എല്‍.ബി.എസ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി ഫോര്‍ വുമണ്‍ പൂജപ്പുരയില്‍ എം.ടെക്, സി.എസ്.ഇ, ഇ.സി.ഇ സിഗ്നല്‍ പ്രോസസിംഗ് കോഴ്‌സുകളില്‍ ഒഴിവുള്ള സീറ്റുകളിലേക്ക് സ്‌പോട്ട് അഡ്മിഷന്‍ ആഗസ്റ്റ് 17ന് രാവിലെ 11ന് കോളേജില്‍ നടത്തും. താത്പര്യമുള്ളവര്‍ വിദ്യാഭ്യാസ യോഗ്യതയുടെ അസല്‍ സര്‍ട്ടിഫിക്കറ്റ്, ടി.സി, ഫീസ് എന്നിവയുമായി എത്തണം. വെബ്‌സൈറ്റ്: www.lbsitw.ac.in ഫോണ്‍: 0471 2349232, 9447347193, 9447076711

   പി.എന്‍.എക്‌സ്.3592/18

സംസ്ഥാന ജൈവവൈവിധ്യ ബോര്‍ഡില്‍ പ്രിന്‍സിപ്പല്‍ സയന്റിഫിക് ഓഫീസര്‍, സയന്റിഫിക് ഓഫീസര്‍ എന്നീ തസ്തികകളിലേക്ക് അന്യത്ര സേവന വ്യവസ്ഥയില്‍ നിയമിക്കുന്നതിന്  സര്‍ക്കാര്‍ ജീവനക്കാരില്‍ നിന്നും അപേക്ഷ ക്ഷണിച്ചു. അവസാന തിയതി സെപ്റ്റംബര്‍ 30. യോഗ്യത, പരിചയം തുടങ്ങിയ വിവരങ്ങള്‍ www.keralabiodiversity.org എന്ന വെബ്‌സൈറ്റില്‍ ലഭിക്കും.

 പി.എന്‍.എക്‌സ്.3591/18

മൃഗസംരക്ഷണ വകുപ്പിലെ വെറ്ററിനറി സര്‍ജന്‍ തസ്തികയിലെ 2017 ഡിസംബര്‍ 31 അനുസരിച്ചുള്ള താത്കാലിക മുന്‍ഗണനാ പട്ടിക www.ahdkerala.gov.in എന്ന വെബ്‌സൈറ്റില്‍ പ്രസിദ്ധീകരിച്ചു. ആക്ഷേപങ്ങളോ അഭിപ്രായങ്ങളോ ഉണ്ടെങ്കില്‍ ബന്ധപ്പെട്ട രേഖകള്‍ സഹിതം നിശ്ചിത മാതൃകയില്‍ പൂരിപ്പിച്ച് 30 ദിവസത്തിനകം മൃഗസംരക്ഷണ വകുപ്പ് ഡയറക്ടര്‍ക്ക് നല്‍കണം. 

പി.എന്‍.എക്‌സ്.3590/18

കേരള ദേവസ്വം റിക്രൂട്ട്‌മെന്റ് ബോര്‍ഡിലെ ചെയര്‍മാനും, അംഗങ്ങളും, ജീവനക്കാരും ഒരു ദിവസത്തെ ശമ്പളം മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കി.

പി.എന്‍.എക്‌സ്.3589/18

കേന്ദ്ര ശിശു വികസന മന്ത്രാലയം കുട്ടികളുമായി ബന്ധപ്പെട്ട് ഏര്‍പ്പെടുത്തിയിട്ടുള്ള National child Award National child welfare Award എന്നിവ പരിഗണിക്കുന്നതിന് അപേക്ഷ/നോമിനേഷനുകള്‍ ആഗസ്റ്റ് 31നു മുമ്പ് കേന്ദ്ര വനിത ശിശുവികസന മന്ത്രാലയത്തിന്റെ www.nca-wcd.nic.in എന്ന വെബ്‌സൈറ്റിലൂടെ ഓണ്‍ലൈന്‍ ആയി സമര്‍പ്പിക്കാം. വിശദവിവരങ്ങള്‍ വെബ്‌സൈറ്റില്‍ ലഭിക്കും.

