ഇന്നു(ആഗസ്റ്റ് ഏഴ്) നടത്താനിരുന്ന ജില്ലാ സാക്ഷരതാസമിതി യോഗം മാറ്റി വെച്ചതായി ജില്ലാ സാക്ഷരതാ മിഷന്‍ പ്രൊജക്ട് കോര്‍ഡിനേറ്റര്‍ പി.എം.അബ്ദുള്‍ കരീം അറിയിച്ചു. പുതുക്കിയ  തിയതി പിന്നീട് അറിയിക്കും.

ദേശീയപാത വികസനത്തിനു ഭൂമി ഏറ്റെടുക്കുന്നതുമായി ബന്ധപ്പെട്ട് തിരൂരങ്ങാടി, കൊണ്ടോട്ടി താലൂക്കിലെ അന്തിമ വിജ്ഞാപനം (3ഡി വിജ്ഞാപനം) ഇറങ്ങിയതായി ജില്ലാ കലക്ടര്‍ അമിത് മീണ അറിയിച്ചു.

ആകാശവാണി-ദൂരദര്‍ശന്‍ പാര്‍ട്ട് ടൈം കറസ്‌പോണ്ടന്റിനെ കരാര്‍ അടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു. അപേക്ഷകര്‍ ജില്ലാ ആസ്ഥാനത്തുനിന്നും 10 കി.മീ ചുറ്റളവില്‍ താമസക്കാരായിരിക്കണം. പ്രതിഫലം പ്രതിമാസം 4250 രൂപ. ജേര്‍ണലിസത്തിലോ മാസ് മീഡിയയിലോ പി.ജി ഡിപ്ലോമ, അംഗീകൃത സര്‍വ്വകലാശാല ബിരുദവും കുറഞ്ഞത് രണ്ട് വര്‍ഷത്തെ പത്ര പ്രവര്‍ത്തന പരിചയവും ഉള്ളവര്‍ക്ക് അപേക്ഷിക്കാം. 

മൃഗസംരക്ഷണ വകുപ്പ് വ്യാവസായികാടിസ്ഥാനത്തിലുളള ആട് വളര്‍ത്തല്‍ പദ്ധതിക്കായി അപേക്ഷ ക്ഷണിച്ചു. ഒരു യൂണിറ്റിന് പരമാവധി ഒരു ലക്ഷം രൂപയുടെ ധനസഹായം ലഭിക്കും. മിനിമം 50 സെന്റ് സ്ഥലം സ്വന്തമായോ പാട്ടത്തിനോ ഉണ്ടായിരിക്കണം. ആട് വളര്‍ത്തലില്‍ പരിശീലനം ലഭിച്ചവര്‍ക്ക് മുന്‍ഗണന ലഭിക്കും. താല്‍പര്യമുളളവര്‍ തൊട്ടടുത്ത മൃഗാശുപത്രിയില്‍ ആഗസ്റ്റ് 10 നകം അപേക്ഷ നല്‍കണം. ഫോണ്‍ : 0495 2768075.
 

ജില്ലയെ സമ്പൂര്‍ണ മാലിന്യമുക്തമാക്കുക എന്ന ലക്ഷ്യത്തോടെ നടപ്പാക്കുന്ന ' സീറോ വേസ്റ്റ് മലപ്പുറം' പദ്ധതി കൂടുതല്‍ സര്‍ക്കാര്‍ ഓഫീസുകളിലേക്ക് വ്യാപിപ്പിക്കുന്നു. മലപ്പുറം സിവില്‍ സ്റ്റേഷനില്‍ തുടങ്ങിയ പദ്ധതി ജില്ലയിലെ മറ്റു ഓഫീസുകളിലും നടപ്പാക്കി തുടങ്ങി. മഞ്ചേരി മിനി സിവില്‍സ്റ്റേഷനിലാണ് രണ്ടാംഘട്ടത്തില്‍ നടപ്പാക്കുന്നത്. അടുത്ത ദിവസങ്ങളിലായി ജില്ലയിലെ മുഴുവന്‍ ഓഫീസുകളിലേക്കും ഇത് വ്യാപിപ്പിക്കും.    

സംസ്ഥാന ആര്‍ക്കൈവ്‌സ് വകുപ്പില്‍ സൂക്ഷിച്ചിട്ടുളള താളിയോലകളിലും പുസ്തകത്തിലുമുളള വിവിധ രാമായണങ്ങളുടെ പ്രദര്‍ശനം ആഗസ്റ്റ് എട്ടിന്  ആര്‍ക്കൈവ്‌സ് വകുപ്പ് ഡയറക്ടറേറ്റില്‍ പുരാരേഖാ, പുരാവസ്തു, മ്യൂസിയം, തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പളളി ഉദ്ഘാടനം ചെയ്യും.   അതോടനുബന്ധിച്ച് സ്വകാര്യ വ്യക്തികള്‍/സ്ഥാപനങ്ങള്‍ എന്നിവരുടെ പക്കലുളള അപൂര്‍വ്വങ്ങളായ താളിയോലകള്‍ ആര്‍ക്കൈവ്‌സ് വകുപ്പ് സൗജന്യമായി സംരക്ഷിച്ചു നല്‍കും.  കൂടുതല്‍ വിവരങ്ങള്‍ക്ക് : 8304999478.
 

11 കെവി ലൈനില്‍ അറ്റക്കുറ്റപ്പണി നടക്കുന്നതിനാല്‍ അരീക്കോട് ഇലക്ട്രിക്കല്‍ സെക്ഷന്‍ പരിധിയില്‍ പൂക്കോട്ടുചോല മുതല്‍ വെള്ളേരി വരെയും പൂക്കോട്ടുചോല മുതല്‍ പരിയാരക്കല്‍ വരെയും വാചാക്കല്‍, എളങ്കാവ് ഭാഗങ്ങളിലും ഓഗസ്റ്റ് എട്ടിന് രാവിലെ എട്ട് മുതല്‍ വൈകീട്ട് അഞ്ച് വരെ വൈദ്യുതി മുടങ്ങും.

സംസ്ഥാന ആരോഗ്യ വകുപ്പും ശ്രീ ചിത്ര തിരുനാള്‍ ഇന്‍സ്റ്റിറ്റ്യൂട്ട് ഫോര്‍ മെഡിക്കല്‍ സയന്‍സസും സംയുക്തമായി നടപ്പാക്കുന്ന ജീവിതശൈലീരോഗ നിയന്ത്രണ പദ്ധതിയിലേക്ക് ജില്ലയില്‍ കോര്‍ഡിനേറ്റര്‍മാരുടെ മൂന്ന്  ഒഴിവുണ്ട്. യോഗ്യത: ഡിപ്ലോമ ഇന്‍ ഹെല്‍ത്ത് ഇന്‍സ്പെക്ടര്‍, പൊതുജനാരോഗ്യ മേഖലയില്‍ പ്രവൃത്തിപരിചയം. ആറ് മാസത്തേക്കു കരാര്‍ അടിസ്ഥാനത്തിലാണ് നിയമനം. ജില്ലയില്‍നിന്നുള്ളവര്‍ക്ക് മുന്‍ഗണന. താല്പര്യമുള്ളവര്‍ dpmncdmpm@gmail.com ലേക്ക് ആഗസ്റ്റ് 18ന് വൈകുന്നേരം അഞ്ചിനകം ബയോഡാറ്റ  അയക്കണം.   ഫോണ്‍ 8848256858