കുട്ടനെല്ലൂര്‍ ഗവണ്‍മെന്റ്‌ കോളേജില്‍ ബി എ ഇക്കണോമിക്‌സിന്‌ ചേര്‍ന്ന ട്രാന്‍സ്‌ജന്‍ഡര്‍ വിദ്യാര്‍ത്ഥി നന്ദനയ്‌ക്ക്‌ ജില്ലാ ഭരണകൂടം ആവശ്യമായ സഹായങ്ങള്‍ നല്‍കുമെന്ന്‌ ജില്ലാ കളക്‌ടര്‍ ടി വി അനുപമ അറിയിച്ചു. കളക്‌ടറേറ്റില്‍ ജില്ലാ കളക്‌ടറെ കണ്ടതിനെ തുടര്‍ന്നാണ്‌ നന്ദനയ്‌ക്ക്‌ സഹായം വാഗ്‌ദാനം ചെയ്‌തത്‌. നന്ദനയുടെ ഇപ്പോഴത്തെ ജീവിത സാഹചര്യം ജില്ലാ കളക്‌ടര്‍ ചോദിച്ചറിഞ്ഞു. കൂടാതെ ലോകസഭാ തെരഞ്ഞെടുപ്പുമായി ബന്ധപ്പെട്ട സീപ്‌ പ്രവര്‍ത്തനങ്ങളുടെ അംബാസിഡറാകാനും കളക്‌ടര്‍ നന്ദനയോട്‌ ആവശ്യപ്പെട്ടു. ട്രാന്‍സ്‌ജന്‍ഡര്‍ വിദ്യാര്‍ത്ഥികള്‍ക്കുളള സ്‌കോളര്‍ഷിപ്പ്‌ ലഭ്യമാക്കാനുളള നടപടി ജില്ലാ ഭരണകൂടം ആരംഭിച്ചു.

ജില്ലയില്‍ ഇന്ന്‌ (ഓഗസ്റ്റ്‌ 15) വിപുലമായ പരിപാടികളോടെ സ്വാതന്ത്ര്യദിനാഘോഷം നടക്കും. ജില്ലാതല സ്വാതന്ത്ര്യദിനാഘോഷം തേക്കിന്‍കാട്‌ മൈതാനിയിലെ വിദ്യാര്‍ത്ഥി കോര്‍ണറിലാണ്‌ നടക്കുക. രാവിലെ 8.30 ന്‌ തദ്ദേശ സ്വയംഭരണ വകുപ്പു മന്ത്രി എ. സി മൊയ്‌തീന്‍ അഭിവാദ്യം സ്വീകരിക്കും. പൂര്‍ണമായും ഗ്രീന്‍പ്രോട്ടോകോള്‍ ഏര്‍പ്പെടുത്തിയ സ്വാതന്ത്ര്യദിനാഘോഷം കൂടിയാണിത്‌. 

മഹാരാജാസ് കോളേജ് ബിരുദ പ്രവേശനം

കൊച്ചി: മഹാരാജാസ് കോളേജ് 2018-19 അദ്ധ്യയന വര്‍ഷത്തെ ബിരുദ പ്രവേശനവുമായി ബന്ധപ്പെട്ട് അറബിക്-അഞ്ച്, മാത്തമാറ്റിക്‌സ്-ഒന്ന്, ഇന്‍സ്ട്രുമെന്റേഷന്‍-ഒന്ന്, മ്യൂസിക്-ഒന്ന് എന്നീ ഡിപ്പാര്‍ട്ട്‌മെന്റുകളില്‍ എസ്.സി വിഭാഗത്തിന് സംവരണം ചെയ്ത ഏതാനും സീറ്റുകള്‍ ഒഴിവുണ്ട്. താത്പര്യമുളളവര്‍ അസല്‍ സര്‍ട്ടിഫിക്കറ്റുകളുമായി ആഗസ്റ്റ് 17-ന് കോളേജ് ഓഫീസില്‍ നിന്നും ആപ്ലിക്കേഷന്‍ ഫോം വാങ്ങി അന്ന് ഉച്ചയ്ക്ക് രണ്ടിനു മുമ്പായി പൂരിപ്പിച്ച് നല്‍കണം. മുമ്പ് ഓണ്‍ലൈന്‍ അപേക്ഷ സമര്‍പ്പിക്കാത്തവര്‍ക്കും സമര്‍പ്പിക്കാം. കൂടുതല്‍ വിവരങ്ങള്‍ക്ക് കോളേജ് ഓഫീസുമായി ബന്ധപ്പെടുക.

