കൊച്ചി: മഴക്കെടുതി ബാധിതമേഖലകളിലെ 53 ക്യാമ്പുകളില്‍ അഭയം തേടിയിരിക്കുന്നവരുടെ എണ്ണം - 3986. ചൊവ്വാഴ്ച്ച 54 ക്യാമ്പുകളിലായി 4681 പേരെയാണ് പാര്‍പ്പിച്ചിരുന്നത്. പുഴയിലെയും സമീപപ്രദേശങ്ങളിലെയും ജലനിരപ്പ് താഴുന്നതനുസരിച്ച് ക്യാമ്പുകള്‍ നിര്‍ത്താനാകുമെന്ന പ്രതീക്ഷയിലാണ് ജില്ലാ ഭരണകൂടം. 

പയ്യന്നൂര്‍  താലൂക്ക്  ആശുപത്രിയെ 'ആര്‍ദ്രം' പദ്ധതിയില്‍ ഉള്‍പ്പെടുത്തിയതായി  സി. കൃഷ്ണന്‍  എം.എല്‍.എ  അറിയിച്ചു. സംസ്ഥാനത്തിന്റെ ആരോഗ്യ മേഖലയുടെ സമഗ്ര പുരോഗതിക്കായുള്ള സര്‍ക്കാരിന്റെ രോഗീ സൗഹൃദ ആശുപത്രി സംരംഭമാണ് ആര്‍ദ്രം ദൗത്യം. സര്‍ക്കാര്‍ ആശുപത്രികളിലെ ചികിത്സാ സൗകര്യം വര്‍ധിപ്പിക്കുക, പൊതുജനങ്ങള്‍ക്ക് പരമാവധി സൗജന്യ ചികിത്സ ഉറപ്പുവരുത്തുക എന്നിവയാണ് ആര്‍ദ്രത്തിലൂടെ ലക്ഷ്യമിടുന്നത്. 

    സ്റ്റേറ്റ് ഹോര്‍ട്ടികള്‍ച്ചര്‍ മിഷന്‍ മുഖേന പൈനാപ്പിള്‍ കര്‍ഷകര്‍ക്ക് 2018-19 വര്‍ഷത്തില്‍ ചിലവിന്റെ 40 ശതമാനം വരെ പരമാവധി ഒരു ഹെക്ടറിന് 26250 രൂപ ധനസഹായം നല്‍കുന്നു.  പുതിയതായി പൈനാപ്പിള്‍ കൃഷി ചെയ്തവരും കൃഷി ചെയ്യാന്‍ ആഗ്രഹിക്കുന്നവരും കൃഷിഭവനുമായി ബന്ധപ്പെടണമെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു.

    ജില്ലാ കലക്ടറുടെ അധീനതയിലുള്ള കെ എല്‍ 10 സി 9061 മഹീന്ദ്ര ജീപ്പ് ജൂലൈ 28 ന് രാവിലെ 11 മണിക്ക് കലക്ടറേറ്റ് പരിസരത്ത് ലേലം ചെയ്യും.  ഫോണ്‍: 0497 2700225, 700645.

    സ്‌കോള്‍ കേരള മുഖേന 2018-20 ബാച്ചിലേക്കുള്ള ഹയര്‍ സെക്കണ്ടറി ഒന്നാം വര്‍ഷ പ്രവേശനം ആരംഭിച്ചു.  എസ് എസ് എല്‍ സി/തത്തുല്യ യോഗ്യതയുള്ളവര്‍ക്ക്  ജൂലൈ 31 വരെ പിഴയില്ലാതെയും 60 രൂപ പിഴയോടെ ആഗസ്ത് 10 വരെയും ഫീസടച്ച്  www.scolekerala.org ല്‍ ഓണ്‍ലൈനായി രജിസ്റ്റര്‍ ചെയ്യാം.  പ്രവേശനത്തിന് ഉയര്‍ന്ന പ്രായപരിധിയില്ല.    ഫോണ്‍: 0497 2702706.

