** ഓഗസ്റ്റ് 17, 18, 19 ദിവസങ്ങളില്‍ വിവിധയിടങ്ങളില്‍ കൗണ്ടറുകള്‍
    ** പുതിയ സാധനങ്ങള്‍ മാത്രമേ സ്വീകരിക്കൂ

മല്ലപ്പുഴശേരി ഗ്രാമപഞ്ചായത്തിന്റെയും കൃഷിഭവന്റേയും ആഭിമുഖ്യത്തില്‍ ചിങ്ങം ഒന്നിന് കര്‍ഷകദിനമായി ആചരിക്കും. ഗ്രാമപഞ്ചായത്ത് പ്രസിഡന്റ് ലതാ വിക്രമന്റെ അധ്യക്ഷതയില്‍ ഗ്രാമപഞ്ചായത്ത് കമ്മ്യൂണിറ്റി ഹാളില്‍ രാവിലെ 11 ന് നടക്കുന്ന ചടങ്ങില്‍ വീണാജോര്‍ജ് എംഎല്‍എ കര്‍ഷകദിനാചരണം ഉദ്ഘാടനം ചെയ്യും. ജില്ലാ പഞ്ചായത്ത് അംഗം ലീലാ മോഹന്‍, ഗ്രാമപഞ്ചായത്ത് വൈസ്പ്രസിഡന്റ് മിനി ജിജു ജോസഫ്, ബ്ലോക്ക് അംഗങ്ങളായ വത്സമ്മ മാത്യു, സാലി തോമസ്, വിവിധ തദ്ദേശഭരണ ഭാരവാഹികള്‍, കൃഷി വകുപ്പ് ഉദ്യോഗസ്ഥര്‍ തുടങ്ങിവര്‍ പങ്കെടുക്കും.                   (പിഎന്‍പി 2256/18)

ജില്ലാ ശിശുക്ഷേമ സമിതി എക്‌സിക്യൂട്ടീവ് കമ്മിറ്റിയോഗം നാളെ (16) ഉച്ചയ്ക്ക് ശേഷം മൂന്നിന് ജില്ലാ കളക്ടറുടെ അധ്യക്ഷതയില്‍ ചേംബറില്‍ ചേരും.          (പിഎന്‍പി 2255/18)

കടമ്മനിട്ട പ്രാഥമികാരോഗ്യ കേന്ദ്രത്തില്‍ ലാബ്‌ടെക്‌നീഷ്യന്റെ ഒരു താത്ക്കാലിക ഒഴിവിലേക്ക് ദിവസവേതനാടിസ്ഥാനത്തില്‍ നിയമിക്കുന്നതിന് 18ന് രാവിലെ 11ന് വാക്ക്-ഇന്‍- ഇന്റര്‍വ്യൂ നടത്തും. ബി.എസ്.സി എംഎല്‍റ്റി അല്ലെങ്കില്‍ ഡിഎംഎല്‍റ്റിയും ഒരു വര്‍ഷത്തെ പ്രവൃത്തി പരിചയവുമാണ് യോഗ്യത. പ്രായം 20നും 35നും മധ്യേ. താത്പര്യമുള്ളവര്‍ അസല്‍ സര്‍ട്ടിഫിക്കറ്റുകള്‍ സഹിതം കൂടിക്കാഴ്ചയ്ക്ക് ഹാജരാകണം. ഫോണ്‍: 04735 245613.                                             (പിഎന്‍പി 2253/18)

ആറന്മുള ഉതൃട്ടാതി ജലോത്സവവുമായി ബന്ധപ്പെട്ട് നിശ്ചയിച്ചിട്ടുള്ള ക്രമീകരണങ്ങള്‍ വിലയിരുത്തുന്നതിന് ജലവിഭവ വകുപ്പ് മന്ത്രി മാത്യു ടി.തോമസിന്റെ അധ്യക്ഷതയില്‍ നാളെ രാവിലെ 11.30ന് ആറന്മുള പാഞ്ചജന്യം ഓഡിറ്റോറിയത്തില്‍ യോഗം ചേരും. 

                (പിഎന്‍പി 2252/18)