കേരളത്തില്‍ തൊഴിലെടുക്കുന്ന  ഇതര സംസ്ഥാന തൊഴിലാളികള്‍ക്ക്  തൊഴില്‍ വകുപ്പ്  നടപ്പാക്കിയ സൗജന്യ ആരോഗ്യ-അപകട ഇന്‍ഷൂറന്‍സ് പദ്ധതി 'ആവാസ്' പ്രകാരം പട്ടാമ്പി പട്ടിത്തറ വില്ലേജില്‍ വീട് നിര്‍മ്മാണത്തിനിടെ മരണപ്പെട്ട ഒഡീഷ സ്വദേശി ത്രിലോചന്‍ സുനാനിയുടെ  കുടുംബത്തിന് അനുവദിച്ച രണ്ട് ലക്ഷം  ബാങ്ക് അക്കൗണ്ട് മുഖേന വിതരണം ചെയ്തതായി ജില്ലാ ലേബര്‍ ഓഫീസര്‍ (എന്‍ഫോഴ്സ്മെന്‍റ്) അറിയിച്ചു.

     പട്ടാമ്പി താലൂക്ക് ആശുപത്രി   പാലിയെറ്റീവ് കെയര്‍ പരിചരണത്തില്‍ സന്നദ്ധ പ്രവര്‍ത്തകര്‍ക്കുളള പരിശീലനം ഓഗസ്റ്റ് 11 ന് താലൂക്ക് ആശുപത്രിയില്‍ നടത്തും.  താത്പര്യമുളളവര്‍ 0466 2213769 നമ്പരില്‍ പേര് രജിസ്റ്റര്‍ ചെയ്യണമെന്ന് സൂപ്രണ്ട്  അറിയിച്ചു. 
 

മലപ്പുറം ഡി.ടി.പി.സിയുടെ ടൂറിസ്റ്റ് ബസ്സിന് ഡ്രൈവറെ ആവശ്യമുണ്ട്.  തൊഴില്‍ പരിചയവും ഹെവി വെഹിക്കിള്‍ ഡ്രൈവിങ് ലൈസന്‍സുമുള്ളവര്‍ രേഖകള്‍ സഹിതം ആഗസ്റ്റ് 10ന് രാവിലെ 10ന് കൂടിക്കാഴ്ചക്കായി ഓഫീസില്‍ എത്തണം.  ഫോണ്‍ 0483 2731504.

മലപ്പുറം ഡി.ടി.പി.സിയില്‍ പ്രൊജക്ട് എഞ്ചിനീയറുടെ ഒഴിവിലേക്ക് അപേക്ഷ ക്ഷണിച്ചു.  ബി.ടെക് (സിവില്‍ എഞ്ചിനീയറിങ്) യോഗ്യതയുള്ളവര്‍ രേഖകള്‍ സഹിതം ആഗസ്റ്റ് 13ന് രാവിലെ 10ന് ഡി.ടി.പി.സി ഓഫീസില്‍ കൂടിക്കാഴ്ചക്ക് എത്തണം.  ഫോണ്‍ 0483 2731504.

സംസ്ഥാന സോഷല്‍ സൊസൈറ്റി മിഷനില്‍ ലെയ്നന്‍ ഓഫീസര്‍ തസ്തികയില്‍ അഭിമുഖം നടത്തുന്നു.   ഒരു വര്‍ഷത്തേക്കാണ് നിയമനം. ഏതെങ്കിലും വിഷയത്തിലുളള ബിരുദാനന്തര ബിരുദവും ചുരുങ്ങിയത് ഗവ. ഓര്‍ഗനൈസേഷനില്‍ രണ്ട് വര്‍ഷത്തെ പ്രവൃത്തി പരിചയവുമാണ് യോഗ്യത.  പ്രായം- 25 നും 50 നുമിടയില്‍ . ശമ്പളം - 32000.
താത്പര്യമുളളവര്‍ ബയോഡാറ്റയുടെ രണ്ടു പകര്‍പ്പും ഒരു ഫോട്ടോയും അസല്‍ സര്‍ട്ടിഫിക്കറ്റുകളും പകര്‍പ്പുകളും സഹിതം ഓഗസ്റ്റ് ഒമ്പത് രാവിലെ 10 ന് തിരുവനന്തപുരം പൂജപ്പുര, കേരള സോഷല്‍ സെകൂരിറ്റി മിഷന്‍ ഓഫീസില്‍  നടക്കുന്ന അഭിമുഖത്തിനെത്തണം.

കണ്ണൂര്‍ മയ്യില്‍ ജനസംസ്‌കൃതി സാംസ്‌കാരിക വകുപ്പിന് കീഴിലുള്ള കൊണ്ടോട്ടി മഹാകവി മോയിന്‍കുട്ടിവൈദ്യര്‍ മാപ്പിളകലാ അക്കാദമിയുടെ സഹകരണത്തോടെ മാപ്പിളപ്പാട്ട് മത്സരം സംഘടിപ്പിക്കുന്നു. പങ്കെടുക്കാന്‍ താല്‍പര്യമുള്ളവര്‍ ഓഗസ്റ്റ് 12നകം 9947675122 ല്‍ ബന്ധപ്പെടണം.

    
കണ്ണൂര്‍ മയ്യില്‍ ജനസംസ്കൃതി സാംസ്കാരിക വകുപ്പിന് കീഴിലെ കൊണ്ടോട്ടി  മോയിന്‍കുട്ടിവൈദ്യര്‍ മാപ്പിളകലാ അക്കാദമിയുടെ സഹകരണത്തോടെ മാപ്പിളപ്പാട്ട് മത്സരം സംഘടിപ്പിക്കുന്നു. താല്‍പര്യമുള്ളവര്‍ ഓഗസ്റ്റ് 12 നകം പേര് നല്‍കണമെന്ന് അക്കാദമി സെക്രട്ടറി അറിയിച്ചു. ഫോണ്‍:  9947675122 

സര്‍ക്കാര്‍ / എയ്ഡഡ് സ്‌കൂളുകളില്‍ 2017-18 ല്‍ ഒന്നു മുതല്‍ 10 വരെ ക്ലാസ്സുകളില്‍ പഠിക്കുന്ന ഒ.ബി.സി പ്രീമെട്രിക് സ്‌കോളര്‍ഷിപ്പിന് അര്‍ഹരായ വിദ്യാര്‍ഥികളുടെ ബാങ്ക് അക്കൗണ്ട് പ്രവര്‍ത്തനമുണ്ടെന്ന് ഉറപ്പാക്കുന്നതിന് വിദ്യാര്‍ഥികള്‍ക്ക് പ്രധാനാധ്യാപകര്‍ നിര്‍ദ്ദേശം നല്‍കണമെന്ന് പിന്നോക്ക വിഭാഗ വികസന വകുപ്പ് മേഖലാ ഡെപ്യൂട്ടി ഡയറക്ടര്‍ അറിയിച്ചു.