ലോകവനിതാ ദിനത്തിന്റെ ഭാഗമായി മാര്‍ച്ച് 8ന് ജില്ലാ പഞ്ചായത്തിനു കീഴിലുള്ള ജില്ലാ ഹോമിയോ ആശുപത്രിയില്‍ പ്രവര്‍ത്തിക്കുന്ന ജനനി പദ്ധതിയുടെ ഭാഗമായി പുത്തന്‍ പുലരി വന്ധ്യതാ ചികില്‍സാ ക്യാംപ് നടത്തുന്നു. ജവഹര്‍ ലൈബ്രറി ഹാളില്‍ നടക്കുന്ന ക്യാംപില്‍ രജിസ്റ്റര്‍ ചെയ്ത നൂറിലധികം ദമ്പതിമാര്‍ പങ്കെടുക്കും. ക്യാംപിന്റെ ഉദ്ഘാടനം രാവിലെ 10.30ന് ജില്ലാ പഞ്ചായത്ത് പ്രസിഡന്റ് കെ.വി സുമേഷ് നിര്‍വഹിക്കും.

മന്ത്രി രാമചന്ദ്രന്‍ കടന്നപ്പള്ളി മുഖാന്തരം നല്‍കിയ നടാല്‍ ഗേറ്റ്- ഏഴര കടപ്പുറം റോഡിന്റെ നിലവാരം ഉയര്‍ത്തുന്ന പ്രവൃത്തിക്ക് 68.5 ലക്ഷം രൂപയുടെ ഭരണാനുമതി ലഭിച്ചു. ഹാര്‍ബര്‍ എഞ്ചിനീയറിംഗ് വകുപ്പാണ് പ്രവൃത്തി നടത്തുന്നത്. ഇതുസംബന്ധിച്ച് മന്ത്രി രാമചന്ദ്രന്‍ കടന്നപ്പള്ളി മല്‍സ്യബന്ധന-ഹാര്‍ബര്‍ എഞ്ചിനീയറിംഗ് വകുപ്പ് മന്ത്രി ജെ. മേഴ്‌സിക്കുട്ടിയമ്മയ്ക്ക് കത്തുനല്‍കിയിരുന്നു. 

    മത്സ്യഫെഡിന്റെ കീഴില്‍ കാസര്‍കോട് കസബ കടപ്പുറത്ത് പ്രവര്‍ത്തിക്കുന്ന 10 ടണ്‍ കപ്പാസിറ്റിയുള്ള ഐസ് പ്ലാന്റ് നിലവിലുള്ള അതേ അവസ്ഥയില്‍ പാട്ടം വ്യവസ്ഥയില്‍ നിബന്ധനകള്‍ക്ക് വിധേയമായി ഒരു വര്‍ഷത്തേക്കോ, അടുത്ത മൂന്നു വര്‍ഷത്തേക്കോ പാട്ടത്തിന് നല്‍കുന്നു. ക്വട്ടേഷന്‍ അയക്കുന്ന സീല്‍ ചെയ്ത കവറിന് പുറത്ത് “ഐസ് പ്ലാന്റ് പാട്ടം വ്യവസ്ഥയില്‍” എന്ന് വ്യക്തമായി എഴുതിയിരിക്കണം. വെള്ള കടലാസില്‍ തയ്യാറാക്കിയ ക്വട്ടേഷനുകള്‍  ഈ മാസം 21 ന് വൈകുന്നേരം മൂന്നു മണിക്കകം മത്സ്യഫെഡ് ജില്ലാ ഓഫീസില്‍  സമര്‍പ്പിക്കണം. കൂടുതല്‍ വിവരങ്ങള്‍ക്ക്  04994 230176).
 

    ചീമേനി വില്ലേജിലെ  റീ.സ.നം.118/1 ല്‍പെട്ട 0.2023 ഹെക്ടര്‍ ഭൂമിയും (0.50 ഏക്കര്‍) അതിലെ സകല ചമയങ്ങളും ഈ മാസം 12 ന് രാവിലെ  11 ന് ചീമേനി വില്ലേജ് ഓഫീസില്‍  ലേലം ചെയ്യും. കൂടുതല്‍ വിവരങ്ങള്‍ക്ക് ഹൊസ്ദുര്‍ഗ് താലൂക്ക് ഓഫീസുമായോ ചീമേനി വില്ലേജ് ഓഫീസുമായോ ബന്ധപ്പെടുക. ഫോണ്‍04672 204042.
 

