സംസ്ഥാന ന്യൂനപക്ഷ കമ്മീഷന്‍ സിറ്റിംഗ് ആഗസ്റ്റ് എട്ടിന് രാവിലെ 11 മണിക്ക് കലക്‌ട്രേറ്റ് കോണ്‍ഫറന്‍സ് ഹാളില്‍ നടക്കും. കോഴിക്കോട് ജില്ലയില്‍ നിന്നുളള പരാതികള്‍ പരിഗണിക്കും.
 

ജില്ലയെ ദുരിതത്തിലാഴ്ത്തിയ വെള്ളപ്പൊക്കത്തിന്റെയും കടൽക്ഷോഭത്തിന്റെയും  നാശനഷ്ടങ്ങൾ വിലയിരുത്താനും റിപ്പോർട്ട് സമർപ്പിക്കാനുമായി കേന്ദ്രസംഘം ഇന്ന് (ഓഗസ്റ്റ് 8) ജില്ലയിലെ കെടുതി ബാധിത പ്രദേശങ്ങൾ സന്ദർശിക്കും. രാവിലെ 10 മണിയോടെ ആലപ്പുഴ ഗസ്റ്റ് ഹൗസിലെത്തുന്ന സംഘം ജില്ലാ കളക്ടറും മറ്റ് ഉദ്യോഗസ്ഥരുമായി പ്രാഥമിക ചർച്ച നടത്തും. തുടർന്ന് കുട്ടനാട് ദുരിത ബാധിത പ്രദേശങ്ങൾ, ആലപ്പുഴ-ചങ്ങനാശേരി റോഡിലെ വെള്ളക്കെട്ട് എന്നിവിടങ്ങൾ സന്ദർശിക്കും. ഉച്ചയ്ക്ക് ശേഷം അമ്പലപ്പുഴ താലൂക്കിലെ മാധവമുക്ക്, വളഞ്ഞവഴി എന്നിവിടങ്ങളിൽ സന്ദർശനം നടത്തും.

പാണാവള്ളി: പാണാവള്ളി പഞ്ചായത്തിലെ പതിനാറാം വാർഡുകാരായ വേലപ്പനും ശാന്തമ്മയും ജില്ലയിൽ ഒരു പുതുചരിത്രമെഴുതിയിരിക്കുകയാണ്.  ജില്ലയിൽ ആദ്യമായി തൊഴിലുറപ്പ് പദ്ധതിയിൽ പട്ടികജാതി വിഭാഗത്തിൽ 100 ദിവസം പൂർത്തിയാക്കിയ കുടുംബം എന്ന ബഹുമതി പാണാവള്ളി ഗ്രാമ പഞ്ചായത്തിലെ വേലപ്പൻ  ശാന്തമ്മ ദമ്പതിമാരാണ് നേടിയിരിക്കുന്നത്. വേലപ്പന് പ്രായം 69 ആയി. ശാന്തമ്മയ്ക്ക് 60 ഉം. 

ആലപ്പുഴ: പുലിയൂർ ഗ്രാമപഞ്ചായത്തിന്റെ പരിധിയിൽ ജനകീയ മത്സ്യകൃഷി ചെയ്ത് വിളവ് നഷ്ടമായ കർഷകർ ആനുകൂല്യത്തിനായി 25നകം  പഞ്ചായത്ത് എം ജി എൻ ആർ ജി എസ് ഓഫീസിൽ അപേക്ഷ നൽകണം. 

(പി.എൻ.എ. 2214/2018)

 കാർഷിക യന്ത്രവൽക്കരണ സഹായം

ചെങ്ങന്നൂർ:കൃഷി വകുപ്പിന്റെ കാർഷികയന്ത്രവൽക്കരണ സഹായ പദ്ധതി പ്രകാരം ബ്ലോക്കിലെ വിവിധ കൃഷിഭവനുകളിലെ ട്രാക്ടർ, ടില്ലർ, ബ്രഷ് കട്ടർ, ബെയ്‌ലർ, റീപ്പർ, സപ്രേയറുകൾ, കലപ്പകൾ, ചെയിൻ സോ, വീൽ ബാരോ', അലുമിനിയം ലാഡർ തൊട്ടി, പ്ലക്കർ തുടങ്ങിയ സാധനങ്ങൾ സബ്‌സിഡി നിരക്കിൽ നൽകുന്നു. ആവശ്യമുള്ളവർ കൃഷിഭവനുകളുമായി ബന്ധപ്പെടണം.

