ബി പി എല്‍ വിഭാഗത്തില്‍പ്പെടുന്ന മുതിര്‍ന്ന പൗരന്‍മാര്‍ക്ക്‌ സാമൂഹ്യനീതി വകുപ്പ്‌ മുഖേന രക്തത്തിലെ ഗ്ലൂക്കോസിന്റെ അളവ്‌ നിര്‍ണ്ണയിക്കുന്ന ഗ്ലൂക്കോമീറ്റര്‍ സൗജന്യമായി വിതരണം ചെയ്യുന്ന വയോമധുരം പദ്ധതിയ്‌ക്ക്‌ അപേക്ഷ ക്ഷണിച്ചു. പ്രമേഹരോഗിയാണെന്ന്‌ ഡോക്‌ടറുടെ സാക്ഷ്യപത്രം സഹിതമുളള അപേക്ഷ ഓഗസ്റ്റ്‌ 30 നകം ജില്ലാ സാമൂഹ്യനീതി ഓഫീസിലോ ബന്ധപ്പെട്ട ശിശുവികസന പദ്ധതി ഓഫീസിലോ നല്‍കണം. അപേക്ഷഫോറവും വിശദവിവരങ്ങളും ജില്ലാ സാമൂഹ്യനീതി ഓഫീസുമായോ ശിശുവികസന പദ്ധതി ഓഫീസുമായോ ബന്ധപ്പെടണം. ഫോണ്‍ : 0487-2321702.

ബെളളൂര്‍ ഗ്രാമ പഞ്ചായത്തിലെ നെട്ടണിഗെ വില്ലേജില്‍ റീ-സര്‍വേ നം.148-ല്‍ പ്പെട്ട കൈപ്പംഗള തോട് പുറമ്പോക്കില്‍ സ്ഥിതി ചെയ്തിരുന്ന കാട്ടുമരം (വെണ്‍കൊട്ട്) ഈ മാസം 16 ന് രാവിലെ 11ന് ലേലം ചെയ്യും.  കൂടുതല്‍ വിവരങ്ങള്‍ ഓഫീസില്‍ നിന്നു ലഭിക്കും.  ഫോണ്‍: 04994 260073, 9496049703.

കാഞ്ഞങ്ങാട് മീനാപ്പീസ് കടപ്പുറത്ത് പ്രവര്‍ത്തിക്കുന്ന പെകുട്ടികള്‍ മാത്രം താമസിച്ചുപഠിക്കു ജി.ആര്‍.എഫ്.ടി.എച്ച്. എസ്. ഫോര്‍ ഗേള്‍സ് സ്‌കൂളില്‍ 2018-19 വര്‍ഷത്തേക്ക് കമ്മ്യൂണിക്കേറ്റീവ് ഇംഗ്ലീഷ് ടീച്ചര്‍ തസ്തികയിലേക്ക് ദിവസ വേതനാടിസ്ഥാനത്തില്‍ നിയമനം നടത്തുന്നതിനുവേണ്ടി ഈ മാസം 10 ന് രാവിലെ 11 മണിക്ക് സ്‌കൂള്‍ ഓഫീസില്‍ കൂടിക്കാഴ്ച നടത്തും.  താല്‌ര്യമുളള ഉദ്യോഗാര്‍ത്ഥികള്‍ അസല്‍ സര്‍ട്ടഫിക്കറ്റ് സഹിതം ഹാജരാകണം. യോഗ്യത. കമ്മ്യൂണിക്കേറ്റീവ് ഇംഗ്ലീഷിലുളള ബിരുദം.,ബിരുദാനന്ത ബിരുദം, ബിഎഡ്, എംഎഡ്. ഫോ. 9496251306, 9656549998, 9496389776.

കാഞ്ഞങ്ങാട് മിനാപ്പീസ് കടപ്പുറത്ത് പ്രവര്‍ത്തിക്കുന്ന പെണ്‍ കുട്ടികള്‍ മാത്രം താമസിച്ചു പഠിക്കുന്ന ജി.ആര്‍.എഫ്.ടി.എച്ച്.എസ് ഫോര്‍ ഗേള്‍സ് സ്‌കൂളില്‍ 2018-19 വര്‍ഷത്തേക്ക് വാര്‍ഡന്‍ തസ്തികയിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നു. ഈ മാസം 10 ന് രാവിരെ 11 ന് സ്‌കൂളില്‍ നടക്കുന്ന കൂടിക്കാഴ്ചയില്‍ പങ്കെടുക്കാന്‍ 40 നും 60 നും ഇടയില്‍ പ്രായമുളള ഉദ്യോഗാര്‍ത്ഥികള്‍ (സ്ത്രീകള്‍ മാത്രം) അസല്‍ സര്‍ട്ടിഫിക്കറ്റ് സഹിതം ഹാജരാകണം.  ഫോ. 9496251306, 9496389776, 9656549998.

