2018 മെയില്‍ നടത്തിയ അഖിലേന്ത്യാ അപ്രന്റീസ്ഷിപ്പ് ട്രേഡ് ടെസ്റ്റിന്റെ ഫലം പ്രസിദ്ധീകരിച്ചു.  സംസ്ഥാനത്തെ എല്ലാ ആര്‍.ഐ.സെന്ററുകളിലും, തിരുവനന്തപുരത്തെ തൊഴില്‍ ഭവനിലെ ട്രെയിനിംഗ് ഡയറക്ടറേറ്റിലും https://www.det.kerala.gov.in  ലും ഫലം ലഭിക്കും.
പി.എന്‍.എക്‌സ്.3172/18

    കേരള ചുമട്ടുതൊഴിലാളി ക്ഷേമ ബോര്‍ഡിന്റെ കീഴിലുള്ള തൊഴിലാളികളുടെ മക്കളില്‍ 2018ലെ എസ്എസ്എല്‍സി / സിബിഎസ്ഇ, പ്ലസ് ടു പരീക്ഷകളില്‍ എല്ലാ വിഷയങ്ങള്‍ക്കും എ പ്ലസ് നേടിയ 116 വിദ്യാര്‍ത്ഥികളെ കേരള ചുമട്ടുതൊഴിലാളി ക്ഷേമ ബോര്‍ഡ് സ്വര്‍ണപതക്കവും സര്‍ട്ടിഫിക്കറ്റും നല്‍കി ആദരിക്കും. ജൂലൈ 30 രാവിലെ 11ന് എറണാകുളം നോര്‍ത്ത് ടൗണ്‍ഹാളില്‍ നടക്കുന്ന ചടങ്ങ് തൊഴില്‍, എക്‌സൈസ് വകുപ്പ് മന്ത്രി ടി.പി. രാമകൃഷ്ണന്‍ ഉദ്ഘാടനം ചെയ്യും. ബോര്‍ഡ് ചെയര്‍മാന്‍ കാട്ടാക്കട ശശി അധ്യക്ഷത വഹിക്കും.
പി.എന്‍.എക്‌സ്.3170/18

കാരാപ്പുഴ ഗവ. ഹയര്‍ സെക്കണ്ടറി സ്‌കൂളിലെ  പഴയ കെട്ടിടങ്ങള്‍ പൊളിച്ചു നീക്കുന്നതിനുളള ലേലം ഓഗസ്റ്റ് രണ്ട് രാവിലെ 11 ന് സ്‌കൂള്‍ ഹാളില്‍ നടക്കും. കൂടുതല്‍ വിവരങ്ങള്‍ക്ക് ഫോണ്‍: 0481  2582936

മുന്‍ഗണന, എ.എ.വൈ സബസ്ഡി റേഷന്‍ കാര്‍ഡുകള്‍ അനധികൃതമായി കൈവശം വച്ചിരിക്കുന്നവര്‍ കാര്‍ഡ് ആഗസ്റ്റ് 15നകം ബന്ധപ്പെട്ട സപ്ലൈ ഓഫീസുകളല്‍ തിരികെയേല്‍പ്പിച്ച് പൊതുവിഭാഗത്തിലേക്ക് മാറണമെന്ന് ജില്ലാ സപ്ലൈ ഓഫീസര്‍ അറിയിച്ചു. കാര്‍ഡുകള്‍ അനധികൃതമായി കൈപ്പറ്റി റേഷന്‍ സാധനങ്ങള്‍ വാങ്ങുന്നവര്‍ക്കെതിരെ  ശിക്ഷാ നടപടികള്‍ സ്വീകരിക്കും. 

കോട്ടയം താലൂക്ക് വികസന സമിതി യോഗം  ആഗസ്റ്റ് നാല് രാവിലെ 10.30ന് താലൂക്കാഫീസില്‍ ചേരും.