കൊച്ചി: എറണാകുളം ജില്ലയിലെ ഗ്രാമപഞ്ചായത്തുകളില്‍ ആഗസ്ത് 08  മുതല്‍ 14  വരെ വകുപ്പ്തല വിജിലന്‍സ് വാരാചരണം നടത്തും. പഞ്ചായത്ത് വകുപ്പിലെ ആഭ്യന്തര വിജിലന്‍സ് വിഭാഗത്തിന്റെയും, സദ്ഭരണ സംവിധാനങ്ങളുടെയും ശക്തിപ്പെടുത്തലുമായി ബന്ധപ്പെട്ടാണ് വാരാചരണം നടത്തുന്നത്. വിജിലന്‍സ് വാരാചരണവുമായി ബന്ധപ്പെട്ട് ജനസമ്പര്‍ക്ക പരിപാടി, 'അഴിമതി മുക്ത ജനസൗഹൃദ സദ്ഭരണ ഗ്രാമപഞ്ചായത്തുകള്‍' എന്ന വിഷയത്തില്‍ ഗ്രാമപഞ്ചായത്ത് ഉദ്യോഗസ്ഥരും, ജനപ്രതിനിധികളും പങ്കെടുക്കുന്ന ഗ്രൂപ്പ് ചര്‍ച്ച, മത്സരം, പ്രശ്‌നോത്തരി എന്നിവ സംഘടിപ്പിക്കും.

> ജോലിഭാരം കുറയ്ക്കുകയും വരുമാനം വര്‍ധിപ്പിക്കുകയുമാണ് സംഘ കൃഷിയിലൂടെ ലക്ഷ്യമിടുന്നത് .  

> സംഘങ്ങള്‍ക്ക് കുടുംബശ്രീയില്‍ നിന്നും സബ്‌സിഡി അനുവദിക്കും. 

കഠിനംകുളം പഞ്ചായത്തിലെ കുടുംബശ്രീ അംഗമായ മേരി ഐലീനയുടെ അറുപത് സെന്റ്  പുരയിടത്തില്‍ നിറയെ അലങ്കാര ചെടികളാണ്. മെസെഞ്ചേന റെസീന മറാന്ത തുടങ്ങി പുഷ്പാലങ്കാരത്തിന്റെ ഭാഗമായും അല്ലാതെയും ഉപയോഗിക്കാവുന്ന  വിദേശികളായ വിവിധ ഇനം അലങ്കാര ചെടികളാണ് ഇവിടെയുള്ളത്. വില്‍പ്പനയ്ക്ക് പുറമെ ഇവ പല സ്ഥലങ്ങളിലേക്ക് കയറ്റുമതി ചെയ്യുന്നുമുണ്ട്. ആവശ്യക്കാര്‍ക്ക് ഓര്‍ഡര്‍ അനുസരിച്ചും അലങ്കാര ചെടികള്‍ ഇവിടെ നിന്നു ലഭിക്കും.

പ്രകൃതി സംരക്ഷണത്തിന് ഊന്നല്‍ നല്‍കി ചിറയിന്‍കീഴ് ബ്ലോക്ക് പഞ്ചായത്തിലെ ആറ് ഗ്രാമ പഞ്ചായത്തിലും ജൈവ ആവാസ വ്യവസ്ഥ കെട്ടിപ്പടുക്കുന്നതിനായി തുടക്കം കുറിച്ച പദ്ധതിയാണ് 'ജൈവ ഗ്രാമം, സന്തുഷ്ട ഗ്രാമം'. സംസ്ഥാന ഹരിത കേരള മിഷന്റെ നേതൃത്വത്തില്‍ നടത്തുന്ന പ്രവര്‍ത്തനങ്ങളുടെ ഭാഗമായി ചിറയിന്‍കീഴ് ബ്ലോക്ക് പഞ്ചായത്ത് ഏറ്റെടുത്തിരിക്കുന്ന സമഗ്ര കാര്‍ഷിക സാമൂഹിക വികസന കര്‍മ പദ്ധതിയാണിത്.

സംസ്ഥാന സാമൂഹ്യ സുരക്ഷാ മിഷനില്‍ ഒരു വര്‍ഷത്തേക്ക് കരാറടിസ്ഥാനത്തില്‍ ലെയ്‌സണ്‍ ഓഫീസര്‍ നിയമനത്തിന് വാക്ക് ഇന്‍ ഇന്റര്‍വ്യൂ നടക്കും.  ഓഗസ്റ്റ് ഒന്‍പതിന് സാമൂഹ്യ സുരക്ഷാ മിഷന്റെ പൂജപ്പുര ഓഫീസിലാണ് ഇന്റര്‍വ്യൂ. ഏതെങ്കിലും വിഷയത്തില്‍ ബിരുദാനന്തര ബിരുദവും ഒരു സര്‍ക്കാര്‍ സ്ഥാപനത്തില്‍ രണ്ടു വര്‍ഷമെങ്കിലും പ്രവര്‍ത്തി പരിചയവും ഉള്ള 25 നും 50 നും മധ്യേ പ്രായമുള്ളവര്‍ക്ക് അപേക്ഷിക്കാം. പ്രതിമാസ വേതനം 32,000.  9.30 മുതല്‍ 10 വരെയാണ് രജിസ്‌ട്രേഷന്‍ സമയം. കൂടുതല്‍ വിവരങ്ങള്‍ക്ക് 1800-120-1001. വെബ്‌സൈറ്റ്- www.socialsecuritymission.gov.in/career info.php
(പി.ആര്‍.പി. 2029/2018)

* കുട്ടികളും രക്ഷകര്‍ത്താക്കളും ജാഗ്രത പാലിക്കണം

* കര്‍ശന നിയമനടപടി എന്ന് ഭക്ഷ്യസുരക്ഷാ കമ്മിഷണര്‍