മാറഞ്ചേരി ഗവണ്‍മെന്റ് ഐ.ടി.ഐ.യില്‍ ഡി.റ്റി.പി.ഒ. ട്രേഡില്‍ രണ്ട് ഗസ്റ്റ് ഇന്‍സ്ട്രക്റ്റര്‍മാരുടെ ഒഴിവുകളുണ്ട്. ബന്ധപ്പെട്ട ട്രേഡില്‍ പ്രിന്റിംഗ് ടെക്‌നോളജി ഡിപ്ലോമയും രണ്ട് വര്‍ഷത്തെ പ്രവൃത്തിപരിചയവും അല്ലെങ്കില്‍ പ്രിന്റിംഗ് ടെക്‌നോളജി എഞ്ചിനീയറിങില്‍ ബിരുദവും ഒരു വര്‍ഷത്തെ പ്രവൃത്തിപരിചയവുമാണ്  യോഗ്യത.  താല്‍പര്യമുളളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ആഗസ്റ്റ് രണ്ടിന് രാവിലെ 11 ന്  ഐ.ടി.ഐയില്‍ എത്തണം. ഫോണ്‍ 04942676925.

     മാറഞ്ചേരി ഗവണ്‍മെന്റ് ഐ.ടി.ഐ.യില്‍ ഡി.റ്റി.പി.ഒ. ട്രേഡില്‍ രണ്ട് ഗസ്റ്റ് ഇന്‍സ്ട്രക്റ്റര്‍മാരുടെ ഒഴിവുകളുണ്ട്. ബന്ധപ്പെട്ട ട്രേഡില്‍ പ്രിന്റിംഗ് ടെക്‌നോളജി ഡിപ്ലോമയും രണ്ട് വര്‍ഷത്തെ പ്രവൃത്തിപരിചയവും അല്ലെങ്കില്‍ പ്രിന്റിംഗ് ടെക്‌നോളജി എഞ്ചിനീയറിങില്‍ ബിരുദവും ഒരു വര്‍ഷത്തെ പ്രവൃത്തിപരിചയവുമാണ്  യോഗ്യത.  താല്‍പര്യമുളളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ആഗസ്റ്റ് രണ്ടിന് രാവിലെ 11 ന്  ഐ.ടി.ഐയില്‍ എത്തണം. ഫോണ്‍ 04942676925.

ആലപ്പുഴ: തുറവൂർ മുതൽ കഴക്കൂട്ടം വരെയുള്ള ദേശീയപാതയുടെ നാലുവരിയാക്കലുമായി ബന്ധപ്പെട്ട്  ജില്ലയിലെ പാതയുടെ  അതിർത്തി കല്ലിടൽ ജോലികൾ ഓഗസ്റ്റ് ഒന്നു മുതൽ ആരംഭിക്കുമെന്ന് ദേശീയപാത  അതോറിറ്റി ഓഫ് ഇൻഡ്യ പ്രോജക്ട് ഡയറക്ടർ ഉറപ്പു നൽകി.   പൊതുമരാമത്ത് -രജിസ്‌ട്രേഷൻ വകുപ്പ്  മന്ത്രി ജി. സുധാകരന്റെ അധ്യക്ഷതയിൽ കളക്ടറേറ്റിൽ ചേർന്ന യോഗത്തിലാണ് തീരുമാനം.  ദേശീയ പാതയുടെ  സെൻട്രൽ ലൈൻ മാർക്കിങ് മുപ്പതിന് ആരംഭിക്കുവാനും തീരുമാനിച്ചു. നിലവിൽ മൂന്നു എ നോട്ടിഫിക്കേഷൻ വരെയാണ് നടന്നിട്ടുള്ളത്. ജില്ലയിൽ 83 കിലോമീറ്ററാണ് വികസന പദ്ധതിയിലുള്ളത്.