പി.എന്‍.എക്‌സ്.3588/18

ഓണത്തോടനുബന്ധിച്ച് കേരള കൈത്തറി വസ്ത്രങ്ങളുടെ പ്രചാരണവും പ്രോത്സാഹനവും ലക്ഷ്യമാക്കി അഗസ്റ്റ് 16 മുതല്‍ 21 വരെ (അഞ്ച് ദിവസം) വികാസ് ഭവനില്‍ കൈത്തറി വസ്ത്രങ്ങളുടെ പ്രദര്‍ശനവും വില്‍പ്പനയും ഉണ്ടായിരിക്കും. മേളയില്‍ പ്രസിദ്ധമായ കാസര്‍കോഡ് സാരികള്‍, കണ്ണൂര്‍ ഫര്‍ണിഷിംഗ് മെറ്റീരിയല്‍സ്, കൂത്തമ്പുള്ളി, ചേന്ദമംഗലം, ബാലരാമപുരം എന്നിവിടങ്ങളില്‍ നിന്നുള്ള സാരി, സെറ്റുമുണ്ടുകള്‍, ബാഗുകള്‍, മെയ്ഡ്അപ്‌സ്, കര്‍ട്ടനുകള്‍, റെഡിമെയ്ഡുകള്‍ എന്നിങ്ങനെ വൈവിധ്യമാര്‍ന്നതും ഗുണമേന്മയുള്ളതുമായ ഉത്പന്നങ്ങള്‍ ലഭ്യമാണ്. ഉത്പനങ്ങള്‍ക്ക് 20 ശതമാനം സര്‍ക്കാര്‍ റിബേറ്റ് ലഭിക്കും.

*15 സായുധ ഘടകങ്ങള്‍ പങ്കെടുക്കും

തിരുവനന്തപുരം സെന്‍ട്രല്‍ സ്‌റ്റേഡിയത്തില്‍ ആഗസ്റ്റ് 15ന് നടക്കുന്ന സ്വാതന്ത്ര്യദിന പരേഡ് തലശേരി പോലീസ് അസിസ്റ്റന്റ് സൂപ്രണ്ട് ചൈത്ര തെരേസ ജോണ്‍ നയിക്കും. തിരുവനന്തപുരം സിറ്റി ആംഡ് റിസര്‍വ് പോലീസ് അസിസ്റ്റന്റ് കമാന്‍ഡന്റ് വി. സുരേഷ് ബാബു ആണ് സെക്കന്‍ഡ് ഇന്‍ കമാന്‍ഡ്. തമിഴ്‌നാട് പോലീസിന്റെ ഒരു സായുധ ബറ്റാലിയന്‍ ഇത്തവണത്തെ പരേഡില്‍ പങ്കെടുക്കുന്നുണ്ട്. 

ശക്തമായ മഴയില്‍ കേരള വെറ്റിനറി സര്‍വ്വകലാശാലയില്‍ ഷെല്‍ട്ടറിനുമുകളില്‍ മരം വീണ്‌ ഒരാള്‍ മരിച്ചു. ചെമ്പുച്ചിറ സ്വദേശി ഷാജിയാണ്‌ മരിച്ചത്‌. രണ്ടുപേര്‍ക്ക്‌ പരിക്കുപറ്റി. ഇന്ന്‌ ഉച്ചയ്‌ക്ക്‌ ശേഷമാണ്‌ സംഭവം. വാടാനപ്പളളി വില്ലേജില്‍ ലക്ഷ്‌മിയുടെ വീട്‌ പൂര്‍ണ്ണമായും തകര്‍ന്നു. 2 ലക്ഷം രൂപയുടെ നാശനഷ്‌ടം കണക്കാക്കി. കനത്തമഴയില്‍ ചാവക്കാട്‌ താലൂക്ക്‌ വെങ്കിടങ്ങ്‌ വില്ലേജില്‍ ഖാലിദിന്‍െ്‌റ വീട്‌ ഭാഗികമായി തകര്‍ന്നു. 60000 രൂപയുടെ നാശനഷ്ടം കണക്കാക്കി.