പത്തനംതിട്ട ജില്ലയിലെ റബ്ബര്‍തടി കയറ്റിറക്ക് ജോലി ചെയ്യുന്ന തൊഴിലാളികളുടെ കൂലിനിരക്ക് ഏകീകരിക്കുന്നത് സംബന്ധിച്ച് തൊഴിലുടമാ പ്രതിനിധികളെയും, ട്രേഡ് യൂണിയന്‍ പ്രതിനിധികളെയും ഉള്‍പ്പെടുത്തി പത്തനംതിട്ട ജില്ലാ ലേബര്‍ ഓഫീസര്‍ നടത്തിയ അനുരജ്ഞന ചര്‍ച്ചകളില്‍ റബ്ബര്‍തടി ടണ്‍ ഒന്നിന് 680 രൂപയും അനുബന്ധ നിരക്കുകളും നിശ്ചയിച്ച് ഒത്തു തീര്‍പ്പിലെത്തി. ഈ മാസം മുതല്‍ രണ്ട് വര്‍ഷത്തേക്ക് ഇതിന് പ്രാബല്യ മുണ്ടായിരിക്കുമെന്ന് ജില്ലാ ലേബര്‍ ഓഫീസര്‍ അറിയിച്ചു.                  (പിഎന്‍പി 2260/18)

പത്തനംതിട്ട ജില്ലയിലെ സ്വകാര്യ ബസ് ജീവനക്കാരുടെ ഈ വര്‍ഷത്തെ ഓണം ബോണസ് സംബന്ധിച്ച തര്‍ക്കം ജില്ലാ ലേബര്‍ ഓഫീസര്‍ റ്റി. സൗദാമിനിയുടെ സാന്നിദ്ധ്യത്തില്‍ നടന്ന അനുരഞ്ജനയോഗത്തില്‍ ഒത്തുതീര്‍പ്പായി. പ്രൈവറ്റ് ബസ് ഓപ്പറേറ്റേഴ്‌സ് അസോസിയേഷന്‍ ജനറല്‍ സെക്രട്ടറി പി.ആര്‍. രാധാകൃഷ്ണന്‍ നായര്‍, പ്രസിഡന്റ് ലാലു മാത്യു, ഷാജി വേണാട്, യൂണിയന്‍ പ്രതിനിധികളായ കെ.ആര്‍ സുരേന്ദ്രന്‍, പി.എസ്, ശശി, പി.കെ ഗോപി എന്നിവര്‍ അനുരജ്ഞന ചര്‍ച്ചയില്‍ പങ്കെടുത്തു.

                (പിഎന്‍പി 2259/18) 

പനിയോ ഛര്‍ദിയോ വന്നാല്‍ ഊരുകളില്‍ നിന്ന് കിലോ മീറ്ററുകള്‍ താണ്ടി ഇനി പ്രാഥമിക ആരോഗ്യ കേന്ദ്രത്തില്‍ എത്തണമെന്നില്ല. മൊബൈല്‍ ആശുപത്രിയും ഡോക്ടറും നേഴ്‌സും അടങ്ങുന്ന സംഘം  ആദിവാസി ഊരുകളിലേക്ക് എത്തും.  പട്ടികവര്‍ഗ വികസന വകുപ്പും കേരള മെഡിക്കല്‍ സര്‍വീസ് കോര്‍പ്പറേഷനും (കെ.എം.എസ്.സി.എല്‍) സംയുക്തമായി ആരംഭിച്ച  'മൊബൈല്‍  മെഡിക്കല്‍ ക്ലിനിക്കുകളുടെ സേവനം അമ്പൂരിയിലെ ആദിവാസി മേഖലയില്‍ ലഭിച്ചു തുടങ്ങി.

** 43 പട്ടികജാതി കുടുംബങ്ങള്‍ക്കും 3 പട്ടികവര്‍ഗ കുടുംബങ്ങള്‍ക്കും 
   അടച്ചുറപ്പുള്ള ഭവനം

** രണ്ടാം ഘട്ട ഭവന നിര്‍മാണ പ്രവര്‍ത്തനത്തിന്റെ ആദ്യഗഡു വിതരണം ചെയ്തു

* തൊഴിലുറപ്പിന്റെ സഹായത്തോടെ നിലം ഒരുക്കലും വിത്ത് വിതക്കലും

ആറ്റിങ്ങല്‍ നഗരസഭയിലെ ചെറുവള്ളിമുക്ക് വാര്‍ഡില്‍പ്പെടുന്ന കൊടുമണ്‍ ഏലയില്‍ പതിറ്റാണ്ടുകള്‍ക്ക്  ശേഷം നെല്‍ കൃഷി ആരംഭിച്ചു. തരിശ് നിലങ്ങളില്‍ കൃഷി ഇറക്കുന്നതിന്റെ ഭാഗമായി അയ്യങ്കാളി ദേശീയ നഗര തൊഴിലുറപ്പ് പദ്ധതിയുടെ സഹായത്തോടെ ആറ്റിങ്ങല്‍ നഗരസഭയാണ് കൃഷിക്ക് നേതൃത്വം നല്‍കുന്നത്.