കേരള വനം വകുപ്പിന്റെ കീഴില്‍ പരപ്പ ഗവ:ടിമ്പര്‍ ഡിപ്പോയല്‍ നിന്നും തേക്ക്, അക്കേഷ്യ, മറ്റ് വിവിധയിനം തടികള്‍ ഈ മാസം 20 ന് ഇ-ഓക്ഷന്‍ വഴി എംഎസ്ടിസി ലിഗിറ്റഡ് എന്ന കമ്പനി വഴി ഓണ്‍ലൈന്‍ ലേലത്തില്‍ വില്‍പ്പന നടത്തും.  ഫോണ്‍: 04994-270060, 8547602862, 8547602863.

സീതാംഗോളി ഗവ. ഐ.ടി.ഐ യില്‍ ഈ വര്‍ഷത്തെ എസ്.സി.വി.ടി, വെല്‍ഡര്‍ (ഗ്യാസ് ആന്റ് ഇലക്ട്രിക്്)  ട്രേഡിലേക്ക് പ്രവേശനത്തിനുള്ള അപേക്ഷ സമര്‍പ്പിക്കുന്നതിനുള്ള സമയം നീട്ടി.           ഒരു വര്‍ഷ കോഴ്‌സായ വെല്‍ഡര്‍ ട്രേഡിലേക്ക് അപേക്ഷ സമര്‍പ്പിക്കാനുള്ള അവസാന തീയതി ഈ മാസം 10.  അപേക്ഷാഫോറം ബാഡൂരിലുള്ള ഐ.ടി.ഐ ഓഫീസില്‍ നിന്നും ലഭിക്കും. ഫോണ്‍: 0499-8245099    

ഡിസംബറില്‍ ഭുവനേശ്വറില്‍ നടക്കുന്ന ദേശീയ ബാലശാസ്ത്ര കോണ്‍ഗ്രസിലേക്ക് ജില്ലയില്‍ നിന്നുളള ബാലപ്രതിഭകളെ ഒരുക്കുകിന് വേണ്ടി അധ്യാപകര്‍ക്ക് ഒരു ശല്പശാല ഈ മാസം 10 ന് രാവിലെ 10 ന് പെരിയ ജവഹര്‍ നവോദയ വിദ്യാലയയില്‍ നടത്തും.  സംസ്ഥാന ബാലശാസ്ത്ര കോഗ്രസ്  നവംബറില്‍ വയനാട് ജില്ലയിലെ ബാലശാസ്ത്ര കോഗ്രസ് ഒക്‌ടോബറിലും നടക്കും.  ജില്ലയിലെ മുഴുവന്‍ വിദ്യാലയങ്ങളിലെയൂം സയന്‍സ് ക്ലബ് കോഓര്‍ഡിനേറ്റര്‍ മാര്‍ ശില്പശാലയില്‍ പങ്കെടുക്കണമെന്നു ജില്ലാ കോ-ഓര്‍ഡിനേറ്റര്‍ പ്രെഫ.വി.ഗോപിനാഥന്‍ അറിയിച്ചു.  ഫോണ്‍:  9446281854

വെള്ളിക്കോത്ത് ഇന്‍സ്റ്റിറ്റ്യൂട്ടില്‍ ആരംഭിക്കുന്ന ഡിടിപി, ഫോട്ടോഷോപ്പ്, ഫോട്ടോ എഡിറ്റിംഗ്, ഫ്‌ളക്‌സ് ബോര്‍ഡ് ഡിസൈനിങ് കോഴ്‌സിലേക്ക് അപേക്ഷ ക്ഷണിച്ചു. പ്ലസ്ടു വര പഠിച്ച സ്വയംതൊഴില്‍ ചെയ്യാന്‍ താല്പര്യമുള്ള   യുവതി യുവാക്കള്‍ക്ക് അപേക്ഷിക്കാം.  പേര്, മേല്‍വിലാസം, ജനനതിയതി, ഫോണ്‍നമ്പര്‍ എന്നിവ അടങ്ങിയ അപേക്ഷ  ഈ മാസം 18നകം വെള്ളിക്കോത്ത് ഇന്‍സ്റ്റിറ്റ്യൂട്ട്, ആനന്ദാശ്രമം പി.ഒ, കാഞ്ഞങ്ങാട്- 671 531 എന്ന വിലാസത്തിലോ ,bired2003@gmail.com  എന്ന ഇമെയില്‍ ഐഡിയിലോ ലഭിക്കണം. ഫോണ്‍: 0467 2268240, 9809952778.              

ഓഗസ്റ്റില്‍ റേഷന്‍ കടകള്‍ വഴി എ എ വൈ വിഭാഗത്തില്‍പ്പെട്ടവര്‍ക്ക്‌ കാര്‍ഡിന്‌ 30 കി. ഗ്രാം അരിയും 5 കി. ഗ്രാം ഗോതമ്പും സൗജന്യമായി ലഭിക്കും. മുന്‍ഗണനാ വിഭാഗത്തില്‍പ്പെട്ട കാര്‍ഡുകളിലെ ഓരോ അംഗത്തിനും 4 കി. ഗ്രാം അരിയും 1 കി. ഗ്രാം ഗോതമ്പും കി. ഗ്രാമിന്‌ 1 രൂപ നിരക്കില്‍ ലഭിക്കും. മുന്‍ഗണനയിതര സബ്‌സിഡി വിഭാഗത്തില്‍പ്പെട്ടവര്‍ക്ക്‌ ഓരോ അംഗത്തിനും 2 കി. ഗ്രാം അരി വീതം കി. ഗ്രാമിന്‌ 3 രൂപ നിരക്കിലും ലഭ്യതക്കനുസരിച്ച്‌ പരമാവധി 3 കി. ഗ്രാം ഫോര്‍ട്ടിഫൈഡ്‌ ആട്ട കി. ഗ്രാമിന്‌ 16 രൂപ നിരക്കിലും ലഭിക്കും. പൊതുവിഭാഗത്തില്‍പ്പെട്ടവര്‍ക്ക്‌ കാര്‍ഡിന്‌ 16 കി. ഗ്രാം ഭക്ഷ്യധാന്യമാണു ലഭിക്കുക.

