കൊച്ചി: വിദ്യാര്‍ത്ഥികള്‍ക്കിടയില്‍ ഇന്റര്‍നെറ്റ് ഉപയോഗത്തിന്റെ സുരക്ഷിതത്വവും ഫലപ്രാപ്തിയും ഉറപ്പുവരുത്തുന്നതിനായി ജില്ലാ കളക്ടര്‍ മുഹമ്മദ് വൈ സഫിറുള്ള മുന്‍കയ്യെടുത്ത് ആവിഷ്‌കരിച്ച ഇ - ജാഗ്രത പദ്ധതിയുടെ മൂന്നാംഘട്ട പരിശീലനത്തിന് തുടക്കം. ടാറ്റ കണ്‍സള്‍ട്ടന്‍സി സര്‍വീസസിന്റെയും സ്റ്റേറ്റ് ബാങ്ക് ഓഫ് ഇന്ത്യയുടെയും സഹായത്തോടെയാണ് പദ്ധതി നടപ്പാക്കുന്നത്. പരിശീലന പരിപാടിയുടെ ഉദ്ഘാടനം ഇന്‍ഫോപാര്‍ക്കിലെ ടി.സി.എസ് സമുച്ചയത്തില്‍ ജില്ലാ കളക്ടര്‍ നിര്‍വഹിച്ചു. നൂറ് സര്‍ക്കാര്‍ സ്‌കൂളുകളിലെ എട്ട്, ഒമ്പത് ക്ലാസുകളിലെ വിദ്യാര്‍ത്ഥികള്‍ക്കാണ്  പരിശീലനം നല്‍കിയത്.

കണ്ണൂര്‍ ആര്‍.ടി.ഒയില്‍ വിവിധ സേവനങ്ങള്‍ക്കായി നല്‍കിയ അപേക്ഷയുടെ അടിസ്ഥാനത്തില്‍ തപാലില്‍ അയച്ച് സ്വീകരിക്കപ്പെടാതെ തിരിച്ചെത്തിയ രജിസ്‌ട്രേഷന്‍ സര്‍ട്ടിഫിക്കറ്റുകള്‍, ഡ്രൈവിംഗ് ലൈസന്‍സുകള്‍ തുടങ്ങിയവ ഉടമസ്ഥര്‍ക്ക് നേരിട്ടെത്തി കൈപ്പറ്റാന്‍ അവസരം. മാര്‍ച്ച് 15 വരെയുള്ള പ്രവൃത്തി ദിവസങ്ങളില്‍ അപേക്ഷകര്‍ തിരിച്ചറിയല്‍ രേഖകളുമായി വന്ന് ഇവ കൈപ്പറ്റാവുന്നതാണ്. കൂടാതെ ഫെബ്രുവരി 28 വരെ അപേക്ഷ സമര്‍പ്പിച്ചിട്ടുള്ളവര്‍ക്കും ഈ ദിവസങ്ങളില്‍ നേരിട്ട് വന്ന് അവ വാങ്ങാവുന്നതാണെന്നും ആര്‍.ടി.ഒ അറിയിച്ചു.

നഗരത്തിലും പരിസര പ്രദേശങ്ങളിലും വര്‍ധിച്ചുവരുന്ന മോട്ടോര്‍ ബൈക്ക് അപകടങ്ങള്‍ നിയന്ത്രിക്കുന്നതിനും ശബ്ദ മലിനീകരണം കുറയ്ക്കുന്നതിനുമായി മോട്ടോര്‍ വാഹന വകുപ്പ് വാഹന പരിശോധന കര്‍ശനമാക്കുന്നു. നിയമവിരുദ്ധമായി മോട്ടോര്‍ ബൈക്കുകള്‍ രൂപമാറ്റം വരുത്തി നഗരങ്ങളിലെയും ഗ്രാമങ്ങളിലെയും പൊതുനിരത്തുകളില്‍ റൈസിംഗ് നടത്തുന്നതായി ശ്രദ്ധയില്‍പ്പെട്ട സാഹചര്യത്തില്‍ കുറ്റക്കാര്‍ക്കെതിരേ കര്‍ശന നടപടി സ്വീകരിക്കും.

    കുമ്പള ഗ്രാമപഞ്ചായത്തിന്റെ അധീനതയിലുളള  ബസ് സ്റ്റാന്റിന്റെയും മത്സ്യമാര്‍ക്കറ്റിന്റെയും  2018-19 സാമ്പത്തിക വര്‍ഷത്തെ  കുത്തക ഫീസ് പിരിക്കുന്നതിനുളള  അവകാശം ഈ മാസം  15 ന് രാവിലെ 11 ന് ലേലം ചെയ്യും. ക്വട്ടേഷനുകള്‍  അന്നേദിവസം ലേലം തുടങ്ങുന്നതിന് മുമ്പ് സമര്‍പ്പിക്കണം.
 

