തിരുവനന്തപുരം ജനറല്‍ ആശുപത്രിയില്‍ ആദ്യമായി ലാപ്രോസ്‌കോപ്പിക് നെഫ്രെക്ടമി (താക്കോല്‍ ദ്വാര ശസ്ത്രക്രിയയിലൂടെ വൃക്ക പുറത്തെടുക്കുന്ന)  ശസ്ത്രക്രിയ വിജയകരമായി നടത്തി. സര്‍ജറി വിഭാഗത്തിലെ തലവനായ ഡോ.തങ്കരാജിന്റെ നേതൃത്വത്തില്‍ 24 വയസ്സുള്ള വൃക്കരോഗം ബാധിച്ചയാള്‍ക്ക്  അനസ്‌തേഷ്യ വിഭാഗത്തിലെ ഡോ.ബിപിന്‍, ഡോ.മിനി, സര്‍ജറി വിഭാഗത്തിലെ അസിസ്റ്റന്റ് ഡോ.രാധാകൃഷ്ണന്‍, സ്റ്റാഫ് നഴ്‌സ്മാരായ ശ്രീജ, സാബു, അമ്പിളി എന്നിവരുള്‍പ്പെട്ട ടീം നാലുമണിക്കൂര്‍ 30 മിനിട്ട് നീണ്ട ശസ്ത്രക്രിയ വിജയകരമായി പൂര്‍ത്തിയാക്കി.

സ്‌കോള്‍ കേരള മുഖേന 2018 -19 അധ്യയന വര്‍ഷത്തെ ഹയര്‍ സെക്കണ്ടറി കോഴ്‌സ് സ്‌പെഷ്യല്‍ കാറ്റഗറി (പാര്‍ട്ട് മൂന്ന്) പ്രവേശനത്തിന് അപേക്ഷ ക്ഷണിച്ചു. ജൂലൈ 23 മുതല്‍ ആഗസ്റ്റ് 10 വരെ www.scolekerala.org വെബ്‌സൈറ്റ് മുഖേന ഓണ്‍ലൈനായി രജിസ്റ്റര്‍ ചെയ്യാം.  ഹയര്‍ക്കെണ്ടറി കോഴ്‌സ് ഒരിക്കല്‍ വിജയിച്ച വിദ്യാര്‍ത്ഥികള്‍ക്ക് മുന്‍ രജിസ്‌ട്രേഷന്‍ റദ്ദ് ചെയ്യാതെ സ്‌കോള്‍ കേരള മുഖേന പുതിയൊരു സബ്ജക്ട് കോമ്പിനേഷന്‍ (പാര്‍ട്ട് മൂന്ന്) തെരഞ്ഞെടുത്ത് പഠിക്കുവാന്‍ സാധിക്കും.

*സംഭരണവില യഥാസമയം ലഭ്യമാക്കാന്‍ ജില്ലാ ബാങ്കിന്റെ നേതൃത്വത്തില്‍ കണ്‍സോര്‍ഷ്യം രൂപീകരിക്കും

കര്‍ഷകരില്‍നിന്ന് സഹകരണ സംഘങ്ങള്‍ നെല്ല് സംഭരിച്ച് മായം കലരാത്ത നല്ല അരിയാക്കി പൊതുവിതരണ സംവിധാനം വഴി  വിതരണം ചെയ്യുന്ന സംവിധാനം സംസ്ഥാനത്ത് സ്ഥിരമായി നടപ്പിലാക്കുമെന്ന് സഹകരണ വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. പാലക്കാട് ജില്ലയിലെ കര്‍ഷകരില്‍ നിന്ന് നെല്ല് സംഭരിക്കുന്നതുമായി ബന്ധപ്പെട്ട് മന്ത്രി എ.കെ. ബാലന്റെ അധ്യക്ഷതയില്‍ ചേര്‍ന്ന യോഗത്തില്‍ സംസാരിക്കുകയായിരുന്നു അദ്ദേഹം. 

സംസ്ഥാനത്തിന്റെ വികസന പ്രവര്‍ത്തനങ്ങളുടെ ധനശേഖരണാര്‍ത്ഥം 1000 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം ജൂലൈ 24 ന് റിസര്‍വ്വ് ബാങ്കിന്റെ മുംബൈ ഫോര്‍ട്ട് ഓഫീസില്‍ ഇ-കുബേര്‍ സംവിധാനം വഴി നടക്കും. 