    മധൂര്‍ ഗ്രാമ പഞ്ചായത്ത് കൃഷിഭവന്‍ പരിധിയിലെ കര്‍ഷകര്‍ കര്‍ഷക രജിസ്ട്രഷന്‍  ചെയ്യുന്നതിനായി കരമടച്ച രശീതി, ആധാര്‍ കാര്‍ഡ്, വോട്ടര്‍ ഐഡി കാര്‍ഡ്, റേഷന്‍ കാര്‍ഡ്, കാര്‍ഷിക വൈദ്യുതി കണക്ഷന്‍ എന്നിവയുടെ പകര്‍പ്പ്,   രണ്ട് പാസ്‌പോര്‍ട്ട് സൈസ് ഫോട്ടോ എന്നിവ സഹിതം ഈ മാസം 17 നകം കൃഷിഭവനുമായി ബന്ധപ്പെടണമെന്ന് കൃഷി ഓഫീസര്‍ അറിയിച്ചു.
 

കോന്നിയിലെ കൗണ്‍സില്‍ ഫോര്‍ ഫുഡ് റിസര്‍ച്ച് ആന്‍ഡ് ഡെവലപ്മെന്‍റ് എന്ന സ്ഥാപനത്തിലേക്ക് സെക്യൂരിറ്റി സ്റ്റാഫ്, ക്ലീനിംഗ് സ്റ്റാഫ് എന്നിവരുടെ സേവനം ലഭ്യമാക്കുന്നതിന് താല്‍പര്യമുള്ള അംഗീകൃത ഏജന്‍സികളില്‍ നിന്നും ക്വട്ടേഷന്‍ ക്ഷണിച്ചു. കൂടുതല്‍ വിവരം 0468-2241144 എന്ന നമ്പരില്‍ ലഭിക്കും. അവസാന തീയതി ഈമാസം 20ന് വൈകിട്ട് 3.30.                                         (പിഎന്‍പി 565/18)

    ജില്ലയില്‍ പട്ടികവര്‍ഗ വികസന വകുപ്പിന് കീഴില്‍ പ്രവര്‍ത്തിക്കുന്ന വടശേരിക്കര  മോഡല്‍ റസിഡന്‍ഷ്യല്‍ സ്കൂള്‍, ചിറ്റാര്‍, കടുമീന്‍ചിറ എന്നിവിടങ്ങളില്‍ പ്രവര്‍ത്തിക്കുന്ന പ്രീമെട്രിക് ഹോസ്റ്റലുകള്‍ എന്നീ സ്ഥാപനങ്ങളിലെ അന്തേവാസികളായ വിദ്യാര്‍ഥികള്‍ക്ക്  വ്യക്തിത്വവികസനം, സ്വഭാവരൂപീകരണം, പഠനശേഷി വര്‍ധിപ്പിക്കല്‍ തുടങ്ങിയവയില്‍ കൗണ്‍സിലിംഗ് നല്‍കുന്നതിനും കരിയര്‍ ഗൈഡന്‍സ് നല്‍കുന്നതിനും 2018-19 അധ്യയന വര്‍ഷത്തേക്ക് കരാര്‍ അടിസ്ഥാനത്തില്‍ മൂന്ന് കൗണ്‍സിലര്‍മാരെ (രണ്ട് പുരുഷന്‍, ഒരു സ്ത്രീ) നിയമിക്കുന്നു. ഈ വര്‍ഷം ജൂണ്‍ മുതല്‍ 2019 മാര്‍ച്ച് വരെയാണ് നിയമനം. 

വ്യവസായ വകുപ്പ് നവസംരംഭങ്ങള്‍ക്കും നിലവിലുള്ളവയുടെ വിപുലീകരണത്തിനും നടപ്പാക്കുന്ന സംരംഭക സഹായ പദ്ധതിയില്‍ ജില്ലയിലെ 96 സ്ഥാപനങ്ങള്‍ക്ക് 4.43 കോടി രൂപ അനുവദിച്ചു. രണ്ടു കോടി രൂപ സഹായധനമായി നല്‍കുന്നതിനാണ് ലക്ഷ്യമിട്ടിരുന്നത്. ലക്ഷ്യമിട്ടിരുന്നതിന്‍റെ 221 ശതമാനം സഹായധനമായി അനുവദിക്കുവാന്‍ കഴിഞ്ഞു. ജില്ലാ കളക്ടര്‍ ആര്‍.ഗിരിജ അധ്യക്ഷയായ സമിതിയാണ് സ്ഥാപനങ്ങള്‍ക്കുള്ള സഹായ വിഹിതം അംഗീകരിച്ചത്. ധനകാര്യവകുപ്പ് സെക്രട്ടറി, ജില്ലാ ലീഡ് ബാങ്ക് മാനേജര്‍, ചെറുകിട വ്യവസായ അസോസിയേഷന്‍ പ്രസിഡന്‍റ് തുടങ്ങിയവര്‍ സമിതിയിലെ അംഗങ്ങളാണ്.