നെഹ്‌റു യുവ കേന്ദ്രത്തിനു കീഴില്‍ നാഷണല്‍ യൂത്ത് വോളണ്ടിയറായി തെരെഞ്ഞെടുക്കപ്പെടുന്നതിന് അപേക്ഷിക്കാനുള്ള  തീയതി മാര്‍ച്ച് 31  വരെ നീട്ടി.  നെഹ്‌റു യുവ കേന്ദ്ര നടപ്പാക്കുന്ന യുവജന ക്ഷേമ പരിപാടികള്‍ സംഘടിപ്പിക്കുന്നതിന് നേതൃത്വം നല്‍കുകയും യൂത്ത് ക്ലബ്ബുകളുടെ പ്രവര്‍ത്തനങ്ങള്‍ ഏകോപിപ്പിക്കുകയുമാണ് വോളന്റിയര്‍മാരുടെ പ്രധാന കര്‍ത്തവ്യങ്ങള്‍. പരിശീലനത്തിനു ശേഷം ബ്ലോക്ക്തലത്തില്‍ നിയോഗിക്കപ്പെടുന്ന വോളന്റിയര്‍മാക്ക് പ്രതിമാസം 5000 രൂപ ഓണറേറിയം ലഭിക്കും. പരമാവധി രണ്ടു വര്‍ഷക്കാലമാണ് നിയമന കാലാവധി.

ഭൂരേഖാ കമ്പ്യൂട്ടര്‍വല്‍ക്കരണത്തിന്റെ ഭാഗമായി  കണ്ണൂര്‍ താലൂക്കിലെ വളപട്ടണം വില്ലേജിലെ ഭൂമി ഉടമസ്ഥത സംബന്ധിച്ച സമഗ്ര വിവരശേഖരണ പരിപാടി 16, 17 തീയതികളില്‍ നടക്കും.  ഭൂമി ഉടമസ്ഥരുടെ വിശദ വിവരങ്ങള്‍ നിശ്ചിത ഫോറത്തില്‍ വിവിധ കേന്ദ്രത്തില്‍ രാവിലെ 10 മണി മുതല്‍ വൈകിട്ട് 4 മണി വരെ പരിശോധന നടത്തി സ്വീകരിക്കും.  ഫോറങ്ങള്‍ വില്ലേജ് ഓഫീസ്, കുടുംബശ്രീ യൂണിറ്റുകള്‍, വില്ലേജ് പരിധിയിലെ അംഗന്‍വാടികള്‍, വാര്‍ഡ് അംഗങ്ങള്‍, അക്ഷയ കേന്ദ്രങ്ങള്‍ മുഖേന സൗജന്യമായി ലഭിക്കും.

പട്ടികജാതി വികസന വകുപ്പില്‍ നിന്നും ഇ-ഗ്രാന്റ്‌സ് മുഖേന ആനുകൂല്യങ്ങള്‍ക്ക് അപേക്ഷിച്ച വിദ്യാര്‍ത്ഥികളുടെ അപേക്ഷ, ക്ലെയിമുകള്‍ എന്നിവ ബന്ധപ്പെട്ട സ്ഥാപന മേധാവികള്‍ ഉടന്‍തന്നെ ജില്ലാ പട്ടികജാതി വികസന ഓഫീസിലേക്ക് ഓണ്‍ലൈനായി അയക്കുകയും അപേക്ഷകള്‍ ഓഫീസില്‍ എത്തിക്കുകയും ചെയ്യണമെന്ന് അസി.ജില്ലാ പട്ടികജാതി വികസന ഓഫീസര്‍ അറിയിച്ചു.  വിദ്യാര്‍ത്ഥികള്‍ക്ക് ആനുകൂല്യങ്ങള്‍ ലഭിക്കുവാന്‍ കാലതാമസം നേരിട്ടാല്‍ സ്ഥാപനമേധാവികള്‍ ഉത്തരവാദികളായിരിക്കുമെന്നും അറിയിപ്പില്‍ പറഞ്ഞു.
പി എന്‍ സി/500/2018

