പയ്യന്നൂര്‍ നഗരസഭയില്‍ കുടുംബശ്രീ എന്‍.യു.എല്‍.എം പദ്ധതി വഴി നടപ്പിലാക്കുന്ന സൗജന്യ അക്കൗണ്ടിംഗ് യൂസിംഗ് ടാലി കോഴ്‌സിന്റെ ഉദ്ഘാടനവും കോഴ്‌സ് വിജയകരമായി പൂര്‍ത്തീകരിച്ച വിദ്യാര്‍ഥികള്‍ക്കുള്ള സര്‍ട്ടിഫിക്കറ്റ് വിതരണവും നഗരസഭ ചെയര്‍മാന്‍ അഡ്വ. ശശി വട്ടക്കൊവ്വല്‍ നിര്‍വഹിച്ചു. കുടുംബശ്രീ സി.ഡി.എസ് അധ്യക്ഷ കെ. കവിത, എന്‍.യു.എല്‍.എം സിറ്റി മിഷന്‍ മാനേജര്‍ ബിനീഷ് ജോയ്, സുഹാസ് എന്നിവര്‍ സംസാരിച്ചു. 

    ഡിഫന്‍സ് പെന്‍ഷനേഴ്‌സിന് വേണ്ടിയുള്ള ഡിഫന്‍സ് പെന്‍ഷന്‍ അദാലത്ത് എല്ലാ മാസവും അവസാനത്തെ പ്രവൃത്തി ദിവസം 10 മണി മുതല്‍ വൈകിട്ട് 5 മണി വരെ കണ്ണൂര്‍ ഡി പി ഡി ഒ ഓഫീസില്‍ നടത്തും.  ഡി പി ഡി ഒ യില്‍ നിന്നും ബാങ്കില്‍ നിന്നും പെന്‍ഷന്‍ വാങ്ങുന്നവര്‍ക്ക് അവരുടെ പെന്‍ഷന്‍ കാര്യത്തില്‍ വല്ല പരാതിയുമുണ്ടെങ്കില്‍ ഡി പി ഡി ഒ/ സൈനിക ക്ഷേമ ഓഫീസില്‍ ലഭ്യമായിട്ടുള്ള അപേക്ഷ പൂരിപ്പിച്ച് ജൂലൈ 31 ന് ഡി പി ഡി ഒ യില്‍ നേരിട്ട് സമര്‍പ്പിക്കാവുന്നതാണെന്ന് ജില്ലാ സൈനിക ക്ഷേമ ഓഫിസര്‍ അറിയിച്ചു.

കണ്ണൂര്‍ ജില്ലാ പഞ്ചായത്തിന്റെ നേതൃത്വത്തിലുള്ള  സ്‌നേഹജേ്യാതി കിഡ്‌നി പേഷ്യന്റ്‌സ് വെല്‍ഫെയര്‍ സൊസൈറ്റിയുടെ കീഴില്‍ കണ്ണൂര്‍ ജില്ലാ ആശുപത്രിയില്‍ പ്രവര്‍ത്തിക്കുന്ന ഡയാലിസിസ് യൂണിറ്റിലേക്ക് ദിവസവേതന അടിസ്ഥാനത്തില്‍ ഡയാലിസിസ് ടെക്‌നീഷ്യനെ  നിയമിക്കുന്നു.  യോഗ്യത: ഡയാലിസിസ് ടെക്‌നീഷ്യന്‍ കോഴ്‌സ്(ഡിഎംഇ കേരള അംഗീകരിച്ച സര്‍ട്ടിഫിക്കറ്റ്).  താല്‍പര്യമുള്ള ഉദേ്യാഗാര്‍ത്ഥികള്‍ യോഗ്യത തെളിയിക്കുന്ന രേഖകളും അവയുടെ സാക്ഷ്യപ്പെടുത്തിയ പകര്‍പ്പുകളുമായി ആഗസ്ത് രണ്ടിന്  രാവിലെ 11 മണിക്ക് ജില്ലാ ആശുപത്രിയില്‍ നടക്കുന്ന ഇന്റര്‍വ്യൂവിന് പങ്കെടുക്കേണ്ടതാണ്.

കേരള, കര്‍ണാടക ലക്ഷദ്വീപ് തീരത്ത്, പടിഞ്ഞാറന്‍ ദിശയില്‍ 35-55 കിലോമീറ്റര്‍ വേഗതയില്‍  കാറ്റ് വീശാന്‍ സാധ്യതയുള്ളതിനാല്‍ മത്സ്യത്തൊഴിലാളികള്‍ അടുത്ത 24 മണിക്കൂര്‍ നേരത്തേക്ക് കടലില്‍ പോകരുതെന്ന് കണ്ണൂര്‍ ഫിഷറീസ് കണ്‍ട്രോള്‍ റൂമില്‍ നിന്നും അറിയിച്ചു.

കെ.എസ്.ഇ.ബി ശ്രീകണ്ഠപുരം സെക്ഷന് കീഴിലെ ഓടത്തുപാലം, പഴയങ്ങാടി, പൊടിക്കളം, പന്ന്യാല്‍, കൂട്ടുമുഖം, കാവുമ്പായി എന്നിവിടങ്ങളില്‍ നാളെ (ജൂലൈ 24) രാവിലെ 9 മുതല്‍ വൈകീട്ട് അഞ്ച് വരെ വൈദ്യുതി മുടങ്ങും.

