ആലപ്പുഴ: കുട്ടനാട്ടിൽ ഭക്ഷ്യസാധനങ്ങളും പലവ്യഞ്ജനങ്ങളും ലഭിക്കാൻ ബുന്ധിമുട്ടുള്ള വില്ലേജുകളിൽ ജില്ല ഭരണകൂടവും ഹോർട്ടി കോർപ്പും സഹകരിച്ച് പലവ്യഞ്ജനങ്ങൾ ബോട്ടിൽ എത്തിച്ചുതുടങ്ങി. ഇതിന്റെ ആദ്യ പടിയായി കുട്ടനാട് താലൂക്ക് ഓഫീസിന്റെ ആഭിമുഖ്യത്തിൽ 150 പലവ്യഞ്ജന കിറ്റുകൾ ബോട്ടിൽ ശേഖരിച്ച് വിതരണം ചെയ്തു. ഓരോ കിറ്റിലും ആയിരം രൂപയ്ക്ക് വരെയുള്ള പച്ചക്കറികളാണുള്ളത്.  ക്യാമ്പിന്റെ വലിപ്പം അനുസരിച്ച് കൂടുതൽ വലിയ സഞ്ചികൾ നൽകുന്നുണ്ട്.  ഒരു ക്യാമ്പിലേക്ക് ഒരു കിറ്റ് എന്ന രീതിയിലാണ് വിതരണം. 

ആലപ്പുഴ: ദേശീയ ആരോഗ്യദൗത്യം,  സംസ്ഥാന ജലഗതാഗതവകുപ്പ് എന്നിവയുടെ സംയുക്ത സംരംഭമായി ആലപ്പുഴയിലെ വെള്ളപ്പൊക്ക ദുരിതബാധിത മേഖലയിൽ പ്രത്യേകിച്ച് കുട്ടനാടിന്റെ വിവിധ ഭാഗങ്ങളിൽ  അടിയന്തര വൈദ്യസഹായമെത്തിക്കാനായി അത്യാധുനിക സൗകര്യങ്ങളോടെയുള്ള  ജലആംബുലൻസ് പ്രവർത്തിച്ചുതുടങ്ങി.  ജല ആംബുലൻസിന്റെ ജില്ലാതല ഉദ്ഘാടനം കെ.എസ്.ആർ.ടി.സി. ബസ് സ്റ്റാന്റ് പരിസരത്ത് പൊതുമരാമത്തുമന്ത്രി ജി.സുധാകരൻ നിർവഹിച്ചു. കുട്ടനാട്ടിലെ വെള്ളപ്പൊക്കക്കെടുതിക്ക് പരമാവധി തണലേകാൻ സർക്കാർ എല്ലാ വിധത്തിലും ശ്രമിച്ചുവരുന്നതായി മന്ത്രി പറഞ്ഞു. വാട്ടർ ആംമ്പുലൻസ് വരും ദിവസങ്ങളിൽ മുന്നെണ്ണം കൂടി സജ്ജമാക്കുമെന്ന് മന്ത്രി വ്യക്തമാക്കി.

മലപ്പുറം  ഡിവിഷനിലെ നിലവില്‍ വിറ്റുപോയിട്ടില്ലാത്തതും 2018 ജൂലൈ മുതല്‍ മുതല്‍ 9 മാസത്തേക്ക് ലൈസന്‍സ് ദീര്‍ഘിപ്പിച്ചു നല്‍കിയിട്ടില്ലാത്തതുമായ കള്ളുഷാപ്പുകളുടെ 2019 മാര്‍ച്ച് 31 കാലയളവിലേക്കുള്ള വില്‍പ്പന  ആഗസ്റ്റ് ഒന്നിന് രാവിലെ 10ന് കലക്‌ട്രേറ്റ് കോണ്‍ഫറന്‍സ് ഹാളില്‍ നടത്തും.  വില്‍പ്പനയില്‍ പങ്കെടുക്കാന്‍ ആഗ്രഹിക്കുന്നവര്‍ മതിയായ രേഖകളുമായി അന്നേ ദിവസം എത്തണം.  കൂടുതല്‍ വിവരങ്ങള്‍ക്ക് ബന്ധപ്പെട്ട എക്‌സൈസ് സര്‍ക്കിള്‍ ഓഫീസുമായോ മലപ്പുറം എക്‌സൈസ് ഡിവിഷന്‍ ഓഫീസുമായോ ബന്ധപ്പെടാം. 

നിലമ്പൂര്‍ ബ്ലോക്ക് പഞ്ചായത്തില്‍ പ്രധാന മന്ത്രി ജന്‍ വികാസ് കാര്യക്രം പദ്ധതി നടപ്പാക്കുന്നതിന് പുതിയ പ്രപ്പോസലുകള്‍ തയ്യാറാക്കുന്നതിന് അംഗീകൃത ഏജന്‍സികളില്‍ നിന്ന് അപേക്ഷ ക്ഷണിച്ചു. അപേക്ഷകള്‍ ജൂലൈ 28 നകം  ബ്ലോക്ക് പഞ്ചായത്തില്‍ ലഭിക്കണം.

കെല്‍ട്രോണിന്റെ പ്രീ പ്രൈമറി സര്‍ട്ടിഫിക്കറ്റ് കോഴ്‌സിന്  അപേക്ഷ ഷണിച്ചു. എടപ്പാളിലെ കെല്‍ട്രോണ്‍ സെന്ററിലാണ് ഒരു വര്‍ഷത്തെ പരിശീലനം ഫോണ്‍്: 9895355155

അരീക്കോട് - മുക്കം റോഡില്‍ (കൊയിലാണ്ടി - എടവണ്ണ റോഡ്) ഓവുപാലം പ്രവൃത്തി നടക്കുന്നതിനാല്‍ ജൂലൈ 24 മുതല്‍ ഇതിലൂടെയുള്ള ഗതാഗതം നിരോധിച്ചു.  മഞ്ചേരി ഭാഗത്തുനിന്നും വരുന്ന വാഹനങ്ങള്‍ മൈത്രപാലം - മൂര്‍ക്കനാട്- പത്തനാപുരം വഴിയും മുക്കം, ചെറുവാടി വഴി വരുന്ന വാഹനങ്ങള്‍ എടശ്ശേരിക്കടവ് പാലം വഴിയും പോകണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.

