മഹാത്മഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ ജില്ലയിലെ പട്ടികവര്‍ഗ്ഗ പങ്കാളിത്തം  100 ശതമാനമാക്കുന്നത്  സംബന്ധിച്ച്  ജില്ലാകലക്ടര്‍ യു.വി ജോസിന്റെ അധ്യക്ഷതയില്‍ കലക്ടറുടെ ചേംബറില്‍ അവലോകന യോഗം ചേര്‍ന്നു.  ഉപകുടുംബങ്ങള്‍ ഉള്‍പ്പടെ ജില്ലയിലെ 3548 പട്ടികവര്‍ഗ്ഗ കുടുംബങ്ങളില്‍ 85 ശതമാനം കുടുംബങ്ങള്‍ പദ്ധതിയില്‍ രജിസ്റ്റര്‍ ചെയ്തിട്ടുണ്ട്. ബാക്കിയുള്ളവരെ ഒരാഴ്ചക്കകം പദ്ധതിയില്‍ ഉള്‍പ്പെടുത്താനും തൊഴില്‍ കാര്‍ഡ് നല്‍കാനും  കലക്ടര്‍ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദ്ദേശം നല്‍കി.

 ജില്ലാ വ്യവസായ കേന്ദ്രത്തിന്റെയും കാസര്‍കോട് താലൂക്ക് വ്യവസായ ഓഫീസിന്റെയും കാറഡുക്ക ബ്ലോക്ക് പഞ്ചായത്തിന്റെയും ആഭിമുഖ്യത്തില്‍ സംരംഭകത്വ ബോധവല്‍കരണ സെമിനാര്‍ കാറഡുക്ക ബ്ലോക്ക് പഞ്ചായത്ത് ഓഡിറ്റോറിയത്തില്‍ നടത്തി.    കാറഡുക്ക ബ്ലോക്ക് പഞ്ചായത്ത് പ്രസിഡന്റ് ഓമന രാമചന്ദ്രന്‍ സെമിനാര്‍ ഉദ്ഘാടനം ചെയ്തു. കാറഡുക്ക ബ്ലോക്ക് പഞ്ചായത്ത് വികസന കാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ കെ.ഉഷ അധ്യക്ഷത വഹിച്ചു. ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ പി.കെ.ഗോപാലന്‍, വ്യവസായ വികസന ഓഫീസര്‍ സല്‍ന സംസാരിച്ചു. ജില്ലാ വ്യവസായ കേന്ദ്രം റിട്ട.

വയോജന ചൂഷണത്തിനെതിരെ സാമൂഹ്യനീതി വകുപ്പിന്റെ ആഭിമുഖ്യത്തില്‍ സംഘടിപ്പിച്ച ബോധവല്‍ക്കരണ പരിപാടി സബ് ജഡ്ജും ജില്ലാ ലീഗല്‍ സര്‍വീസസ് അതോറിറ്റി സെക്രട്ടറിയുമായ എം.പി. ജയരാജ് ഉദ്ഘാടനം ചെയ്തു. ഗ്രാമ പഞ്ചായത്ത്, ബ്ലോക്ക് പഞ്ചായത്ത് പ്രസിഡന്റുമാര്‍, സ്റ്റേഷന്‍ ഹൗസ് ഓഫീസര്‍മാര്‍, വയോജന സംഘടനാ പ്രതിനിധികള്‍ എന്നിവര്‍ക്കായി പുതിയറ എസ്.കെ പൊറ്റക്കാട് ഹാളില്‍ നടന്ന ബോധവത്കരണത്തില്‍  ജില്ലാ സാമൂഹ്യനീതി ഓഫീസര്‍ ഷീബാ മുംതാസ് അധ്യക്ഷത വഹിച്ചു.

കയാക്കിങ് ചാമ്പ്യന്‍ഷിപ്പിന് ചക്കിട്ടപ്പാറയിലെ  മീന്‍തുള്ളിപ്പാറയില്‍ തുടക്കമായി

    പന്നിപ്പടക്കത്തില്‍ ചവിട്ടി കാല്‍പാദം തകര്‍ന്ന യശോദയ്ക്ക് കൃത്രിമക്കാല്‍ വയ്ക്കുന്നതിന് മൂന്ന് ലക്ഷത്തി അന്‍പതിനായിരം രൂപ ധനസഹായം മന്ത്രി എ.കെ. ബാലന്‍ അനുവദിച്ചു.

