റേഷന്‍കാര്‍ഡുകളിലെ തെറ്റുതിരുത്തല്‍, പേര് ചേര്‍ക്കല്‍, കുറവ് ചെയ്യല്‍, പുതിയ റേഷന്‍കാര്‍ഡുകള്‍, ഡ്യൂപ്ലിക്കേറ്റ് റേഷന്‍ കാര്‍ഡുകള്‍ തുടങ്ങിയ വിവിധ ആവശ്യങ്ങള്‍ക്കായുള്ള രണ്ടാം ഘട്ട അപേക്ഷകളുടെ സ്വീകരിക്കല്‍ നടപടികള്‍ പൊന്നാനി താലൂക്ക് സപ്ലൈ ഓഫീസില്‍ ജൂലൈ 26 മുതല്‍ ആരംഭിക്കുന്നു.  ആദ്യഘട്ടത്തില്‍ അപേക്ഷിക്കുവാന്‍ കഴിയാത്തവര്‍ക്ക് താഴെ പറയുന്ന തിയ്യതികളില്‍ താലൂക്ക് സപ്ലെ ഓഫീസില്‍ നേരിട്ട് അപേക്ഷ സമര്‍പ്പിക്കാം.   

ജില്ലയില്‍ ദേശീയ ഭക്ഷ്യഭദ്രത നിയമത്തില്‍ സിവില്‍ സപ്ലൈസ് കോര്‍പ്പറേഷന്റെ കീഴില്‍ പ്രവര്‍ത്തിക്കുന്ന ഗോഡൗണുകളില്‍ ചുമട്ട് തൊഴില്‍ ചെയ്യുന്നവരുടെ കയറ്റിറക്ക് കൂലി വര്‍ദ്ധിപ്പിച്ചു. ജില്ലാ ലേബര്‍ ഓഫീസര്‍ ആര്‍. റാം മോഹന്‍ വിളിച്ചുചേര്‍ത്ത അനുരജ്ഞന യോഗത്തിലാണ് നിലവിലുണ്ടായിരുന്ന തര്‍ക്കത്തിന്  പരിഹാരമായത്.

 
     ലക്കിടി ജവഹര്‍ നവോദയ വിദ്യാലയം ഒമ്പതാം ക്ലാസ് പ്രവേശന പരീക്ഷയുടെ ഫലം പ്രഖ്യാപിച്ചു. അഡ്മിഷന്‍ ലഭിച്ച വിദ്യാര്‍ത്ഥികളുടെ റോള്‍ നമ്പറുകള്‍ : 11140009,11140011,11140031,11140032,11140060,11140062,11140071,11140078,11140079,11140094.വിദ്യാര്‍ത്ഥികള്‍ പ്രവേശനഫോം പൂരിപ്പിച്ചു നല്‍കണമെന്ന് പ്രിന്‍സിപ്പാള്‍ അറിയിച്ചു. ഫോണ്‍. 04936 256688
 

    അമൃദിന്റെ കല്‍പ്പറ്റ,മാനന്തവാടി സെന്ററുകളില്‍ നടത്തുന്ന സെക്രട്ടറിയേറ്റ് അസിസ്റ്റന്റ്  മത്സരപരീക്ഷാ പരിശീലനത്തിന് ഏതാനും സീറ്റുകള്‍ ഒഴിവുണ്ട്. താല്‍പര്യമുളള ബിരുദധാരികളായ പട്ടികവര്‍ഗ്ഗ ഉദ്യോഗാര്‍ത്ഥികള്‍ യോഗ്യത,ജാതി, വയസ്സ് എന്നിവ തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പ് സഹിതം ജൂലൈ 30 നകം കല്‍പ്പറ്റ അമൃദില്‍ അപേക്ഷ സമര്‍പ്പിക്കണം. 
 

    കേരള കര്‍ഷക കടാശ്വാസ കമ്മീഷന്‍ ജില്ലയിലെ കര്‍ഷകര്‍ക്ക് നല്‍കിയ അവാര്‍ഡുകളുമായി ബന്ധപ്പെട്ട് സംസ്ഥാന സര്‍ക്കാര്‍ ഏറ്റെടുത്ത ബാധ്യതാ തുകയില്‍ 11 സര്‍വീസ്  സഹകരണബാങ്കുകള്‍ക്കായി ജില്ലാ സഹകരണ ബാങ്കിന് 37,56,654-രൂപയും വൈത്തിരി പ്രാഥമിക സഹകരണ സഹകരണ കാര്‍ഷിക ഗ്രാമ വികസന ബാങ്കിന് 63,500 രൂപയുമായി 38,20,154 രൂപ കടാശ്വാസം അനുവദിച്ചു. 172 വായ്പകള്‍ക്കാണ് കാര്‍ഷിക കടാശ്വാസം അനുവദിച്ചത്.
 

* എമര്‍ജന്‍സി മെഡിസിന്‍ അസോസിയേഷന്‍ ലീഡര്‍ഷിപ്പ് അവാര്‍ഡ് മന്ത്രി 

കെ.കെ. ശൈലജ ടീച്ചര്‍ ഏറ്റുവാങ്ങി