സംസ്ഥാന ലൈഫ് മിഷന്റെ പത്തനംതിട്ട ജില്ലാ കോ-ഓര്‍ഡിനേറ്ററുടെ ഔദേ്യാഗിക ആവശ്യത്തിനായി ടാക്‌സി വാഹനം ഒരു വര്‍ഷത്തേക്ക് കരാര്‍ വ്യവസ്ഥയില്‍ നല്‍കുന്നതിന് താത്പര്യമുള്ള വാഹന ഉടമകള്‍ക്ക് ക്വട്ടേഷന്‍ നല്‍കാം. കൂടുതല്‍ വിവരങ്ങള്‍ക്ക് ജില്ലാ ദാരിദ്ര്യ ലഘൂകരണ വിഭാഗത്തില്‍ പ്രവര്‍ത്തിക്കുന്ന ലൈഫ് മിഷന്‍ ഓഫീസുമായി ബന്ധപ്പെടണം. ഫോണ്‍: 0468 2222686, 9495221255.                     

പാലക്കാട് ഗവണ്‍മെന്റ് മെഡിക്കല്‍ കോളേജില്‍ എഞ്ചിനീയറിംഗ് വിഭാഗത്തില്‍ പ്രോജക്ട് എഞ്ചിനീയര്‍, സൈറ്റ് എഞ്ചിനീയര്‍ തസ്തികകളില്‍ കരാര്‍ വ്യവസ്ഥയില്‍ നിയമിക്കുന്നതിന് അപേക്ഷ ക്ഷണിച്ചു. അപേക്ഷകര്‍ ബയോഡേറ്റ, ബന്ധപ്പെട്ട സര്‍ട്ടിഫിക്കറ്റുകളുടെ കോപ്പി എന്നിവ സഹിതം മാര്‍ച്ച് 16 ന് വൈകിട്ട് അഞ്ചിന് മുന്‍പായി  പാലക്കാട് ഗവണ്‍മെന്റ് മെഡിക്കല്‍ കോളേജില്‍ അപേക്ഷ സമര്‍പ്പിക്കണം. വിശദവിവരങ്ങള്‍ മെഡിക്കല്‍ കോളേജ് ഓഫീസിലോ 0491-2000644 എന്ന നമ്പറിലോ ബന്ധപ്പെടണം. 

കോളേജ് ഓഫ് എഞ്ചിനീയറിംഗും കേരള എഞ്ചിനീയറിംഗ് ഫെഡറേഷന്റെയും ജല അതോറിറ്റിയുടെയും മദ്രാസ് ഹൈക്കോടതിയുടേയും സഹകരണത്തോടെ വാട്ടര്‍സ്മാര്‍ട്ട് നഗരങ്ങള്‍ : വെല്ലുവിളികളും അവസരങ്ങളും കേരളത്തില്‍ എന്ന വിഷയത്തില്‍ ദേശീയ സെമിനാര്‍ സംഘടിപ്പിക്കും.

സംസ്ഥാന സര്‍ക്കാരിന്റെ 2017 ലെ കലാപുരസ്‌കാരങ്ങളായ കഥകളി പുരസ്‌കാരം, പല്ലാവൂര്‍ അപ്പുമാരാര്‍ പുരസ്‌കാരം, കേരളീയ നൃത്ത-നാട്യ പുരസ്‌കാരം എന്നിവ സാംസ്‌കാരിക വകുപ്പ് മന്ത്രി എ,കെ ബാലന്‍ പ്രഖ്യാപിച്ചു.  കലാമണ്ഡലം കെ.എസ് വാസുദേവനാണ് കഥകളി പുരസ്‌കാരം.  കഥകളി രംഗത്തെ സമഗ്ര സംഭാവനയ്ക്ക് നല്‍കുന്ന പുരസ്‌കാരമാണിത്.  കലാമണ്ഡലം വൈസ്ചാന്‍സലര്‍ ഡോ. ടി.കെ നാരായണന്‍, വി കലാധരന്‍ എന്നിവരടങ്ങിയ ജഡ്ജിംഗ് കമ്മിറ്റിയാണ് പുരസ്‌കാര നിര്‍ണ്ണയം നടത്തിയത്.

