2018-19 സാമ്പത്തികവര്‍ഷം ജില്ലാ പഞ്ചായത്ത് പട്ടികവര്‍ഗ്ഗ ഉപപദ്ധതി പ്രകാരം ട്രൈബല്‍ ഡവലപ്‌മെന്റ് ഓഫീസ് മുഖേന  പ്രൊഫഷണല്‍ കോഴുസുകള്‍ തുടങ്ങി മറ്റ് റഗുലര്‍  കോഴ്‌സുകളില്‍  പഠിക്കുന്ന പട്ടികവര്‍ഗ്ഗ വിദ്യാര്‍ത്ഥികള്‍ക്ക് ധനസഹായം അനുവദിക്കുന്ന പദ്ധതിക്കായുള്ള അപേക്ഷകള്‍ ക്ഷണിച്ചു. സംസ്ഥാന സര്‍ക്കാരോ സര്‍ക്കാര്‍ ചുമതലപ്പെടുത്തിയിട്ടുള്ള ഏജന്‍സികളോ നടത്തുന്നതായ എല്ലാത്തരം കോഴ്‌സുകളിലേക്കും, കേന്ദ്ര സംസ്ഥാനതല പ്രവേശന പരീക്ഷയില്‍ യോഗ്യത നേടി പഠനം നടത്തുന്ന എല്ലാ വിദ്യാര്‍ത്ഥികള്‍ക്കും സ്ഥാപനമേധാവിയുടെ സാക്ഷ്യപത്രത്തിന്റെ അടിസ്ഥാനത്തില്‍ ധനസഹായം നല്‍കും.

കാസര്‍കോട് സര്‍ക്കാര്‍ അന്ധവിദ്യാലയം കോമ്പൗണ്ടില്‍ പ്രവര്‍ത്തിക്കുന്ന ഗവ.സ്‌പെഷ്യല്‍ ടീച്ചേഴ്‌സ്   ട്രെയിനിംഗ് സെന്ററില്‍ ഫാക്കല്‍റ്റി ഇന്‍ സ്‌പെഷ്യല്‍ എജുക്കേഷനില്‍ നിലവിലുള്ള രണ്ടു ഒഴിവിലേക്ക് കരാര്‍ അടിസ്ഥാനത്തില്‍  നിയമനം നടത്തുന്നു.  ഉദ്യോഗാര്‍ത്ഥികള്‍ക്ക് മാനവിക,ശാസ്ത്ര വിഷയങ്ങളില്‍ ബിരുദാനന്തര ബിരുദവും, സ്‌പെഷ്യല്‍ എജുക്കേഷനില്‍ എം.എഡ് (മെന്റല്‍ റിട്ടാര്‍ഡേഷന്‍)  അല്ലെങ്കില്‍ സ്‌പെഷ്യല്‍ എജുക്കേഷനില്‍ ബി.എഡ് (മെന്റല്‍ റിട്ടാര്‍ഡേഷന്‍) അല്ലെങ്കില്‍  സ്‌പെഷ്യല്‍ എജുക്കേഷനില്‍  ഡിപ്ലോമയും (മെന്റല്‍ റിട്ടാര്‍ഡേഷന്‍), ആര്‍. സി.

മധുര്‍ കൃഷിഭവനില്‍ കുരുമുളക് വള്ളികള്‍ വിതരണത്തിനെത്തി. കര്‍ഷകര്‍ 2018-2019 വര്‍ഷത്തെ  സ്ഥല നികുതി പകര്‍പ്പ്, ബാങ്ക് പാസ്ബുക്ക് പകര്‍പ്പ് എന്നിവയുമായി അപേക്ഷ സമര്‍പ്പിക്കണം.         

കെട്ടിട നിര്‍മ്മാണത്തൊഴിലാളി ക്ഷേമ ബോര്‍ഡിലെ അംഗത്തൊഴിലാളികളുടെ മക്കള്‍ക്ക് നല്കിവരുന്ന എസ് എസ് എല്‍ സി പഠനസഹായത്തിനും ക്യാഷ് അവാര്‍ഡിനുമുള്ള അപേക്ഷകള്‍ സ്വീകരിക്കുന്ന അവസാന തീയതി ഈ മാസം 25 വരെ നീട്ടി.കൂടുതല്‍ വിവരങ്ങള്‍ക്ക് ഫോണ്‍.0467 2206737         

മടിക്കൈ ഗ്രാമ പഞ്ചായത്തില്‍ നിന്നും 2017 ആഗസ്റ്റ് മുതല്‍ 2018 മാര്‍ച്ച് വരെയുളള തൊഴില്‍ രഹിത വേതനം ഈ മാസം 23, 24 തീയതികളില്‍  രാവിലെ 11 മുതല്‍ മൂന്നുവരെ പഞ്ചായത്ത് ഓഫീസില്‍ വിതരണം ചെയ്യും. അതേസമയം തൊഴിലുറപ്പ് പദ്ധതി പ്രകാരം രജിസ്റ്റര്‍ ചെയ്ത വ്യക്തികള്‍ തൊഴില്‍രഹിത വേതനത്തിന് അര്‍ഹരായിരിക്കില്ലെന്ന് സെക്രട്ടറി അറിയിച്ചു. തൊഴില്‍ രഹിതവേതനം കൈപ്പറ്റിക്കൊണ്ടിരിക്കുന്ന ഗുണഭോക്താക്കള്‍ ആധാര്‍ കാര്‍ഡ്, എംപ്ലോയ്‌മെന്റ് കാര്‍ഡ്, എസ്.എസ്.എല്‍.സി ബുക്ക്, റേഷന്‍കാര്‍ഡ്, വില്ലേജ് ഓഫീസറുടെ വരുമാന സര്‍ട്ടിഫിക്കറ്റ് (വാര്‍ഷിക വരുമാനം 12000 രൂപയില്‍ കവിയരുത്) എന്നിവ സഹിതം നേരിട്ട്് ഹാജരാകണം.           

