നിര്‍മ്മാണ പ്രവര്‍ത്തനങ്ങളിലെ അപാകതകള്‍ തുറന്ന് കാട്ടുന്നതിന് പൊതുജനങ്ങള്‍ രാഷ്ട്രീയം മറന്ന് ഒന്നിക്കണമെന്ന് പൊതുമരാമത്ത് വകുപ്പ് മന്ത്രി ജി.സുധാകരന്‍ അഭിപ്രായപ്പെട്ടു. പരപ്പനങ്ങാടിയില്‍ പൊതുമരാമത്ത് പണി കഴിപ്പിച്ച വിവിധ നിര്‍മ്മിതികള്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

പുതിയ കാലത്ത് പുതിയ നിര്‍മ്മിതി എന്ന് ആശയവുമായി പൊതുമരാമത്ത് വകുപ്പ് തങ്ങളുടെ വിശ്വാസ്യത തിരിച്ചു പിടിച്ച് വരികയാണെന്ന് വകുപ്പ് മന്ത്രി ജി.സുധാകരന്‍. അനുവദിച്ച തുകയേക്കാള്‍ കുറഞ്ഞ നിരക്കില്‍ പണികള്‍ പൂര്‍ത്തീകരിച്ചും നിര്‍മ്മാണത്തിലെ കാലതാമസം അവസാനിപ്പിച്ചും ഈടുള്ള നിര്‍മ്മിതിയിലൂടെയും അത് സാധ്യമാക്കുമെന്നും മന്ത്രി പറഞ്ഞു. പരപ്പനങ്ങാടിയില്‍ പൊതുമരാമത്ത്‌വകുപ്പ് പൂര്‍ത്തീകരിച്ച വിവിധ നിര്‍മ്മിതികളുടെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം.

കേരള വനിതാ കമ്മീഷന്റെ കോഴിക്കോട് ജില്ലയിലെ അദാലത്ത് ഈ മാസം 25,26 തീയതികളില്‍ രാവിലെ 10.30 മുതല്‍  കലക്ടറേറ്റ് കോണ്‍ഫറന്‍സ് ഹാളില്‍ നടക്കും.

ഗൃഹചൈതന്യം പദ്ധതിയുടെ ഭാഗമായി ഈ മാസം 24 ന് രാവിലെ 10 മണിക്ക് ജില്ലാ ആസൂത്രണസമിതി കോണ്‍ഫറന്‍സ് ഹാളില്‍ ജില്ലാതല ശില്‍പശാല സംഘടിപ്പിക്കും. ജില്ലയിലെ തെരഞ്ഞെടുക്കപ്പെട്ട 33 ഗ്രാമപഞ്ചായത്തുകളില്‍ ഔഷധസസ്യ ഗ്രാമം ഒരുക്കുന്നതാണ്പദ്ധതി. പഞ്ചായത്തുകളിലെ നഴ്‌സറികളില്‍ ഉല്‍പാദിപ്പിച്ച കറിവേപ്പ്,ആര്യവേപ്പ് തൈകള്‍ കേരളപ്പിറവി ദിനത്തില്‍ വിതരണം ചെയ്യും.
 

പട്ടികജാതി  വികസന വകുപ്പിന് കീഴില്‍ കോഴിക്കോട്, കാസറഗോഡ്,കണ്ണൂര്‍, മലപ്പുറം,തൃശൂര്‍,പാലക്കാട് ജില്ലകളിലെ 23 ഐ.ടി.ഐ കളിലേക്ക് ഗസ്റ്റ് ഇന്‍സ്ട്രക്ടര്‍മാരെ നിയമിക്കും.  എ.സി.ഡി ഇന്‍സ്ട്രക്ടര്‍മാരുടെ 23 ഒഴിവുകളും ട്രേഡ് ഇന്‍സ്ട്രക്ടര്‍മാരുടെ 19 ഒഴിവുകളുമാണുള്ളത്. താല്‍പ്പര്യമുള്ളവര്‍ ഈ മാസം 30 ന് രാവിലെ 10.30 ന്് കോഴിക്കോട് എലത്തൂര്‍ ഐ.ടി.ഐയില്‍ എത്തണം. ഫോണ്‍:  ഫോണ്‍: 0495-2371451.
 

മലാപ്പറമ്പ് ഗവ: വനിത പോളിടെക്‌നിക്ക് കോളേജില്‍ ഫിസിക്‌സ്, കെമിസ്ട്രി, മാത്‌സ് വിഷയങ്ങളില്‍ ഒഴിവുള്ള ഗസ്റ്റ് അധ്യാപക നിയമനത്തിന് 24 ന് രാവിലെ 10 മണിക്ക് ഇന്റര്‍വ്യൂ നടത്തും. യോഗ്യത: ബന്ധപ്പെട്ട വിഷയത്തില്‍ ബിരുദാനന്തര ബിരുദവും നെറ്റും.  ഫോണ്‍:  0495 2370714. 
മലാപ്പറമ്പ് ഗവ: വനിതാ പോളിടെക്‌നിക്ക് കോളേജിന് കീഴിലുള്ള  ഗവണ്മെന്റ് ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ്ങില്‍ ഇംഗ്ലീഷ് അധ്യാപകരുടെ താല്‍കാലിക നിയമനത്തിന് 24 ന് രാവിലെ 11  മണിക്ക് ഇന്റര്‍വ്യൂ നടത്തും. യോഗ്യത - ഇംഗ്ലീഷില്‍ ബിരുദാനന്തര ബിരുദം, ബി. എഡ്, സെറ്റ്. കൂടുതല്‍വിവരങ്ങള്‍ക്ക് 0495 2370714. 

ജില്ലാ സഹകരണ ബാങ്കില്‍ ലിഫ്റ്റ് ഓപറേറ്റര്‍ പാര്‍ട്ട്-1, പാര്‍ട്ട് 2(കാറ്റഗറി നമ്പര്‍.422/2015 & 423/205)തസ്തികകളുടെ തെരഞ്ഞെടുപ്പിനായി ഈ മാസം 10 ന് നിലവില്‍ വന്ന റാങ്ക് പട്ടികയുടെ പകര്‍പ്പ് ജില്ലാ ഇന്‍ഫര്‍മേഷന്‍ ഓഫീസില്‍ പരിശോധനക്കായി ലഭിക്കും.