ആലപ്പുഴ: കുട്ടനാട്ടിൽ പച്ചക്കറി ക്ഷാമം നേരിടുന്ന ക്യാമ്പുകളിൽ ബോട്ടുകളിൽ പച്ചക്കറി എത്തിച്ചുതുടങ്ങിയതായും പാചക വാതക സിലണ്ടറുകൾ കൃത്യമായി ക്യാമ്പിൽ എത്തുന്നുണ്ടെന്ന് ഉറപ്പാക്കാൻ ഉദ്യോഗസ്ഥരെ ചുമതലപ്പെടുത്തിയെന്നും മന്ത്രി ജി.സുധാകരൻ. കുട്ടനാട്ടിലേയും അമ്പലപ്പുഴയിലേയും വെള്ളക്കെടുതി നേരിടുന്ന ക്യാമ്പുകളും ഗ്രീവൽ സെന്ററുകളും സന്ദർശിക്കുകയായിരുന്നു മന്ത്രി. ക്യാമ്പുകളിൽ മികച്ച ഭക്ഷണമാണ് ലഭിക്കുന്നതെന്ന് ക്യാമ്പംഗങ്ങൾ തന്നോട് പറഞ്ഞതായും മന്ത്രി പറഞ്ഞു. 

ആലപ്പുഴ: കുട്ടനാട്ടിൽ ഭക്ഷ്യസാധനങ്ങളും പലവ്യഞ്ജനങ്ങളും ലഭിക്കാൻ ബുന്ധിമുട്ടുള്ള വില്ലേജുകളിൽ ജില്ല ഭരണകൂടവും ഹോർട്ടി കോർപ്പും സഹകരിച്ച് പലവ്യഞ്ജനങ്ങൾ ബോട്ടിൽ എത്തിച്ചുതുടങ്ങി. ഇതിന്റെ ആദ്യ പടിയായി കുട്ടനാട് താലൂക്ക് ഓഫീസിന്റെ ആഭിമുഖ്യത്തിൽ 150 പലവ്യഞ്ജന കിറ്റുകൾ ബോട്ടിൽ ശേഖരിച്ച് വിതരണം ചെയ്തു. ഓരോ കിറ്റിലും ആയിരം രൂപയ്ക്ക് വരെയുള്ള പച്ചക്കറികളാണുള്ളത്.  ക്യാമ്പിന്റെ വലിപ്പം അനുസരിച്ച് കൂടുതൽ വലിയ സഞ്ചികൾ നൽകുന്നുണ്ട്.  ഒരു ക്യാമ്പിലേക്ക് ഒരു കിറ്റ് എന്ന രീതിയിലാണ് വിതരണം. 

ആലപ്പുഴ: ദേശീയ ആരോഗ്യദൗത്യം,  സംസ്ഥാന ജലഗതാഗതവകുപ്പ് എന്നിവയുടെ സംയുക്ത സംരംഭമായി ആലപ്പുഴയിലെ വെള്ളപ്പൊക്ക ദുരിതബാധിത മേഖലയിൽ പ്രത്യേകിച്ച് കുട്ടനാടിന്റെ വിവിധ ഭാഗങ്ങളിൽ  അടിയന്തര വൈദ്യസഹായമെത്തിക്കാനായി അത്യാധുനിക സൗകര്യങ്ങളോടെയുള്ള  ജലആംബുലൻസ് പ്രവർത്തിച്ചുതുടങ്ങി.  ജല ആംബുലൻസിന്റെ ജില്ലാതല ഉദ്ഘാടനം കെ.എസ്.ആർ.ടി.സി. ബസ് സ്റ്റാന്റ് പരിസരത്ത് പൊതുമരാമത്തുമന്ത്രി ജി.സുധാകരൻ നിർവഹിച്ചു. കുട്ടനാട്ടിലെ വെള്ളപ്പൊക്കക്കെടുതിക്ക് പരമാവധി തണലേകാൻ സർക്കാർ എല്ലാ വിധത്തിലും ശ്രമിച്ചുവരുന്നതായി മന്ത്രി പറഞ്ഞു. വാട്ടർ ആംമ്പുലൻസ് വരും ദിവസങ്ങളിൽ മുന്നെണ്ണം കൂടി സജ്ജമാക്കുമെന്ന് മന്ത്രി വ്യക്തമാക്കി.

