ഈ മാസം 18ന് കളക്ടറേറ്റില്‍ ചേരാനിരുന്ന ദിഷ യോഗം സെപ്തംബര്‍ ആദ്യ വാരത്തിലേക്ക് മാറ്റി.                   (പിഎന്‍പി 2248/18)

കോന്നി കേന്ദ്രീയ വിദ്യാലയത്തില്‍ ഒന്ന് മുതല്‍ അഞ്ച് വരെ ക്ലാസുകളിലേക്ക്     അഡ്മിഷനുള്ള ഓഫ് ലൈന്‍ രജിസ്‌ട്രേഷന്‍ നടന്നുവരുന്നു. ഈ മാസം 18നാണ് രജിസ്റ്റര്‍ ചെയ്യാനുള്ള അവസാന തീയതി. അഡ്മിഷന്‍ സംബന്ധിച്ച മാനദണ്ഡങ്ങള്‍ www.kvssangathan.nic.in എന്ന സൈറ്റില്‍ ലഭ്യമാണ്. കൂടുതല്‍ വിവരങ്ങള്‍ക്ക് അട്ടച്ചാക്കല്‍ സെന്റ് ജോര്‍ജ് ഹൈസ്‌കൂളില്‍ പ്രവര്‍ത്തിക്കുന്ന കോന്നി കേന്ദ്രീയ വിദ്യാലയ ഓഫീസുമായി ബന്ധപ്പെടണം.          (പിഎന്‍പി 2247/18) 

സംസ്ഥാനത്തെ വില്ലേജ് ഓഫീസുകള്‍ സ്മാര്‍ട്ട് ആക്കുന്നതിലൂടെ നാടിന്റെ വികസനം വേഗത്തിലാക്കാന്‍ കഴിയുമെന്ന് രാജു എബ്രഹാം എംഎല്‍എ പറഞ്ഞു . അയിരൂര്‍ ഗ്രാമപഞ്ചായത്തില്‍ പുതുതായി നിര്‍മിക്കുന്ന സ്മാര്‍ട്ട് വില്ലേജ് ഓഫീസിന്റെ ശിലാസ്ഥാപനം നിര്‍വഹിച്ച് സംസാരിക്കുകയായിരുന്നു എംഎല്‍എ. സ്മാര്‍ട്ട് വില്ലേജ് ഓഫീസുകളിലൂടെ കാലതാമസം കൂടാതെ സേവനങ്ങള്‍ ലഭ്യമാകും. 

ഈ മാസം 18ന് നടത്താനിരുന്ന ജില്ലാ വികസന സമിതിയോഗം മാറ്റിവച്ചതായി ജില്ലാ കളക്ടര്‍ അറിയിച്ചു.          (പിഎന്‍പി 2344/18)

കളക്ടറേറ്റ് പരിസരം സിവില്‍ സ്റ്റേഷന്‍ ജീവനക്കാരുടെ നേതൃത്വത്തില്‍ നാളെ (16) ശുചിയാക്കും.           (പിഎന്‍പി 2342/18)

ഓണത്തിന് ഒരു മുറം പച്ചക്കറി പരിപാടിയുടെ ഭാഗമായി കൃഷി വകുപ്പ് ആഭിമുഖ്യത്തില്‍ സെക്രട്ടേറിയറ്റ് അങ്കണത്തില്‍ നട്ടുവളര്‍ത്തിയ പച്ചക്കറികളുടെ വിളവെടുപ്പ് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. 

  മന്ത്രിമാരായ വി.എസ്.സുനില്‍കുമാര്‍,  രാമചന്ദ്രന്‍ കടന്നപ്പള്ളി, എം.എം.മണി, ജെ.മെഴ്‌സിക്കുട്ടി അമ്മ എന്നിവര്‍ സന്നിഹിതരായിരുന്നു. ഓണത്തിന് വിളവെടുക്കുന്ന തരത്തില്‍ മാസങ്ങള്‍ക്ക് മുമ്പാണ് കൃഷി ആരംഭിച്ചത്. വ്യത്യസ്തയിനം പച്ചക്കറികളാണ് വിളവെടുക്കാന്‍ പാകമായത്.  

പി.എന്‍.എക്‌സ്.3584/18

കണ്‍സ്യൂമര്‍ ഫെഡിന്റെ ഓണം-ബക്രീദ് സഹകരണ വിപണിയുടെ സംസ്ഥാനതല ഉദ്ഘാടനം നാളെ (ആഗസ്റ്റ് 16) മുഖ്യമന്ത്രി പിണറായി വിജയന്‍ നിര്‍വഹിക്കും. പാളയം എല്‍.എം.എസ് ഗ്രൗണ്ടില്‍ വൈകിട്ട് 3.30ന് നടക്കുന്ന ചടങ്ങില്‍ സഹകരണ-ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ അധ്യക്ഷത വഹിക്കും. ത്രിവേണി ഓണസദ്യ കിറ്റിന്റെ ആദ്യവില്‍പന കെ. മുരളീധരന്‍ എം.എല്‍.എ നിര്‍വഹിക്കും. മേയര്‍ വി.കെ. പ്രശാന്ത് വിശിഷ്ടാതിഥിയായിരിക്കും.

ആഗസ്റ്റ് 16 മുതല്‍ 24 വരെ 3500 ഓണം-ബക്രീദ് വിപണികള്‍ കേരളമാകെ പ്രവര്‍ത്തിക്കും. പൊതു വിപണിയേക്കാള്‍ 50 ശതമാനം വരെ വിലക്കുറവില്‍ നിത്യോപയോഗ സാധനങ്ങള്‍ വിതരണം ചെയ്യും. 

        കേരള നെല്‍വയല്‍ തണ്ണീര്‍ത്തട സംരക്ഷണ (ഭേദഗതി) ആക്ട് നിലവില്‍ വന്ന 2017 ഡിസംബര്‍ 30 ന് മുമ്പ് പെര്‍മിറ്റ് അനുവദിക്കുകയും അതുപ്രകാരം കെട്ടിടങ്ങള്‍ നിര്‍മ്മിച്ച് ഒക്ക്യുപ്പന്‍സി/കെട്ടിടനമ്പര്‍/പെര്‍മിറ്റ് റിന്യൂവല്‍ എന്നിവയ്ക്ക് അതിനു ശേഷം തദ്ദേശസ്ഥാപനങ്ങളെ സമീപിക്കുകയും ചെയ്യുമ്പോള്‍  ആക്ടിലെ വ്യവസ്ഥകള്‍ പ്രകാരം ആര്‍ഡിഒ യുടെ അനുമതിപത്രം വേണമെന്ന് പല തദ്ദേശസ്ഥാപന സെക്രട്ടറിമാരും നിര്‍ദ്ദേശിക്കുന്നത് സര്‍ക്കാരിന്റെ ശ്രദ്ധയില്‍പ്പെട്ടതിന്റെ അടിസ്ഥാനത്തില്‍ അവയ്ക്ക് സ്പഷ്ടീകരണം നല്‍കിക്കൊണ്ട് സര്‍ക്കാര്‍ പുതിയ സര്‍ക്കുലര്‍ പുറപ്പെടുവിച്ചു.