ലേലം സംബന്ധിച്ച വിജ്ഞാപനത്തിനും (നമ്പര്‍: എസ്.എസ്.1/296/2018 ഫിന്‍. തീയതി 20.07.2018) വിശദാംശങ്ങള്‍ക്കും ധനവകുപ്പിന്റെ വെബ്‌സൈറ്റ് (www.finance.kerala.gov.in) സന്ദര്‍ശിക്കുക.

പി.എന്‍.എക്‌സ്.3077/18

സംസ്ഥാനത്ത് ടെലിവിഷന്‍ ചാനലുകളില്‍ റിയാലിറ്റി ഷോകളിലും മറ്റ് പരിപാടികളിലും കുട്ടികളെ പങ്കെടുപ്പിക്കുമ്പോള്‍ ബന്ധപ്പെട്ട ചാനല്‍ അധികാരികള്‍ കൈക്കൊള്ളേണ്ട മാര്‍ഗനിര്‍ദേശങ്ങള്‍ സംബന്ധിച്ച് ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പ് സര്‍ക്കുലര്‍ പുറപ്പെടുവിച്ചു. ചാനലുകളിലും മറ്റും കുട്ടികള്‍ നേരിടുന്ന അനഭിലഷണീയ പ്രവണതകളെക്കുറിച്ച് സംസ്ഥാന ബാലാവകാശ കമ്മീഷന് നിരവധി പരാതികള്‍ ലഭിച്ച സാഹചര്യത്തിലാണ് മാര്‍ഗനിര്‍ദേശങ്ങള്‍ പുറപ്പെടുവിച്ചത്. 

വൈസ് ചാന്‍സലര്‍മാരുടെ യോഗം കൊച്ചി 

സര്‍വ്വകലാശാലയില്‍

പിറവം: മൂവാറ്റുപുഴ താലൂക്കില്‍ വ്യാഴാഴ്ച ഉച്ചയ്ക്ക് ഓണക്കൂര്‍ പാലം കടവില്‍ ഒഴുക്കില്‍പ്പെട്ട് കാണാതായ ഓണക്കൂര്‍ ഏറമ്പൂരില്‍ (മറ്റത്തില്‍) ശങ്കരന്‍ നായരുടെ  (79) മൃതദേഹം കണ്ടെത്തി.  ഇന്നലെ (21718) രാവിലെ എട്ട് മണിയോടെ ഇവിടെ നിന്നും ഒന്നര കിലോമീറ്റര്‍ മാറി ഓണക്കൂര്‍ വില്ലേജില്‍ ഊറനാട്ട് ചിറയില്‍ പ്രദേശവാസികള്‍ കണ്ടെത്തുകയായിരുന്നു. ശങ്കരന്‍ നായര്‍ക്കായി രണ്ട് ദിവസമായി അഗ്‌നിശമന, പൊലീസ് സേനകള്‍ക്ക് പുറമേ നേവിയുടെ സഹായത്തോടെ വ്യാപകമായ തിരച്ചില്‍ നടത്തിയിരുന്നു.

കൊച്ചി: മഴ ശമിച്ചതോടെ പുഴയിലേയും സമീപപ്രദേശങ്ങളിലെയും ജലനിരപ്പ് താഴ്ന്നതോടെ പല ദുരിതാശ്വാസക്യാമ്പുകളില്‍ നിന്നും ജനങ്ങള്‍ തിരികെപ്പോയി. മഴ പൂര്‍ണമായും ശമിക്കുന്നതോടെ ദുരിതാശ്വാസക്യാമ്പുകള്‍ നിര്‍ത്താനുള്ള പ്രതീക്ഷയിലാണ് ജില്ലാ ഭരണകൂടം. 

വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളജിലെ കണ്ടിന്യൂയിംഗ് എജ്യൂക്കേഷന്‍ സെല്ലില്‍ ആരംഭിക്കുന്ന ആട്ടോഡെസ്‌ക് റെവിറ്റ് ആര്‍ക്കിടെക്ചര്‍ കോഴ്‌സിലേക്ക് അപേക്ഷ ക്ഷണിച്ചു. 10,000 രൂപയാണ് ഫീസ്. കാലാവധി 80 മണിക്കൂര്‍.  കൂടുതല്‍ വിവരങ്ങള്‍ക്ക് - 0471 2360611.
(പി.ആര്‍.പി. 1934/2018)