കുട്ടനാട് പാക്കേജിന്റെ ഭാഗമായി നിർമ്മിച്ച തണ്ണിർമുക്കം ബണ്ടിന്റെ മൂന്നാംഘട്ടം പൂർത്തിയായിട്ടും ഉദ്ഘാടനം നടത്താത്തത് മുഖ്യമന്ത്രിയുടെ സമയം കിട്ടാത്തതുകൊണെന്ന് ഒരു ദൃശ്യമാധ്യമം നൽകിയ വാർത്ത തീർത്തും അടിസ്ഥാനരഹിതമാണെന്ന് മുഖ്യമന്ത്രിയുടെ ഓഫീസ് പത്രക്കുറിപ്പിൽ അറിയിച്ചു.

ആലപ്പുഴ: കേരള നിയമസഭയുടെ പട്ടികജാതി/പട്ടികവർഗ ക്ഷേമ സമിതി ഇന്ന് (ജൂലൈ 26ന്) വ്യാഴാഴ്ച രാവിലെ 10.30ന് കളക്ടറേറ്റ് കോൺഫറൻസ് ഹാളിൽ യോഗം ചേരും. ജില്ലയിൽ നിന്ന് സമതിക്ക് ലഭിച്ച ഹർജികളിന്മേൽ ബന്ധപ്പെട്ട ജില്ലാതല ഉദ്യോഗസ്ഥരിൽ നിന്നും തെളിവെടുക്കും. പട്ടികജാതി-വർഗ വിഭാഗങ്ങൾ, അവരുടെ സംഘടനാ പ്രതിനിധികൾ എന്നിവരിൽ നിന്നും പരാതികൾ സ്വീകരിക്കും. എല്ലാ ജില്ലാതല ഓഫീസർമാരും പങ്കെടുക്കണം.

(പി.എൻ.എ. 1995/2018)

ആലപ്പുഴ: ഡോക്ക് വലിച്ച് മാറ്റുന്നത് വൈകിയതിനാൽ മൂംബെയിൽ തയ്യാറായി നിന്നിരുന്ന ടഗ്ഗ് വരാൻ കഴിയില്ല എന്നറിയിച്ച സാഹചര്യത്തിൽ അൽഫത്താൻ 11 എ ടഗ്ഗും നാലു ഫിഷിങ്ങ് ട്രോളറുകളും ഉപയോഗിച്ച് പുപ്രയിലടിഞ്ഞ ഡോക്ക് വലിച്ച് മാറ്റുതിനുളള ശ്രമം നടത്തുമെന്ന്  പോർട്ട് ഓഫീസർ അറിയിച്ചു.  രാത്രി വേലിയേറ്റ സമയത്ത് മാറ്റാനാണ് തീരുമാനിച്ചിട്ടുള്ളതെന്ന് ക്യാപ്റ്റൻ ഹരി അച്യൂത വാര്യർ അറിയിച്ചു.  ട്രോളിംഗ് നിരോധന കാലമായതിനാൽ കൊല്ലം കളക്ടറുടെ പ്രത്യേക അനുമതിയോടെയാണ് ട്രോളറുകൾ ആലപ്പുഴയിലെത്തിക്കുന്നത്.

