സമ്പത്തിനും സൗകര്യങ്ങള്‍ക്കുമപ്പുറം ശുചിത്വവും ആരോഗ്യ പരിരക്ഷ യുമാണ്  അനിവാര്യമെന്ന് മേയര്‍ തോട്ടത്തില്‍ രവീന്ദ്രന്‍. ആരോഗ്യ മേഖലയില്‍ മെച്ചപ്പെട്ട സേവനം നല്‍കാനാണ് സര്‍ക്കാര്‍ ആര്‍ദ്രം പദ്ധതിയിലൂടെ എല്ലാ ചികിത്സാ സൗകര്യവും ഒരുക്കിയിരിക്കുന്നത്. ഈ സൗകര്യങ്ങള്‍ ഓരോ വ്യക്തിയും ഉപയോഗപ്പെടുത്തണമെന്നും മേയര്‍ പറഞ്ഞു. ബേപ്പൂര്‍ പ്രാഥമിക ആരോഗ്യ കേന്ദ്രത്തിലെ നവീകരിച്ച കെട്ടിട ഉദ്ഘാടനവും സംസ്ഥാന സര്‍ക്കാര്‍ നടപ്പാക്കി വരുന്ന ഇ-ഹെല്‍ത്ത് പദ്ധതിയുടെ മേഖലാ ഉദ്ഘാടനവും നിര്‍വഹിച്ച് സംസാരിക്കുകയായിരുന്നു അദ്ദേഹം. 

കേരളത്തില്‍ കൂടുതല്‍ നിക്ഷേപം നടത്തുന്ന കാര്യം ഗൗരവമായി പരിഗണിക്കുമെന്ന് എല്‍ ആന്റ് ടി ഇന്‍ഫ്രാസ്ട്രക്ച്ചര്‍ ലിമിറ്റഡ് അധികൃതര്‍ അറിയിച്ചു. മുഖ്യമന്ത്രി പിണറായി വിജയനുമായി തിരുവനന്തപുരത്ത് നടത്തിയ കൂടിക്കാഴ്ചയിലാണ് എല്‍ ആന്റ് ടി ഇന്‍ഫ്രാസ്ട്രക്ച്ചര്‍ സീനിയര്‍ എക്‌സിക്യൂട്ടീവ് വൈസ് പ്രസിഡന്റ് ഡി.കെ. സെന്‍ ഇക്കാര്യം അറിയിച്ചത്. 

ഇന്ത്യന്‍ രാഷ്ട്രീയത്തില്‍ നിര്‍ണായകമായ ഇടപെടല്‍ ശേഷിയുണ്ടായിരുന്ന കരുത്തനായ നേതാവിനെയാണ് കരുണാനിധിയുടെ വിയോഗത്തിലൂടെ നഷ്ടമായതെന്ന് മുഖ്യമന്ത്രി പിണറായി വിജയന്‍ അനുശോചന സന്ദേശത്തില്‍ പറഞ്ഞു. 

സംസ്ഥാന ചലച്ചിത്ര അവാര്‍ഡ് വിതരണ ചടങ്ങ് നടക്കുന്ന നിശാഗന്ധി ഓഡിറ്റോറിയത്തിലെ ഒരുക്കങ്ങള്‍ സാംസ്‌കാരികമന്ത്രി എ.കെ. ബാലന്‍ വിലയിരുത്തി. 

മുഖ്യമന്ത്രി പിണറായി വിജയനാണ് ചടങ്ങ് ഉദ്ഘാടനം ചെയ്തു അവാര്‍ഡുകള്‍ സമ്മാനിക്കുന്നതെന്ന് മന്ത്രി എ.കെ. ബാലന്‍ പറഞ്ഞു.

മോഹന്‍ലാല്‍ മുഖ്യാതിഥിയാകും. ജെ.സി ഡാനിയേല്‍ അവാര്‍ഡ് ഇത്തവണ നല്‍കുന്ന പ്രമുഖ സംവിധായകനും നിര്‍മാതാവും തിരക്കഥാകൃത്തും ഗാനരചയിതാവുമായ ശ്രീകുമാരന്‍ തമ്പിയ്ക്കാണ്. കഴിഞ്ഞ തവണ വരെ ഒരു ലക്ഷമായിരുന്ന ജെ.സി ഡാനിയേല്‍ പുരസ്‌കാരത്തിന്റെ അവാര്‍ഡ് തുക ഇത്തവണ അഞ്ചുലക്ഷം രൂപയാക്കി വര്‍ധിപ്പിച്ചിട്ടുണ്ട്. 

സര്‍ക്കാര്‍ കോളേജുകളിലേക്ക് 2018 ലെ പോസ്റ്റ് ബേസിക് ഡിപ്ലോമ ഇന്‍ സ്‌പെഷ്യാലിറ്റി നേഴ്‌സിംഗ് കോഴ്‌സിലേക്കുള്ള പ്രവേശനപരീക്ഷ തിരുവനന്തപുരത്ത് 12 ന് നടക്കും. ഹാള്‍ടിക്കറ്റുകള്‍ www.lbscentre.kerala.gov.in ല്‍ നിന്നും ഡൗണ്‍ലോഡ് ചെയ്യാം. പ്രവേശനപരീക്ഷയ്ക്കു പങ്കെടുപ്പിക്കുന്നത് താല്ക്കാലികമായിരിക്കും.  

