പാലക്കാട് ഗവണ്‍മെന്റ് മെഡിക്കല്‍ കോളേജില്‍ എഞ്ചിനീയറിംഗ് വിഭാഗത്തില്‍ പ്രോജക്ട് എഞ്ചിനീയര്‍, സൈറ്റ് എഞ്ചിനീയര്‍ തസ്തികകളില്‍ കരാര്‍ വ്യവസ്ഥയില്‍ നിയമിക്കുന്നതിന് അപേക്ഷ ക്ഷണിച്ചു. അപേക്ഷകര്‍ ബയോഡേറ്റ, ബന്ധപ്പെട്ട സര്‍ട്ടിഫിക്കറ്റുകളുടെ കോപ്പി എന്നിവ സഹിതം മാര്‍ച്ച് 16 ന് വൈകിട്ട് അഞ്ചിന് മുന്‍പായി  പാലക്കാട് ഗവണ്‍മെന്റ് മെഡിക്കല്‍ കോളേജില്‍ അപേക്ഷ സമര്‍പ്പിക്കണം. വിശദവിവരങ്ങള്‍ മെഡിക്കല്‍ കോളേജ് ഓഫീസിലോ 0491-2000644 എന്ന നമ്പറിലോ ബന്ധപ്പെടണം. 

കോളേജ് ഓഫ് എഞ്ചിനീയറിംഗും കേരള എഞ്ചിനീയറിംഗ് ഫെഡറേഷന്റെയും ജല അതോറിറ്റിയുടെയും മദ്രാസ് ഹൈക്കോടതിയുടേയും സഹകരണത്തോടെ വാട്ടര്‍സ്മാര്‍ട്ട് നഗരങ്ങള്‍ : വെല്ലുവിളികളും അവസരങ്ങളും കേരളത്തില്‍ എന്ന വിഷയത്തില്‍ ദേശീയ സെമിനാര്‍ സംഘടിപ്പിക്കും.

സംസ്ഥാന സര്‍ക്കാരിന്റെ 2017 ലെ കലാപുരസ്‌കാരങ്ങളായ കഥകളി പുരസ്‌കാരം, പല്ലാവൂര്‍ അപ്പുമാരാര്‍ പുരസ്‌കാരം, കേരളീയ നൃത്ത-നാട്യ പുരസ്‌കാരം എന്നിവ സാംസ്‌കാരിക വകുപ്പ് മന്ത്രി എ,കെ ബാലന്‍ പ്രഖ്യാപിച്ചു.  കലാമണ്ഡലം കെ.എസ് വാസുദേവനാണ് കഥകളി പുരസ്‌കാരം.  കഥകളി രംഗത്തെ സമഗ്ര സംഭാവനയ്ക്ക് നല്‍കുന്ന പുരസ്‌കാരമാണിത്.  കലാമണ്ഡലം വൈസ്ചാന്‍സലര്‍ ഡോ. ടി.കെ നാരായണന്‍, വി കലാധരന്‍ എന്നിവരടങ്ങിയ ജഡ്ജിംഗ് കമ്മിറ്റിയാണ് പുരസ്‌കാര നിര്‍ണ്ണയം നടത്തിയത്.

'മുതിര്‍ന്ന പൗരന്മാരുടെ കാര്യത്തില്‍ നാം എവിടെ നില്‍ക്കുന്നു ഇനി എങ്ങോട്ട് പോകണം' എന്ന വിഷയത്തെക്കുറിച്ച് ഒരു ദേശീയ കൊളോക്കിയം മാര്‍ച്ച് 14, 15, 16 തീയതികളില്‍ തിരുവനന്തപുരത്ത് മാസ്‌ക്കറ്റ് ഹോട്ടലില്‍ നടക്കും. സാമൂഹ്യനീതി വകുപ്പിന്റെ സഹായത്തോടെ തിരുവനന്തപുരത്തെ വയോജനപഠനകേന്ദ്രമാണ് കൊളോക്യം സംഘടിപ്പിക്കുന്നത്.

  കൊളോക്യം ഇന്ന് (മാര്‍ച്ച് 14) രാവിലെ 10 ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. ആരോഗ്യ സാമൂഹ്യനീതി മന്ത്രി കെ.കെ. ശൈലജ ടീച്ചര്‍ ചടങ്ങില്‍ അധ്യക്ഷത വഹിക്കും. സമാപനചടങ്ങില്‍ തദ്ദേശ ഭരണ വകുപ്പ് മന്ത്രി കെ.ടി. ജലീല്‍ മുഖ്യാതിഥിയായിരിക്കും.

  ജനമൈത്രി സുരക്ഷാ പദ്ധതിയുടെ ഭാഗമായി കാസര്‍കോട്  ഡിഎച്ച്ക്യു സീനിയര്‍ സിറ്റിസണ്‍ കോണ്‍ഫറന്‍സ് ഹാളില്‍  മുതിര്‍ന്ന പൗരന്മാരുടെ സുരക്ഷയും സംരക്ഷണവും എന്ന വിഷയത്തില്‍ ഏകദിന ശില്പശാല സംഘടിപ്പിച്ചു.  ജില്ലാ പഞ്ചായത്ത് പ്രസിഡന്റ് എജിസി ബഷീര്‍ ഉദ്ഘാടനം ചെയ്തു. ജില്ലാ പോലീസ് മേധാവി കെ.ജി സൈമണ്‍  അദ്ധ്യക്ഷത വഹിച്ചു.   ഡിസിആര്‍ബി: ഡിവൈഎസ്പി ജെയ്‌സണ്‍.കെ എബ്രഹാം വിഷയാവതരണം നടത്തി.