ജില്ലയിലെ വിവിധ ഭാഗങ്ങളിലായി ദുരിതാശ്വാസ ക്യാമ്പില്‍ കഴിയുന്നവര്‍ക്ക്‌ ഭാരതീയ ചികിത്സ വകുപ്പിന്റെ നേതൃത്വത്തില്‍ മെഡിക്കല്‍ ക്യാമ്പുകള്‍ സംഘടിപ്പിച്ചു. രോഗപ്രതിരോധ ശേഷി വര്‍ദ്ധിപ്പിക്കുന്നതിനുളള മരുന്നുകള്‍ വിതരണം ചെയ്‌തു. ശ്വാസരോഗം, ത്വക്ക്‌ രോഗം എന്നിവ ഇവരില്‍ വര്‍ദ്ധിച്ച്‌ വരുന്നതായി കണ്ടെത്തി. പകര്‍ച്ചവ്യാധികള്‍ പടര്‍ന്ന്‌ പിടിക്കാതിരിക്കാന്‍ ബോധവല്‍ക്കരണ ക്ലാസ്സ്‌, ലഘുരേഖകള്‍ വിതരണം എന്നിവ നടത്തി. ജില്ലയിലെ എല്ലാ ആയൂര്‍വേദ സ്ഥാപനങ്ങളും ചികിത്സാ സഹായം ലഭ്യമാക്കുന്നതിന്‌ സുസജ്ജമാണെന്ന്‌ ജില്ലാ മെഡിക്കല്‍ ഓഫീസര്‍ ഇന്‍-ചാര്‍ജ്ജ്‌ അറിയിച്ചു.

കാസര്‍കോട് കൃഷിവിജ്ഞാന കേന്ദ്രം, ഹോര്‍ട്ടിക്കോര്‍പ്പ്  (തിരുവനന്തപുരം), കെ.ആര്‍.ഡി.എസ് (കോളിച്ചാല്‍) എന്നിവ സംയുക്തമായി സംഘടിപ്പിക്കുന്ന തേനീച്ച വളര്‍ത്തല്‍ പരിശീലന പരിപാടിയുടെ ഈ വര്‍ഷത്തെ ആദ്യബാച്ച് കൃഷിവിജ്ഞാന കേന്ദ്രത്തില്‍ ഈ മാസം 20 ന് ആരംഭിക്കും.  നാലു ദിവസത്തെ പരിശീലനത്തില്‍ പങ്കെടുക്കുവാന്‍ താല്പര്യമുളള കര്‍ഷകര്‍, യുവജനങ്ങള്‍, വനിതകള്‍ എന്നിവര്‍ക്ക് 04994-232993, 9746059809 എന്നീ നമ്പറുകളില്‍ വിളിച്ചു പേര് രജിസ്റ്റര്‍ ചെയ്യാം.  ആദ്യം രജിസ്റ്റര്‍ ചെയ്യുന്ന 40 പേര്‍ക്കാണു മുന്‍ഗണന.

പട്ടികവര്‍ഗ വികസന വകുപ്പിന്റെ നിയന്ത്രണത്തില്‍ പരവനടുക്കത്ത് പ്രവര്‍ത്തിക്കുന്ന പെണ്‍കുട്ടികളുടെ മോഡല്‍ റസിഡന്‍ഷ്യല്‍ സ്‌കൂളില്‍ ഏഴാം ക്ലാസില്‍ നിലവില്‍ രണ്ടു ഒഴിവുകളുണ്ട്.  ഒരു ലക്ഷം രൂപയ്ക്ക് താഴെ കുടുബ വാര്‍ഷിക വരുമാനമുളള പട്ടികവര്‍ഗ വിദ്യാര്‍ഥിനികള്‍ക്കു പ്രവേശന പരീക്ഷ ഈ മാസം 14 നു രാവിലെ 10 നു സ്‌കൂളില്‍ നടത്തും.  പ്രാക്തന ഗോത്ര വിഭാഗക്കാര്‍ക്കു വരുമാന പരിധി ബാധകമല്ല.  വെളളക്കടലാസില്‍ തയ്യാറാക്കിയ അപേക്ഷയും നിലവില്‍ പഠിക്കുന്ന സ്ഥാപനത്തില്‍ നിന്നുളള സര്‍ട്ടിഫിക്കറ്റ് സഹിതം അന്നേ ദിവസം സ്‌കൂളില്‍ നേരിട്ട് ഹാജരാകണം.  ഫോണ്‍:. 04994 239969.

പിഴത്തുക ഈടാക്കുന്നതിനുവേണ്ടി ജപ്തി ചെയ്ത പനയാല്‍ വില്ലേജിലെ റി.സ.നം.263/1 ല്‍പ്പെട്ട 0.02 3/4  ഏക്കര്‍ സ്ഥലം ഈ മാസം 10ന് രാവിലെ 11 ന് പനയാല്‍ വില്ലേജ് ഓഫീസില്‍ ലേലം ചെയ്യും.  ലേല സംബന്ധമായ കൂടുതല്‍ വിവരങ്ങള്‍ക്ക് ഹോസ്ദുര്‍ഗ് താലൂക്കുമായോ പനയാല്‍ വില്ലേജ് ഓഫീസറുമായോ ബന്ധപ്പെടുക.