ജില്ലയിൽ തുറന്നിട്ടുള്ള എല്ലാ ദുരിതാശ്വാസ ക്യാമ്പുകളിലും പകർച്ചവ്യാധികൾ പടരാതിരിക്കാൻ ശുദ്ധമായ കുടിവെള്ളവും പാകംചെയ്ത ഭക്ഷണസാധനങ്ങളും മാത്രമേ ഉപയോഗിക്കാവൂ എന്ന് ജില്ലാകളക്ടർ അറിയിച്ചു. ആരോഗ്യ പ്രവർത്തകർ നൽകുന്ന നിർദേശങ്ങൾ കർശനമായി പാലിക്കേണ്ടതാണ്. എല്ലാ ദുരിതാശ്വാസ ക്യാമ്പുകളിലും ആവശ്യമായ പാചകവാതക സിലിണ്ടറുകൾ ലഭ്യമാക്കിയിട്ടുള്ളതാണ്. തുടർന്നും ആവശ്യമായ പാചകവാതക സിലിണ്ടറുകൾ ലഭ്യമാക്കുന്നതിനായി ജില്ലയിലെ ഐ.ഓ.സി ഔട്ട്ലെറ്റുകൾ പാചകവാതക സിലിണ്ടറുകൾ സ്റ്റോക്ക് ചെയ്തിട്ടുണ്ട്. ഏതെങ്കിലും ദുരിതാശ്വാസക്യാമ്പുകളിൽ പാചകവാതക സിലിണ്ടറുകൾ ലഭ്യമാക്കുന്നില്ലെങ്കിൽ ജില്ലാ കളക്ടറെ വിവരം അറിയിക്കണം.

സംസ്ഥാന യുവജന ക്ഷേമ ബോര്‍ഡ് സംഘടിപ്പിക്കുന്ന  കേരളോത്സവം 2018 ന്റെ പ്രചരണാര്‍ത്ഥം ജില്ലാതല സെവന്‍സ് ഫുട്ബാള്‍ മത്സരം സംഘടിപ്പിക്കുന്നു. യൂത്ത് വെല്‍ഫെയര്‍  ബോര്‍ഡില്‍ അഫിലിയേഷന്‍ ചെയ്ത ക്ലബ്ബുകള്‍ക്കാണ് മത്സരിക്കാനവസരം. താല്പര്യമുള്ള ക്ലബ്ബുകള്‍ യുവജനക്ഷേമ ബോര്‍ഡിന്റെ മലപ്പുറം ഓഫീസില്‍ അഫിലിയേഷന്‍ സര്‍ട്ടിഫിക്കറ്റ് പകര്‍പ്പ് സഹിതം നേരിട്ടെത്തി  ജൂലൈ 27 നകം  അപേക്ഷ നല്‍കണം.  ഫോണ്‍ 0483 2730120, 9447630833.

അമ്പലപ്പുഴ: കൃഷിനാശം സംഭവിച്ച പുറക്കാട്ടെ പാടശേഖരങ്ങൾ കൃഷി വകുപ്പ് മന്ത്രി വി.എസ്.സുനിൽകുമാർ സന്ദർശിച്ചു. തോട്ടപ്പള്ളി നാലു ചിറ വടക്ക്, നാലു ചിറ വടക്ക് പടിഞ്ഞാറ് പാടശേഖരങ്ങളിലാണ് ഇന്നലെ വൈകിട്ട് മന്ത്രി സന്ദർശനം നടത്തിയത്.

 മട വീണ് നശിച്ച പാടശേഖരങ്ങളും കർഷകർ നിർമിച്ച ബണ്ടും മന്ത്രി നേരിൽക്കണ്ടു.ഇരു പാടശേഖരങ്ങളിലുമായി ബണ്ട് തകർന്ന് കൃഷി നശിച്ചതു മൂലം ഏകദേശം 25 ലക്ഷത്തിൽപ്പരം രൂപയുടെ നഷ്ടമാണ് കണക്കാക്കുന്നത്.

രണ്ട് ലോഡ് കുപ്പിവെള്ളം സ്‌പോൺസർഷിപ്പ് വഴി ജില്ലാ ഭരണകൂടത്തിന് ഇന്നലെ ലഭിച്ചു. ഈ വെള്ളം ആർ.ഡി.ഓ ഓഫീസിലാണ് ഇപ്പോൾ സൂക്ഷിച്ചിട്ടുള്ളത്. ഓരോ ലോഡിലും എണ്ണൂറ് കേസ് വെള്ളമാണ് ഉള്ളത്.സ്‌പോൺസർഷിപ്പുകൾ കളക്ട്രേറ്റ് വഴി നടത്തണമെന്ന് കാട്ടി ജില്ലാ കളക്ടർ കഴിഞ്ഞ ദിവസം വാർത്ത നൽകിയിരുന്നു. കുട്ടനാടിന്റെ പല ഭാഗങ്ങളിലും കുടിവെള്ളം എത്തിക്കാനുള്ള കഠിന ശ്രമത്തിലാണ് ജില്ലാ ഭരണകൂടം.

(പി.എൻ.എ. 1958/2018)