ഐ.ഐ.റ്റി ക്കായി പുതുശ്ശേരി വെസ്റ്റ് വില്ലേജില്‍ നിന്നും സ്ഥലമേറ്റെടുക്കുന്നതുമായി ബന്ധപ്പെട്ട വിയോജിപ്പുകള്‍ ഭൂവുടമകള്‍ 15 ദിവസത്തിനകം ലാന്‍ഡ് അക്വിസിഷന്‍ സ്പെഷല്‍ തഹസില്‍ദാര്‍ക്ക് നല്‍കണം.  നിലവില്‍ ഏറ്റെടുത്ത സ്ഥലത്തിന് തൊട്ടടുത്തായി സ്ഥിതി ചെയ്യുന്ന 44.35 ഏക്കറാണ് ഏറ്റെടുക്കാനുളളത്.

ആലപ്പുഴ: ജനങ്ങളുടെ പ്രശ്നങ്ങൾ മനസിലാക്കുന്നതിനും പരാതികൾ നേരിൽ കേട്ട് പരിഹാരം കാണുന്നതിനുമായി ആലപ്പുഴ ജില്ല കളക്ടർ  വില്ലേജിൽ ഒരു ദിനം എന്ന പേരിൽ പൊതുജന പരാതി പരിഹാര അദാലത്ത് നടത്തുന്നു. ചേർത്തല താലൂക്കിലെ ചേർത്തല വടക്ക്, ചേർത്തല തെക്ക്, കൊക്കോതമംഗലം, അർത്തുങ്കൽ, കഞ്ഞിക്കുഴി എന്നീ വില്ലേജുകളിലെ വില്ലേജിൽ ഒരു ദിനം പരിപാടി ജൂലൈ 21ന് ചേർത്തല എസ്.എൻ.എം.ജി.എച്ച്.എസ് ഓഡിറ്റോറിയത്തിൽ നടത്തും. അദാലത്തിൽ ജില്ലാ കളക്ടർ പരാതികൾ സ്വീകരിക്കുന്നതും നേരിട്ട് തീർപ്പ് കൽപ്പിക്കുന്നതുമാണ്.

ആലപ്പുഴ: അമ്പലപ്പുഴയിൽ തീരത്തടിഞ്ഞ ഡോക്കിൽ ഇന്ധനം ഇല്ലാത്തതിനാൽ മലിനീകരണത്തിനുള്ള സാധ്യതയില്ലെന്ന് ആലപ്പുഴ പോർട്ട് അധികൃതർ. ടഗ്ഗിനോടൊപ്പം ഡോക്ക് വലിച്ചു മാറ്റുന്നതിന് 40 ടൺ ശേഷിയുള്ള ഒരു ടഗ്ഗുകൂടി ലഭ്യമാക്കാനുള്ള ശ്രമം നടന്നുവരുന്നു. കേരള തീരത്ത് ശേഷി കുറഞ്ഞ ടഗ്ഗുകളാണ് ലഭ്യമായിട്ടുള്ളത്.  ടഗ്ഗുകളുടെയും വടത്തിന്റെയും ലഭ്യത ഉറപ്പാക്കിയതിനുശേഷം മാത്രമേ ഡോക്ക് കെട്ടിവലിക്കുന്നതിനുള്ള പദ്ധതി അംഗീകരിക്കാനാകൂവെന്ന് പോർട്ട് അധികൃതർ വ്യക്തമാക്കി.

കുട്ടനാട് ഉൾപ്പടെയുളള എല്ലാ താലൂക്കുകളിലും ആരംഭിച്ച എല്ലാ  ദുരിതാശ്വാസ   ക്യാമ്പുകളിലും ഡി.എം.ഒയുടെ നേതൃത്തിൽ  മെഡിക്കൽ ടീം  രോഗപ്രതിരോധ പ്രവർത്തനങ്ങൾ കാര്യക്ഷമമായി  നിർവ്വഹിക്കണമെന്ന് ജില്ലാകളക്ടർ നിർദ്ദേശം നൽകി.   ആരോഗ്യ കേന്ദ്രങ്ങളിൽ എത്താൻ  കഴിയാത്തവർക്കായി ഫ്‌ളോട്ടിങ്ങ് ഡിസ്‌പെൻസറികളുടെ സേവനം   ലഭ്യമാക്കാൻ   ഡി.എം.ഒയോട് നിർദ്ദേശിച്ചിട്ടുണ്ട്. 

ആലപ്പുഴ: മുൻ എസ്.ഐയുടെ പരാക്രമങ്ങൾക്ക് പരിഹാരം തേടി  ഒരു കൂട്ടം വനിതകൾ വനിതാ കമ്മീഷനിൽ. തെളിവുസഹിതം ഹാജരാക്കിയ പരാതി ബോധ്യപ്പെട്ട വനിതാ കമ്മീഷൻ മുൻ  എസ്.ഐയോട് ഹാജരാകാൻ പറഞ്ഞിരുന്നെങ്കിലും സിറ്റിങിൽ അദ്ദേഹം പങ്കെടുത്തില്ല. തുടർന്ന് അടുത്ത സിറ്റിങിൽ മുൻ എസ്.ഐയെ ഹാജരാക്കണമെന്ന് ജില്ലാ പോലീസ് മേധാവിയോട് കമ്മീഷൻ ആവശ്യപ്പെട്ടു.