ആലപ്പുഴ: വെള്ളം കയറിയതിനെത്തുടർന്ന് ഗതാഗതം താറുമറായ ആലപ്പുഴ-ചങ്ങനാശ്ശേരി റോഡിലെ വെള്ളക്കെട്ട് ഒഴിവാക്കുന്നതിന് വെള്ളം വറ്റിക്കാനുള്ള നടപടി തുടങ്ങി. പൊതുമരാമത്ത് വകുപ്പു മന്ത്രി ജി. സുധാകരന്റെ നേതൃത്വത്തിൽ കളക്ടറേറ്റിൽ ചേർന്ന അടിയന്തിരയോഗമാണ് തീരുമാനമെടുത്തത്. ഇതിനായി എഴുകാട്,പടച്ചാൽ എന്നിവിടങ്ങളിലെ മട കുത്തും. അഗ്രിക്കൾച്ചർ എൻജിനീയറിങ് വിഭാഗമമാണ് മടകുത്തേണ്ടതെങ്കിലും അടിയന്തിര സ്വഭാവം പരിഗണിച്ച് രണ്ടിടത്തും മടകുത്താനുള്ള ചുമതല ഇറിഗേഷൻ വകുപ്പിനെ ഏൽപ്പിക്കാൻ  മന്ത്രി നിർദ്ദേശം നൽകി. ഇതിനാവശ്യമായ തുക സർക്കാർ വഹിക്കുമെന്ന് മന്ത്രി പറഞ്ഞു.

ആലപ്പുഴ: ജില്ലയിലെ ദുരിതാശ്വാസ പ്രവർത്തനത്തിൽ മിൽമയും പങ്കാളിയാകുന്നു. അഞ്ചു ലക്ഷം  രൂപ വിലവരുന്ന ഭക്ഷ്യവസ്തുക്കളും കാലിത്തീറ്റയും ദുരിതബാധിത മേഖലയ്ക്കായി അവർ കൈമാറും. ഇന്ന് (ജൂലൈ 26) രാവിലെ 11ന് മിൽമ ചെയർമാൻ പി.ടി. ഗോപാലക്കുറുപ്പ് ജില്ല കളക്ടർ എസ്. സുഹാസിന് ഇവ കൈമാറും.   കളക്ടറേറ്റിൽ നടക്കുന്ന ചടങ്ങിൽ മിൽമ എം.ഡി. ഡോ.പി. പുകഴേന്തി, യൂണിയൻ മേഖല ചെയർമാൻ കല്ലട രമേശ്, ബോർഡംഗങ്ങളായ എസ്.

ആലപ്പുഴ-ചങ്ങനാശ്ശേരി റോഡിലെ വെള്ളക്കെട്ട് നീക്കുന്നതിന് പമ്പിങ് ആരംഭിച്ചിട്ടുള്ളതായി മന്ത്രി ജി.സുധാകരൻ പറഞ്ഞു. വരുംദിവസങ്ങളിൽ രണ്ടുമൂന്ന് പമ്പുകൾ ഉപയോഗിച്ച് വെള്ളം പമ്പ് ചെയ്ത് നീക്കാനാണ് ശ്രമിക്കുന്നത്. ബണ്ടുകളുടെ വിഷയം കൃഷിമന്ത്രിയുടെ ശ്രദ്ധയിൽപ്പെടുത്തിയിട്ടുണ്ട്. മുറിഞ്ഞ ബണ്ട് തിരികെ കിട്ടാൻ ആറു ലക്ഷം മുതൽ പത്ത് ലക്ഷം വരെ വേണ്ടിവരും. രണ്ടുലക്ഷം രൂപയെങ്കിലും മുൻകൂറായി നൽകുന്നതിന് നടപടി എടുക്കണമെന്നാണ് കൃഷിമന്ത്രിയോട്  ആവശ്യപ്പെട്ടിട്ടുള്ളതെന്ന് മന്ത്രി പറഞ്ഞു. ബണ്ടുകളുടെ കാര്യത്തിൽ പ്രത്യേക ശ്രദ്ധ വേണമെന്ന് മുഖ്യമന്ത്രിയും നിർദ്ദേശിച്ചിരുന്നു.

