സ്വാതന്ത്ര്യദിനത്തോടനുബന്ധിച്ചുള്ള പരേഡിന്റെ റിഹേഴ്‌സലിലും സെറിമോണിയല്‍ പരേഡിലും പങ്കെടുക്കുന്ന വിദ്യാര്‍ഥികള്‍ക്ക് ആഗസ്ത് 10, 11, 12, 15 തീയതികളില്‍ സ്വകാര്യ ബസ്സുകളില്‍ നിര്‍ബന്ധമായും യാത്രാ ഇളവ് അനുവദിക്കേണ്ടതാണെന്ന് ആര്‍ ടി ഒ അറിയിച്ചു.

    ജില്ലയില്‍ വെള്ളിയാഴ്ച(ആഗസ്ത് 10) നടത്താനിരുന്ന ദേശീയ വിരവിമുക്ത ദിനാചരണം കനത്ത മഴയെയും തുടര്‍ന്നുണ്ടായ പ്രകൃതി ദുരന്തങ്ങളെയും തുടര്‍ന്ന് മാറ്റിവെച്ചു.  പുതുക്കിയ തീയതി പിന്നീട് അറിയക്കുമെന്ന് ജില്ലാ മെഡിക്കല്‍ ഓഫീസര്‍(ആരോഗ്യം) അറിയിച്ചു.

    സംസ്ഥാന യുവജന ക്ഷേമ ബോര്‍ഡ് തിരുവനന്തപുരത്ത് ഏകദിന ദേശീയ മാധ്യമ സെമിനാര്‍ സംഘടിപ്പിക്കുന്നു.  ജില്ലയിലെ യുവ/യൂത്ത് ക്ലബ്ബ് അംഗങ്ങളില്‍ നിന്നും  25 വയസിന് താഴെ പ്രായമുള്ള താല്‍പര്യമുള്ള യുവതീ യുവാക്കള്‍ ബയോഡാറ്റ സഹിതം അപേക്ഷിക്കണം.  ആഗസ്ത് 13 ന് വൈകുന്നേരം അഞ്ച് മണിക്ക് മുമ്പ് ജില്ലാ യുവജന കേന്ദ്രം, താലൂക്ക് ഓഫീസ് കോമ്പൗണ്ട്,  സബ് ജയിലിനു സമീപം , കണ്ണൂര്‍-2 എന്ന വിലാസത്തില്‍ അപേക്ഷ സമര്‍പ്പിക്കണം.  ഫോണ്‍: 0497 2705460.

    മുന്‍ഗണനാ വിഭാഗത്തിലെ പ്രമേഹ രോഗികളായ 60 വയസ് കഴിഞ്ഞ വയോജനങ്ങള്‍ക്ക് ഗ്ലൂക്കോമീറ്റര്‍ നല്‍കുന്ന വയോമധുരം പദ്ധതിയുടെ ആനുകൂല്യത്തിന് അപേക്ഷിക്കാം.  ആധാര്‍ കാര്‍ഡിന്റെ സ്വയം സാക്ഷ്യപ്പെടുത്തിയ പകര്‍പ്പ്, പ്രമേഹ രോഗിയാണെന്ന് സര്‍ക്കാര്‍ ഡോക്ടര്‍ സാക്ഷ്യപ്പെടുത്തിയ നിശ്ചിത മാതൃകയിലുള്ള മെഡിക്കല്‍ സര്‍ട്ടിഫിക്കറ്റ്,  റേഷന്‍കാര്‍ഡിന്റെ സ്വയം സാക്ഷ്യപ്പെടുത്തിയ പകര്‍പ്പ് എന്നിവ സഹിതം ആഗസ്റ്റ് 31 ന് മുമ്പ് കണ്ണൂര്‍ സിവില്‍ സ്റ്റേഷന്‍ എഫ് ബ്ലോക്കില്‍ പ്രവര്‍ത്തിക്കുന്ന ജില്ലാ സാമൂഹ്യനീതി ഓഫീസില്‍ അപേക്ഷ സമര്‍പ്പിക്കണം.

    മലപ്പട്ടം ഗ്രാമപഞ്ചായത്തിലെ പരാതി പരിഹാര അദാലത്ത് നാളെ  (ആഗസ്റ്റ് 10) രാവിലെ 10 മണി മുതല്‍ വൈകിട്ട് അഞ്ചുമണി വരെ പഞ്ചായത്ത് ഹാളില്‍ നടക്കും. പഞ്ചായത്തുമായി ബന്ധപ്പെട്ട എല്ലാ പരാതികളും അദാലത്തില്‍ പരിഗണിക്കും.

