ജില്ലാ പദ്ധതിരേഖയുടെ രണ്ടു വോള്യങ്ങള്‍ (ഭാഗം 1 & 2) 200 കോപ്പികള്‍ വീതം പ്രിന്റ് ചെയ്യുന്നതിനായി സര്‍ക്കാര്‍,അര്‍ദ്ധ സര്‍ക്കാര്‍, സഹകരണ പ്രിന്റിംഗ് പ്രസുകളില്‍ നിന്നും ടെണ്ടര്‍ ക്ഷണിച്ചു. വിശദ വിവരങ്ങളും ടെണ്ടര്‍ ഫോറവും ജില്ലാ പ്ലാനിംഗ് ഓഫിസില്‍ നിന്നും ആഗസ്ത് രണ്ടിന് വൈകുന്നേരം മൂന്നുവരെ ലഭിക്കും. ആഗസ്ത് മൂന്നിന് 11 മണിവരെ ടെണ്ടര്‍സ്വീകരിക്കും. ഫോണ്‍: 04994-255313.        

അനാഥരില്ലാത്ത ഭാരതം ജില്ലാ സമിതിയുടെ ആഭിമുഖ്യത്തില്‍ സ്വാതന്ത്ര്യ സമരസേനാനി കെ.ഇ.മാമ്മന്റെ സ്മരണാര്‍ത്ഥം കലക്ടറേറ്റ് പരിസരത്ത് ഓര്‍മ്മ മരമായി വരിക്ക പ്ലാവ് എ.ഡി.എം:എന്‍.ദേവീദാസ് നട്ടു. സംസ്ഥാനത്തെ എല്ലാ ജില്ലകളിലും ഒരു ലക്ഷം വരിക്ക പ്ലാവ് നടുന്ന പദ്ധതിയാണിത്. കാര്‍ഗില്‍ വിജയോത്സവത്തിന്റെ ഭാഗമായി മാവിന്‍ തൈ സ്വാതന്ത്യ സമര സേനാനി ക്യാപ്റ്റന്‍ കെ.എം.കെ.നമ്പ്യാര്‍  നട്ടു. ഡോ.ടി.എം.സുരേന്ദ്രനാഥിന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ സാമൂഹ്യപ്രവര്‍ത്തകനായ ഉസ്മാന്‍ കടവത്ത്, ബി.എം.ഹമീദ് ബദിയഡുക്ക എന്നിവര്‍ സംസാരിച്ചു. മധു മണിയാട്ട് സ്വാഗതവും മീഷാല്‍ റഹ്മാന്‍ നന്ദിയും പറഞ്ഞു.              

 പിഎസ്‌സി നടത്തിയ ലോവര്‍ ഡിവിഷന്‍ ക്ലര്‍ക്ക്, വില്ലേജ് അസിസ്റ്റന്റ്(ഭിന്നശേഷിക്കാര്‍ക്കായുള്ള പ്രത്യേക റിക്രൂട്ട്‌മെന്റ്, കാറ്റഗറി നമ്പര്‍ 413/2016) തസ്തികയുടെ സാധ്യത ലിസ്റ്റ് പ്രസിദ്ധീകരിച്ചു. ലിസ്റ്റ് ജില്ലാ ഇന്‍ഫര്‍മേഷന്‍ ഓഫീസില്‍ പരിശോധനയ്ക്ക് ലഭിക്കും.      

 മഞ്ചേശ്വരം താലൂക്ക് സപ്ലൈ ഓഫീസിനു കീഴിലുള്ള റേഷന്‍ കാര്‍ഡ് ഉടമകളില്‍ നിലയില്‍ മുന്‍ഗണനാ കാര്‍ഡുകള്‍ കൈവശംവച്ചിരിക്കുന്നവരില്‍ അനര്‍ഹാരായവര്‍ ജൂലൈ 31- നു മുന്‍പായി മഞ്ചേശ്വരം താലൂക്ക് സപ്ലൈ ഓഫീസില്‍ നേരിട്ട് ഹാജരായി കാര്‍ഡ് മാറ്റണമെന്ന് താലൂക്ക് സപ്ലൈ ഓഫീസര്‍ അറിയിച്ചു.    നിയമ നടപടികള്‍ ഒഴിവാക്കാനുള്ള അവസാന അവസരം ആയിരിക്കും ഇതെന്നും ഫീല്‍ഡ് പരിശോധനകളില്‍ അനര്‍ഹരെ കണ്ടെത്തി കഴിഞ്ഞാല്‍ കര്‍ശന നടപടികള്‍ സ്വീകരിക്കുമെന്നു സപ്ലൈ ഓഫീസര്‍ വ്യക്തമാക്കി.

കേരള-ലക്ഷദ്വീപ് തീരങ്ങളില്‍ പടിഞ്ഞാറുനിന്നും മണിക്കൂറില്‍ 35-45 കിലോമീറ്റര്‍ വേഗതയിലും ചില അവസരങ്ങളില്‍ മണിക്കൂറില്‍ 55 കിലോമീറ്റര്‍ വേഗതയിലും കാറ്റടിക്കുവാന്‍ സാധ്യതയുണ്ട്. അറബി കടലിന്റെ മധ്യഭാഗം, തെക്ക് പടിഞ്ഞാറ്, വടക്ക് എന്നിവടങ്ങളില്‍ കടല്‍ ക്ഷോഭത്തിന് സാധ്യതയുണ്ട്. ഈ ഭാഗത്ത് മത്സ്യബന്ധത്തിന് പോകരുതെന്ന് കാലാവസ്ഥ വിഭാഗം മുന്നറിയിപ്പ് നല്‍കി.     