കാട്ടാമ്പള്ളി ഇറിഗേഷന്‍ പദ്ധതിയുടെ ഷട്ടറിന് അടുത്തായി പുഴയില്‍ അനധികൃതമായി കുറ്റിവലകള്‍ സ്ഥാപിച്ച് മത്സ്യബന്ധനം നടത്തുന്നവര്‍ ജൂലൈ 24-നകം കുറ്റിവലകള്‍ നീക്കം ചെയ്യണമെന്ന് ജില്ലാ ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു. ഇതില്‍ വീഴ്ച വരുത്തിയാല്‍ ഇനിയൊരറിയിപ്പില്ലാതെ ഫിഷറീസ് വകുപ്പ് വലകള്‍ നീക്കം ചെയ്യുകയും ഇതിന്റെ ചെലവും അനധികൃതമായി ചൂഷണം ചെയ്ത മത്സ്യസമ്പത്തിന്റെ വിലയും കണക്കാക്കി കുറ്റിവല സ്ഥാപിച്ചവരില്‍ നിന്നും പിഴ ഈടാക്കുമെന്നും ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

സംസ്ഥാനത്ത് ചിലയിടങ്ങളില്‍ നാളെ (ജൂലൈ 19) അതിശക്തമായ മഴയ്ക്കും 22 വരെ  കനത്ത മഴയ്ക്കും സാധ്യതയുള്ളതായി കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. 

    ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ കീഴിലുള്ള എംപ്ലോയബിലിറ്റി സെന്ററില്‍ സ്വകാര്യ സ്ഥാപനങ്ങളിലേക്ക് ജൂലൈ 21 ന് അഭിമുഖം നടത്തുന്നു.  സെയില്‍സ് എക്‌സിക്യൂട്ടീവ്‌സ് (പുരുഷന്‍ / സ്ത്രീ - പ്ലസ് ടു / ബിരുദം), സോഫ്റ്റ്‌വെയര്‍ ഡവലപ്പര്‍( ബി.സി.എ/എം.സി.എ, ബി.ടെക് / എം.ടെക്), സെയില്‍സ് ഓഫീസര്‍സ് (ബിരുദം), കസ്റ്റമര്‍  റിലേഷന്‍  മാനേജര്‍ (സ്ത്രീ - ബി.ബി.എം / ബി.കോം / ബി.ബി.എ.), മാര്‍ക്കറ്റിംഗ്  മാനേജര്‍ (പുരുഷന്‍ - എം.ബി.എ / ബി.ബി.എ) എന്നിവയിലേക്കാണ് അഭിമുഖം. 

തിരുവോണം ബമ്പര്‍ ഭാഗ്യക്കുറി: ജില്ലാതല ഉദ്ഘാടനം 

കൊച്ചി: ഈ വര്‍ഷത്തെ തിരുവോണം ബമ്പര്‍ ഭാഗ്യക്കുറിയുടെ ജില്ലാതല വില്‍പന ഉദ്ഘാടനം ഹൈബി ഈഡന്‍ എംഎല്‍എ നിര്‍വഹിച്ചു. ചരിത്രത്തിലെ ഏറ്റവും വലിയ സമ്മാനത്തുകയുമായിട്ടാണ് ഈ വര്‍ഷം ഭാഗ്യക്കുറി വിപണിയിലെത്തുന്നത്.  കാലവര്‍ഷക്കെടുതിയില്‍ വിപണിയെ ഉണര്‍ത്താന്‍ ഇത് സഹായകമാകും എന്ന് എംഎല്‍എ പറഞ്ഞു. കൊച്ചിയെ സംബന്ധിച്ച് വലിയ മാര്‍ക്കറ്റാണ് ഭാഗ്യക്കുറി മേഖലക്ക് ഉള്ളത്. കേരള സര്‍ക്കാര്‍ അന്യസംസ്ഥാന ലോട്ടറികള്‍ക്ക് നിരോധനം ഏര്‍പ്പെടുത്തിയതിന് ശേഷം സംസ്ഥാന ഭാഗ്യക്കുറിക്ക് വലിയ മുന്നേറ്റമാണ് ഉണ്ടായിട്ടുള്ളത്. 

 കാസര്‍കോട് ഗവ. ഐ.ടി.ഐ യില്‍ 2018 ആഗസ്റ്റ് സെഷന്‍ എസ്.സി.വി.ടി പ്രവേശനത്തിനുള്ള രണ്ടാംഘട്ട കൗണ്‍സിലിങ്ങ്  ഇന്ന് (19) നടക്കും. 175 നും 199 നും ഇടയില്‍  ഇന്‍ഡക്‌സ് മാര്‍ക്കുള്ള എസ്.സി. കാറ്റഗറി ഒഴികെയുള്ള എല്ലാവര്‍ക്കും പങ്കെടുക്കാം. എല്ലാ അസല്‍ രേഖകളും, രക്ഷകര്‍ത്താവിനൊപ്പം രാവിലെ ഒന്‍പതിന് ഹാജരാകണമെന്ന് പ്രിന്‍സിപ്പാള്‍ അറിയിച്ചു. കൂടുതല്‍ വിവരങ്ങള്‍ ഐ.ടി.ഐ വെബ്‌സൈറ്റില്‍ ലഭിക്കും. ഫോണ്‍: 04994 256440