    പി എസ് സി അംഗീകരിച്ച ഹിന്ദി ബി എഡിന് തുല്യമായ ഡിപ്ലോമ ഇന്‍ ലാംഗ്വേജ് എഡ്യൂക്കേഷന്‍ കോഴ്‌സിന് സീറ്റ് ഒഴിവ്. ഹിന്ദിയിലുള്ള ബി എ, എം എ, പ്രചാരസഭകളുടെ പ്രവീണ്‍, സാഹിത്യാചാര്യ എന്നിവയിലൊന്ന് ജയിച്ചവര്‍ക്ക് അപേക്ഷിക്കാം.  പട്ടികജാതിയില്‍പെട്ടവര്‍ക്കും അര്‍ഹരായ മറ്റ് വിഭാഗങ്ങളില്‍പെട്ടവര്‍ക്കും ഫീസ് ഇളവ് ലഭിക്കും. വിലാസം: പ്രിന്‍സിപ്പല്‍, ഇന്‍സ്റ്റിറ്റ്യൂട്ട് ഓഫ് ലാംഗ്വേജ് എഡ്യുക്കേഷന്‍, അടൂര്‍, പത്തനംതിട്ട 04734 226028, 9446321496.

കേരള, കര്‍ണാടക, ലക്ഷദ്വീപ് തീരങ്ങളില്‍ പടിഞ്ഞാറന്‍ ദിശയില്‍ മണിക്കൂറില്‍ 35 മുതല്‍ 60 കിലോമീറ്റര്‍ വരെ വേഗതയില്‍  കാറ്റ് വീശാന്‍ സാധ്യതയുള്ളതിനാല്‍ മത്സ്യത്തൊഴിലാളികള്‍ അടുത്ത 24 മണിക്കൂര്‍ നേരത്തേക്ക് കടലില്‍ പോകരുതെന്ന് ഫിഷറീസ് കണ്‍ട്രോള്‍ റൂം അറിയിച്ചു.

കേരള പബ്ലിക് സര്‍വീസ് കമ്മീഷന്‍ ഇ-ഓഫീസ്‌വല്‍ക്കരണം ജില്ല, മേഖല ഓഫീസുകളിലേക്ക് വ്യാപിപ്പിക്കുന്നതിന്റെ ഭാഗമായി കാസര്‍കോട് ജില്ലാ ഓഫീസില്‍ ഇ-ഓഫീസ് സംവിധാനം ആരംഭിക്കുന്നതിന്റെ ഉദ്ഘാടനം ഇന്ന് (19) നടക്കും. രാവിലെ 11 ന് നടക്കുന്ന ചടങ്ങില്‍ കേരള പബ്ലിക് സര്‍വീസ് കമ്മീഷന്‍ ചെയര്‍മാന്‍ അഡ്വ.എം.കെ സക്കീര്‍ ഉദ്ഘാടനം നിര്‍വഹിക്കും.

സൈബര്‍ശ്രീ, സി-ഡിറ്റില്‍ നടന്നുവരുന്ന സോഫ്റ്റ്‌വെയര്‍ വികസന പരിശീലനത്തില്‍ HTML, CSS. javaScript, jQuery. ASP, .NET, PHP, SQL, MySQL തുടങ്ങിയവയില്‍ പരിചയ സമ്പന്നരായ എക്‌സ്റ്റേണല്‍ ഫാക്കല്‍റ്റിയെ ആവശ്യമുണ്ട്. ബിരുദധാരികളായ വ്യക്തികള്‍ക്കും ഈ മേഖലയില്‍ പരിശീലനം നല്‍കിവരുന്ന സ്ഥാപനങ്ങള്‍ക്കും ബന്ധപ്പെടാം. വിലാസം: പ്രൊജക്ട് മാനേജര്‍, സൈബര്‍ശ്രീ, സി-ഡിറ്റ്, ടി.സി 81/ 2964 പൂര്‍ണ്ണിമ, ഹോസ്പിറ്റല്‍ റോഡ്, തൈക്കാട് പി.ഒ, തിരുവനന്തപുരം 18. ഫോണ്‍: 0471 2323949, 9446455052

മഞ്ചേശ്വരം താലൂക്കില്‍ റേഷന്‍ വിതരണം, റേഷന്‍ കാര്‍ഡ് സംബന്ധിച്ച കാര്യങ്ങള്‍ക്കായി പൊതുജനങ്ങള്‍ക്ക് ബന്ധപ്പെടുവാന്‍ ബി എസ് എന്‍ എല്‍ ഫോണ്‍ നമ്പരുകള്‍ നിലവില്‍ വന്നു. മഞ്ചേശ്വരം താലൂക്ക് സപ്ലൈ ഓഫീസര്‍- 9188527415, അസിസ്റ്റന്റ് താലൂക്ക് സപ്ലൈ ഓഫീസര്‍- 9188527519, കുമ്പള റേഷനിംഗ് ഇന്‍സ്‌പെക്ടര്‍-  9188527903, മഞ്ചേശ്വരം റേഷനിംഗ് ഇന്‍സ്‌പെക്ടര്‍- 9188527904 എന്നിവരെ പൊതുജനങ്ങള്‍ക്ക് ഏതുസമയത്തും ബന്ധപ്പെടാം.