കണ്ണൂര്‍ താലൂക്ക്തല പൊതുജന പരാതിപരിഹാര അദാലത്ത് മാര്‍ച്ച് 20ന് രാവിലെ 10 മണി മുതല്‍ വൈകിട്ട് അഞ്ചു മണി വരെ കലക്ടറേറ്റ് ഓഡിറ്റോറിയത്തില്‍ നടക്കും. മുഖ്യമന്ത്രിയുടെ ദുരിതാശാവസ നിധി, റേഷന്‍ കാര്‍ഡ് ബി.പിഎല്‍/എ.പി.എല്‍ എന്നിവ ഒഴികെയുള്ള ഏത് പരാതിയും സമര്‍പ്പിക്കാം. പരാതി സ്വീകരിക്കുന്ന അവസാന സമയം മാര്‍ച്ച് 9 വൈകിട്ട് അഞ്ച് മണി വരെ. 

സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍ ജില്ലാ ഓഫീസിന്റെ ആഭിമുഖ്യത്തില്‍ കണ്ണൂര്‍ ഗവ. ഗസ്റ്റ് ഹൗസില്‍ എല്‍.ഡി.ആര്‍.എഫ് അദാലത്ത് ഉപസമിതി യോഗം ചേര്‍ന്നു. കേരള സംസ്ഥാന പിന്നാക്ക വിഭാഗ വികസന കോര്‍പ്പറേഷന്‍ ചെയര്‍മാന്‍ സംഗീത് ചക്രപാണി, ഡയരക്ടര്‍മാരായ ഗോപി കോട്ടമുറിക്കല്‍, എ.പി ജയന്‍, വി രാജപ്പന്‍, കമ്പനി സെക്രട്ടറി ആര്‍ റാംഗണേഷ്, ജനറല്‍ മാനേജര്‍ പ്രൊജക്ട്‌സ് ആനക്കൈ ബാലകൃഷ്ണന്‍ എന്നിവര്‍ പങ്കെടുത്തു. അദാലത്തില്‍ 12 പരാതികള്‍ പരിഗണിക്കുകും ആശ്വാസകരമായ രീതിയില്‍ ഇളവുകള്‍ അനുവദിക്കുകയും ചെയ്തു.  

പട്ടികജാതി വിഭാഗത്തില്‍പ്പെട്ട അംഗീകൃത പെട്രോളിയം ഡീലര്‍മാര്‍ക്ക നിലവിലെ  പെട്രോള്‍/ഡീസല്‍  വില്‍പ്പനശാലകള്‍  പ്രവര്‍ത്തനനിരതമാക്കുന്നതിനും വിപുലീകരിക്കുന്നതിനുമായി സംസ്ഥാന പട്ടികജാതി പട്ടികവര്‍ഗ വികസന കോര്‍പ്പറേഷന്‍ പ്രവര്‍ത്തനമൂലധന വായ്പ നല്‍കുന്നു. 

തദ്ദേശഭരണസ്ഥാപനങ്ങളും വകുപ്പുകളും ഏറ്റെടുക്കേണ്ട സംയുക്ത പ്രോജക്ടുകളെപ്പറ്റിയും ജില്ലാ പദ്ധതിയില്‍ ഉള്‍പ്പെടുത്തി നടപ്പിലാക്കാവുന്ന പദ്ധതികളെപ്പറ്റിയും ചര്‍ച്ച ചെയ്യുന്നതിന് 12ന് രാവിലെ 10.30ന് കളക്ടറേറ്റ് കോണ്‍ഫറന്‍സ് ഹാളില്‍ ചേരാനിരുന്ന യോഗം പത്തനംതിട്ട കെഎസ്ആര്‍ടിസി ബസ് സ്റ്റാന്‍ഡിനു സമീപമുള്ള ഗീതാഞ്ജലി ഓഡിറ്റോറിയത്തിലായിരിക്കും നടക്കുകയെന്ന് ജില്ലാ പ്ലാനിംഗ് ഓഫീസര്‍ അറിയിച്ചു. യോഗ തീയതിക്കും സമയത്തിനും മാറ്റമില്ല.                         (പിഎന്‍പി 569/18)
 

വേനല്‍ അവധിക്കാലത്ത് കാസര്‍കോട് ചൈല്‍ഡ് വെല്‍ഫെയര്‍ കമ്മിറ്റിയുടെ സംരക്ഷണത്തില്‍ കഴിയുന്ന പെണ്‍കുട്ടികളെ സ്വന്തം വീട്ടില്‍ സംരക്ഷിച്ച് പോറ്റിവളര്‍ത്താന്‍ താല്‍പര്യമുള്ളവരില്‍ നിന്നും വേക്കേഷന്‍ ഫോസ്റ്റര്‍കെയര്‍ പദ്ധതിപ്രകാരം അപേക്ഷ ക്ഷണിച്ചു.  സ്വന്തംകുടുംബങ്ങളില്‍ വളരുവാന്‍ സാഹചര്യമില്ലാത്ത  കുട്ടികള്‍ക്ക് കുറച്ചുകാലത്തേക്കെങ്കിലും കുടുംബാന്തരീക്ഷത്തില്‍ സുരക്ഷിതരായി വളരാന്‍ സാഹചര്യമൊരുക്കുകയാണ് ഈ പദ്ധതിയുടെ ലക്ഷ്യം.