മഴയെ തുടര്‍ന്ന് ദുരിതബാധിതരായവരുടെ വീടുകളില്‍  ആരോഗ്യ വകുപ്പിന്റെ നേതൃത്വത്തില്‍ എറണാകുളത്ത് 22, 23 ന് ക്ലീന്‍ഡ്രൈവ് സംഘടിപ്പിക്കും. ജലനിരപ്പ് ഉയര്‍ന്നത് കാരണം ദുരിതാശ്വാസ ക്യാമ്പുകളില്‍ അഭയം പ്രാപിച്ചവരുടെ വീടുകളിലാണ് ക്ലീന്‍ ഡ്രൈവ് സംഘടിപ്പിക്കുന്നത്. ദുരിതബാധിത പ്രദേശങ്ങളില്‍ വെള്ളക്കെട്ടില്‍ പകര്‍ച്ചവ്യാധികള്‍ പടരാനുള്ള സാധ്യത കണക്കിലെടുത്താണ് ക്ലീന്‍ഡ്രൈവ് നടത്തുന്നത്. കണയന്നൂര്‍ താലൂക്കില്‍ മൂന്ന് സ്ഥലങ്ങളില്‍ ജൂലൈ 22ന് ക്ലീന്‍ ഡ്രൈവ് നടക്കും. എളംകുളം വില്ലേജില്‍ ഉദയ കോളനി, പി& ജി കോളനി എന്നിവടങ്ങളിലും എറണാകുളം വില്ലേജില്‍ കരുത്തല കോളനിയിലും നാളെ നടക്കും.

എറണാകുളത്ത്  പറവൂര്‍, കണയന്നൂര്‍, ആലുവ താലൂക്കുകളിലായി 26 ദുരിതാശ്വാസക്യാമ്പുകള്‍ മാത്രമേ ഇപ്പോള്‍ പ്രവര്‍ത്തിക്കുന്നുളളൂ. 674 കുടുംബങ്ങളിലായി 2489 പേരാണ് ഇപ്പോള്‍ ക്യാമ്പുകളിലുള്ളത്. പറവൂര്‍ താലൂക്കില്‍ 14 ക്യാമ്പുകളിലായി 467 കുടുംബങ്ങളിലെ 1790 അംഗങ്ങളാണുള്ളത്. കണയന്നൂര്‍ താലൂക്കില്‍ 120 കുടുംബങ്ങളിലെ 438 അംഗങ്ങളാണ് പത്ത് ക്യാമ്പുകളിലായുള്ളത്. ആലുവ താലൂക്കില്‍ 87 കുടുംബങ്ങളിലെ 261 പേര്‍ രണ്ടു ക്യാമ്പുകളിലായി കഴിയുന്നു.

പി.എന്‍.എക്‌സ്.3098/18

കാലവര്‍ഷക്കെടുതിയില്‍ 39406 പേര്‍ കോട്ടയം ജില്ലയിലെ വിവിധ ദുരിതശ്വാസ ക്യാമ്പുകളില്‍ കഴിയുന്നതായി റവന്യൂ റിപ്പോര്‍ട്ട്. കോട്ടയം താലൂക്കില്‍ 76, വൈക്കം താലൂക്കില്‍ 66, ചങ്ങനാശ്ശേരി താലൂക്കില്‍ 35, മീനച്ചില്‍ താലൂക്കില്‍ അഞ്ച് എന്നിങ്ങനെയാണ് ക്യാമ്പുകള്‍ പ്രവര്‍ത്തിക്കുന്നത്.  ജില്ലയിലെ വിവിധ ക്യാമ്പുകളിലായി കഴിയുന്ന 10661 കൂടുംബങ്ങളിലെ 4486 പേര്‍ കുട്ടികളാണ്. കോട്ടയം താലൂക്കില്‍ 1371 കൂടുംബങ്ങളിലായി 5379 പേരാണ് ക്യാമ്പിലുളളത്.  ഇതില്‍ 1154 പേര്‍ കുട്ടികളാണ്. 

