മാളിക്കടവ് ഗവ. വനിത ഐ.ടി.ഐ.യില്‍ ഇന്റീരിയര്‍ഡിസൈന്‍ & ഡെക്കറേഷന്‍, ബേസിക് കോസ്‌മെറ്റോളജി എന്നീ ട്രേഡുകളിലെ ഓരോ ജൂനിയര്‍ ഇന്‍സ്ട്രക്ടര്‍ ഒഴിവുകളില്‍ ഗസ്റ്റ് ഇന്‍സ്ട്രക്ടര്‍ നിയമനം നടത്തും. ഇന്റര്‍വ്യൂ ഈ മാസം 17 ന്  രാവിലെ 11 മണി.

2018 ലെ മുഖ്യമന്ത്രിയുടെ പൊലീസ് മെഡലിന് ജില്ലയില്‍ നിന്നും എട്ട് ഉദ്യോഗസ്ഥര്‍ അര്‍ഹരായി. ഡി.വൈ.എസ്.പി ടി.പി പ്രേമരാജന്‍, ഐ.പി മധുസൂദനന്‍ നായര്‍ ടി, എസ്.ഐ അനിതകുമാരി സി, എ.എസ്.ഐ അനില്‍കുമാര്‍ എന്‍, രമേശന്‍ ബി.കെ, ബോബന്‍ ഇ.എം, അബ്ദുള്‍ റഷീദ് ടി, സതി പി തുടങ്ങിയവരാണ് അര്‍ഹരായത്. 
 

കഴിഞ്ഞ ദിവസങ്ങളില്‍ ദുരിതാശ്വാസ ക്യാമ്പുകളില്‍ കഴിഞ്ഞിരുന്നവര്‍ മഴ ശമിച്ചു തുടങ്ങിയതോടെ സ്വന്തം വീടുകളിലേക്കു മടങ്ങി തുടങ്ങി. വെള്ളം ഇറങ്ങി തുടങ്ങിയയതോടെ വീടുകളുടെ ശുചീകരണം പൂര്‍ത്തിയാക്കിയ ശേഷമാണ് മടങ്ങി തുടങ്ങിയത്. ശുചീകരണ പ്രവര്‍ത്തനങ്ങള്‍ക്കു ശേഷം ശുചിത്വ മാനദണ്ഡങ്ങള്‍ പൂര്‍ത്തിയാക്കിയതായി ആരോഗ്യ വകുപ്പ് അധികൃതര്‍ സാക്ഷ്യപ്പെടുത്തിയ ശേഷമാണ് ക്യാമ്പുകളില്‍ നിന്ന് വീടുകളിലേക്ക് മാറ്റുന്നത്. ഒരു ക്യാമ്പിലെ മുഴുവന്‍ പേരും ഇന്നലെ സ്വന്തം വീടുകളിലേക്കു മടങ്ങി. വണ്ടൂര്‍ എലിപ്പറ്റയിലെ ഭാസ്‌കരന്റെ വീട്ടില്‍ പ്രവര്‍ത്തിച്ചിരുന്ന ക്യാമ്പിലുണ്ടായിരുന്നവരാണ് വീടുകളിലേക്കു മടങ്ങിയത്.

മുഖ്യമന്ത്രിയുടെ ദുരിതാശ്വാസ നിധിയിലേക്ക് ജില്ലാ ഭരണകൂടത്തിന് അകമഴിഞ്ഞ സഹായവുമായി കോഴിക്കോട്ടെ സുമനസ്സുകള്‍. കലക്ടര്‍ യു.വി ജോസിന്റെ മേല്‍നോട്ടത്തിലാണ് ദുരിതാശ്വാസ നിധിയിലേക്കുള്ള  സംഭാവനകള്‍ സ്വീകരിക്കുന്നത്. സാമൂതിരി കുടുംബം,  റെസിഡന്‍സ് അസോസിയേഷനുകള്‍, ക്ലബ്ബുകള്‍, വ്യവസായ വാണിജ്യ പ്രമുഖര്‍, ഉദ്യോഗസ്ഥര്‍, കൂടുംബശ്രീ, വിദ്യാര്‍ത്ഥികള്‍, സ്‌കൂളുകള്‍, തുടങ്ങി സമൂഹത്തിലെ പലഭാഗങ്ങളില്‍ നിന്നുള്ളവരില്‍ നിന്നും മികച്ച രീതിയിലുള്ള പ്രതികരണമാണ് ഒറ്റ ദിവസം കൊണ്ട് ലഭിച്ചത്.

ജില്ലയിലെ തദ്ദേശ സ്വയംഭരണ സ്ഥാപനങ്ങള്‍ തയ്യാറാക്കിയ നൂതന പ്രോജക്ടുകള്‍ പരിശോധിക്കുന്നതിന് രൂപീകരിച്ച ജില്ലാതല വിദഗ്ദ്ധ സമിതിയുടെ ഒരു യോഗം സെപ്തംബര്‍ നാലിന് രാവിലെ 10.30ന് ജില്ലാ കലക്ടറുടെ ചേമ്പറില്‍ ചേരും.  

2019-21 വര്‍ഷത്തേക്കുള്ള ജനറല്‍ നഴ്‌സിങ് കോഴ്‌സിനുള്ള താല്‍ക്കാലിക റാങ്ക് ലിസ്റ്റ് പ്രസിദ്ധീകരിച്ചു.  ആക്ഷേപങ്ങള്‍ ആഗസ്റ്റ് 23ന് വൈകുന്നേരം അഞ്ചിനകം പ്രിന്‍സിപ്പാളിന് രേഖാമൂലം അപേക്ഷ നല്‍കണം.

മത്സ്യതൊഴിലാളി ക്ഷേമനിധി ബോര്‍ഡിന്റെ ഉത്തരമേഖലാതല വിദ്യാഭ്യാസ കായിക അവാര്‍ഡ് വിതരണം സി.കെ നാണു എം.എല്‍.എ ഉദ്ഘാടനം ചെയ്തു. കോഴിക്കോട്, മലപ്പുറം, വയനാട്, കണ്ണൂര്‍, കാസര്‍കോഡ് ജില്ലകളില്‍ നിന്നുമുളള ദേശീയ കായികതാരങ്ങള്‍ ഉള്‍പ്പെടെ 285 ഓളം ജേതാക്കള്‍ അവാര്‍ഡ് സ്വീകരിച്ചു. ക്യാഷ് അവാര്‍ഡ് ഇനത്തില്‍ 27 ലക്ഷത്തോളം രൂപയും മെറിറ്റ് സര്‍ട്ടിഫിക്കറ്റ്, മൊമെന്റോ എന്നിവയും വിതരണം ചെയ്തു. മത്സ്യതൊഴിലാളി പെണ്‍കുട്ടികളുടെ വിവാഹധനസഹായമായി 10000 രൂപ വീതം 2017 ഡിസംബര്‍വരെയുളള അപേക്ഷകളില്‍ 161 പേര്‍ക്കും വിതരണം ചെയ്തു. ഈ ഇനത്തില്‍ ആകെ 16 ലക്ഷത്തിലധികം രൂപ വിതരണം ചെയ്തു.