കേരള ബീഡി-ചുരുട്ട് തൊഴിലാളി ക്ഷേമനിധിയില്‍ അംഗങ്ങളായി അംശദായം അടച്ച് വരുന്ന തൊഴിലാളികള്‍, സ്വയം തൊഴിലില്‍ ഏര്‍പ്പെട്ടിരിക്കുന്നവര്‍ എന്നിവരില്‍ നിന്നും പൂരക വേതനത്തിന് അപേക്ഷ ക്ഷണിച്ചു. അപേക്ഷ ആഗസ്റ്റ് നാലിനകം ചീഫ്      എക്‌സിക്യൂട്ടീവ് ഓഫീസറുടെ കാര്യാലയത്തില്‍ എത്തണം. അപേക്ഷാഫോം ബന്ധപ്പെട്ട തൊഴിലുടമ,സ്ഥാപനങ്ങളില്‍ നിന്ന് ലഭിക്കും. തൊഴിലുടമകളുടെ സാക്ഷ്യപത്രം സഹിതമാണ് അപേക്ഷ നല്‍കേണ്ടത്. സ്വയം തൊഴിലില്‍ ഏര്‍പ്പെട്ടവര്‍ ബന്ധപ്പെട്ട മേഖലയിലെ രജിസ്‌ട്രേഡ് ട്രേഡ് യൂനിയനുകളുടെ സാക്ഷ്യപത്രം സഹിതം   അപേക്ഷിക്കണം.  ഫോണ്‍: 0497 2706133

            
    കേരളോത്സവ പ്രചരണത്തിന്റെ ഭാഗമായി സംസ്ഥാന യുവജനക്ഷേമബോര്‍ഡും ജില്ലാ യുവജനകേന്ദ്രവും സംയുക്തമായി സെവന്‍സ് ഫുട്‌ബോള്‍ ടൂര്‍ണ്ണമെന്റ് സംഘടിപ്പിക്കും. താല്പര്യമുള്ള ക്ലബ്ബുകള്‍  ജൂലായ് 30 നകം  യുവജനക്ഷേമ ബോര്‍ഡ്  ജില്ലാ ഓഫീസില്‍ അപേക്ഷ സമര്‍പ്പിക്കണം. ഫോണ്‍  - 0495-2373371.

       വേങ്ങേരി കര്‍ഷക പരിശീലന കേന്ദ്രത്തിന്റെ നേതൃത്വത്തില്‍ ഈ മാസം 26 ,27 ,28  തിയതികളില്‍ മണ്ണ് പരിപോഷണം എന്ന വിഷയത്തില്‍ 30 കര്‍ഷകര്‍ക്ക് പരിശീലനം നടത്തും. താല്‍പര്യമുള്ളവര്‍ പേര് രജിസ്റ്റര്‍ ചെയ്യണം. ഫോണ്‍:  04952373582. 
                                               

കൊയിലാണ്ടി താലൂക്കില്‍ അനര്‍ഹമായി മുന്‍ഗണനാ കാര്‍ഡുകള്‍ കൈവശമുള്ള കാര്‍ഡുടമകളെകുറിച്ച് (സര്‍ക്കാര്‍ പൊതുമേഖലാ ജീവനക്കാര്‍, സര്‍വ്വീസ് പെന്‍ഷണര്‍, 1000 ചതുരശ്ര അടിക്കുമേല്‍ വിസ്തീര്‍ണ്ണമുള്ള വീടുള്ളവര്‍, ഒരേക്കറിനുമുകളില്‍ ഭൂമിയുള്ളവര്‍, നാലുചക്രവാഹനമുള്ളവര്‍, 25,000 രൂപയ്ക്കുമേല്‍ പ്രതിമാസ വരുമാനമുള്ളവര്‍, ആദായനികുതി ഒടുക്കുന്നവര്‍).  പൊതുജനങ്ങള്‍ക്ക് താഴെ പറയുന്ന ഫോണ്‍ നമ്പറുകളില്‍ സ്വയം പേര് വെളിപ്പെടുത്താതെ അറിയിക്കാവുന്നതാണ്.

ആരോഗ്യ പൂര്‍ണമായ പരിസ്ഥിതി ആരോഗ്യമുള്ള ജനത എന്ന സന്ദേശവുമായി സംസ്ഥാനത്തിന്റെ തനത് ഔഷധസസ്യ സമ്പത്ത് പരിപോഷിക്കുന്നതിന് ജില്ലയില്‍ ഗൃഹചൈതന്യം പദ്ധതി വ്യാപിപ്പിക്കും. സംസ്ഥാന ഔഷധസസ്യ ബോര്‍ഡ് മഹാത്മാഗാന്ധി ദേശീയ ഗ്രാമീണ തൊഴിലുറപ്പ്  പദ്ധതിയുമായി സഹകരിച്ചാണ് ഗ്രാമപഞ്ചായത്തുകളെ ഔഷധസസ്യ ഗ്രാമമാക്കുന്നതിന് ലക്ഷിമിട്ട് പദ്ധതി നടപ്പാക്കുന്നത്. ഒരു വീട്ടില്‍ ഒരു കറിവേപ്പും വേപ്പുമാണ് പദ്ധതി വഴി വിതരണം ചെയ്യുന്നത്. ആദ്യ ഘട്ടത്തില്‍  ജില്ലയിലെ 36 പഞ്ചായത്തുകളില്‍ തൈ വിതരണം നടത്തും. അടുത്ത വര്‍ഷം ഗൃഹചൈതന്യം പദ്ധതി ജില്ലയിലെ മുഴുവന്‍ വീടുകളിലേക്കും വ്യാപിപ്പിക്കും. 

കേരള വനിതാ കമ്മീഷന്റെ കോഴിക്കോട് ജില്ലയിലെ അദാലത്ത് ഇന്നും ( ജൂലായ് 25) നാളെയുമായി രാവിലെ 10.30 മുതല്‍ കലക്ടറേറ്റ് കോണ്‍ഫറന്‍സ് ഹാളില്‍ നടക്കും.
 

രാഷ്ട്രീയ സാമൂഹ്യ ചലനം സൃഷ്ടിക്കാന്‍ ഏറ്റവും സാധ്യതയുള്ള മാധ്യമങ്ങളാണ് ഡോക്യുമെന്ററികളും ഹ്രസ്വചിത്രങ്ങളുമെന്ന് സ്പീക്കര്‍ പി. ശ്രീരാമകൃഷ്ണന്‍ പറഞ്ഞു. രാജ്യാന്തര ഡോക്യുമെന്ററി ഹ്രസ്വചിത്ര മേളയുടെ സമാപന സമ്മേളനത്തില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.