' പെരുമാട്ടി ഗ്രാമപഞ്ചായത്തിലെ വ്യക്തിഗത ആനുകൂല്യങ്ങള്‍ക്കുള്ള അപേക്ഷ ഫോറം വിതരണം ജൂലൈ 23 മുതല്‍ 31 വരെ പഞ്ചായത്ത് ഓഫീസില്‍ നടക്കുമെന്ന് സെക്രട്ടറി അറിയിച്ചു.

    മാധ്യമ പ്രവര്‍ത്തന രംഗത്ത് താത്പര്യമുളള യുവതീയുവാക്കള്‍ക്കായി യുവജനക്ഷേമ ബോര്‍ഡ് ഏകദിന ദേശീയ മാധ്യമ സെമിനാര്‍ നടത്തുന്നു.   25 വയസിന് താഴെയുളളവര്‍ക്കാണ് അവസരം.  യുവ, യൂത്ത് ക്ലബ്ബുകള്‍ മുഖേനയാണ് അപേക്ഷ നല്‍കേണ്ടത്. ഒരു യുവ/യൂത്ത് ക്ലബ്ബില്‍ നിന്ന് പരമാവധി രണ്ട് പേര്‍ക്കാണ് പങ്കെടുക്കാന്‍ അവസരം.  ആദ്യം രജിസ്റ്റര്‍ ചെയ്യുന്ന 60 പേര്‍ക്ക് പങ്കെടുക്കാം.  യാത്രബത്ത, താമസസൗകര്യം എന്നിവ ബോര്‍ഡ് നല്‍കും.  കൂടുതല്‍ വിവരങ്ങള്‍ക്ക് 0491 2505190

    ഗവ. വിക്ടോറിയ കോളെജില്‍ സുവോളജി വകുപ്പില്‍ ഗസ്റ്റ് ലക്ചറര്‍മാരുടെ ഒഴിവുണ്ട്.  ഇന്‍റര്‍വ്യൂ ജൂലൈ 26 ന് രാവിലെ 11 ന് നടക്കും.  യു.ജി.സി നെറ്റ് യോഗ്യത ഉളളവര്‍ക്ക് മുന്‍ഗണന.  അവരുടെ അഭാവത്തില്‍ 55 ശതമാനത്തില്‍ കുറയാത്ത മാര്‍ക്ക് ബിരുദാനന്തര ബിരുദ തലത്തില്‍ നേടിയിട്ടുളളവരെയും പരിഗണിക്കും.  അര്‍ഹരായവര്‍ ബന്ധപ്പെട്ട അസ്സല്‍ രേഖകള്‍ സഹിതം അന്നേ ദിവസം പ്രിന്‍സിപ്പല്‍ മുമ്പാകെ എത്തണം.  ഇന്‍റര്‍വ്യൂവിന് പങ്കെടുക്കുന്നതിന് മുമ്പ് ഡി.ഡി ഓഫീസില്‍ രജിസ്റ്റര്‍ ചെയ്യണമെന്ന് പ്രിന്‍സിപ്പല്‍ അറിയിച്ചു.

    ജില്ലാ സ്പോര്‍ട്സ് കൗണ്‍സില്‍ വാര്‍ഷിക ജനറല്‍ ബോഡി യോഗം ജൂലൈ 27 ന് വൈകിട്ട് മൂന്നിന് കലക്ടറേറ്റ് കോണ്‍ഫറന്‍സ് ഹാളില്‍ നടക്കുമെന്ന് ജില്ലാ സ്പോര്‍ട്സ് കൗണ്‍സില്‍ സെക്രട്ടറി അറിയിച്ചു

    അട്ടപ്പാടി ഐ.ടി.ഡി.പി ഓഫീസിന്‍റെ കീഴിലുളള മോഡല്‍ റസിഡന്‍ഷല്‍ സ്കൂളിലെ ഒഴിവുകളില്‍ ഹയര്‍ സെക്കന്‍ഡറി അധ്യാപക ഒഴിവുകളിലേക്ക് കരാര്‍ നിയമനം നടത്തുന്നു. ഹയര്‍ സെക്കന്‍ഡറി അധ്യാപക യോഗ്യത ഉളളവരാവണം അപേക്ഷകര്‍.  ജൂനിയര്‍ വിഭാഗം ഫിസിക്സ്, കെമിസ്ട്രി, സുവോളജി, ബോട്ടണി, ഹിസ്റ്ററി, ഇക്കണോമിക്സ്, പൊളിറ്റിക്സ്, ജിയോഗ്രഫി, ഇംഗ്ലീഷ്, മലയാളം വിഷയങ്ങളിലാണ് ഒഴിവ്.  വിശദവിവരങ്ങള്‍ക്ക് ഫോണ്‍ -04924 254223, 04924 254382.

    എലവഞ്ചേരി, പറളി ഗ്രാമപഞ്ചായത്തുകളിലെ തൊഴില്‍ രഹിതവേതനം ജൂലൈ 23, 24, 25 തീയതികളില്‍ വിതരണം ചെയ്യുമെന്ന് സെക്രട്ടറി അറിയിച്ചു. അര്‍ഹരായവര്‍ ബന്ധപ്പെട്ട രേഖകള്‍ സഹിതം അതത് പഞ്ചായത്ത് ഓഫീസില്‍ നിന്ന് തുക വൈകീട്ട് മൂന്നിനകം തുക കൈപ്പറ്റേണ്ടതാണ്.  

    
പാലക്കാട് താലൂക്ക് കേന്ദ്രീകരിച്ച് നഗരസഭാ ടൗണ്‍ഹാളില്‍ നടന്ന ജില്ലാ കലക്ടറുടെ പരാതി പരിഹാര അദാലത്തില്‍ 182 അപേക്ഷകള്‍ പരിഗണിച്ചു.് എ.ഡി.എം.ടി. വിജയന്‍റെ നേതൃത്വത്തില്‍ നടന്ന അദാലത്തില്‍. സമര്‍പ്പിച്ച അപേക്ഷകളിലുളള  തീരുമാനങ്ങള്‍ 15 ദിവസത്തിനകം ബന്ധപ്പെട്ട വകുപ്പ് ഉദ്യോഗസ്ഥര്‍ അപേക്ഷകനെ തപാല്‍ വഴി അറിയിക്കണമെന്ന് എ.ഡി.എം. നിര്‍ദ്ദേശം നല്‍കി.