കാഞ്ഞങ്ങാട് മീനാപ്പീസ്  കടപ്പുറത്ത്  പ്രവര്‍ത്തിക്കുന്ന പെകുട്ടികള്‍ മാത്രം താമസിച്ചു പഠിക്കുന്ന  ജി ആര്‍ എഫ് ടി എച്ച് എസ് ഫോര്‍ ഗേള്‍സ് സ്‌കൂളിലെ 2018-19 വര്‍ഷത്തേക്ക് മെസ്‌ഗേള്‍ തസ്തികയിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നു. കൂടിക്കാഴ്ച ഈ മാസം 10ന് രാവിലെ 11ന് സ്‌കൂള്‍ ഓഫീസില്‍ നടത്തും. താത്പര്യമുള്ള  ഉദ്യോഗാര്‍ത്ഥികള്‍ (സ്തീകള്‍ മാത്രം) അസല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.  ഫോണ്‍:  9496251306,  9656549998, 9496389776

പട്ടികജാതി വികസന വകുപ്പിന്റെ ആഭിമുഖ്യത്തില്‍  ഈ അധ്യയന വര്‍ഷം രണ്ടാം വര്‍ഷ പ്ലസ് ടു, വി.എച്ച്.എസ്.സി. കോഴ്‌സുകള്‍ക്ക് പഠിക്കുന്ന പട്ടികജാതി വിദ്യാര്‍ഥികള്‍ക്ക് കരിയര്‍ ഗൈഡന്‍സ് ക്ലാസ് നല്‍കുന്നു.  1ഈ മാസം 13ന്  രാവിലെ 10 മുതല്‍ കാഞ്ഞങ്ങാട് മുനിസിപ്പല്‍ ടൗണ്‍ ഹാളിലാണ് ശില്‍പശാല സംഘടിപ്പിക്കുന്നത്. രാവിലെ 9.30-ന് രജിസ്‌ട്രേഷന്‍ ആരംഭിക്കും. ബന്ധപ്പെട്ട വിദ്യാര്‍ത്ഥികള്‍ കൃത്യസമയത്ത് കാഞ്ഞങ്ങാട് മുനിസിപ്പല്‍ ടൗണ്‍ ഹാളില്‍ എത്തിച്ചേരണം. ശില്‍പശാലയില്‍ പങ്കെടുക്കുന്ന വിദ്യാര്‍ത്ഥികള്‍ക്ക് യാത്രാ ബത്തയും ഉച്ചഭക്ഷണവും നല്‍കും. 

2018-19 അധ്യയന വര്‍ഷം സര്‍ക്കാര്‍ എയ്ഡഡ് സ്‌ക്കൂളുകളില്‍ അഞ്ചാം ക്ലാസിലോ എട്ടാം ക്ലാസിലോ പഠിക്കുന്ന വാര്‍ഷിക വരുമാനം ഒരു ലക്ഷം രൂപയില്‍ കുറവുളള കുടുംബത്തിലെ സമര്‍ത്ഥരായ പട്ടികജാതി വിദ്യാര്‍ത്ഥികള്‍ക്ക് അവരുടെ പഠനം മെച്ചപ്പെടുത്തുന്നതിന് അയ്യങ്കാളി മെമ്മോറിയല്‍ ടാലന്റ് സെര്‍ച്ച് ആന്റ് ഡവലപ്പ്‌മെന്റ് സ്‌കീം പ്രകാരം ആനുകൂല്യത്തിനുള്ള അപേക്ഷകള്‍ ഈ മാസം 15 വരെ സ്വീകരിക്കും. കൂടുതല്‍ വിവരങ്ങള്‍ക്കായി ബന്ധപ്പെട്ട ബ്ലോക്ക് പട്ടികജാതി വികസന ഓഫീസുമായി ബന്ധപ്പെടുക.

കാസര്‍കോട്  ജില്ലാ പഞ്ചായത്ത് ഓഫീസില്‍ നിലവില്‍ ഒഴിവുള്ള കോഫിഡന്‍ഷ്യല്‍ അസിസ്റ്റന്‍് തസ്തകയിലേക്കുള്ള ദിവസവേതനാടിസ്ഥാനത്തില്‍ നിയമനം നടത്തുന്നതിനുള്ള കൂടിക്കാഴ്ച ഈ മാസം 10ന്  രാവിലെ 10.30ന് ജില്ലാ പഞ്ചായത്ത് ഓഫീസില്‍ നടത്തും. നിശ്ചിത യോഗ്യതയുള്ള ഉദ്യോഗാര്‍ത്ഥികള്‍ അസല്‍ രേഖകള്‍ സഹിതം കൃത്യസമയത്ത് ഹാജരാകണം. ഫോണ്‍: 04994-256722 

സംസ്ഥാന സാക്ഷരതാമിഷന്‍ നടത്തിയ അക്ഷരലക്ഷം സാക്ഷരതാ പരീക്ഷയില്‍ ജില്ലയില്‍ 78 കേന്ദ്രങ്ങളിലായി1897   പഠിതാക്കള്‍ പരീക്ഷ എഴുതി.1631 സ്ത്രീകളും 266 പുരുഷന്‍മാരുമാണ് പരീക്ഷ എഴുതിയത്. കാറഡുക്ക ബ്ലോക്കിലെ 85 വയസുള്ള കുംഭയും, പരപ്പ ബ്ലോക്കിലെ  ഗോപാലനുമാണ് ജില്ലയിലെ ഏറ്റവും പ്രായം കൂടിയ പഠിതാക്കള്‍. ജനപ്രതിനിധികള്‍, ഇന്‍സ്ട്രക്ടര്‍മാര്‍, പ്രേരക്മാര്‍, സാക്ഷരതാ പ്രവര്‍ത്തകര്‍ പരീക്ഷയ്ക്ക് നേതൃത്വം നല്‍കി. പരീക്ഷയുടെ ജില്ലാ തല ഉദ്ഘാടനം അമ്പലത്തറ സ്‌കൂളില്‍ കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡന്റ് പി.ഗൗരി നിര്‍വഹിച്ചു.

കുടുംബശ്രീയുടെ ഓണം വിപണനമേള ഇന്ന് (ആഗസ്റ്റ് 8) മുതല്‍