ചേളാരി-മാതാപ്പുഴ റോഡില്‍ പ്രവൃത്തി നടക്കുന്നതിനാല്‍ മാര്‍ച്ച് അഞ്ച് മുതല്‍ ഇതിലൂടെയുള്ള വാഹന ഗതാഗതം നിരോധിച്ചു.  വാഹനങ്ങള്‍ ചേളാരി-കൂട്ടുമൂച്ചി- അത്താണിക്കല്‍ വഴിയോ യൂണിവേഴ്‌സിറ്റി - കടക്കാട്ടുപാറ-ഒലിപ്രം കടവ് വഴിയോ  പോകണമെന്ന് എക്‌സി ക്യൂട്ടിവ് എഞ്ചിനീയര്‍ അറിയിച്ചു.

    ജില്ലയിലെ ലൈഫ് മിഷന്‍ പ്രവര്‍ത്തനങ്ങള്‍ വിലയിരുത്തുന്നതിനായി ലൈഫ് മിഷന്‍ ചീഫ് എക്സിക്യൂട്ടീവ് ഓഫീസറുടെ നേതൃത്വത്തില്‍ യോഗം ചേരും. മാര്‍ച്ച് ആറിന് രാവിലെ 10ന് ടോപ്പ് ഇന്‍ ടൗണ്‍ ഓഡിറ്റോറിയത്തില്‍ നടക്കുന്ന യോഗത്തില്‍ ബന്ധപ്പെട്ട ഉദ്യോഗസ്ഥര്‍ പങ്കെടുക്കണമെന്ന് ജില്ലാ കോഡിനേറ്റര്‍ അറിയിച്ചു

   കേരള കയര്‍ തൊഴിലാളി ക്ഷേമനിധി  ബോര്‍ഡില്‍ നിന്നും നിന്നും പെന്‍ഷന്‍ കൈപ്പറ്റുന്ന വര്‍  മാര്‍ച്ച് 15 നകം  ലൈഫ് സര്‍ട്ടിഫിക്കറ്റ്, ബാങ്ക് പാസ്സ് ബുക്ക്, ക്ഷേമനിധി പാസ്സ് ബുക്ക് എന്നിവയുടെ പകര്‍പ്പും, ഫോണ്‍നമ്പര്‍ സഹിതം ക്ഷേമനിധി ബോര്‍ഡിന്റെ കോഴിക്കോട് റീജിയണല്‍ ഓഫീസില്‍ ഹാജരാക്കണം.

    ജില്ലയില്‍ പട്ടികവര്‍ഗ വനിതകള്‍ക്ക് വസ്ത്രനിര്‍മാണ പരിശീലനത്തിന് അപേക്ഷിക്കാം.  പട്ടികവര്‍ഗ വികസന വകുപ്പിന്‍റെ ആഭിമുഖ്യത്തില്‍ ആറ് മാസത്തെ വിദഗ്ധ പരിശീലനമാവും നല്‍കുക. അഞ്ചാം ക്ലാസ് പാസായ 18 നും 45 നും പ്രായമുളളവര്‍ക്കാണ് അവസരം. പ്രതിമാസം 1000 രൂപ സ്റ്റൈപന്‍റ് ലഭിക്കും. താത്പര്യമുളളവര്‍ നിശ്ചിത മാതൃകയിലുളള അപേക്ഷ മാര്‍ച്ച് അഞ്ചിനകം അടുത്തുളള റ്റി.ഇ.ഓ ഓഫീസുകളില്‍ സമര്‍പ്പിക്കണം.  അപേക്ഷ ഫോറം അട്ടപ്പാടി ഐ.റ്റി.ഡി.പി ക്ക് കീഴിലുളള എല്ലാ ട്രൈബല്‍ എക്സ്റ്റന്‍ഷന്‍ ഓഫീസിലും  ലഭിക്കും.   വിശദവിവരങ്ങള്‍ക്ക് ഫോണ്‍-9496070363 (അഗളി), 9496070364 (ഷോളയൂര്‍), 9496070365 (പുതൂര്‍)
 

കേരള കയര്‍ തൊഴിലാളി ക്ഷേമനിധി  ബോര്‍ഡ്  ഡിഗ്രി,  പ്രൊഫഷണല്‍ കോഴ്‌സുകളില്‍ പഠിക്കുന്നവര്‍ക്ക് നല്‍കുന്ന വിദ്യാഭ്യാസ ധനസഹായത്തിനുള്ള അപേക്ഷയുടെ സമയപരിധി മാര്‍ച്ച് 15 വരെ ദീര്‍ഘിപ്പിച്ചു.

    തിമിര നിര്‍ണയ കാംപും പ്രമേഹ ബാധിതര്‍ക്കുളള നേത്ര പരിശോധനയും മാര്‍ച്ച് അഞ്ചിന് രാവിലെ 10 മുതല്‍ 12 വരെ പട്ടാമ്പി താലൂക്ക് ആസ്ഥാന ആശുപത്രിയില്‍ നടക്കും. പാലക്കാട് ജില്ലാ ആശുപത്രിയിലെ നേത്രരോഗ വിദഗ്ധരാണ് കാംപില്‍ നേത്ര പരിശോധന നടത്തുക.  പങ്കെടുക്കേണ്ടവര്‍ പട്ടാമ്പി താലൂക്ക് ആസ്ഥാന ആശുപത്രിയിലെ നേത്ര വിഭാഗത്തില്‍ രജിസ്റ്റര്‍ ചെയ്യണം.

കോട്ടക്കല്‍ ഗവ. ആയൂര്‍വ്വേദ ഇന്‍സ്റ്റിറ്റ്യൂട്ട് ഫോര്‍ മെന്റല്‍ ഡിസീസില്‍ ഒഴിവുള്ള ആയുര്‍വ്വേദ മെഡിക്കല്‍ ഓഫീസര്‍ (സ്‌പെഷലിസ്റ്റ്) തസ്തികയിലേക്ക് ദിവസ വേതനാടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.   ബി.എ.എം.എസ്, എം.ഡി, മനോവിജ്‌നാന്‍ ഏവം മാനസിക രോഗ എന്നിവയാണ് യോഗ്യത. നിയമന കാലാവധി 59 ദിവസം.  താല്‍പര്യമുള്ളവര്‍ മാര്‍ച്ച് അഞ്ചിന് രാവിലെ 10ന് മലപ്പുറം സിവില്‍ സ്റ്റേഷനിലെ ആയുര്‍വ്വേദ ജില്ലാ മെഡിക്കല്‍ ഓഫീസില്‍  രേഖകള്‍ സഹിതം കൂടിക്കാഴ്ചക്ക് എത്തണം.  ഫോണ്‍ 0483 2734852.

എ.ടി.എസ്.പി സ്‌കീമില്‍ സമര്‍പ്പിച്ച പദ്ധതികള്‍ക്ക് അംഗീകാരം നല്‍കുന്നതിനും പദ്ധതിയുടെ പ്രവര്‍ത്തന പുരോഗതി അവലോകനം ചെയ്യുന്നതിനുമായി മോണിറ്ററിങ് കമ്മിറ്റി യോഗം മാര്‍ച്ച് ഏഴിന് രാവിലെ 10.30ന് ജില്ലാ കലക്ടറുടെ ചേമ്പറില്‍ ചേരും.