ആലപ്പുഴ ജില്ല കണ്ടിട്ടുള്ളതില്‍വച്ച് മൂന്നാമത്തെ വലിയ മഴക്കെടുതിയാണ് ഇപ്പോള്‍ അഭിമുഖീകരിച്ചുകൊണ്ടിരിക്കുന്നതെന്നും ഇതുവരെ ഒരുലക്ഷത്തോളം വീടുകള്‍ക്ക് ഭാഗികമായി ജില്ലയില്‍ കേടുപാട് സംഭവിച്ചിട്ടുണ്ടെന്നും പൊതുമരാമത്ത്- രജിസ്ട്രേഷന്‍ വകുപ്പ് മന്ത്രി ജി. സുധാകരന്‍ പറഞ്ഞു.  ആലപ്പുഴ കളക്ട്രേറ്റ് കോണ്‍ഫറന്‍സ് ഹാളില്‍  ചേര്‍ന്ന മഴക്കെടുതിയുമായി ബന്ധപ്പെട്ട ഉദ്യോഗസ്ഥരുടെയും ജനപ്രതിനിധികളുടെയും യോഗത്തില്‍ സംസാരിക്കുകയായിരുന്നു മന്ത്രി. 

കേന്ദ്ര സഹായം സംയുക്ത മന്ത്രിതല സമിതിയുടെ റിപ്പോര്‍ട്ടിനു ശേഷം

കേരള വനിതാ കമ്മീഷന്‍ വിവിധ ജില്ലകളില്‍  നടത്തുന്ന അദാലത്ത്/സെമിനാര്‍/മറ്റ് പ്രോഗ്രാമുകള്‍ എന്നിവയില്‍ പങ്കെടുക്കുന്നതിന് സിറ്റിംഗ് ഒന്നിന് 2,000 രൂപ നിരക്കില്‍ (പ്രതിമാസം 3 സിറ്റിംഗ്) പങ്കെടുക്കേണ്ട വിദഗ്ധരുടെ പാനലിലേക്ക് അഡ്വക്കേറ്റുമാരില്‍ നിന്നും സോഷേ്യാളജിസ്റ്റ്/സൈക്കോളജിസ്റ്റ് എന്നിവരില്‍ നിന്നും അപേക്ഷ ക്ഷണിച്ചു.

സംസ്ഥാന വിവരാവകാശ കമ്മീഷണര്‍ എസ്. സോമനാഥന്‍ പിളള ജൂലൈ 23 ന് ആലപ്പുഴ ജില്ലാ കളക്ടറേറ്റില്‍ നടത്താല്‍ നിശ്ചയിച്ചിരുന്ന ഹിയറിംഗ് മഴക്കെടുതി മൂലം മറ്റൊരു തീയതിയിലേക്ക് മാറ്റി.  പുതിയ തീയതി പിന്നീട് അറിയിക്കും.

പി.എന്‍.എക്‌സ്.3092/18

ഔദ്യോഗിക ഭാഷ സംബന്ധിച്ച സമിതി (2016 - 19) ജൂലൈ 24 ന് രാവിലെ 10.30 ന് മലപ്പുറം കലക്ടറേറ്റ് കോണ്‍ഫറന്‍സ് ഹാളില്‍ യോഗം ചേര്‍ന്ന് ജില്ലയിലെ വിവിധ വകുപ്പുകളിലെ മേധാവികളുമായും ബന്ധപ്പെട്ട ഉദ്യോഗസ്ഥരുമായും ഭാഷാമാറ്റ പുരോഗതി സംബന്ധിച്ച് ചര്‍ച്ച ചെയ്യുകയും വകുപ്പുതല സമിതികളുടെയും ജില്ലാതല വകുപ്പുതല സമിതിയുടെയും പ്രവര്‍ത്തനങ്ങള്‍ അവലോകനം നടത്തുകയും ചെയ്യും.

യോഗാനന്തരം സമിതി തിരൂരിലെ തുഞ്ചത്തെഴുത്തച്ഛന്‍ മലയാള സര്‍വ്വകലാശാല സന്ദര്‍ശിക്കും.

പി.എന്‍.എക്‌സ്.3091/18