വിദ്യാഭ്യാസ മേഖലയില്‍ വിദ്യാര്‍ത്ഥികളുടെ അക്കാദമിക നിലവാരം ഉയര്‍ത്തുക എന്ന ലക്ഷ്യത്തോടെ ജില്ലാ പഞ്ചായത്ത് നടപ്പാക്കുന്ന എജ്യുകെയറിന്റെ ഭാഗമായുള്ള വിജയോത്സവം പരിപാടി പുതുപ്പാടി ഗവ. ഹയര്‍ സെക്കന്ററി സ്‌കൂളില്‍  ജില്ലാ പഞ്ചായത്തംഗം വി ഡി ജോസഫ് ഉദ്ഘാടനം ചെയ്തു. പിടിഎ പ്രസിഡന്റ് കരീം പുതുപ്പാടി അധ്യക്ഷത വഹിച്ചു. പ്രധാനധ്യാപകന്‍  ടി എം മജീദ്, സീനിയര്‍ അസിസ്റ്റന്റ് ശ്യംകുമാര്‍ , കെ സി മുഹമ്മദ്, ടി എം അബ്ദുറഹിമാന്‍ ,എം അബ്ദുള്‍ മജീദ് എന്നിവര്‍ സംസാരിച്ചു.

ജില്ലയില്‍ റേഷന്‍കാര്‍ഡ് ഓണ്‍ലൈന്‍ സേവനങ്ങള്‍ നല്‍കുന്നതിന് ജില്ലയിലെ എല്ലാ അക്ഷയ കേന്ദ്രങ്ങളിലും സജ്ജീകരണം ഒരുക്കിയതായി ജില്ലാ കലക്ടര്‍ അറിയിച്ചു.  പുതിയ റേഷന്‍കാര്‍ഡിനുള്ള അപേക്ഷകള്‍, നിലവിലുള്ള റേഷന്‍കാര്‍ഡില്‍ പുതിയ അംഗങ്ങളെ ചേര്‍ക്കല്‍, തിരുത്തല്‍ വരുത്തല്‍, മറ്റൊരു താലൂക്കില്‍ നിന്ന് കാര്‍ഡ് ട്രാന്‍്‌സ്ഫര്‍ ചെയ്യല്‍, മരണപ്പെട്ടുപോയ അംഗങ്ങളെ ഒഴിവാക്കല്‍ തുടങ്ങിയ അപേക്ഷകള്‍ അക്ഷയ കേന്ദ്രങ്ങള്‍ വഴി സമര്‍പ്പിക്കാവുന്നതാണ്.  

ലോക മുലയൂട്ടല്‍ വാരാചരണത്തിന്റെ ജില്ലാതല ഉദ്ഘാടനം ഡോ.എം.കെ മുനീര്‍ എം.എല്‍.എ നിര്‍വ്വഹിച്ചു. ആരോഗ്യവകുപ്പ്, ദേശീയ ആരോഗ്യദൗത്യം, ഇന്ത്യന്‍ അക്കാദമിഓഫ് പീഡിയാട്രിക്‌സ്, നിയോ നേറ്റല്‍ ഫോറം എന്നിവയുടെ സംയുക്ത ആഭിമുഖ്യത്തില്‍ മെഡിക്കല്‍ കോളേജ് കബനി ഓഡിറ്റോറിയത്തിലാണ് പരിപടി സംഘടിപ്പിച്ചത്.  ഇന്ത്യന്‍ അക്കാദമി ഓഫ് പീഡിയാട്രിക്‌സ്, നിയോ നേറ്റല്‍ഫോറം എന്നിവയുടെ നേതൃത്വത്തില്‍ ഡോ.മോഹന്‍ദാസ് നായര്‍, ഡോ.ഫിജിഎം.ഡി, ഡോ.മഞ്ജുഷ. ഡോ.രാഹുല്‍ ഇല്ലപറമ്പത്ത് എന്നിവര്‍ വിവിധ വിഷയങ്ങളില്‍ ക്ലാസ്സുകള്‍ നയിച്ചു. ജില്ലാ കളക്ടര്‍ യു.വി ജോസ് ചടങ്ങില്‍ മുഖ്യാഥിതിയായി.

സംസ്ഥാന കൈത്തറി വസ്ത്ര ഡയറക്ട്രറ്റ്, ജില്ലാ വ്യവസായ കേന്ദ്രം,കൈത്തറി വികസനസമിതി എന്നിവയുടെ സംയുക്ത ആഭിമുഖ്യത്തില്‍ നടത്തുന്ന ഓണം ബക്രീദ് ഹാന്റലൂം എക്‌സ്‌പോയുടെ ഉദ്ഘാടനം ഇന്ന് (05-08-2018) വൈകുന്നേരം 4 മണിക്ക്  തൊഴില്‍ എക്‌സൈസ് വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിക്കും.  കോംട്രസ്റ്റിന് സമീപം തൈക്കാട്ട് ഗ്രൗണ്ടില്‍ നടക്കുന്ന ചടങ്ങില്‍ മേയര്‍ തോട്ടത്തില്‍ രവീന്ദ്രന്‍ അധ്യക്ഷത വഹിക്കും. ഈ മാസം 2 ന് ആരംഭിച്ച മേള 23 ന് അവസാനിക്കും. രാവിലെ 9 മണി മുതല്‍ രാത്രി 8വരെയാണ് പ്രദര്‍ശനവും വില്‍പനയും നടക്കുക.     

എലത്തൂര്‍ നിയോജക മണ്ഡലത്തിലെ സ്‌കൂളുകളുടെ പഠന നിലവാരവും ഭൗതികാന്തരീക്ഷ സൗകര്യങ്ങളും ഗതാഗത മന്ത്രി എ.കെ.ശശീന്ദ്രന്റെ നേതൃത്വത്തില്‍ വിലയിരുത്തി. ന•ണ്ട ഹയര്‍സെക്കന്ററി സ്‌ക്കൂള്‍, സി.എം.സി ഹൈസ്‌കൂള്‍, കുട്ടമ്പൂര്‍ ഹയര്‍ സെക്കന്ററി സ്‌ക്കൂള്‍, എ.കെ.കെ.ആര്‍ ഹൈസ്‌ക്കൂള്‍ ഫോര്‍ ബോയ്‌സ് എന്നീ സ്‌കൂളുകളുടെ ഭൗതിക സാഹചര്യം മെച്ചപ്പെടുത്തുന്നതിന് പ്രത്യേക പരിഗണന നല്‍കാന്‍ യോഗത്തില്‍ തീരുമാനമായി.