കണ്‍സ്യൂമര്‍ ഫെഡ് നൂറ്ശതമാനം നഷ്ടത്തില്‍ എന്ന തലക്കെട്ടില്‍ മാര്‍ച്ച് ആറിന് ഒരു ദിനപത്രം പ്രസിദ്ധീകരിച്ച വാര്‍ത്ത വസ്തുതാ വിരുദ്ധമാണെന്ന് ചെയര്‍മാന്‍ എം.മെഹബൂബ് അറിയിച്ചു. ഇത് പൊതുജനങ്ങളില്‍ കണ്‍സ്യൂമര്‍ഫെഡിന്റെ കഴിഞ്ഞകാല പ്രവര്‍ത്തനത്തിലൂണ്ടായ വളര്‍ച്ചയെക്കുറിച്ച് തെറ്റിദ്ധാരണ ഉണ്ടാകുന്നതാണെന്ന് അദ്ദേഹം പറഞ്ഞു.

കേന്ദ്ര ടൂറിസം മന്ത്രാലയവും കിറ്റ്‌സും സംയുക്തമായി സംസ്ഥാനത്തുടനീളം നടപ്പിലാക്കുന്ന സ്റ്റോക്ക്‌ഹോള്‍ഡേഴ്‌സിനുള്ള ടൂറിസം ബോധവത്കരണ പരിപാടിയുടെ ഉദ്ഘാടനം ടൂറിസം-സഹകരണ മന്ത്രി കടകംപള്ളി സുരേന്ദ്രന്‍ ഇന്ന് (മാര്‍ച്ച് ഏഴ്) വൈകിട്ട് നാല് മണിക്ക് നിര്‍വഹിക്കും.  മെഡിക്കല്‍ കോളേജ് ജംഗ്ഷനിലെ ഇളങ്കാവ് അമ്പലം ഹാളില്‍ നടക്കുന്ന ചടങ്ങില്‍ മേയര്‍ വി.കെ. പ്രശാന്ത് അധ്യക്ഷത വഹിക്കും.  ഡോ: ശശിതരൂര്‍ എം.പി മുഖ്യാതിഥിയാകും.  

പി.എന്‍.എക്‌സ്.841/18

തലസ്ഥാന ജില്ലയിലെ പട്ടിക വര്‍ഗ വിഭാഗങ്ങള്‍ക്കിടയിലെ പദ്ധതികള്‍ സംബന്ധിച്ച് ജില്ലാ ആസൂത്രണ സമിതി റിപ്പോര്‍ട്ടിലെ വസ്തുതകളില്‍ വിശദമായ അന്വേഷണം നടത്തി പത്തു ദിവസത്തിനുള്ളില്‍ റിപ്പോര്‍ട്ട് ലഭ്യമാക്കാന്‍ പട്ടികവര്‍ഗ വികസന വകുപ്പ് ഡയറക്ടറോട് സംസ്ഥാന പട്ടികജാതി-പട്ടികവര്‍ഗ കമ്മീഷന്‍ നിര്‍ദേശിച്ചു.  റിപ്പോര്‍ട്ടിന്റെ അടിസ്ഥാനത്തില്‍ കമ്മീഷന്‍ നടപടി സ്വീകരിക്കും.

പി.എന്‍.എക്‌സ്.840/18

കേരള അബ്കാരി തൊഴിലാളി ക്ഷേമനിധി ബോര്‍ഡ് തൊഴിലാളികളുടെ മിനിമം പെന്‍ഷന്‍ 3,000 രൂപയാക്കുന്നതിന് ഗവണ്‍മെന്റിലേക്ക് ശുപാര്‍ശ ചെയ്യുന്നതിന് ബോര്‍ഡ് യോഗം തീരുമാനിച്ചു.

കുറഞ്ഞ പെന്‍ഷന്‍ 3,000 രൂപയും പരാമാവധി 10,000 രൂപയും ആക്കുന്നതിന് ബോര്‍ഡ് ചെയര്‍മാന്‍ സി.കെ. മണിശങ്കറിന്റെ അദ്ധ്യക്ഷതയില്‍ ചേര്‍ന്ന് ബോര്‍ഡ് അംഗീകരിച്ച ബഡ്ജറ്റ് വ്യവസ്ഥ ചെയ്തിട്ടുണ്ട്.  അതിനു പുറമേ, തൊഴിലാളികളുടെ മക്കളുടെ വിവാഹം, ചികിത്സാ ചിലവ്, മരണാനന്തരസഹായം എന്നീ ഇനങ്ങളിലും തൊഴിലാളികള്‍ക്ക് ക്ഷേമാനുകൂല്യങ്ങള്‍ വര്‍ദ്ധിപ്പിക്കാന്‍ ബഡ്ജറ്റില്‍ നിര്‍ദ്ദേശങ്ങളുണ്ട്.  