    2018 ലെ ബി.ടെക് ലാറ്ററല്‍ എന്‍ട്രിയുടെ ഒന്നാം അലോട്ട്‌മെന്റിനെ തുടര്‍ന്നു പ്രവേശനം നേടാനുള്ള അവസാന തീയതി 21 വരെ ദീര്‍ഘിപ്പിച്ചു. രണ്ടാം അലോട്ട്‌മെന്റിനായി ഓപ്ഷനുകള്‍ നല്‍കേണ്ട തീയതി 23, 24 തീയതികളിലായും പുന:ക്രമീകരിച്ചു. മറ്റ് തീയതികളില്‍ മാറ്റമില്ല. പുതുക്കിയ സമയക്രമം www.admissions.dtekerala.gov.in എന്ന വെബ്‌സൈറ്റില്‍ ലഭിക്കും.
                                         പി.എന്‍.എക്‌സ്.3020/18
 

    കേരളത്തിലെ സര്‍ക്കാര്‍ മെഡിക്കല്‍ / ദന്തല്‍  കോളേജുകളില്‍ അഖിലേന്ത്യാ നോമിനികള്‍ക്ക്  നീക്കിവെച്ചിട്ടുളള എം.ബി.ബി.എസ് / ബി.ഡി.എസ് സീറ്റുകളില്‍ അഡ്മിഷന്‍ ലഭിക്കുന്നതിന് ഫീസായി ലക്ഷങ്ങള്‍ ആവശ്യപ്പെട്ട് വ്യാജ സന്ദേശങ്ങള്‍ പ്രചരിക്കുന്നതിനെതിരെ  ജാഗ്രത പാലിക്കണമെന്ന് മെഡിക്കല്‍ വിദ്യാഭ്യാസ വകുപ്പ് ഡയറക്ടര്‍ അറിയിച്ചു.

    സംവരണേതര വിഭാഗത്തിലെ സാമ്പത്തികമായി പിന്നാക്കം നില്‍ക്കുന്നവരെ കണ്ടെത്തുന്നതിന് സോഷ്യോ ഇക്കണോമിക് കാസ്റ്റ് സര്‍വേ നടത്തണമെന്ന് സാമ്പത്തികമായി പിന്നാക്കം നില്‍ക്കുന്ന വിഭാഗങ്ങള്‍ക്കായുള്ള സംസ്ഥാന കമ്മീഷന്‍ നടത്തിയ ചര്‍ച്ചയില്‍ നിര്‍ദേശമുയര്‍ന്നു. പത്തനംതിട്ട, കോട്ടയം, ഇടുക്കി ജില്ലകളിലെ മുന്നാക്ക വിഭാഗങ്ങളെ പ്രതിനിധീകരിക്കുന്ന വിവിധ സംഘടനകളും വ്യക്തികളുമായി കോട്ടയം പി.ഡബ്ല്യൂ.ഡി റസ്റ്റ് ഹൗസില്‍ കമ്മീഷന്‍ ചെയര്‍മാന്‍ ജസ്റ്റിസ് എ.വി. രാമകൃഷ്ണപിള്ളയുടെ അധ്യക്ഷയില്‍ നടന്ന യോഗത്തിലാണ് വിവിധ നിര്‍ദേശങ്ങള്‍ ഉയര്‍ന്നത്.

    സംസ്ഥാന പോലീസ് കംപ്ലയിന്റ് അതോറിറ്റിയുടെ ആഭിമുഖ്യത്തില്‍ ജൂലൈ 25 ന് ദേശീയ സെമിനാര്‍ നടത്തും. 'മനുഷ്യാവകാശവും ആധുനിക പോലീസിംഗും: നൂതന പ്രവണതകള്‍' എന്ന വിഷയത്തില്‍ സംഘടിപ്പിക്കുന്ന സെമിനാര്‍ രാവിലെ 9.30ന് മുഖ്യമന്ത്രി പിണറായി വിജയന്‍ തിരുവനന്തപുരം ടാഗോര്‍ തീയറ്ററില്‍ ഉദ്ഘാടനം ചെയ്യുമെന്ന് പോലീസ് കംപ്ലയിന്റ് അതോറിറ്റി ചെയര്‍മാന്‍ വി.കെ. മോഹനന്‍ വാര്‍ത്താസമ്മേളനത്തില്‍ അറിയിച്ചു. സുപ്രീം കോടതി മുന്‍ ജഡ്ജി വി. ഗോപാല്‍ ഗൗഡ മുഖ്യപ്രഭാഷണം നടത്തും. അതോറിറ്റി ചെയര്‍മാന്‍ വി.കെ. മോഹനന്‍ അധ്യക്ഷത വഹിക്കും. അതോറിറ്റി അംഗവും മുന്‍ ഡി.ജി.പിയുമായ കെ.എസ്. ബാലസുബ്രഹ്മണ്യന്‍ സ്വാഗതം പറയും.