ഐ.എച്ച്.ആര്‍.ഡി യുടെ കീഴില്‍ വാഴക്കാട് പ്രവര്‍ത്തിക്കുന്ന കോളേജ് ഓഫ് അപ്ലൈഡ് സയന്‍സില്‍ അസി. പ്രൊഫസര്‍ (ഫിസിക്കല്‍ എഡ്യുക്കേഷന്‍) തസ്തികയിലേക്ക് താല്‍ക്കാലിക നിയമനത്തിന് അപേക്ഷ ക്ഷണിച്ചു. യോഗ്യരായ ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളും രണ്ട് പകര്‍പ്പുകളുമായി ഈ മാസം 16 ന് രാവിലെ 10 മണിക്ക് കോളേജില്‍ ഇന്റര്‍വ്യൂവിന് എത്തണം. ഫോണ്‍ : 0493 2727070, 2728070.
കരാര്‍  നിയമനം :  അപേക്ഷ ക്ഷണിച്ചു

        കാലവര്‍ഷക്കെടുതിമൂലം ദുരിതമനുഭവിക്കുന്നവര്‍ക്കായി മുഖ്യമന്ത്രിയുടെ ദുരിതശ്വാസ ഫണ്ടിലേയ്ക്ക് കൃഷിവകുപ്പ് മന്ത്രി അഡ്വ. വി. എസ്. സുനില്‍കുമാര്‍ ഒരു മാസത്തെ ശമ്പളവും കൃഷിമന്ത്രിയുടെ ഓഫീസ് ജീവനക്കാര്‍ രണ്ടു ദിവസത്തെ ശമ്പളവും  നല്‍കുന്നതിന് തിരുമാനിച്ചതായി കൃഷിമന്ത്രി അറിയിച്ചു. സംസ്ഥാന കൃഷിവകുപ്പ്, മണ്ണു-പര്യവേക്ഷണ-സംരക്ഷണം, സംസ്ഥാനഹോര്‍ട്ടികള്‍ച്ചര്‍മിഷന്‍ എന്നീ വകുപ്പുകളിലെ  ജീവനക്കാര്‍ രണ്ടു ദിവസത്തെ ശമ്പളം ദുരിതശ്വാസ ഫണ്ടിലേക്ക് നല്‍കുവാന്‍ കൃഷിമന്ത്രി 
അഡ്വ.  വി.എസ്.  സുനില്‍കുമാര്‍ അഭ്യര്‍ത്ഥിച്ചു. 

സംസ്ഥാന ഹജ്ജ് കമ്മിറ്റിയുടെ പുതിയ ചെയര്‍മാനായി സി.മുഹമ്മദ് ഫൈസിയെ തെരഞ്ഞെടുത്തു. ഹജ്ജ് കാര്യവകുപ്പ് മന്ത്രി ഡോ. കെ.ടി ജലീലിന്റെ അദ്ധ്യക്ഷതയില്‍ തിരുവനന്തപുരത്ത് ചേര്‍ന്ന പുതിയ ഹജ്ജ് കമ്മിറ്റിയുടെ പ്രഥമ യോഗമാണ് ചെയര്‍മാനെ തെരഞ്ഞെടുത്തത്. രണ്ട് എക്‌സ് ഒഫീഷ്യോ അംഗങ്ങള്‍ ഉള്‍പ്പെടെ പതിനാറുപേരാണ് പുതിയ ഹജ്ജ് കമ്മിറ്റിയില്‍ അംഗങ്ങളായിട്ടുളളത്.

കര്‍ഷക പരിശീലന കേന്ദ്രത്തിന്റെ നേതൃത്വത്തില്‍ ഈ മാസം 16,17,18  തിയതികളില്‍ സമ്മിശ്ര കൃഷി  രീതികള്‍ എന്ന വിഷയത്തില്‍ 30 കര്‍ഷകര്‍ക്ക് പരിശീലനം നല്‍കും. താല്‍പര്യമുള്ളവര്‍ പേര് രജിസ്റ്റര്‍ ചെയ്യണം. മുന്‍പ് പരിശീലനം ലഭിച്ചവര്‍ക്ക് അവസരമുണ്ടാകില്ല. ഫോണ്‍:  04952373582.വിലാസത്തില്‍ ലഭിക്കണം. ഫോണ്‍ : 0487 2207740.

കേന്ദ്ര ടെക്‌സ്റ്റൈല്‍ മന്ത്രാലയത്തിന്റെ കീഴിലുളള തളിപ്പറമ്പ് അപ്പാരല്‍ ട്രെയിനിംഗ് ആന്‍ഡ് ഡിസൈന്‍ സെന്ററില്‍ മൂന്ന് വര്‍ഷത്തെ ബി വോക് ഡിഗ്രി ഇന്‍ ഫാഷന്‍ ഡിസൈന്‍ ആന്‍ഡ് റീട്ടെയില്‍ (ആ.ഢഛഇഎഉഞ) കോഴ്‌സിസില്‍ അപേക്ഷ ക്ഷണിച്ചു. പ്ലസ് ടു യോഗ്യതയുള്ള വിദ്യാര്‍ത്ഥികള്‍ക്ക് ഈ മാസം 20 വരെ അപേക്ഷിക്കാം. ഫോണ്‍ : 0460-2226110, 9746394616.

ഇന്‍ഡസ്ട്രിയല്‍ ട്രൈബ്യൂണലും എംപ്ലോയീസ് കോമ്പന്‍സേഷന്‍ കമ്മീഷണറും എംപ്ലോയീസ് ഇന്‍ഷൂറന്‍സ് കോടതി ജഡ്ജിയുമായ കെ.വി.രാധാ കൃഷ്ണന്‍ ഈ മാസം 16,17  തീയ്യതികളില്‍ കല്‍പ്പറ്റ ബാര്‍ അസോസി യേഷന്‍ ഹാളില്‍ നടത്താനിരുന്ന എംപ്ലോയീസ് കോമ്പന്‍സേഷന്‍ കേസുകളുടെ വിചാരണ സാങ്കേതിക കാരണങ്ങളാല്‍ സെപ്തംബര്‍ 27, 28 തീയതികളിലേക്ക് മാറ്റിയതായി സെക്രട്ടറി അറിയിച്ചു.  
 

ന്യൂനപക്ഷ ഡയറക്ടറേറ്റ് 14 ജീല്ലകളിലായി ആരംഭിക്കുന്ന 66 പ്രീമാരിറ്റല്‍ കൗണ്‍സലിംഗ് സെന്ററുകളുടെ സംസ്ഥാനതല ഉദ്ഘാടനം കോഴിക്കോട് ജെ.ഡി.റ്റി ഇസ്‌ലാമില്‍ ഈ മാസം 18 ന് വൈകുന്നേരം മൂന്ന് മണിക്ക് ന്യൂനപക്ഷക്ഷേമ വകുപ്പ് മന്ത്രി ഡോ. കെ.ടി ജലീല്‍ നിര്‍വ്വഹിക്കും.