില്ലയില്‍ പൊലീസ് വകുപ്പില്‍ വനിതാ പൊലീസ് കോണ്‍സ്റ്റബിള്‍ (എ.പി.ബി) (എന്‍.സി.എ-വിശ്വകര്‍മ്മ) കാറ്റഗറി നമ്പര്‍ 055/17 തസ്തികയിലേക്കുള്ള തെരഞ്ഞെടുപ്പിനായി പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ടവരുടെ ശാരീരിക അളവെടുപ്പും കായികക്ഷമതാ പരീക്ഷയും ആഗസ്റ്റ് രണ്ടിന് മലപ്പുറം എം.എസ്.പി പരേഡ് ഗ്രൗണ്ടില്‍ നടത്തുമെന്ന് ജില്ലാ പി.എസ്.സി ഓഫീസര്‍ അറിയിച്ചു.

ഏറനാട് താലൂക്ക് പന്തല്ലൂര്‍ വില്ലേജ് ബ്ലോക്ക് 47, സര്‍വെ നമ്പര്‍ 161/8ല്‍പ്പെട്ട 0.0270 സ്ഥലം ആഗസ്റ്റ് 30ന് രാവിലെ 11ന് പന്തല്ലൂര്‍ വില്ലേജ് ഓഫീസില്‍ ലേലം ചെയ്യും.

പൊന്നാനിയില്‍ തോണി മറിഞ്ഞ് അപകടത്തില്‍പ്പെട്ട മൂന്ന് മത്സ്യത്തൊഴിലാളികളെ ഫിഷറീസ് റസ്‌ക്യൂ പ്രവര്‍ത്തകര്‍ രക്ഷിച്ചു. മത്സ്യത്തൊഴിലാളികളായ  കുട്ടാത്ത് അബ്ദുള്ളക്കുട്ടി, പുത്തന്‍പുരയില്‍ ശിഹാബ്, ഹനീഫ എന്നിവരാണ് അപകടത്തില്‍ പെട്ടത്. പൊന്നാനി അഴിമുഖത്തിന് പടിഞ്ഞാറ് ഭാഗത്തായി രാവിലെ ഏഴ് മണിയോടെ ഇവര്‍ സഞ്ചരിച്ച ഫൈബര്‍ വള്ളം ശക്തമായ തിരയില്‍പ്പെട്ട് മറിയുകയായിരുന്നു.