ജില്ലയില്‍ ഇന്ന് മുതല്‍ അടുത്ത അഞ്ച് ദിവസം ക്വാറികളുടെ പ്രവര്‍ത്തനം ജില്ലാ കലക്ടര്‍ നിരോധിച്ചു. കാലവര്‍ഷം ശക്തമായതിനാല്‍ ദുരന്ത സാധ്യത മുന്‍കൂട്ടി കണ്ടാണ് നിരോധനമേര്‍പ്പെടുത്തിയത്. ജില്ലാ കലക്ടര്‍ അമിത് മീണയുടെ അധ്യക്ഷതയില്‍ കലക്ടറേറ്റില്‍ ചേര്‍ന്ന അവലോകന യോഗത്തിലാണ് ഇതു സംബന്ധിച്ച് തീരുമാനമുണ്ടായത്. എല്ലാ ക്യാംപുകളിലും ഹെല്‍പ് ഡെസ്‌ക് ആരംഭിക്കാനും ജില്ലാ കലക്ടര്‍  നിര്‍ദേശം നല്‍കി.
ക്യാംപുകളില്‍ സഹായം തഹസില്‍ദാര്‍മാര്‍ മുഖേന മാത്രം

സംസ്ഥാന കര്‍ഷക ദിനാചരണത്തോടൊനുബന്ധിച്ച് എടപ്പാള്‍ സഫാരി ഗ്രൗണ്ടില്‍ ഒരുക്കിയ കാര്‍ഷിക പ്രദര്‍ശന മേളക്ക് പ്രതികൂല കാലാവസ്ഥയിലും വന്‍ ജനത്തിരക്ക്. കാലവര്‍ഷത്തെത്തുടര്‍ന്നുണ്ടായ അനിഷ്ട സംഭവങ്ങളെത്തുടര്‍ന്ന് ഔദ്യോഗിക ചടങ്ങുകളും ആഘോഷങ്ങളും ഒഴിവാക്കിയാണ് പ്രദര്‍ശനങ്ങള്‍ തുടങ്ങിയത്.
കേരളപ്പിറവി ദിനമായ ചിങ്ങം ഒന്നിന്    മുഖ്യമന്ത്രി പിണറായി വിജയന്‍ സംസ്ഥാന തല കര്‍ഷക ദിനാചരണം ഉദ്ഘാനം ചെയ്യും. കര്‍ഷകര്‍ക്കുള്ള പുരസ്‌കാര വിതരണവും ആദരിക്കലും മാത്രമായിരിക്കും അന്നേദിവസം ഉണ്ടാവുക.  

സംസ്ഥാനത്തെ കാലവര്‍ഷ ക്കെടുതി മൂലം കാസര്‍ഗോഡ്, വയനാട്, കണ്ണൂര്‍, കോഴിക്കോട്, പാലക്കാട്, മലപ്പുറം ജില്ലകളില്‍ നിന്നുള്ള ഉദ്യോഗാര്‍ത്ഥികള്‍ക്കായി ആഗസ്റ്റ് 13, 14 തിയ്യതികളില്‍  മലപ്പുറം ജില്ലാ മെഡിക്കല്‍ ഓഫീസില്‍ നടത്താനിരുന്ന എംപ്ലോയ്‌മെന്റ് എക്‌സ്‌ചേഞ്ച് മുഖേനെയുള്ള ആശുപത്രി അറ്റന്‍ഡര്‍ ഗ്രേഡ് 2 തസ്തികയിലേക്കുള്ള കൂടിക്കാഴ്ച മറ്റൊരു ദിവസത്തേക്ക് മാറ്റിവെച്ചതായി ജില്ലാ മെഡിക്കല്‍ ഓഫീസര്‍ അറിയിച്ചു. പുതുക്കിയ തിയ്യതി ഉദ്യോഗാര്‍ത്ഥികള്‍ക്ക് രജിസ്‌ട്രേഡ് കത്ത് മുഖേനെ അറിയിക്കുന്നതാണ്.

കഴിഞ്ഞ ദിവസങ്ങളില്‍ ദുരിതാശ്വാസ ക്യാപുകളില്‍ കഴിഞ്ഞിരുന്നവര്‍ മഴ ശമിച്ചു തുടങ്ങിയതോടെ സ്വന്തം വീടുകളിലേക്കു മടങ്ങി തുടങ്ങി. അതോടൊപ്പം രണ്ടു ക്യാമ്പുകള്‍ കൂടുതല്‍ സൗകര്യപ്രദമായ സ്ഥലത്തേക്ക് മാറ്റിയിട്ടുമുണ്ട്. വെള്ളം ഇറങ്ങി തുടങ്ങിയയതോടെ വീടുകളുടെ ശുചീകരണം പൂര്‍ത്തിയാക്കിയ ശേഷമാണ് മടങ്ങി തുടങ്ങിയത്. കുടുംബശ്രീ, തൊഴിലുറപ്പ്, സന്നദ്ധ സംഘടനാ പ്രവര്‍ത്തകര്‍ എന്നിവരുടെ കൂടി സേവനം പ്രയോജനപ്പെടുത്തിയാണ് ശുചീകരണ പ്രവര്‍ത്തനങ്ങള്‍ നടക്കുന്നത്. ശുചിത്വ മാനദണ്ഡങ്ങള്‍ പൂര്‍ത്തിയാക്കിയതായി ആരോഗ്യ വകുപ്പ് അധികൃതര്‍ സാക്ഷ്യപ്പെടുത്തിയ ശേഷമാണ് ക്യാമ്പുകളില്‍ നിന്ന് വീടുകളിലേക്ക് മാറ്റുന്നത്.

ദുരിതാശ്വാസപ്രവര്‍ത്തനങ്ങള്‍ ഏകോപിപ്പിക്കാന്‍ ശനിയാഴ്ച രാവിലെയാണ് തദ്ദേക സ്വയംഭരണ വകുപ്പ് മന്ത്രി ഡോ.കെ.ടി. ജലീല്‍ നിലമ്പൂരിലെത്തിയത്. നിലമ്പൂര്‍ അതിഥി മന്ദിരത്തില്‍  ഉദ്യോഗസ്ഥരേയും തദ്ദേശ സ്വയംഭരണസ്ഥാപനങ്ങളുടെ ഭാരവാഹികളെയും വിളിച്ച് ചേര്‍ത്ത് സ്ഥിതിഗതികള്‍ വിലയിരുത്തി.

സര്‍ക്കാര്‍ പ്രഖ്യാപിക്കുന്ന ആനുകൂല്യങ്ങള്‍ ഒരു രൂപ പോലും നഷ്ടപ്പെടാതെ ദുരിതബാധിതരുടെ കൈകളിലെത്തിക്കുമെന്ന് തദ്ദേശ സ്വയം ഭരണ വകുപ്പ് മന്ത്രി ഡോ. കെ.ടി ജലീല്‍. ദുരിതാശ്വാസ ക്യാമ്പുകളിലെത്താതെ ബന്ധുവീടുകളില്‍ അഭയം തേടിയ ദുരിത ബാധിതര്‍ക്ക് എല്ലാ വിധ സര്‍ക്കാര്‍ ആനുകൂല്യങ്ങളും ഉറപ്പാക്കുമെന്നും മന്ത്രി പറഞ്ഞു. നിലമ്പൂരില്‍ നടന്ന അവലോകന യോഗത്തില്‍ സംസാരിക്കുകയായിരുന്നു അദ്ദേഹം.