മൃഗസംരക്ഷണ വകുപ്പിന്‍റെ ആഭിമുഖ്യത്തില്‍ മലമ്പുഴ മൃഗസംരക്ഷണ പരിശീലനകേന്ദ്രത്തില്‍  ജൂലൈ 26,27 തിയതികളില്‍  ആട് വളര്‍ത്തലില്‍  സൗജന്യ പരിശീലനം നടക്കും. പങ്കെടുക്കാന്‍ താല്‍പര്യമുളളവര്‍ നേരിട്ടോ 0491 - 2815454, 8281777080 എന്നീ നമ്പറുകളില്‍ ബന്ധപ്പെട്ടൊ രജിസ്റ്റര്‍ ചെയ്യണം.രജിസ്റ്റര്‍ ചെയ്തവര്‍  പരിശീലനദിവസം രാവിലെ 10-ന് മുന്‍പ് പരിശീലനകേന്ദ്രത്തില്‍ എത്തണമെന്ന്     അസിസ്റ്റന്‍റ് ഡയറക്ടര്‍ അറിയിച്ചു.

 ശക്തമായ മഴയില്‍ പറമ്പിക്കുളം, ആളിയാര്‍ റിസര്‍വോയര്‍കളില്‍ ജലനിരപ്പ് ഉയര്‍ന്ന സാഹചര്യത്തില്‍ ഷട്ടറുകള്‍ ഉടനടി തുറക്കാന്‍ സാധ്യതയുണ്ടെന്ന രണ്ടാം ഘട്ട മുന്നറിയിപ്പ് ജില്ലാ ദുരന്തനിവാരണ അതോറിറ്റി നല്‍കി. പുഴക്കരയില്‍ താമസിക്കുന്നവര്‍ പ്രത്യേകിച്ചും കല്‍പ്പാത്തിപ്പുഴ, ഭാരതപ്പുഴ, ചിറ്റൂര്‍ പുഴ എന്നിവയുടെ തീരങ്ങളിലുള്ളവര്‍ ജാഗ്രത പുലര്‍ത്തണമെന്ന് ജില്ലാ ദുരന്തനിവാരണ അതോറിറ്റി അറിയിച്ചു.  പറമ്പിക്കുളം റിയര്‍വോയര്‍ 1820 അടിയും ആളിയാര്‍ റിസര്‍വോയര്‍ 1045 അടിയുമാണ് നിലവിലെ ജലനിരപ്പ്.

   ' പെരുമാട്ടി ഗ്രാമപഞ്ചായത്തിലെ വ്യക്തിഗത ആനുകൂല്യങ്ങള്‍ക്കുള്ള അപേക്ഷ ഫോറം വിതരണം ജൂലൈ 23 മുതല്‍ 31 വരെ പഞ്ചായത്ത് ഓഫീസില്‍ നടക്കുമെന്ന് സെക്രട്ടറി അറിയിച്ചു.

    മാധ്യമ പ്രവര്‍ത്തന രംഗത്ത് താത്പര്യമുളള യുവതീയുവാക്കള്‍ക്കായി യുവജനക്ഷേമ ബോര്‍ഡ് ഏകദിന ദേശീയ മാധ്യമ സെമിനാര്‍ നടത്തുന്നു.   25 വയസിന് താഴെയുളളവര്‍ക്കാണ് അവസരം.  യുവ, യൂത്ത് ക്ലബ്ബുകള്‍ മുഖേനയാണ് അപേക്ഷ നല്‍കേണ്ടത്. ഒരു യുവ/യൂത്ത് ക്ലബ്ബില്‍ നിന്ന് പരമാവധി രണ്ട് പേര്‍ക്കാണ് പങ്കെടുക്കാന്‍ അവസരം.  ആദ്യം രജിസ്റ്റര്‍ ചെയ്യുന്ന 60 പേര്‍ക്ക് പങ്കെടുക്കാം.  യാത്രബത്ത, താമസസൗകര്യം എന്നിവ ബോര്‍ഡ് നല്‍കും.  കൂടുതല്‍ വിവരങ്ങള്‍ക്ക് 0491 2505190

    ഗവ. വിക്ടോറിയ കോളെജില്‍ സുവോളജി വകുപ്പില്‍ ഗസ്റ്റ് ലക്ചറര്‍മാരുടെ ഒഴിവുണ്ട്.  ഇന്‍റര്‍വ്യൂ ജൂലൈ 26 ന് രാവിലെ 11 ന് നടക്കും.  യു.ജി.സി നെറ്റ് യോഗ്യത ഉളളവര്‍ക്ക് മുന്‍ഗണന.  അവരുടെ അഭാവത്തില്‍ 55 ശതമാനത്തില്‍ കുറയാത്ത മാര്‍ക്ക് ബിരുദാനന്തര ബിരുദ തലത്തില്‍ നേടിയിട്ടുളളവരെയും പരിഗണിക്കും.  അര്‍ഹരായവര്‍ ബന്ധപ്പെട്ട അസ്സല്‍ രേഖകള്‍ സഹിതം അന്നേ ദിവസം പ്രിന്‍സിപ്പല്‍ മുമ്പാകെ എത്തണം.  ഇന്‍റര്‍വ്യൂവിന് പങ്കെടുക്കുന്നതിന് മുമ്പ് ഡി.ഡി ഓഫീസില്‍ രജിസ്റ്റര്‍ ചെയ്യണമെന്ന് പ്രിന്‍സിപ്പല്‍ അറിയിച്ചു.

    ജില്ലാ സ്പോര്‍ട്സ് കൗണ്‍സില്‍ വാര്‍ഷിക ജനറല്‍ ബോഡി യോഗം ജൂലൈ 27 ന് വൈകിട്ട് മൂന്നിന് കലക്ടറേറ്റ് കോണ്‍ഫറന്‍സ് ഹാളില്‍ നടക്കുമെന്ന് ജില്ലാ സ്പോര്‍ട്സ് കൗണ്‍സില്‍ സെക്രട്ടറി അറിയിച്ചു