ജില്ലാ പഞ്ചായത്ത് പദ്ധതികളുടെ നടത്തിപ്പിന് സ്‌പോര്‍ട്‌സ് ഉപകരണങ്ങള്‍ സപ്ലൈ   ചെയ്യാന്‍ താത്പര്യമുള്ള അംഗീകൃത വിതരണക്കാരില്‍ നിന്നും വിദ്യാഭ്യാസ ഉപഡയറക്ടര്‍ ദര്‍ഘാസ് ക്ഷണിച്ചു. വിശദവിവരങ്ങള്‍ക്ക് ETENDERS.kerala.gov.in Window No. Tender ID2018_PDT_194126_1 സന്ദര്‍ശിക്കുക.
                                            

കൊച്ചി: ഹൈസ്‌കൂള്‍ മുതല്‍ ഹയര്‍ സെക്കന്ററി തലം വരെയുള്ള വിദ്യാര്‍ത്ഥികള്‍ക്കായി 'കൃഷിയെന്ന പൈതൃകം' എന്ന വിഷയത്തില്‍ ലേഖന മത്സരം നടത്തുന്നു. കയ്യെഴുത്തു പ്രതി എട്ടു പേജിലും ടൈപ്പുചെയ്തത് അഞ്ചു പേജിലും കൂടരുത്. രചയിതാവിന്റെ പേരും വിലാസവും ഫോണ്‍ നമ്പറും ലേഖനത്തില്‍ ചേര്‍ക്കാതെ പ്രത്യേകപേജില്‍ മാത്രമെഴുതിയൂം സ്‌കൂള്‍ മേലധികാരിയുടെ സാക്ഷിപത്രത്തോടൊപ്പം, പത്രാധിപര്‍, കേരള കര്‍ഷകന്‍, ഫാം ഇന്‍ഫര്‍മേഷന്‍ ബ്യൂറോ, കവടിയാര്‍, തിരുവനന്തപുരം -3 അല്ലെങ്കില്‍ editorkkfib@gmail.com എന്ന ഇ-മെയില്‍ വിലാസത്തിലോ മാര്‍ച്ച് 10നകം അയക്കേണ്ടതാണ്.

    വാട്ടര്‍ അതോറിറ്റി പത്തനംതിട്ട ഡിവിഷന്റെ പരിധിയിലുള്ള ഗാര്‍ഹിക ഗാര്‍ഹികേതര ഉപഭോക്താക്കളുടെ വെള്ളക്കരം കുടിശിക തീര്‍പ്പാക്കുന്നതിന് ഈ മാസം 20ന് രാവിലെ ഒമ്പത് മുതല്‍ വൈകിട്ട് അഞ്ച് വരെ പത്തനംതിട്ട ഡിവിഷന്‍ ഓഫീസ് പരിസരത്ത് അദാലത്ത് നടത്തും. ഈ മാസം 13ന് മുമ്പ് പത്തനംതിട്ട, കോന്നി, റാന്നി, വടശേരിക്കര സെക്ഷന്‍ ഓഫീസുകളിലും പത്തനംതിട്ട/റാന്നി സബ്ഡിവിഷനുകളിലും അപേക്ഷ സ്വീകരിക്കും. 
                                                   

യുവജന ക്ഷേമ ബോര്‍ഡിന്റെ നേതൃത്വത്തില്‍ ജില്ലയിലെ യൂത്ത് ക്ലബ്ബ് പ്രതിനിധികളുടെ യോഗം ഇന്ന് (ഏഴിന്) ഉച്ചക്ക് 2.30ന് കളക്‌ട്രേറ്റിന് സമീപമുള്ള എന്‍ജിഒ അസോസിയേഷന്‍ ഹാളില്‍ ജില്ലാ കളക്ടര്‍  ആര്‍.ഗിരിജ ഉദ്ഘാടനം ചെയ്യും. യുവജന ക്ഷേമ ബോര്‍ഡ് ജില്ലാ യൂത്ത് പ്രോഗ്രാം ഓഫീസര്‍ ആര്‍.ശ്രീലേഖ, ഹരിത കേരളം മിഷന്‍ ജില്ലാ കോര്‍ഡിനേറ്റര്‍ ആര്‍.രാജേഷ്, ജനകീയാസൂത്രണം ജില്ലാ കോര്‍ഡിനേറ്റര്‍ എം.കെ.വാസു, യുവജനക്ഷേമബോര്‍ഡ് ജില്ലാ കോര്‍ഡിനേറ്റര്‍ അഡ്വ. ആര്‍.ജയന്‍ എന്നിവര്‍ സംസാരിക്കും. ഫോണ്‍:0468-2231938.                                  