സംസ്ഥാന ഭാഗ്യക്കുറി വകുപ്പിന്റെ തിരുവോണം ബംബർ ഭാഗ്യക്കുറിയുടെ ജില്ലാതല ഉദ്ഘാടനം ജില്ലാ കളക്ടറുടെ ചേംബറിൽ നടന്നു. അരൂർ എംഎൽഎ എ.എം.ആരിഫിന്റെ സാന്നിധ്യത്തിൽ ജില്ലാ കളക്ടർ എസ്. സുഹാസ് എ.ഡി.എം അബ്ദുൽ സലാമിന് ടിക്കറ്റ് നൽകിക്കൊ് ആദ്യവില്പന നിർവഹിച്ചു. ഒന്നാംസമ്മാനം 10 കോടി രൂപയാണ്. ചടങ്ങിൽ ജില്ലാ ഭാഗ്യക്കുറി ക്ഷേമനിധി ഓഫീസർ പി.ഡബ്ല്യൂ.സക്കറിയ, അസിസ്‌ററന്റ് ജില്ലാ ഭാഗ്യക്കുറി ഓഫീസർ പി.ഗിരിജ, ജൂനിയർ സൂപ്ര് ജോഷിമോൻ കെ.അലക്‌സ് എന്നിവർ സംസാരിച്ചു. ട്രേഡ് യൂണിയൻ നേതാക്കളും ഏജന്റുമാരും ചടങ്ങിൽ സന്നിഹിതരായി. 

(പി.എൻ.എ. 1858/2018)

ആലപ്പുഴ: കേരള നിയമസഭയുടെ പട്ടികജാതി/പട്ടികവർഗ ക്ഷേമ സമിതി ജൂലൈ 26ന് വ്യാഴാഴ്ച രാവിലെ 10.30ന് കളക്ടറേറ്റ് കോൺഫറൻസ് ഹാളിൽ യോഗം ചേരും. ജില്ലയിൽ നിന്ന് സമതിക്ക് ലഭിച്ച ഹർജികളിന്മേൽ ബന്ധപ്പെട്ട ജില്ലാതല ഉദ്യോഗസ്ഥരിൽ നിന്നും തെളിവെടുക്കും. പട്ടികജാതി-വർഗ വിഭാഗങ്ങൾ, അവരുടെ സംഘടനാ പ്രതിനിധികൾ എന്നിവരിൽ നിന്നും പരാതികൾ സ്വീകരിക്കും. എല്ലാ ജില്ലാതല ഓഫീസർമാരും പങ്കെടുക്കണം.

(പി.എൻ.എ. 1857/2018)

ആലപ്പുഴ: വള്ളംകളിയുടെ വരവറിയിച്ച് നടന്ന ലോഗോ പ്രകാശനത്തിൽ വേറിട്ട അനുഭവമായി കേരള വഞ്ചിപ്പാട്ട് സംഘത്തിന്റെ വഞ്ചിപ്പാട്ട്. കളക്ടറേറ്റ് കോൺഫറൻസ് ഹാളിൽ നടന്ന ചടങ്ങുകൾക്ക് തുടക്കമായതും  കേരള വഞ്ചിപ്പാട്ട് സംഘത്തിന്റെ  വഞ്ചി്പ്പാട്ടോടുകൂടിയാണ്.ബാലിവധം വഞ്ചിപ്പാട്ടാണ് സംഘം പാടി അവതരിപ്പിച്ചത്. ആർപ്പോ വിളിച്ച് തുടങ്ങിയ വഞ്ചിപ്പാട്ടിലെ വായ്ത്താരികളും സദസിനെ ആവേശത്തിലെത്തിച്ചു.  

ജില്ലയിൽ കാലവർഷം ശക്തമായി തുടരുന്നതിനാലും ഭൂരിഭാഗം പ്രദേശങ്ങളിലും വെള്ളക്കെട്ടുകൾ രൂപപ്പെട്ടിട്ടുള്ളതിനാലും ജലനിരപ്പ് ക്രമാതീതമായി വർധിച്ചതിനാലും കുട്ടനാട്, ചെങ്ങന്നൂർ താലൂക്കുകളിലെ പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കും ചേർത്തല, അമ്പലപ്പുഴ, കാർത്തികപ്പള്ളി, മാവേലിക്കര താലൂക്കുകളിലെ പ്രൊഫഷണൽ കോളേജുകൾ ഒഴികെയുള്ള വിദ്യാഭ്യാസ സ്ഥാപനങ്ങൾക്കും ഇന്ന് (ജൂലൈ 19) വ്യാഴാഴ്ച അവധി പ്രഖ്യാപിച്ച്് ജില്ലാ കളക്ടർ ഉത്തരവായി.  ജില്ലയിലെ അംഗനവാടികൾ തുറന്നു പ്രവർത്തിക്കേതും കുട്ടികൾക്ക് അവധി നൽകേതുമാണ്.

(പി.എൻ.എ. 1855/2018)

നെഹ്‌റു ട്രോഫിയോട് അനുബന്ധിച്ചുള്ള വഞ്ചിപ്പാട്ട് മത്സരത്തിൽ ജഡ്ജായി പ്രവർത്തിക്കുവാൻ താല്പര്യമുള്ള മലയാള സാഹിത്യത്തിൽ ബിരുദവും വഞ്ചിപ്പാട്ട് മത്സരത്തിൽ ജഡ്ജ് ആയി പ്രവർത്തിച്ച പരിചയ സമ്പന്നരുമായ വ്യക്തികളിൽനിന്നും  അപേക്ഷ ക്ഷണിച്ചു. ആഗസ്റ്റ് മാസം ഒന്നാം തീയതിക്കു മുൻപായി എക്‌സിക്യൂട്ടീവ് എഞ്ചിനീയർ ആൻഡ് കൺവീനർ, എൻ.ടി.ബി.ആർ- 2018, ഇറിഗേഷൻ ഡിവിഷൻ, മിനി സിവിൽ സ്റ്റേഷൻ രാം നില ആലപ്പുഴ എന്ന വിലാസത്തിൽ ലഭിക്കണം.

(പി.എൻ.എ. 1854/2018)