ആലപ്പുഴ: കേരള നിയമസഭയുടെ പട്ടികജാതി/പട്ടികവർഗ ക്ഷേമ സമിതി ജൂലൈ 26ന് വ്യാഴാഴ്ച രാവിലെ 10.30ന് കളക്ടറേറ്റ് കോൺഫറൻസ് ഹാളിൽ യോഗം ചേരും. ജില്ലയിൽ നിന്ന് സമതിക്ക് ലഭിച്ച ഹർജികളിന്മേൽ ബന്ധപ്പെട്ട ജില്ലാതല ഉദ്യോഗസ്ഥരിൽ നിന്നും തെളിവെടുക്കും. പട്ടികജാതി-വർഗ വിഭാഗങ്ങൾ, അവരുടെ സംഘടനാ പ്രതിനിധികൾ എന്നിവരിൽ നിന്നും പരാതികൾ സ്വീകരിക്കും. എല്ലാ ജില്ലാതല ഓഫീസർമാരും പങ്കെടുക്കണം.

(പി.എൻ.എ. 1885/2018)

    പാലക്കാട് ചെമ്പൈ സ്മാരക സര്‍ക്കാര്‍ സംഗീത കോളെജില്‍ ഒന്നാം വര്‍ഷ ബി.എ വോക്കല്‍ (മ്യുസിക്), വീണ, വയലിന്‍, മൃദംഗം ബിരുദ കോഴ്സുകളില്‍ സീറ്റ് ഒഴിവുണ്ട്.  അതത് വിഷയത്തില്‍ കാലിക്കറ്റ് യൂനിവേഴ്സിറ്റിയുടെ സി.യു.ഓണ്‍ലൈന്‍ വഴി രജിസ്ട്രേഷന് ചെയ്തവര്‍ ജൂലൈ 23 ന് രാവിലെ 10.30 ന് എല്ലാ സര്‍ട്ടിഫിക്കറ്റുകളും സഹിതം എത്തണമെന്ന് പ്രിന്‍സിപ്പല്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ -0491 2527437

ഗൃഹചൈതന്യം പദ്ധതി; ശിൽപ്പശാല സംഘടിപ്പിച്ചു

ആലപ്പുഴ: ജില്ലയിൽ അപ്രതീക്ഷിതമായ പ്രകൃതിക്ഷോഭം മൂലം വൈദ്യുതി ലൈനുകൾ വലിയ തോതിൽ തകരാറിൽ ആയിരിക്കുകയാണ്. വൈദ്യുതി ബന്ധം പുനസ്ഥാപിക്കാൻ കാലതാമസം നേരിടുന്നതാണ്. സുരക്ഷിതത്വം മുൻനിർത്തി പല  ലൈനുകളുടെയും വൈദ്യുതി ബന്ധം വിച്ഛേദിക്കേണ്ട സാഹചര്യം നിലവിൽ ഉണ്ട്. പൊതുജനങ്ങൾ ദയവായി വൈദ്യുതി വകുപ്പിന്റെ പ്രവർത്തനങ്ങളുമായി സഹകരിക്കണമെന്ന് ജില്ല ഹെഡ് ക്വാർട്ടർ എക്‌സിക്യൂട്ടീവ് എൻജിനീയർ അഭ്യർഥിച്ചു.

(പി.എൻ.എ. 1883/2018) 

പാലക്കാട് ടൗണിനും പൊള്ളാച്ചി റെയില്‍വേ ഗേറ്റിനുമിടയിലുളള ലെവല്‍ ക്രോസ് (ഗേറ്റ് നമ്പര്‍ 48) അറ്റകുറ്റപണികളെ തുടര്‍ന്ന് ജൂലൈ 21-ന് രാവിലെ എട്ട് മുതല്‍ വൈകീട്ട് അഞ്ച് വരെ അടച്ചിടും. അതേ തുടര്‍ന്ന് അതുവഴിയുളള വാഹനങ്ങള്‍ ഇംഗ്ലീഷ് ചര്‍ച്ച് റോഡ് വഴി കടന്നു പോകണമെന്ന് സീനിയര്‍ അസിസ്റ്റന്‍റ് ഡിവിഷ്നല്‍ എഞ്ചിനീയര്‍ അറിയിച്ചു. 

  
കേരള നിയമസഭാ സെക്രട്ടറിയേറ്റ്‌ ലോക്കല്‍ ഫണ്ട്‌ അക്കൗണ്ട്‌സ്‌ കമ്മിറ്റിയുടെ നേതൃത്വത്തില്‍ കലക്ടറേറ്റ് സമ്മേളന ഹാളില്‍ നിയമസഭാസമിതി സിറ്റിങ് നടത്തി. സംസ്ഥാന ഓഡിറ്റ് വകുപ്പ്‌ ഡയറക്ടറുടെ 2005-06, 2007-08, 2010-11, 2011-12 വര്‍ഷങ്ങളിലെ സമാഹൃത ഓഡിറ്റ്‌ റിപ്പോര്‍ട്ടില്‍ ഉള്‍പ്പെട്ടിട്ടുള്ള പാലക്കാട് ജില്ലയുമായി ബന്ധപ്പെട്ട വിഷയങ്ങളിലാണ് സമിതി സിറ്റിങ് നടത്തിയത്.