മൂന്നുമാസം മുമ്പ് തമിഴ്‌നാട് ജയലളിത മെഡിക്കല്‍ കോളേജില്‍ നിന്ന് തിരുവനന്തപുരം വള്ളക്കടവ് സ്വദേശിനി വിലയ്ക്ക് വാങ്ങിയ ചോരക്കുഞ്ഞിനെ സംസ്ഥാന ശിശുക്ഷേമ സമിതി ഏറ്റെടുത്തു. ശിശുക്ഷേമ സമിതിയുടെ ടോള്‍ ഫ്രീ നമ്പരായ തണല്‍ 1517ല്‍ ലഭിച്ച പരാതിയുടെ അടിസ്ഥാനത്തില്‍ തണല്‍ പ്രവര്‍ത്തകര്‍ അന്വേഷണം നടത്തി ചൈല്‍ഡ് വെല്‍ഫയര്‍ കമ്മിറ്റിക്ക് റിപ്പോര്‍ട്ട് കൈമാറിയതിനെത്തുടര്‍ന്നാണ് കുഞ്ഞിനെ ഏറ്റെടുക്കാന്‍ കമ്മിറ്റി ഉത്തരവിട്ടത്. 

പരീക്ഷാഭവനില്‍ കമ്പ്യൂട്ടര്‍ പ്രോഗ്രാമറുടെ ഒരു ഒഴിവിലേക്ക് കരാര്‍ അടിസ്ഥാനത്തിലുളള നിയമനത്തിന് അപേക്ഷിക്കാം.  വിദ്യാഭ്യാസ യോഗ്യത: കേരളത്തിലെ സര്‍വകലാശാലകള്‍ അംഗീകരിച്ച എം.സി.എ/ബി.ടെക് (ഐ.റ്റി/സി.എസ്), എം.എസ്.സി (ഐ.റ്റി/സി.എസ്) റഗുലര്‍/ഫുള്‍ടൈം കോഴ്‌സ്.  കമ്പ്യൂട്ടര്‍ നെറ്റ് വര്‍ക്ക് പരിജ്ഞാനം ഡി.ബി.എം.എസ്, പി.എച്ച്.പി അനുബന്ധ ഫ്രെയിം വര്‍ക്കുകളില്‍ മൂന്നു വര്‍ഷെത്ത പരിചയം.  വിദ്യാഭ്യാസ യോഗ്യത നേടിയ ശേഷം കുറഞ്ഞത് മൂന്നു വര്‍ഷത്തെ പ്രവര്‍ത്തന പരിചയം വേണം.  

പത്തനംതിട്ട, ആലപ്പുഴ, കോട്ടയം, തൃശൂര്‍, കണ്ണൂര്‍ ജില്ലകളില്‍ പുതിയതായി ആരംഭിക്കുന്ന നിര്‍ഭയ ഷെല്‍ട്ടര്‍ ഹോമുകളിലേയ്ക്ക് ഹൗസ് മാനേജര്‍, ഫുള്‍ ടൈം റസിഡന്റ് വാര്‍ഡന്‍, സോഷ്യല്‍ വര്‍ക്കര്‍ കം കേസ് വര്‍ക്കര്‍, ഫീല്‍ഡ് വര്‍ക്കര്‍, സൈക്കോളജിസ്റ്റ് (പാര്‍ട്ട് ടൈം), ലീഗല്‍ കൗണ്‍സലര്‍ (പാര്‍ട്ട് ടൈം), കെയര്‍ ടേക്കര്‍, സെക്യൂരിറ്റി, കുക്ക് എന്നീ തസ്തികകളിലേക്ക് അപേക്ഷ ക്ഷണിച്ചു.  നിര്‍ദ്ദിഷ്ട യോഗ്യതയുള്ള സാമൂഹ്യ സേവനത്തില്‍ തല്‍പ്പരായ സ്ത്രീ ഉദ്യോഗാര്‍ത്ഥികള്‍ അപേക്ഷ സ്വയം സാക്ഷ്യപ്പെടുത്തിയ സര്‍ട്ടിഫിക്കറ്റുകളുടെ പകര്‍പ്പ് എന്നിവ മാര്‍ച്ച് 15 ന് ലഭിക്കത്തക്ക വിധത്തില്‍ അയയ്ക്കണം.