പെരിയ ജവഹര്‍ നവോദയ വിദ്യാലയത്തില്‍ 2018-19 അധ്യയന വര്‍ഷത്തിലേക്ക് 21.04.2018 ന് ആറാം ക്ലാസിലേക്ക് നടന്ന പ്രവേശന പരീക്ഷയുടെ പ്രൊവിഷണല്‍ ഫലം പ്രസിദ്ധീകരിച്ചു. പ്രൊവിഷണല്‍ ലിസ്റ്റില്‍ വന്ന കുട്ടികളും രക്ഷിതാക്കളും ഇന്ന്(27) രാവിലെ 11ന് ജവഹര്‍ നവോദയ വിദ്യാലയത്തില്‍ നടക്കുന്ന കൂടിക്കാഴ്ച്ചയ്ക്ക് ശേഷം അഡ്മിഷന്‍ ഫോര്‍മാറ്റ് കൈപ്പറ്റണമെന്ന് പ്രിന്‍സിപ്പാള്‍ അറിയിച്ചു. 
            

പള്ളിക്കര പഞ്ചായത്തില്‍ ഹരിത കേരള മിഷന്റെ ഭാഗമായി നടപ്പിലാക്കുന്ന ഹരിത കര്‍മ്മസേനയുടെ ഉദ്ഘാടനം കെ.കുഞ്ഞിരാമന്‍ എംഎല്‍എ നിര്‍വഹിച്ചു. പഞ്ചായത്തിലെ ലൈഫ് ഭവന പദ്ധതിയുടെ രണ്ടാം ഗഡു വിതരണം കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് എം. ഗൗരിയും നിര്‍വഹിച്ചു. പള്ളിക്കര പഞ്ചായത്തിലെ 22 വാര്‍ഡുകളിലും രണ്ടുവീതം സേനാംഗങ്ങളെ നിയമിച്ച് വീടുകളില്‍ച്ചെന്ന് പ്ലാസ്റ്റിക് ശേഖരിച്ച് വെളുത്തോളിയിലെ മാലിന്യ സംസ്‌ക്കരണ പ്ലാന്റില്‍ എത്തിക്കുന്ന പ്രവര്‍ത്തനത്തിനാണ് ഹരിതസേന തുടക്കംകുറിച്ചത്. പള്ളിക്കരയെ പ്ലാസ്റ്റിക വിമുക്തമാക്കുക എന്നതാണ് സേനയുടെ ലക്ഷ്യം.

 സംസ്ഥാന സാക്ഷരതാ മിഷന്‍ ആദ്യമായി നടത്തിയ ഹയര്‍സെക്കന്‍ഡറി തുല്യത പരീക്ഷയില്‍ ജില്ലയില്‍ 409 പേര്‍ മികച്ച വിജയം നേടി. പരീക്ഷ എഴുതിയ 463 പേരില്‍ നിന്നാണ് ഇത്രയും പേര്‍ വിജയിച്ചത്. വിജയശതമാനം 88.3.

കേരള നിയമസഭയുടെ പരിസ്ഥിതി സംബന്ധിച്ച സമിതി ആഗസ്റ്റ് 16 ന് രാവിലെ 10.30 മുതല്‍ കാസര്‍കോട് കളക്ടറേറ്റ് കോണ്‍ഫറന്‍സ് ഹാളില്‍ സിറ്റിംഗ് നടത്തും. ജില്ലയിലെ പരിസ്ഥിതി മലിനീകരണ പ്രശ്‌നങ്ങള്‍ സംബന്ധിച്ച് സമിതിയുടെ പരിഗണയിലുള്ള നിവേദനങ്ങളില്‍ ബന്ധപ്പെട്ട വകുപ്പില്‍ നിന്നും  തെളിവുകള്‍ നടത്തും. കൂടാതെ പരിസ്ഥിതി പ്രവര്‍ത്തകര്‍, പൊതുജനങ്ങള്‍ എന്നിവരില്‍ നിന്നും നിവേദനങ്ങള്‍ സ്വീകരിക്കും. തുടര്‍ന്ന് സമിതി അംഗങ്ങള്‍ കാഞ്ഞങ്ങാട്, നീലേശ്വരം, തൃക്കരിപ്പൂര്‍ എന്നിവിടങ്ങള്‍ സന്ദര്‍ശിക്കും.         
    