ആലപ്പുഴ: ദുരിതമൊഴിയാത്ത കുട്ടനാട്ടിലേക്ക്  സഹായഹസ്തവുമായി കെഎസ്എഫ്ഇ. 20 ലക്ഷം രൂപയുടെ മരുന്നും 5000 സാനിറ്ററി നാപ്കിൻ പാഡുകളുമാണ് കെഎസ്എഫ്ഇ ജില്ല ഭരണകൂടത്തെ ഏൽപ്പിച്ചത് . സംസ്ഥാന ധനകാര്യ മന്ത്രിയുടെ നിർദ്ദേശപ്രകാരമാണ് കെ.എസ്.എഫ്.ഇ മരുന്നുകൾ എത്തിച്ചത്. കെ.എസ്.എഫ്.ഇ  ആലപ്പുഴ റീജണൽ ഓഫീസിലെ റീജിയണൽ മാനേജർ സാബു ജി മരുന്നുകളും മറ്റും ഡി.എം.ഒ.ഓഫീസ് അധികാരികൾക്ക് കൈമാറി.

(പി.എൻ.എ. 1992/2018)

സ്വാതന്ത്ര്യസമര സേനാനി കെ.ഇ മാമന്റെ ഒന്നാം ചരമ ദിനമായ ഇന്ന്       (ജൂണ്‍ 26) സംസ്ഥാന സര്‍ക്കാര്‍ സ്ഥാപനങ്ങളിലും വിദ്യാലയങ്ങളിലും ഫവലൃക്ഷത്തൈകള്‍ നടും. ആശ്രയ പ്രസ്ഥാനത്തിന്റെ നേതൃത്വത്തിലാണ് പരിപാടി സംഘടിപ്പിക്കുന്നത്.  ജില്ലാതല ഉദ്ഘാടനം രാവിലെ 10 ന് ജില്ലാ കലക്ടര്‍ അമിത് മീണ കലക്ടറേറ്റില്‍ തൈ നട്ടുകൊണ്ട് നിര്‍വഹിക്കും. മുഖ്യമന്ത്രി പിണറായി വിജയന്‍ സെക്രട്ടേറിയറ്റ് അങ്കണത്തില്‍ തൈ നട്ടുകൊണ്ടാണ് സംസ്ഥാനതല ഉദ്ഘാടനം നിര്‍വഹിക്കുക.

ആലപ്പുഴ: ജില്ലയിൽ കുട്ടനാട് താലൂക്കിൽ ഭൂരിഭാഗം പ്രദേശങ്ങളിലും വെള്ളക്കെട്ട് നിലനൽക്കുന്നതിനാൽ താലൂക്കിലെ പ്രൊഫഷണൽ കോളേജുൾപ്പടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും മറ്റു താലൂക്കുകളിൽ ദുരിതാശ്വാസക്യാമ്പായി പ്രവർത്തിക്കുന്ന എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് (ജൂലൈ26) അവധി പ്രഖ്യാപിച്ച് ജില്ല കളക്ടർ ഉത്തരവായി.

(പി.എൻ.എ. 1991/2018)

ആലപ്പുഴ: ദുരിതാശ്വാസ മേഖലയിൽ വീഴ്ച വരുത്തുന്നവർക്കെതിരെ കർശന നടപടി ഉണ്ടാകുമെന്ന് പൊതുമരാമത്ത്മന്ത്രി ജി.സുധാകരൻ മുന്നറിയിപ്പു നൽകി. ജില്ലയിലെ ദുരിതാശ്വാസ പ്രവർത്തനം വളരെ മെച്ചപ്പെട്ട നിലയിലാണ് നടക്കുന്നത്. മുമ്പെങ്ങും കണ്ടിട്ടില്ലാത്ത തരത്തിലുള്ള ഏകോപനവും ഉദ്യോഗസ്ഥ സമീപനവും കാണാനായി. എന്നാൽ ചുരുക്കം ചിലയിടങ്ങളിൽ ഉദ്യോഗസ്ഥരുടെ ഭാഗത്തു നിന്ന് വേണ്ടത്ര സജീവമായ ഇടപെടലല്ല ഉണ്ടായത്.  വെള്ളമിറങ്ങിത്തുടങ്ങിയതോടെ വരും ദിവസങ്ങൾ  വെല്ലുവിളി നിറഞ്ഞതാകും.