    ജില്ലാ ടൂറിസം പ്രമോഷന്‍ കൗണ്‍സിലിന്റെ (ഡിടിപിസി) ഗവേണിംഗ് ബോഡി യോഗം 17ന് വൈകിട്ട് നാലിന് ജില്ലാ കളക്ടര്‍ ആര്‍.ഗിരിജയുടെ അധ്യക്ഷതയില്‍ കളക്ടറേറ്റ് കോണ്‍ഫറന്‍സ് ഹാളില്‍ ചേരും.                              

'മുതിര്‍ന്ന പൗരന്മാരുടെ കാര്യത്തില്‍ നാം എവിടെ നില്‍ക്കുന്നു ഇനി എങ്ങോട്ട് പോകണം' എന്ന വിഷയത്തെക്കുറിച്ച് ഒരു ദേശീയ കൊളോക്കിയം മാര്‍ച്ച് 14, 15, 16 തീയതികളില്‍ തിരുവനന്തപുരത്ത് മാസ്‌ക്കറ്റ് ഹോട്ടലില്‍ നടക്കും. സാമൂഹ്യനീതി വകുപ്പിന്റെ സഹായത്തോടെ തിരുവനന്തപുരത്തെ വയോജനപഠനകേന്ദ്രമാണ് കൊളോക്യം സംഘടിപ്പിക്കുന്നത്.

  കൊളോക്യം ഇന്ന് (മാര്‍ച്ച് 14) രാവിലെ 10 ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. ആരോഗ്യ സാമൂഹ്യനീതി മന്ത്രി കെ.കെ. ശൈലജ ടീച്ചര്‍ ചടങ്ങില്‍ അധ്യക്ഷത വഹിക്കും. സമാപനചടങ്ങില്‍ തദ്ദേശ ഭരണ വകുപ്പ് മന്ത്രി കെ.ടി. ജലീല്‍ മുഖ്യാതിഥിയായിരിക്കും.

    ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്റെ ആഭിമുഖ്യത്തില്‍  ഭിന്നശേഷിയുള്ളവരുടെ സാമൂഹിക പരിരക്ഷ എന്ന വിഷയത്തില്‍ കുട്ടികളുടെ രക്ഷിതാക്കള്‍ക്ക് വേണ്ടി ഓണ്‍ലൈന്‍ ബോധവത്ക്കരണ സെമിനാര്‍ നടത്തുന്നു. ഈ മാസം 17ന് രാവിലെ 10ന് ആറന്മുള കച്ചേരിപ്പടിയിലുള്ള മിനി സിവില്‍ സ്റ്റേഷനിലാണ് സെമിനാര്‍. ആദ്യം രജിസ്റ്റര്‍ ചെയ്യുന്ന 20 പേര്‍ക്ക് പങ്കെടുക്കാം. ഫോണ്‍: 0468 2319998.                     

ന്യൂനമര്‍ദ്ദം രൂപപ്പെട്ടതിനെ തുടര്‍ന്ന് കേരളതീരത്ത് ശക്തമായ കടല്‍ക്ഷോഭം ഉണ്ടാകാന്‍ സാധ്യതയുളളതിനാല്‍ മത്സ്യത്തൊഴിലാളികള്‍ മാര്‍ച്ച് 14 വരെ കടലില്‍ പോകരുതെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു. കടലില്‍ അപകടത്തില്‍പ്പെടുന്ന മത്സ്യത്തൊഴിലാളികളെ കുറിച്ച് ഫിഷറീസ് ഡെപ്യൂട്ടി ഡയറക്ടര്‍ ഓഫീസില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമില്‍ റിപ്പോര്‍ട്ട് ചെയ്യണം. ഫോണ്‍ നമ്പര്‍-0494-2666428, 9249952541