നിലമ്പൂര്‍ ഐ.ജി.എം.എം.ആര്‍ സ്‌കൂളില്‍ എല്‍.പി.എസ്.എ, എച്ച്.എസ്.എ വിഭാഗങ്ങളില്‍ അധ്യാപക ഒഴിവിലേക്ക് ദിവസ വേതനാടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  എല്‍.പി.എസ്.എ (രണ്ട്), എച്ച്.എസ്.എ മലയാളം, ഇംഗ്ലീഷ്, സോഷ്യല്‍ സയന്‍സ്, മാത്‌സ് (ഒന്നു വീതം) ഒഴിവുകളാണുള്ളത്.  താല്‍പര്യമുള്ളവര്‍ ജൂലൈ 27ന് രാവിലെ 11ന് അസ്സല്‍ രേഖകളുമായി കൂടിക്കാഴ്ചക്ക് സ്‌കൂളില്‍ എത്തണം.

പെരിന്തല്‍മണ്ണ പി.ടി.എം ഗവ. കോളേജില്‍ ബി.എസ്.സി ഫിസിക്‌സ് (1), ബി.എസ്.സി മാത്തമാറ്റിക്‌സ് (2) വിഷയങ്ങളില്‍ സ്‌പോര്‍ട്‌സ് ക്വാട്ടയില്‍ ഒഴിവുകളുണ്ട്.  ലിസ്റ്റില്‍ ഉള്‍പ്പെട്ടവര്‍ ജൂലൈ 23ന് രാവിലെ 10 ന് കോളേജില്‍ അസ്സല്‍ രേഖകളുമായി എത്തണം.   ഫോണ്‍  9447535454.

    പെരിന്തല്‍മണ്ണ ഗവ:പോളിടെക്‌നിക്കിന്റെ കീഴില്‍ മങ്കട വേരുംപുലാക്കലിലുള്ള ഗവ:ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിംഗില്‍  ഒഴിവുളള ഏതാനും സീറ്റുകളിലേക്ക് ജൂലൈ 23ന് ഉച്ചക്ക് രണ്ടിന് ചാന്‍സ് അഭിമുഖം  നടത്തും.  അപേക്ഷിച്ചിട്ടുളള എല്ലാവര്‍ക്കും പങ്കെടുക്കാം.   വിദ്യാഭ്യാസ യോഗ്യത, വരുമാനം, ജാതി എന്നിവ തെളിയിക്കുന്ന സര്‍ട്ടിഫിക്കറ്റുകള്‍ ഹാജരാക്കണം. സീറ്റുകളുടെ ഒഴിവുകള്‍ക്കനുസരിച്ചായിരിക്കും പ്രവേശനം ലഭിക്കുക.

മൃഗസംരക്ഷണ വകുപ്പ് നടപ്പിലാക്കുന്ന ആനിമല്‍ റിസോഴ്‌സ് ഡെവലപ്‌മെന്റ് പദ്ധതിയുടെ ഭാഗമായ വാണിജ്യാടിസ്ഥാനത്തിലുള്ള ആടു വളര്‍ത്തല്‍ പദ്ധതിയിലേക്ക് തല്‍പ്പരരായ കര്‍ഷകരില്‍ നിന്നും അപേക്ഷ ക്ഷണിച്ചു.  നിശ്ചിത മാതൃകയിലുള്ള അപേക്ഷ ആഗസ്റ്റ് എട്ടിനകം അതത് പഞ്ചായത്ത് മൃഗാശുപത്രിയില്‍ നല്‍കണം.  കൂടുതല്‍ വിവരങ്ങള്‍ തൊട്ടടുത്ത മൃഗാശുപത്രികളില്‍ നിന്നും ലഭിക്കും.

പൊന്നാനി അഡീഷണല്‍ ഐ.സി.ഡി.എസ് പ്രോജക്ടിന് 2018-19 സാമ്പത്തിക വര്‍ഷത്തെ ഉപയോഗത്തിനായി കരാര്‍ അടിസ്ഥാനത്തില്‍ കാര്‍/ജീപ്പ് നല്‍കുന്നതിന് ടെണ്ടര്‍ ക്ഷണിച്ചു.  ടെണ്ടര്‍ ജൂലൈ 30ന് ഉച്ചക്ക് രണ്ടിനകം ലഭിക്കണം.  കൂടുതല്‍ വിവരങ്ങള്‍ പൊന്നാനി മിനി സിവില്‍ സ്റ്റേഷനിലെ ഐ.സി.ഡി.എസ് പ്രൊജക്ട് ഓഫീസില്‍ നിന്നും ലഭിക്കും.  