കണ്ണൂര്‍ പോര്‍ട്ട് ഓഫീസ് കെട്ടിടം റീവയറിംഗ് പ്രവൃത്തി, അഴീക്കല്‍ ഫിഷറീസ് ഹാര്‍ബറിലെ എച്ച് എസ് ഡബ്ല്യു ഓഫീസിന്റെ നിലവിലെ രണ്ട് റൂമുകളുടെയും ഗിയര്‍ ഷെഡ് ബില്‍ഡിങ്ങിന്റെയും ഇലക്ട്രിഫിക്കേഷന്‍ പ്രവൃത്തി, മാപ്പിളബേ ഫിഷറീസ് ഹാര്‍ബര്‍ നിലവിലുള്ള ഓക്ഷന്‍ ഹാളിന്റെയും ഉപരിതലം കോണ്‍ക്രീറ്റ് ചെയ്ത് വാര്‍ഫിന്റെ ഉപരിതലത്തിന് സമാനമാക്കുന്ന പ്രവൃത്തി, മാപ്പിളബേയിലുള്ള ഡ്യൂപ്ലക്‌സ് ക്വാര്‍ട്ടേഴ്‌സിന്റെ അടിയന്തര വൈദ്യുതി അറ്റകുറ്റപ്പണികള്‍ എന്നിവയ്ക്ക് ഹാര്‍ബര്‍ എഞ്ചിനീയറിംഗ് വകുപ്പ് ദര്‍ഘാസ് ക്ഷണിച്ചു.  24 ന് ഉച്ചക്ക് 1 മണി വരെ ദര്‍ഘാസുകള്‍ സ്വീകരിക്കും.  ഫോണ്‍:0497 2732161.
പി എന്‍ സി/500/2018

 കലക്ടറേറ്റില്‍ നാളെ (മാര്‍ച്ച് 14)ഡെപ്യൂട്ടി കലക്ടര്‍(എല്‍ ആര്‍) വിചാരണക്ക് വെച്ച കണ്ണൂര്‍ താലൂക്കിലെ ദേവസ്വം പട്ടയകേസുകളില്‍ വെരിഫിക്കേഷനു വെച്ച കേസുകള്‍ 21 ന് 11 മണിയിലേക്കും ബാക്കിയുള്ള എല്ലാ കേസുകളും ഏപ്രില്‍ 9 ന് 11 മണിയിലേക്കും മാറ്റിയതായി ഡെപ്യൂട്ടി കലക്ടര്‍(എല്‍ ആര്‍) അറിയിച്ചു.
പി എന്‍ സി/500/2018 
 

 സെക്കന്ററി മേഖലയിലെ പ്രധാനാധ്യാപകരെ അക്കാദമിക നേതൃത്വം ഏറ്റെടുക്കുവാന്‍ പ്രാപ്തരാക്കുന്നതിനായി രാഷ്ട്രീയ മാധ്യമിക്ക് ശിക്ഷാ അഭിയാന്‍ വിഭാവനം ചെയ്ത 15 ദിവസം നീണ്ട് നില്‍ക്കുന്ന സ്‌കൂള്‍ ആന്റ് ഡെവലപ്‌മെന്റ് പ്രോഗ്രാം പരിശീലന പരിപാടി കണ്ണൂര്‍ ഗവ. ടിടിഐ (മെന്‍) ഹാളില്‍ സെമിനാര്‍ അവതരണത്തോടെ അവസാനിച്ചു.  സെമിനാറില്‍ ജില്ലയിലെ ഹൈസ്‌കൂള്‍ പ്രധാനാധ്യാപകര്‍, റിസോര്‍സ് അധ്യാപകര്‍, ജില്ലാ വിദ്യാഭ്യാസ ഓഫീസര്‍മാര്‍ പങ്കെടുത്തു. 