 കോഴിക്കോട് ബേപ്പൂര്‍ നടുവട്ടത്തുളള ക്ഷീര വികസന വകുപ്പിന്റെ  പരിശീലന കേന്ദ്രത്തില്‍ കാസര്‍കോട്, മലപ്പുറം, കോഴിക്കോട്, വയനാട്, കണ്ണൂര്‍ ജില്ലകളിലുള്ള സംരംഭകര്‍ക്കും ക്ഷീരസംഘങ്ങള്‍ക്കും ക്ഷീര കര്‍ഷകര്‍ക്കും വേണ്ടി  പത്തു ദിവസത്തെ പാലുല്പന്ന നിര്‍മ്മാണ പരിശീലനം സംഘടിപ്പിക്കുന്നു.  ഈ മാസം 30 മുതല്‍ ആഗസ്റ്റ് ഒന്‍പതു വരെയാണ് പരിശീലനം.  വിവിധ പാലുല്പന്നങ്ങളായ പാല്‍പേഡ, ബര്‍ഫി, മില്‍ക്ക് ചോക്ലേറ്റ്, പനീര്‍, തൈര്, ഐസ്‌ക്രീം, ഗുലാബ് ജാമുന്‍ തുടങ്ങി ഇരുപത്തഞ്ചോളം നാടന്‍ പാലുല്പങ്ങളുടെ നിര്‍മ്മാണം പരിശീലനത്തില്‍ ഉള്‍പ്പെടുത്തിയിട്ടുണ്ട്.

കാസര്‍കോട് പോസ്റ്റ് ഓഫീസ് സുപ്രണ്ടിന്റെ ഓഫീസിലേക്ക് തപാലുകള്‍ കൊണ്ടുപോകുന്നതിന് 2018-19, 2019-20 വര്‍ഷത്തേക്ക് വാഹനങ്ങള്‍ നല്‍കാന്‍ തയ്യാറുള്ളവരില്‍ നിന്ന് ഓണ്‍ലൈന്‍ ടെണ്ടറുകള്‍ ക്ഷണിച്ചു. കരാര്‍ കലാവധി ഒരു വര്‍ഷം കൂടി ദീര്‍ഘിപ്പിക്കുവാനും സാധ്യതയുണ്ട്. ആഗസ്റ്റ് 20നകം ടെണ്ടറുകള്‍ സമര്‍പ്പിച്ചിരിക്കണം. ഫോണ്‍:04994 230885, 230746.
      

സീതാംഗോളി ഗവ. ഐ.ടി.ഐ യില്‍ ഈ വര്‍ഷത്തെ എസ്.സി.വി.ടി , വെല്‍ഡര്‍ (ഗ്യാസ് & ഇലക്ട്രിക്)  ട്രേഡിലേക്ക് പ്രവേശനത്തിനുള്ള അപേക്ഷ സമര്‍പ്പിക്കുന്നതിനുള്ള സമയം നീട്ടി. ഒരു വര്‍ഷ കോഴ്‌സായ വെല്‍ഡര്‍ ട്രേഡിലേക്ക് അപേക്ഷ സമര്‍പ്പിക്കാനുള്ള അവസാന തീയതി നാളെ(ഈ മാസം 28). അപേക്ഷാഫോറം ബാഡൂരിലുള്ള ഐ.ടി.ഐ ഓഫീസില്‍ നിന്നും ലഭിക്കും. ഫോണ്‍: 0499-8245099
            

മാതാപിതാക്കളുടെയും മുതിര്‍ന്ന പൗരന്‍മാരുടെയും സംരക്ഷണവും ക്ഷേമവും നിയമം 2007 പ്രകാരം സ്ഥാപിതമായ ജില്ലയിലെ മെയ്ന്റനന്‍സ് ട്രൈബ്യൂണലുകളിലേക്ക് കണ്‍സിലീയേഷന്‍ ഓഫീസര്‍മാരെ ആവശ്യമുണ്ട്. പ്രസ്തുത വിഷയത്തില്‍ നിയമ പരിജ്ഞാനമുള്ള സാമൂഹ്യമേഖലയില്‍ പ്രവര്‍ത്തിക്കുന്നവരില്‍ നിന്നും മുതിര്‍ന്ന പൗരന്മാരുടെയും ക്ഷേമത്തിനു വേണ്ടി പ്രവര്‍ത്തിക്കുന്ന വിവിധ സംഘടന ഭാരവാഹികളായവരില്‍ നിന്നും സൗജന്യ സേവനാടിസ്ഥാനത്തില്‍ പ്രവര്‍ത്തിക്കാന്‍ അപേക്ഷ ക്ഷണിച്ചു.

 റവന്യൂ റിക്കവറി നിയമ പ്രകാരം ജപ്തി ചെയ്ത കെ.എല്‍ 14 എഫ്-3781 നമ്പര്‍ മോട്ടോര്‍ സൈക്കിള്‍ (യമഹ-ലിബറോ-ബ്ലാക്ക്) ഈ മാസം 28 ന് രാവിലെ 11 മണിക്ക് കൊടക്കാട് വില്ലേജ് ഓഫീസില്‍ ലേലം ചെയ്യും. കൂടുതല്‍ വിവരങ്ങള്‍ ഹോസ്ദുര്‍ഗ് താലൂക്ക് ഓഫീസില്‍ നിന്നും കൊടക്കാട് വില്ലേജ് ഓഫീസില്‍ നിന്നും അറിയാം.