സംസ്ഥാന ആരോഗ്യ കുടുംബക്ഷേമ വകുപ്പ് ഹൃദ്യം പരിപാടിയുടെ ഭാഗമായി പെരിന്തല്‍മണ്ണ മൗലാന ആസുപത്രിയില്‍ ശില്‍പശാല സംഘടിപ്പിച്ചു. ഗര്‍ഭസ്ഥ - നവജാത ശിശുക്കളുടെ ഹൃദയ സംബന്ധമായ വൈകല്യങ്ങള്‍ എന്ന വിഷയത്തിലായിരുന്നു ശില്പശാല.
ഗര്‍ഭസ്ഥശിശുക്കളുടെ ഹൃദയ സംബന്ധമായ തകരാറുകള്‍ നേരത്തേ കണ്ടുപിടിച്ച് ചികിത്സിക്കുന്നതിന്റെ പ്രാധാന്യം ശില്പശാലയില്‍ ചര്‍ച്ച ചെയ്തു.  ശില്പശാലയുടെ ഭാഗമായി വിവിധ ജില്ലകളില്‍ നിന്ന് വന്ന പ്രതിനിധികള്‍ക്ക്  പ്രായോഗിക പരിശീലനം നല്‍കി.  

മൃഗസംരക്ഷണ വകുപ്പിന്റെ ആഭിമുഖ്യത്തില്‍ മലമ്പുഴ മൃഗസംരക്ഷണ പരിശീലനകേന്ദ്രത്തില്‍  ജൂലൈ 27, 27 തിയ്യതികളില്‍ ആട് വളര്‍ത്തലില്‍  സൗജന്യ പരിശീലനം സംഘടിപ്പിക്കുന്നു. പങ്കെടുക്കുവാന്‍  ആഗ്രഹിക്കുന്നവര്‍  നേരിട്ടോ  ഫോണ്‍  മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യണം.  ഫോണ്‍ 0491 - 2815454, 8281777080. രജിസ്റ്റര്‍  ചെയ്തവര്‍ 26 ന്     രാവിലെ   10 നകം പരിശീലനകേന്ദ്രത്തില്‍ എത്തണം.

നെഹ്‌റു യുവ കേന്ദ്രയുടെ 2018-19 ലെ വാര്‍ഷിക കര്‍മ്മ പരിപാടികളുടെ ഭാഗമായി അഫിലിയേറ്റ് ചെയ്ത യുവജന സന്നദ്ധ സംഘടനകള്‍ മുഖേനെ യുവതീ-യുവാക്കള്‍ക്ക് സൗജന്യ തൊഴില്‍ പരിശീലനവും സോഫ്റ്റ് സ്‌കില്‍ പരിശീലനവും നല്‍കുന്നു. 25 പേരടങ്ങുന്ന ഒരു ബാച്ചിന് പരമാവധി മൂന്നു മാസത്തെ സൗജന്യ പരിശീലനമാണ് നല്‍കുക. താല്‍പ്പര്യമുള്ള സംഘടനകള്‍ നെഹ്‌റു യുവ കേന്ദ്ര ഓഫിസുമായി ബന്ധപ്പെടണം.  ഫോണ്‍: 0483-2734848.

റേഷന്‍കാര്‍ഡുകളിലെ തെറ്റുതിരുത്തല്‍, പേര് ചേര്‍ക്കല്‍, കുറവ് ചെയ്യല്‍, പുതിയ റേഷന്‍കാര്‍ഡുകള്‍, ഡ്യൂപ്ലിക്കേറ്റ് റേഷന്‍ കാര്‍ഡുകള്‍ തുടങ്ങിയ വിവിധ ആവശ്യങ്ങള്‍ക്കായുള്ള രണ്ടാം ഘട്ട അപേക്ഷകളുടെ സ്വീകരിക്കല്‍ നടപടികള്‍ പൊന്നാനി താലൂക്ക് സപ്ലൈ ഓഫീസില്‍ ജൂലൈ 26 മുതല്‍ ആരംഭിക്കുന്നു.  ആദ്യഘട്ടത്തില്‍ അപേക്ഷിക്കുവാന്‍ കഴിയാത്തവര്‍ക്ക് താഴെ പറയുന്ന തിയ്യതികളില്‍ താലൂക്ക് സപ്ലെ ഓഫീസില്‍ നേരിട്ട് അപേക്ഷ സമര്‍പ്പിക്കാം.