കോന്നി താലൂക്ക് സപ്ലൈ ഓഫീസിന്റെ പരിധിയില്‍ അര്‍ഹതയില്ലാതെ മുന്‍ഗണനാ കാര്‍ഡുകള്‍ കൈവശം വച്ചിട്ടുള്ളവര്‍ ഈ മാസം 31ന് മുമ്പ് ഈ കാര്‍ഡുകള്‍ താലൂക്ക് സപ്ലൈ ഓഫീസില്‍ ഹാജരാക്കി മുന്‍ഗണനാ ഇതരവിഭാഗത്തിലേക്ക് മാറ്റി വാങ്ങണം. 31നകം ഇത്തരം കാര്‍ഡുകള്‍ സറണ്ടര്‍ ചെയ്യാതെ കൈവശം വച്ചിരിക്കുന്നവര്‍ക്കെതിരെ കര്‍ശന നിയമ നടപടികള്‍ സ്വീകരിക്കുമെന്ന് താലൂക്ക് സപ്ലൈ ഓഫീസര്‍ അറിയിച്ചു. അര്‍ഹതയില്ലാത്തവര്‍ മുന്‍ഗണനാ കാര്‍ഡുകള്‍ കൈവശം വച്ചിരിക്കുന്നത് സംബന്ധിച്ച് വ്യാപകമായ പരാതികള്‍ ലഭിച്ചതിന്റെ അടിസ്ഥാനത്തിലാണ് നടപടി. 

    ശബരിഗിരി ജലവൈദ്യുതി പദ്ധതിയുടെ ഡാമുകളിലൊന്നായ പമ്പ ഡാമിലെ ജലനിരപ്പ് ഉയര്‍ന്ന സാഹചര്യത്തില്‍ ഡാം തുറക്കാന്‍ സാധ്യതയുള്ളതിനാല്‍ പമ്പയുടെ തീരത്ത് താമസിക്കുന്നവരും ശബരിമല തീര്‍ഥാടകരും അതീവ ജാഗ്രത പുലര്‍ത്തണമെന്ന് ജില്ലാ കളക്ടര്‍ അറിയിച്ചു.                               

    എലിപ്പനി നിയന്ത്രണവുമായി ബന്ധപ്പെട്ട് അടിയന്തര നടപടികള്‍ ചര്‍ച്ച ചെയ്യുന്നതിന് ഇന്ന് (19) രാവിലെ 11ന് ജില്ലാ കളക്ടറുടെ ചേംബറില്‍ യോഗം ചേരും. 
                                           
 

കേരള സര്‍ക്കാര്‍ സ്വയംഭരണ സ്ഥാപനമായ അനെര്‍ട്ട്  സംസ്ഥാനത്തെ എല്ലാ നിയമസഭാ മണ്ഡലങ്ങളിലും അക്ഷയ ഊര്‍ജ്ജ സര്‍വ്വീസ് സെന്ററുകള്‍ സ്ഥാപിക്കുന്നതിനായി തെരഞ്ഞെടുത്ത സംരംഭകര്‍ക്ക് വേണ്ടി കേരളാ ഇന്‍സ്റ്റിറ്റ്യൂട്ട് ഫോര്‍ എന്റര്‍ പ്രണര്‍ഷിപ്പ് ഡെവലപ്പ്‌മെന്റ് സംഘടിപ്പിക്കുന്ന ത്രിദിന സംരംഭകത്വ പരിശീലന പരിപാടി ആരംഭിച്ചു. 35 പേരടങ്ങുന്ന ആദ്യ ബാച്ചിന്റെ പരിശീലനം പരിപാടി കീഡിന്റെ കളമശ്ശേരി ആസ്ഥാന ഓഫീസില്‍ കെ.എം.എം.എല്‍ & റിയാബ് ചെയര്‍മാന്‍ എം.പി.സുകുമാരന്‍ നായര്‍ ഉദ്ഘാടനം ചെയ്തു.

    മൈലപ്ര ഗ്രാമപഞ്ചായത്തിലെ തൊഴില്‍രഹിത വേതനം 19 മുതല്‍ 23 വരെ വിതരണം ചെയ്യും. ഗുണഭോക്താക്കള്‍ റേഷന്‍ കാര്‍ഡിന്റെ പകര്‍പ്പ്, എംപ്ലോയ്‌മെന്റ് എക്‌സ്‌ചേഞ്ച് കാര്‍ഡ്, പഞ്ചായത്തിലെ ഐഡി കാര്‍ഡ്, ഒരു പാസ്‌പോര്‍ട്ട് സൈസ് ഫോട്ടോ എന്നിവയുമായി ഹാജരായി വേതനം കൈപ്പറ്റണമെന്ന് സെക്രട്ടറി അറിയിച്ചു. തുക കൈപ്പറ്റാത്തവര്‍ മെഡിക്കല്‍ സര്‍ട്ടിഫിക്കറ്റ് ഹാജരാക്കണം. 
                                          
 

    ആങ്കിലോസിംഗ് സ്‌പൊണ്ടിലൈറ്റിസ് ഗുരുതര വാത രോഗത്തിന് ജില്ലാ ആശുപത്രികളിലും തെരഞ്ഞെടുത്ത സ്‌പെഷ്യാലിറ്റി ആശുപത്രികളിലും ചികിത്സാ സൗകര്യവും മരുുവിതരണവും  നടപടി സ്വീകരിക്കണമെ് സംസ്ഥാന മനുഷ്യാവകാശ കമ്മീഷന്‍. മരുുകള്‍ സര്‍ക്കാര്‍ നേരി'് ഉല്പാദിപ്പിച്ച് വിതരണം ചെയ്യനാുള്ള സാധ്യതകള്‍ പരിഗണിക്കണം. ഇതിനായി കേന്ദ്ര ഏജന്‍സികളുടെ സഹായം തേടണമെും കമ്മീഷന്‍ അംഗം കെ. മോഹന്‍കുമാര്‍ പറഞ്ഞു.