കൂടുതല്‍ വിവരങ്ങള്‍ക്ക് : 0471 2560361, 2560362, 2560363, 2560364,, 2560365.

പി.എന്‍.എക്‌സ്.3473/18

പട്ടികവിഭാഗങ്ങളെ സമൂഹത്തിന്റെ മുഖ്യധാരയിലെത്തിക്കുന്നതിനുള്ള ക്രിയാത്മക നിര്‍ദേശങ്ങളും പ്രഖ്യാപനങ്ങളുമായി ഫെസ്റ്റിവല്‍ ഓണ്‍ ഡെമോക്രസിയുടെ ആദ്യ സമ്മേളനം. തിരുവനന്തപുരം പ്രഖ്യാപനം എന്നു പേരിട്ടിരിക്കുന്ന നിര്‍ദേശങ്ങള്‍ സമ്മേളനം ഏകകണ്ഠമായി പാസാക്കി. പട്ടികവിഭാഗങ്ങളോടുള്ള അവഗണനയും ചൂഷണവും തടയുന്നതിനുള്ള 22 ഇന നിര്‍ദേശങ്ങളാണു പ്രഖ്യാപനത്തിലുള്ളത്.

രാജ്യത്തെ പട്ടിക ജാതി, പട്ടികവിഭാഗങ്ങള്‍ക്കെതിരെയുള്ള അക്രമം വര്‍ഷംതോറും വര്‍ധിച്ചുവരികയാണെന്ന് മുന്‍കേന്ദ്രമന്ത്രി ഭക്തചരണ്‍ ദാസ് പറഞ്ഞു. നിയമസഭാ മന്ദിരത്തില്‍ സംഘടിപ്പിച്ച ഫെസ്റ്റിവെല്‍ ഓണ്‍ ഡെമോക്രസിയുടെ സമാപന സമ്മേളനത്തില്‍ സംസാരിക്കുകയായിരുന്നു. 

ജനാധിപത്യപ്രക്രിയയുടെ പൂര്‍ണതയെക്കുറിച്ചുള്ള സംവാദത്തിന് വഴിതുറന്ന ജനാധിപത്യ ഉല്‍സവ പരിപാടി ശക്തമായ സന്ദേശമാണ് രാജ്യത്തിന് നല്‍കുന്നതെന്നും സമ്മേളനത്തിന്റെ കണ്ടെത്തലുകള്‍ തിരുവനന്തപുരം ഡിക്ലറേഷന്‍ എന്ന പേരിലറിയപ്പെടുമെന്നും നിയമസഭാ സ്പീക്കര്‍ പി.ശ്രീരാമകൃഷ്ണന്‍ പറഞ്ഞു.  ഫെസ്റ്റിവല്‍ ഓണ്‍ ഡെമോക്രസി പരിപാടിയുടെ ഭാഗമായി പട്ടിക ജാതി, പട്ടിക വര്‍ഗ വിഭാഗങ്ങള്‍ നേരിടുന്ന വിവിധതരത്തിലുള്ള വെല്ലുവിളികളെക്കുറിച്ച് നിയമസഭാ മന്ദിരത്തില്‍ രണ്ടു ദിവസമായി നടന്ന ചര്‍ച്ചകള്‍ ഉപസംഹരിച്ചു സംസാരിക്കുകയായിരുന്നു അദ്ദേഹം. 

സാര്‍ഥകമായ സംവാദങ്ങള്‍ക്കും ആശയപ്രകാശനങ്ങള്‍ക്കും വേദിയായി കേരള നിയമസഭ സംഘടിപ്പിച്ച 'ഫെസ്റ്റിവല്‍ ഓണ്‍ ഡെമോക്രസി'യിലെ ആദ്യ ദേശീയ കോണ്‍ഫറന്‍സിന് സമാപനമായി. സ്വതന്ത്ര ഇന്ത്യയിലെ പട്ടികജാതി പട്ടികവര്‍ഗങ്ങളുടെ ശാക്തീകരണം നേരിടുന്ന വെല്ലുവിളികള്‍ സംബന്ധിച്ച സാമാജികരുടെ കോണ്‍ഫറന്‍സാണ് 'ഫെസ്റ്റിവല്‍ ഓണ്‍ ഡെമോക്രസി'യുടെ ഭാഗമായി രണ്ടുദിവസമായി സംഘടിപ്പിച്ചത്.

കൊച്ചി: മഹാരാജാസിലെ ബി എ അറബിക് പ്രോഗ്രാമിലേക്ക് അഞ്ചും ബി എ എകണോമിക്‌സ് ഹോണേഴ്‌സിലേക്ക് ഒരു സീറ്റും എസ് സി വിഭാഗത്തില്‍ ഒഴിവുണ്ട്. താത്പര്യമുള്ളവര്‍ അസ്സല്‍ രേഖകളുമായി ആഗസ്റ്റ് 10ന് 12 മണിക്ക് മുമ്പ് ഓഫീസുമായി ബന്ധപ്പെടണമെന്ന് പ്രിന്‍സിപ്പാല്‍ അറിയിച്ചു.