പി. കരുണാകരന്‍ എം.പിയുടെ പ്രാദേശിക വികസനനിധിയില്‍നിന്ന് 10 ലക്ഷം രൂപ ചെലവഴിച്ച് ചെറുപുഴ ഗ്രാമപഞ്ചായത്തിലെ എ.വി. കുഞ്ഞമ്പു സ്മാരക വായനശാലയ്ക്ക് കെട്ടിടം നിര്‍മ്മിക്കുന്നതിന് ജില്ലാ കലക്ടര്‍ ഭരണാനുമതി നല്‍കി.

കേരള ബീഡി-ചുരുട്ട് തൊഴിലാളി ക്ഷേമനിധിയില്‍ അംഗങ്ങളായി അംശദായം അടച്ച് വരുന്ന തൊഴിലാളികളും സ്വയം തൊഴിലില്‍ ഏര്‍പ്പെട്ടിരിക്കുന്നവരും സാമ്പത്തിക താങ്ങല്‍ പദ്ധതി പ്രകാരമുള്ള പൂരക വേതനത്തിനുള്ള അപേക്ഷ ആഗസ്റ്റ് നാലിന് മുമ്പായി കണ്ണൂര്‍ എ.കെ.ജി ആശുപത്രിക്ക് പിറകുവശത്ത് പ്രവര്‍ത്തിക്കുന്ന ചീഫ് എക്‌സിക്യൂട്ടീവ് ഓഫീസറുടെ കാര്യാലയത്തില്‍ എത്തിക്കണമെന്ന് അറിയിച്ചു. അപേക്ഷാഫോം ബന്ധപ്പെട്ട തൊഴിലുടമ/സ്ഥാപനങ്ങള്‍ക്ക് അയച്ചു കൊടുത്തിട്ടുണ്ട്. തൊഴിലുടമകളുടെ സാക്ഷ്യപത്രം സഹിതം വേണം അപേക്ഷ സമര്‍പ്പിക്കാന്‍.

മോട്ടോര്‍ വാഹന കേസുകളില്‍ പിഴത്തുക അടക്കാനായി അറിയിപ്പ് കിട്ടിയ വാഹന ഉടമകള്‍ അക്ഷയ കേന്ദ്രങ്ങളിലോ ആര്‍.ടി. ഓഫീസിന് സമീപം പ്രവര്‍ത്തിക്കുന്ന മോട്ടോര്‍ വാഹന വകുപ്പിന്റെ ഇ-സേവാ കേന്ദ്രങ്ങളിലോ എത്രയും പെട്ടെന്ന് തന്നെ പിഴത്തുക മുഴുവനും അടച്ച ശേഷം കേസില്‍ തീര്‍പ്പുകല്‍പ്പിക്കുന്നതിനായി റീജിയണല്‍ ട്രാന്‍സ്‌പോര്‍ട്ട് ഓഫീസറുമായി ബന്ധപ്പെടേണ്ടതാണ്. അല്ലാത്ത പക്ഷം പിഴത്തുക പിരിച്ചെടുക്കുന്നതിനുള്ള റവന്യൂ റിക്കവറി നടപടികളും വാഹന ഉടമയുടെ ഡ്രൈവിങ് ലൈസന്‍സ്, വാഹനത്തിന്റെ രജിസ്‌ട്രേഷന്‍ സര്‍ട്ടിഫിക്കറ്റ് എന്നിവ സസ്‌പെന്‍ഡ് ചെയ്യാനുള്ള നടപടികളും എടുക്കുമെന്ന് ആര്‍.ടി.ഒ അറിയിച്ചു.

കേരള കള്ളു വ്യവസായ തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികളുടെ മക്കള്‍ക്ക്  2018-19 അധ്യയന വര്‍ഷത്തെ സ്‌കോളര്‍ഷിപ്പ്/ക്യാഷ് അവാര്‍ഡ് എന്നിവയ്ക്ക് അപേക്ഷ ക്ഷണിച്ചു.  നിശ്ചിത മാതൃകയില്‍ പൂരിപ്പിച്ച അപേക്ഷകള്‍  ക്ഷേമനിധി ബോര്‍ഡിന്റെ ജില്ലാ ഓഫീസില്‍ ആഗസ്ത് 16 മുതല്‍ സപ്തംബര്‍ 30 വരെ സ്വീകരിക്കും.  അപേക്ഷാ ഫോറത്തിന്റെ മാതൃകയും വിശദ വിവരങ്ങളും ജില്ലാ ഓഫീസിലും  യൂണിയന്‍ ഓഫീസിലും ലഭിക്കും.

തളിപ്പറമ്പ് താലൂക്കിലെ നടുവില്‍/വെളളാട് വില്ലേജിലുളള നടുവില്‍ - വെളളാട് ശിവ ക്ഷേത്രത്തില്‍ പാരമ്പരേ്യതര ട്രസ്റ്റിമാരുടെ  ഒഴിവുകളില്‍ നിയമനം നടത്തുന്നതിലേക്ക് അപേക്ഷണിച്ചു.  അപേക്ഷകള്‍ മലബാര്‍ ദേവസ്വം ബോര്‍ഡ്, കാസര്‍കോട് ഡിവിഷന്‍ നീലേശ്വരത്തുളള അസിസ്റ്റന്റ് കമ്മീഷണറുടെ ഓഫീസില്‍ 18 ന് വൈകുന്നേരം 5 മണിക്ക് മുമ്പായി ലഭിക്കണം.