കുട്ടനാട് ദുരിതമേഖലയിൽ നിന്ന് വെള്ളം ഇറങ്ങുന്ന മുറയ്ക്ക് ആരോഗ്യവകുപ്പിന്റെ നേതൃത്വത്തിൽ കൂടുതൽ ശ്രദ്ധയോടെ പ്രവർത്തനങ്ങൾ ആവിഷ്‌കരിക്കുമെന്ന് പൊതുമരാമത്ത് വകുപ്പ് മന്ത്രി ജി.സുധാകരൻ പറഞ്ഞു ബുധനാഴ്ച  ക്യാമ്പ് സന്ദർശിക്കുന്നതിന് മുന്നോടിയായി മാധ്യമങ്ങളോടു സംസാരിക്കുകയായിരുന്നു മന്ത്രി. ദുരിതാശ്വാസ പ്രവർത്തനങ്ങൾ ശക്തമായി തുടരും. ജില്ലാ കളക്ടറും എഡിഎമ്മും ആർ.ഡി.ഓയും ചേർന്ന് സംഘം മികച്ച രീതിയിലാണ് പ്രവർത്തനങ്ങൾ മുന്നോട്ടു കൊണ്ടു പോകുന്നത്.  'കഴിഞ്ഞ രണ്ടു ദിവസങ്ങളിലായി എഴുപതോളം ക്യാമ്പുകളിൽ താൻ നേരിട്ട് സന്ദർശനം നടത്തിയിട്ടുണ്ട്. അവിടങ്ങളിലെ സ്ഥിതി മികച്ചതാണ്.

ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്റര്‍ മുഖേന പ്രമുഖ ഹോസ്പിറ്റലിലേക്ക് സൈക്കോളജിസ്റ്റ്, നഴ്‌സ്, നഴ്‌സിങ് അസിസ്റ്റന്റ്, സോഷ്യല്‍വര്‍ക്കര്‍, ഫാര്‍മസിസ്റ്റ്, മാനേജ്‌മെന്റ് ട്രെയിനി,  ലാബ് ടെക്‌നിഷ്യന്‍ അറ്റന്‍ഡര്‍, സെക്യൂരിറ്റി എന്നീ തസ്തികകളിലേക്ക് ഉദ്യോഗാര്‍ത്ഥികളെ ആവശ്യമുണ്ട്.
എംപ്ലോയബിലിറ്റി സെന്ററില്‍ ജൂലൈ 28ന് രാവിലെ 10 ന് നടക്കുന്ന അഭിമുഖത്തില്‍  എസ്.എസ്.എല്‍.സി, പ്ലസ്ടു, ഡിഗ്രി  യോഗ്യത ഉള്ളവര്‍ക്ക് പങ്കെടുക്കാം. ഫോണ്‍ : 04832 734 737.

കുട്ടനാട്ടിലെ വെള്ളപ്പൊക്ക ദുരിതബാധിത മേഖലകളിൽ വിദഗ്ധ ചികിത്സ  ലഭ്യമാക്കുന്നതിനായി ദേശീയ ആരോഗ്യ ദൗത്യത്തിന്റെയും  ആലപ്പുഴ മെഡിക്കൽ കോളജിലെയും ജില്ലാ മെഡിക്കൽ ഓഫീസിന്റെയും  നേതൃത്വത്തിൽ നാൽപ്പതംഗ ഡോക്ടർമാരുടെ  സംഘം കുട്ടനാട് മേഖല സന്ദർശിച്ച് മെഡിക്കൽ ക്യാമ്പുകൾക്ക് നേതൃത്വം നൽകിത്തുടങ്ങി. ഇന്നലെ രാവിലെ പ്രത്യേക ബോട്ടിലാണ് സംഘം ക്യാമ്പ് സന്ദർശനത്തിന് ഇറങ്ങിയത്. പൊതുമരാമത്ത് വകുപ്പ് മന്ത്രി ജി.സുധാകരൻ ഡോക്ടർമാരുടെ സംഘത്തെ യാത്രയാക്കാൻ എത്തിയിരുന്നു.

കോഡൂര്‍ ഗ്രാമപഞ്ചായത്തിന്റെ കമ്പ്യൂട്ടര്‍ പരിശീലന കേന്ദ്രത്തില്‍ സി-ഡിറ്റ് നടത്തുന്ന വിവിധ കോഴ്‌സുകളിലേക്ക് അപേക്ഷ ക്ഷണിച്ചു.