കൊച്ചി: ജില്ല കളക്ടര്‍ മുഹമ്മദ് വൈ സഫീറുള്ളയുടെ നേതൃത്വത്തില്‍ നടമ വില്ലേജ് ഓഫീസില്‍ നടന്ന താലൂക്ക്തല ജനസമ്പര്‍ക്ക പരിപാടി - പരിഹാരം 2018 - ല്‍ പരിഗണിച്ചത് 127  പരാതികള്‍. കണയന്നൂര്‍ താലൂക്കിലെ പരാതികളാണ് പരിഗണിച്ചത്. 

താലൂക്കിലെ റീസര്‍വേ സംബന്ധിച്ച പ്രശ്‌നങ്ങള്‍ പ്രതേ്യകമായി പരിഗണിക്കാനുള്ള നിര്‍ദേശത്തെ തുടര്‍ന്ന് ഇതു സംബന്ധിച്ച ഫയലുകളില്‍ കഴിഞ്ഞ രണ്ടു മാസമായി ദ്രുതഗതിയില്‍ നടപടികളെടുത്തിരുന്നു. കഴിഞ്ഞമാസം തീര്‍പ്പായ റീസര്‍വേ സംബന്ധിച്ച 153 ഫയലുകളിലെ ഉത്തരവ് പരാതിക്കാര്‍ക്ക് പരിഹാരത്തോടനുബന്ധിച്ച് വിതരണം ചെയ്തു.

    കോഴിക്കോട് ആസ്ഥാനമായ കിര്‍ടാര്‍ഡ്‌സില്‍ കേന്ദ്രധനസഹായത്തോടെ നടത്തുന്ന വിവിധ പ്രോജക്ടുകള്‍ക്കായി താത്കാലികാടിസ്ഥാനത്തില്‍ പ്രവര്‍ത്തിക്കാന്‍ നിശ്ചിതയോഗ്യതയുള്ളവരെ തിരഞ്ഞെടുക്കുന്നു.
    റിസര്‍ച്ച് അസോസിയേറ്റ് (ആന്ത്രോപ്പോളജി), റിസര്‍ച്ച് അസോസിയേറ്റ് (നാച്വറല്‍ റിസോഴ്‌സസ്/സോഷ്യല്‍ ഡെവലപ്‌മെന്റ്), റിസര്‍ച്ച് ഫെല്ലോ (ഹാംലറ്റ് ഡെവലപ്‌മെന്റ്), കമ്പ്യൂട്ടര്‍ ഓപ്പറേറ്റര്‍ എന്നിവരുടെ ഓരോ ഒഴിവുകളാണുള്ളത്.

    'നിരാമയ' ഇന്‍ഷുറന്‍സ് പദ്ധതിയിലേക്ക് ഗുണഭോക്താക്കള്‍ യാതൊരു തുകയും അടയ്‌ക്കേണ്ടതില്ലെന്നും പ്രീമിയം ഈടാക്കാന്‍ ഒരു സംഘടനയെയും ചുമതലപ്പെടുത്തിയിട്ടില്ലെന്നും സാമൂഹികനീതി വകുപ്പ് അറിയിച്ചു.
    നിരാമയ ഇന്‍ഷുറന്‍സ് പ്രീമിയത്തിന്റെ എല്ലാ ചെലവുകളും സംസ്ഥാന സര്‍ക്കാരാണ് വഹിക്കുന്നത്. നാഷണല്‍ ട്രസ്റ്റ് ആക്ടിന്റെ പരിധിയില്‍ വരുന്ന വൈകല്യങ്ങളായ ഓട്ടിസം, സെറിബ്രല്‍ പാള്‍സി, മെന്റല്‍ റിട്ടാര്‍ഡേഷന്‍, മള്‍ട്ടിപ്പിള്‍ ഡിസെബിലിറ്റി എന്നിവ ബാധിച്ചവര്‍ക്ക് ആരോഗ്യ പരിരക്ഷ നല്‍കുന്നതിനായി സംസ്ഥാന സര്‍ക്കാരിന്റെ ധനസഹായത്തോടെ നാഷണല്‍ ട്രസ്റ്റ് മുഖേനയാണ് പദ്ധതി നടപ്പാക്കുന്നത്.