   ജില്ലയെ സമ്പുര്‍ണ്ണ ഡിജിറ്റല്‍ ജില്ലയാക്കി മാറ്റുന്നതിന്റെ  ആദ്യപടിയായി ഇന്ന് (14) കളക്ടറേറ്റ് മിനി കോണ്‍ഫറന്‍സ് ഹാളില്‍  മാസ്റ്റര്‍ ട്രെയ്‌നര്‍മാര്‍ക്കും  ഡിജിറ്റല്‍ വളണ്ടിയര്‍മാര്‍ക്കുമുള്ള ശില്പശാല നടക്കും. ഡിജിറ്റല്‍ സന്നദ്ധ പ്രവര്‍ത്തകരുടെ തിരഞ്ഞെടുപ്പ്  നടന്നു വരികയാണന്ന് ജില്ലാ ഇ-ഗവേണന്‍സ് സൊസൈറ്റി പ്രൊജക്ട് മാനേജര്‍ ശ്രീരാജ് പി.നായര്‍,  വികാസ് പീഡിയ സ്‌റ്റേറ്റ് കോഡിനേറ്റര്‍ സി.വി.ഷിബു എന്നിവര്‍ അറിയിച്ചു. ഒറ്റപ്പെട്ട ഓണ്‍ലൈന്‍ ഡിജിറ്റല്‍ സംവിധാനങ്ങളെ ജില്ലാതലത്തില്‍ ഏകോപിപ്പിക്കുന്നതിനുള്ള നടപടിയാണ് ആരംഭിച്ചത്. 

കന്യാകുമാരിക്ക് തെക്ക് ശ്രീലങ്കയ്ക്ക് തെക്ക് പടിഞ്ഞാറ് ഉള്‍ക്കടലില്‍ രൂപപ്പെട്ട ന്യൂനമര്‍ദ്ദം തീവ്ര ന്യൂനമര്‍ദ്ദമായ പശ്ചാത്തലത്തില്‍ അടുത്ത 48 മണിക്കൂറിനുള്ള കാറ്റിന്റെ വേഗത മണിക്കൂറില്‍ 75 കിലോമീറ്ററാകാന്‍ സാധ്യതയുണ്ട്. കേരളത്തിന്റെ തീരങ്ങളില്‍ നിന്ന് മത്സ്യത്തൊഴിലാളികള്‍ ഒരു കാരണവശാലും മീന്‍പിടിക്കാന്‍ കടലില്‍ പോകരുതെന്ന് ദുരന്തനിവാരണ അതോറിട്ടി അറിയിച്ചു. ഈ മാസം 15 വരെ ഈ നിര്‍ദേശത്തിന് പ്രാബല്യമുണ്ടായിരിക്കും.
 

 കന്യാകുമാരിക്ക് തെക്ക് ശ്രീലങ്കയ്ക്ക് തെക്ക് പടിഞ്ഞാറ് ഉള്‍ക്കടലില്‍ രൂപപ്പെട്ട ന്യൂനമര്‍ദ്ദം തീവ്ര ന്യൂനമര്‍ദ്ദമായ പശ്ചാത്തലത്തില്‍ അടുത്ത 48 മണിക്കൂറിനുള്ള കാറ്റിന്റെ വേഗത മണിക്കൂറില്‍ 75 കിലോമീറ്ററാകാന്‍ സാധ്യതയുണ്ട്. കേരളത്തിന്റെ തീരങ്ങളില്‍ നിന്ന് മത്സ്യത്തൊഴിലാളികള്‍ ഒരു കാരണവശാലും മീന്‍പിടിക്കാന്‍ കടലില്‍ പോകരുതെന്ന് ദുരന്തനിവാരണ അതോറിട്ടി അറിയിച്ചു. ഈ മാസം 15 വരെ ഈ നിര്‍ദേശത്തിന് പ്രാബല്യമുണ്ടായിരിക്കും.
 

 2018-19 വര്‍ഷത്തേക്ക് ജില്ലയില്‍ ആദ്യമായി ബേഡഡുക്ക, കാറഡുക്ക ഗ്രാമപഞ്ചായത്തുകളുടെ പദ്ധതികള്‍ക്ക് ജില്ലാ ആസൂത്രണസമിതി യോഗം അംഗീകാരം നല്‍കി. ബേഡഡുക്ക ഗ്രാമഞ്ചായത്തിന്റെ 6.99 കോടി രൂപയുടെയും കാറഡുക്ക ഗ്രാമപഞ്ചായത്തിന്റെ 4.96 കോടി രൂപയുടെയും പദ്ധതികള്‍ക്കാണ് ഡിപിസി ഹാളില്‍ നടന്ന ആസൂത്രണ സമിതിയോഗത്തില്‍ അംഗീകാരം നല്‍കിയത്. 
തദ്ദേശഭരണ സ്ഥാപനങ്ങളുടെ 2018-19 വാര്‍ഷിക പദ്ധതിയില്‍ ജില്ലാ പദ്ധതിയുടെ ഭാഗമായി ഏറ്റെടുക്കുന്ന പദ്ധതികളുടെയും മറ്റ് സംയുക്ത പദ്ധതികളുടെയും അവതരണവും യോഗത്തില്‍ നടന്നു.