ജൂലൈ മാസത്തെ കോഴിക്കോട് ജില്ലാ വികസന സമിതി യോഗം 28 ന് രാവിലെ 10.30 ന് കലക്ടറേറ്റ്  കോണ്‍ഫറന്‍സ് ഹാളില്‍ ചേരും. 

എല്ലാ കാര്‍ഡ് ഉപഭോക്താക്കളും റേഷന്‍ സാധനങ്ങള്‍ സ്റ്റോക്കുള്ളതനുസരിച്ച് ഓരോ മാസവും 25-ന് മുമ്പ് റേഷന്‍കടകളില്‍ നിന്നും വാങ്ങി സഹകരിക്കണെന്ന് സിറ്റി റേഷനിംഗ് ഓഫീസര്‍ (സൗത്ത്) അറിയിച്ചു. 
                  
 

    അനര്‍ഹമായി മുന്‍ഗണനാ കാര്‍ഡ് കൈവശമുള്ളവര്‍ അഞ്ച് ദിവസത്തിനകം സിറ്റി റേഷനിംഗ് ഓഫീസ് (സൗത്ത്), കോഴിക്കോട് ഓഫീസില്‍ ഹാജരായി പൊതുവിഭാഗത്തിലേയ്ക്ക് കാര്‍ഡ് പരിവര്‍ത്തനം ചെയ്ത് നടപടി ഒഴിവാക്കാനുള്ള അവസാന അവസരം പ്രയോജനപ്പെടുത്തണം. 
    മുന്‍ഗണനാ കാര്‍ഡുകള്‍ കൈവശം വെച്ചിട്ടുള്ള സര്‍ക്കാര്‍, പൊതുമേഖലാ സ്ഥാപനങ്ങളിലെ ജോലിക്കാര്‍, പെന്‍ഷന്‍കാര്‍, 1000 സ്‌ക്വയര്‍ ഫീറ്റിലധികം വിസ്തീര്‍ണ്ണമുള്ള വീടുള്ളവര്‍, ഒരു ഏക്കറില്‍ കൂടുതല്‍ ഭൂമിയുള്ളവര്‍, നാലോ അതിലധികമോ ചക്രവാഹനങ്ങളുള്ളവര്‍, ആദായനികുതി ഒടുക്കുന്നവര്‍, 25,000 രൂപയില്‍ കൂടുതല്‍ മാസവരുമാനം ഉള്ളവര്‍ എന്നിവര്‍ നടപടികള്‍ക്ക് വിധേയരാകും.

           വയനാട് ജില്ലയിലെ നാല് മോഡല്‍ റസിഡന്‍ഷ്യല്‍ സ്‌കൂളുകളില്‍ 2018-19 അധ്യയന വര്‍ഷം കരാര്‍ അടിസ്ഥാനത്തില്‍ ലൈബ്രേറിയന്‍ നിയമനത്തിനുള്ള കൂടിക്കാഴ്ച  ജൂലൈ 28 ന് ഉച്ചയ്ക്ക് 2ന് കല്‍പ്പറ്റ കലക്ടറേറ്റ് കോണ്‍ഫറന്‍സ് ഹാളില്‍ നടത്തും. ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളും സര്‍ട്ടിഫിക്കറ്റുകളുടെ പകര്‍പ്പും സഹിതം ഉച്ചയ്ക്ക് 1.30 ന് കല്‍പ്പറ്റ സിവില്‍ സ്റ്റേഷനിലെ ഐ.റ്റി.ഡി.പി ഓഫീസില്‍ ഹാജരാകണം.  ഒഴിവുകളുടെ എണ്ണം നാല്. യോഗ്യത ലൈബ്രറി സയന്‍സില്‍ ബിരുദം, കമ്പ്യൂട്ടറൈസ്ഡ് ലൈബ്രറികളില്‍ കുറഞ്ഞത് മൂന്ന് വര്‍ഷത്തെ പ്രവൃത്തി പരിചയം. വിവരങ്ങള്‍ക്ക് ഫോണ്‍ 04936-202232. 
 

ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ വൊക്കേഷണല്‍ ഗൈഡന്‍സ് യൂണിറ്റിന്റെ ആഭിമുഖ്യത്തില്‍ ബേപ്പൂര്‍ ഹയര്‍സെക്കന്ററി സ്‌കൂളില്‍ കരിയര്‍ സെമിനാര്‍ സംഘടിപ്പിച്ചു. പി.ടി.എ വൈസ് പ്രസിഡന്റ് മുരളി ബേപ്പുര്‍ അധ്യക്ഷത വഹിച്ചു. പ്രിന്‍സിപ്പാള്‍ വി.ജീജ സെമിനാര്‍ ഉദ്ഘാടനം ചെയ്തു. കരിയര്‍ കൗണ്‍സിലര്‍ പി. ഹാരിസ് മുഖ്യപ്രഭാഷണം നടത്തി. കരിയര്‍ ഗൈഡന്‍സ് കോഓര്‍ഡിനേറ്റര്‍ ജാഫര്‍. എന്‍.എം, എംപ്ലോയ്‌മെന്റ് ഓഫീസര്‍ കെ ഷൈലേഷ്, ജൂനിയര്‍ എംപ്ലോയ്‌മെന്റ് ഓഫീസര്‍ സി.കെ സജീഷ്, എന്‍.എസ്.എസ്.കോഓര്‍ഡിനേറ്റര്‍ വി.പ്രബീഷ്‌കുമാര്‍ എന്നിവര്‍ സംസാരിച്ചു.
 

പി.എസ്.സി അംഗീകരിച്ച ഹിന്ദി ബി എഡിന് തുല്ല്യമായ ഡിപ്ലോമ ഇന്‍ ലാംഗ്വേജ് എഡ്യൂക്കേഷന്‍ കോഴ്‌സിന് സീറ്റ് ഒഴിവ്. ഹിന്ദിയിലുള്ള ബിഎ, എംഎ, പ്രചാരസഭകളുടെ പ്രവീണ്‍, സാഹിത്യാചാര്യ ഇവയിലൊന്ന് ജയിച്ചവര്‍ക്ക് ചേരാം. പട്ടികജാതി മറ്റര്‍ഹ വിഭാഗത്തിന് ഫീസ് ഇളവ് ലഭിക്കും. പ്രിന്‍സിപ്പാള്‍, ഇന്‍സ്റ്റിറ്റ്യൂട്ട് ഓഫ് ലാംഗ്വേജ് എഡ്യൂക്കേഷന്‍, അടൂര്‍, പത്തനംതിട്ട. ഫോണ്‍ : 04734-226028, 9446321496.
 

നെഹ്‌റു യുവ കേന്ദ്ര  2018-19 വര്‍ഷത്തില്‍ സംഘടിപ്പിക്കുന്ന യുവജന ക്ഷേമ കലാ കായിക പരിപാടികള്‍ ഏറ്റെടുത്ത് സംഘടിപ്പിക്കുവാന്‍ യൂത്ത് ക്ലബ്ബുകള്‍ക്ക്  അവസരം നല്‍കുന്നു.   യൂത്ത് പാര്‍ലമെന്റുകള്‍, തൊഴില്‍ പരിശീലന പരിപാടികള്‍, ഏക ദിന സെമിനാറുകള്‍, ബ്ലോക്ക് തല കലാ കായിക മത്സരങ്ങള്‍, ജില്ലാ തല കലാ കായിക മത്സരങ്ങള്‍, തുടങ്ങിയ പരിപാടികള്‍ ക്ലബ്ബ്കള്‍ക്ക് സംഘടിപ്പിക്കാം.  അപേക്ഷകള്‍ ജൂലൈ 31  നകം കോഴിക്കോട് സിവില്‍ സ്റ്റേഷനിലെ  നെഹ്‌റു യുവ കേന്ദ്ര  ഓഫീസില്‍  ലഭിക്കണം.   ഫോണ്‍:  04952371891.
 

പട്ടികവര്‍ഗ്ഗ വികസന ഓഫീസിനു കീഴില്‍ നാല് പ്രീമെട്രിക് ഹോസ്റ്റലുകളില്‍ ദിവസവേതനാടിസ്ഥാനത്തില്‍ ആയ തസ്തികയില്‍ വനിതകളെ നിയമിക്കും. ഹോസ്റ്റലില്‍ താമസിച്ച് ജോലി ചെയ്യാന്‍ സമ്മതമുളളവര്‍ അപേക്ഷിച്ചാല്‍ മതിയാകും. യോഗ്യത : ഏഴാം തരം പാസായിരിക്കണം. പ്രായപരിധി 25 നും 45 നും മധ്യേ. യോഗ്യത എസ്.എസ്.എല്‍.സി, സര്‍ക്കാര്‍,സര്‍ക്കാര്‍ അംഗീകൃത സ്ഥാപനങ്ങളില്‍ മുന്‍പരിചയമുളളവര്‍ക്ക് മുന്‍ഗണന ലഭിക്കും. ഫോണ്‍ : 0495 2376364.