    ജൂലൈ 2018 കെ.ജി.റ്റി (കൊമേഴ്‌സ് ഗ്രൂപ്പ്) പരീക്ഷാ തീയതി മാറ്റം വരുത്തിയതായി പരീക്ഷാഭവന്‍ സെക്രട്ടറി അറിയിച്ചു. ആഗസ്റ്റ് 13 മുതല്‍ 23 വരെയാണ് പരീക്ഷ. വിശദവിവരം പരീക്ഷാഭവന്‍ വെബ്‌സൈറ്റില്‍ ലഭിക്കും.
പി.എന്‍.എക്‌സ്.3175/18
 

    തിരുവനന്തപുരം കോളേജ് ഓഫ് എന്‍ജിനിയറിംഗില്‍ കമ്പ്യൂട്ടര്‍ സയന്‍സ് ആന്റ് എന്‍ജിനിയറിംഗ് വിഭാഗത്തില്‍ അഡ്‌ഹോക് അസിസ്റ്റന്റ് പ്രൊഫസറുടെ ഒഴിവുണ്ട്. എഴുത്ത് പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് നിയമനം. കമ്പ്യൂട്ടര്‍ സയന്‍സ്, ഇന്‍ഫര്‍മേഷന്‍ ടെക്‌നോളജിയില്‍ 60 ശതമാനം മാര്‍ക്കോടെ ബി.ടെക്, എം.ടെക് ബിരുദം ഉള്ളവര്‍ വിശദമായ ബയോഡേറ്റ, സര്‍ട്ടിഫിക്കറ്റുകളുടെ അസല്‍, വയസുതെളിയിക്കുന്ന സര്‍ട്ടിഫിക്കറ്റ് എന്നിവ സഹിതം 30 ന് രാവിലെ 10ന് കമ്പ്യൂട്ടര്‍ സയന്‍സ് വിഭാഗത്തില്‍ എത്തണം. ഫോണ്‍: 0471 2515564.
പി.എന്‍.എക്‌സ്.3174/18

    വട്ടിയൂര്‍ക്കാവ് സെന്‍്രടല്‍ പോളിടെക്‌നിക്കില്‍ രണ്ടു വര്‍ഷം ദൈര്‍ഘ്യമുള്ള ടെക്‌സ്റ്റെല്‍ ടെക്‌നോളജി സര്‍ട്ടിഫിക്കറ്റ് കോഴ്‌സിലേക്ക് അപേക്ഷ ക്ഷണിച്ചു.  ആഗസ്റ്റ് നാലിന് വൈകിട്ട് അഞ്ച് വരെ സ്വീകരിക്കും. അപേക്ഷകര്‍ എട്ടാം ക്ലാസ് വിജയിച്ചവരായിരിക്കണം. എസ്.എസ്.എല്‍.സിയോ തത്തുല്യ പരീക്ഷയോ വിജയിച്ചവര്‍ക്ക് മുന്‍ഗണന.  അപേക്ഷാഫോറം പത്തു രൂപയ്ക്ക് സെന്‍ട്രല്‍ പോളിടെക്‌നിക് കോളേജിന്റെ ഓഫീസില്‍ ലഭിക്കും.
പി.എന്‍.എക്‌സ്.3173/18