കന്യാകുമാരിക്ക് തെക്ക് ഉള്‍ക്കടലില്‍ രൂപപ്പെട്ട ന്യൂനമര്‍ദ്ദം വടക്കുപടിഞ്ഞാറ് ദിശയില്‍ സഞ്ചരിച്ച് കേരള തീരത്തെത്താന്‍ സാധ്യതയുള്ളതായി കേന്ദ്രകാലാവസ്ഥാ വകുപ്പ് അറിയിച്ച സാഹചര്യത്തില്‍ തീരദേശ വാസികള്‍ ജാഗ്രത പാലിക്കാന്‍ ജില്ലാ കലക്ടര്‍ നിര്‍ദ്ദേശം നല്‍കി. തെക്കന്‍ കേരളത്തില്‍ ശക്തമായ മഴയ്ക്ക് സാധ്യതയുണ്ടെന്നാണ് പ്രവചനം. 65 കിലോമീറ്റര്‍ വേഗതയില്‍ കാറ്റടിക്കാനും തിരമാല 3.8 മീറ്റര്‍ വരെ ഉയരാനും സാധ്യതയുണ്ട്. ഇതിനാല്‍ മാര്‍ച്ച് 15 വരെ മല്‍സ്യത്തൊഴിലാളികള്‍ കടലില്‍ പോകരുതെന്ന് ദുരന്തനിവാരണ അതോറിറ്റിയുടെ നിര്‍ദേശമുണ്ട്. 

സ്റ്റേറ്റ് ഹയര്‍ എഡ്യൂക്കേഷന്‍ കൗണ്‍സില്‍

മഹാരാജാസ് കോളേജ് സന്ദര്‍ശിക്കും

കൊച്ചി: സംസ്ഥാനത്തെ ഏക സര്‍ക്കാര്‍ ഓട്ടോണമസ് കോളേജ് ആയ എറണാകുളം മഹാരാജാസ് കോളേജില്‍ ഓട്ടോണമസ് ആയ ശേഷമുളള കോളേജിന്റെ പ്രവര്‍ത്തനങ്ങളെ പറ്റി പഠിക്കുന്നതിനും, വിവരങ്ങള്‍ ശേഖരിക്കുന്നതിനും സ്റ്റേറ്റ് ഹയര്‍ എഡ്യൂക്കേഷന്‍ കൗണ്‍സില്‍ മാര്‍ച്ച് 15-ന് രാവിലെ 10.30 ന് കോളേജ് സന്ദര്‍ശിക്കുമെന്ന് പ്രിന്‍സിപ്പാള്‍ അറിയിച്ചു.

എം.ബി.എ അഡ്മിഷന്‍ 

കൊച്ചി: ന്യൂനമര്‍ദ്ദം ശക്തിപ്പെട്ടതിനാല്‍ കേരള തീരത്ത് അടുത്ത 48 മണിക്കൂറിനുളളില്‍ 40 കി.മീ മുതല്‍ 60 കി.മീ വരെ വേഗതയുളള ശക്തമായ കാറ്റ് വീശാന്‍ സാദ്ധ്യതയുളളതായി കാലാവസ്ഥാ മുന്നറിയിപ്പുളളതിനാല്‍ മത്സ്യത്തൊഴിലാളികള്‍ കടലില്‍ പോകരുതെന്ന് ഫിഷറീസ് എറണാകുളം മേഖല ഡെപ്യൂട്ടി ഡയറക്ടര്‍ കനത്ത ജാഗ്രതാ നിര്‍ദ്ദേശം നല്‍കി. ഇതിന്റെ ഭാഗമായി വൈപ്പിന്‍ ഫിഷറീസ് സ്റ്റേഷനില്‍ വരുന്ന 48 മണിക്കൂര്‍ കണ്‍ട്രോള്‍ റൂം തുറന്ന് പ്രവര്‍ത്തിക്കും. ഫോണ്‍ 0484-2502768, 9496007037, മറൈന്‍ എന്‍ഫോഴ്‌സ്‌മെന്റ് 9446091185.