    ചൊവ്വ ഇലക്ട്രിക്കല്‍ സെക്ഷന്‍ പരിധിയിലെ മുണ്ടേരി പീടിക, സി പി സ്റ്റോര്‍, ശരവണ മില്‍, കാപ്പാട് പോസ്റ്റ് ഓഫീസ്, ചരപ്പുറം, കാപ്പാട് ഡി ടെക്, കിത്താപുരം, മാതൃഭൂമി, പെരിങ്ങളായി, പെരിക്കാട്, ശിശുമന്ദിരം, തിലാന്നൂര്‍ കുന്ന്, തിലാന്നൂര്‍ ബസാര്‍, തിലാന്നൂര്‍ സത്രം, സ്മാര്‍ട്ട് ഹോം, പോപ്പുലര്‍ ഭാഗങ്ങളില്‍ നാളെ (ആഗസ്റ്റ് 10) രാവിലെ 10 മുതല്‍ വൈകിട്ട് 5 മണി വരെ വൈദ്യുതി മുടങ്ങും.
    കൊളച്ചേരി ഇലക്ട്രിക്കല്‍ സെക്ഷന്‍ പരിധിയിലെ ചേലേരിമുക്ക്, കാരയാപ്പ്, മുണ്ടേരിക്കടവ്, കയ്യംകോട്, തൂണേരി  ഭാഗങ്ങളില്‍ നാളെ (ആഗസ്റ്റ് 10) രാവിലെ 10 മുതല്‍ വൈകിട്ട് 5 മണി വരെ വൈദ്യുതി മുടങ്ങും.

    കേരളാ സംസ്ഥാന പട്ടികജാതി/പട്ടികവര്‍ഗ്ഗ വികസന കോര്‍പ്പറേഷന്‍ ലിമിറ്റഡ്  പട്ടികജാതി/പട്ടികവര്‍ഗ്ഗ വിഭാഗത്തില്‍പ്പെട്ട 18 വയസ്സ് കഴിഞ്ഞ യുവതികളുടെ വിവാഹാവശ്യത്തിനായി പരമാവധി 2.5 ലക്ഷം രൂപ വരെ വായ്പ അനുവദിക്കുന്നതിന് അര്‍ഹരായ രക്ഷിതാക്കളില്‍ നിന്നും അപേക്ഷ ക്ഷണിച്ചു. അപേക്ഷകര്‍ (അച്ഛന്‍, അമ്മ, രക്ഷിതാവ്) പട്ടികജാതി/പട്ടികവര്‍ഗ്ഗ വിഭാഗത്തില്‍പ്പെട്ടവരും 65 വയസ്സ് കവിയാത്തവരുമായിരിക്കണം. വധുവിന് 18 വയസ്സ് പൂര്‍ത്തിയായിരിക്കണം. കുടുംബ വാര്‍ഷിക വരുമാനം മൂന്ന് ലക്ഷം രൂപയില്‍ കവിയരുത്.

    അംശദായം അടയ്ക്കുന്നതില്‍ ആറുമാസത്തില്‍ കൂടുതല്‍ കുടിശ്ശിക വരുത്തിയ പത്രപ്രവര്‍ത്തകേതര പെന്‍ഷന്‍ പദ്ധതി അംഗങ്ങള്‍ക്ക് 15 ശതമാനം പലിശയോടെ ഒറ്റത്തവണയായി കുടിശ്ശിക അടയ്ക്കാന്‍ അനുമതി നല്‍കിക്കൊണ്ട് വിവര പൊതുജനസമ്പര്‍ക്ക വകുപ്പ് ഉത്തരവായി. ആഗസ്റ്റ് 10 മുതല്‍ സെപ്റ്റംബര്‍ 10 വരെയുള്ള കാലയളവിലാണ് ഇതിന് അവസരമുണ്ടാവുക. കൂടുതല്‍ വിവരങ്ങള്‍ മേഖലാ ഡെപ്യൂട്ടി ഡയരക്ടറുടെ കാര്യാലയത്തില്‍ ലഭിക്കും.  

    കേരളത്തിലെ ഉയര്‍ന്ന വിദ്യാഭ്യാസ സാന്ദ്രത മല്‍സരപ്പരീക്ഷകളെ കടുത്തതാക്കുന്നുവെന്നും ശരിയായ പരിശീലനത്തിലൂടെ മാത്രമേ ഇവയില്‍ മുന്നിലെത്താനാവൂ എന്നും ജില്ലാ പഞ്ചായത്ത് പ്രസിഡന്റ് കെ വി സുമേഷ് അഭിപ്രായപ്പെട്ടു. നാഷണല്‍ എംപ്ലോയ്‌മെന്റ് സര്‍വ്വീസ് വകുപ്പ് ജില്ലാ എംപ്ലോയ്‌മെന്റ് എക്‌സ്‌ചേഞ്ചില്‍ സംഘടിപ്പിക്കുന്ന മത്സര പരീക്ഷാ പരിശീലന പരിപാടി ഉദ്ഘാടനം ചെയ്യുകയായിരുന്നു അദ്ദേഹം. 

    ഉരുള്‍പൊട്ടാന്‍ സാധ്യതയുള്ളതിനാല്‍ കൊട്ടിയൂര്‍ ബോയ്‌സ് ടൗണ്‍ റോഡില്‍ ദുരന്ത നിവാരണ നിയമ പ്രകാരം വൈകുന്നേരം ഏഴു മണി മുതല്‍ രാവിലെ ഏഴു മണി വരെ ഗതാഗതം നിരോധിച്ചു. ഇനിയൊരു അറിയിപ്പ് ഉണ്ടാകുന്നതു വരെ നിരോധനം നിലനില്‍ക്കുമെന്ന് ജില്ലാ കലക്ടര്‍ അറിയിച്ചു.