(പി.എൻ.എ. 2215/2018)

    ജില്ലാ പഞ്ചായത്ത് സ്‌കില്‍ ഡവലപ്‌മെന്റ് സെന്ററില്‍ ഇന്ന് (ആഗസ്റ്റ് 7) നടത്താനിരുന്ന പട്ടികജാതി വിഭാഗത്തിനുള്ള സൗജന്യ തൊഴില്‍ പരിശീലനത്തിലേക്കുള്ള ഇന്റര്‍വ്യൂ ഈ മാസം 13 ന് രാവിലെ  10 മണിക്ക് ജില്ലാ പഞ്ചായത്ത് കോണ്‍ഫ്രന്‍സ് ഹാളില്‍ നടക്കുമെന്ന് സെന്റര്‍ ഡയറക്ടര്‍ അറിയിച്ചു.  

ഓഗസ്റ്റ് 10 വരെ കേരളത്തിൽ അങ്ങിങ്ങായി മഴയ്ക്ക് സാധ്യതയുള്ളതായി കാലാവസ്ഥ കേന്ദ്രം അറിയിച്ചു. 

(പി.എൻ.എ. 2213/2018)

കേരള ഓട്ടോമൊബൈല്‍ വര്‍ക്ക്‌ഷോപ്പ് തൊഴിലാളി ക്ഷേമനിധി പദ്ധതിയില്‍ അംഗത്വം എടുത്തതിനു ശേഷം അംശാദായം ഒടുക്കുന്നതില്‍ മുടക്കം വരുത്തിയ അംഗങ്ങള്‍ക്ക് കുടിശ്ശിക തുക അടക്കുന്നതിനുള്ള സമയം ഈ മാസം 30 വരെ നീട്ടിയതായി ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.
 

മായനാട് ശിശു സംരക്ഷണകേന്ദ്രം തണല്‍ കുട്ടികളുടെ അഭയകേന്ദ്രം  മന്ദിരോദ്ഘാടനം ഈ മാസം 11 ന് ഉച്ചക്ക് 2 മണിക്ക് തൊഴില്‍ എക്‌സൈസ് വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിക്കും. എ. പ്രദീപ് കുമാര്‍ എം.എല്‍.എ, സംസ്ഥാന ശിശുക്ഷേമസമിതി ജനറല്‍ സെക്രട്ടറി അഡ്വ.ദീപക് എസ്.പി, ജില്ലാ കലക്ടര്‍ യു.വി ജോസ് തുടങ്ങിയവര്‍ സംബന്ധിക്കും. മായനാട് പെയിന്‍ ആന്റ് പാലിയേറ്റീവ് കേന്ദ്രത്തിന് സമീപമാണ് അഭയകേന്ദ്രം  പ്രവര്‍ത്തിക്കുക. ശിശു സംരക്ഷണകേന്ദ്രം പ്രവര്‍ത്തനമാരംഭിക്കുന്നതോടെ  ജില്ലയില്‍ പലകാരണങ്ങളാല്‍ അനാഥരാകുന്ന കുട്ടികളെ പരിപാലിക്കുന്നതിന് സാധിക്കും. 

ആലപ്പുഴ: 66ാമത് നെഹ്‌റു ട്രോഫിയുടെ വിജയത്തിനായി എല്ലാ ചുണ്ടൻവള്ളങ്ങളുടേയും ക്യാപ്റ്റൻമാരുടേയും ലീഡിങ് ക്യാപ്റ്റൻമാരുടേയും യോഗം ബുധനാഴ്ച ചേരും. പകൽ 11.30ന് ആലപ്പുഴ സബ് കളക്ടറുടെ കാര്യാലയത്തിലാണ് യോഗം.

(പി.എൻ.എ. 2212/2018)

അവിടനല്ലൂര്‍ ഗവ ഹയര്‍സെക്കന്ററി സ്‌കൂളിലെ സംഗീത അധ്യാപകന്‍ ടി.യു ഷാംജു ആദ്യ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി. ജില്ലാ കലക്ടറുടെ ചേമ്പറില്‍ നടന്ന ചടങ്ങില്‍ തുകയുടെ ചെക്ക് ജില്ലാ കലക്ടര്‍ യു.വി ജോസിന് കൈമാറി.