    കര്‍ഷക രജിസ്‌ട്രേഷന്‍ ചെയ്തിട്ടില്ലാത്ത കര്‍ഷകര്‍ ഫോട്ടോ, ആധാര്‍ കാര്‍ഡ്, റേഷന്‍ കാര്‍ഡ്, കരം രസീത് (പുതിയത്), ഏതെങ്കിലും ദേശസാല്‍കൃത ബാങ്കിന്റെ പാസ് ബുക്ക് എന്നിവ സഹിതം അടുത്തുള്ള കൃഷിഭവനില്‍ ഈ മാസം 15നകം രജിസ്റ്റര്‍ ചെയ്യണം. കൃഷിവകുപ്പിന്റെ ആനുകൂല്യങ്ങള്‍ ഓണ്‍ലൈനായി ലഭിക്കുന്നതിന് കര്‍ഷക രജിസ്‌ട്രേഷന്‍ നിര്‍ബ ന്ധമാണെന്ന് പ്രിന്‍സിപ്പല്‍ കൃഷി ഓഫീസര്‍ അറിയിച്ചു.                       

കൊച്ചി: വാട്ടര്‍ സപ്‌ളൈ ഡിവിഷന്‍, കൊച്ചി -18- ന്റെ ആഭിമുഖ്യത്തില്‍ മാര്‍ച്ച് 16-ന് തൃപ്പൂണിത്തുറ സബ്ഡിവിഷന്‍ ഓഫീസില്‍ റവന്യു അദാലത്ത് സംഘടിപ്പിക്കും. വെള്ളക്കര ഇനത്തില്‍ ആക്ഷേപമുള്ള തൃപ്പൂണിത്തുറ സബ്ഡിവിഷന്റെ കീഴിലുള്ള എല്ലാ ഉപഭോക്താക്കളും അദാലത്തിലേക്കുള്ള അപേക്ഷ മാര്‍ച്ച് 12-നകം തൃപ്പൂണിത്തുറ എസ് എന്‍ ജംഗ്ഷനിലുള്ള വാട്ടര്‍ സപ്‌ളൈ സബ്ഡിവിഷന്‍ ഓഫീസില്‍ നല്കണമെന്ന് അസി എക്‌സിക്യൂട്ടീവ് എഞ്ചിനീയര്‍ അറിയിച്ചു. 

  കൊച്ചി:     നോര്‍ത്ത് പറവൂര്‍ ഐസിഡിഎസ് പ്രൊജക്ടിലെ 179 അങ്കണവാടികളിലേക്ക് 2017-18-ല്‍ ആവശ്യമായ പ്രീ സ്‌കൂള്‍ കിറ്റുകള്‍ വിതരണം ചെയ്യുന്നതിന് തയ്യാറുള്ള വ്യക്തികള്‍/സ്ഥാപനങ്ങള്‍ എന്നിവയില്‍ നിന്ന് മത്സരസ്വഭാവമുള്ള മുദ്രവച്ച ടെണ്ടറുകള്‍ ക്ഷണിച്ചു. ടെണ്ടര്‍ഫോറം നല്കുന്ന അവസാന തീയതി മാര്‍ച്ച് 15 ഉച്ചയ്ക്ക് 12 മണി. ടെണ്ടര്‍ സ്വീകരിക്കുന്ന അവസാന തീയതി മാര്‍ച്ച് 15 ഉച്ചയ്ക്ക് 2 മണി.

  കൊച്ചി:     നാഷണല്‍ ഇന്‍ഫര്‍മാറ്റിക്‌സ് ജില്ലാ കേന്ദ്രത്തില്‍ സോഫ്റ്റ്‌വെയര്‍ വികസിപ്പിക്കുന്ന ജോലികള്‍ക്കായി ഇന്‍ഫര്‍മേഷന്‍ ടെക്‌നോളജി, കമ്പ്യൂട്ടര്‍ സയന്‍സ് എന്നീ മേഖലകളില്‍ ബി ടെക്, ബിഇ, എംസിഎ, എംഎസ്‌സി തുടങ്ങിയ യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. രണ്ട് ഒഴിവുകളാണ് ഉള്ളത്.

കൊച്ചി:    എറണാകുളം ജനറല്‍ ആശുപത്രിയിലേക്ക് ബിസിവിടി/ ഡിസിവിടി യോഗ്യതയും എക്കോ, ടിഎംടി, ഹോള്‍ഡര്‍, കാത്ത്‌ലാബ് എന്നിവയില്‍ പ്രാവീണ്യവും രണ്ടു വര്‍ഷത്തെ പ്രവൃത്തിപരിചയവുമുള്ള കാത്ത്‌ലാബ് ടെക്‌നീഷ്യനെ കരാര്‍ അടിസ്ഥാനത്തില്‍ താത്കാലികമായി നിയമിക്കുന്നു. താത്പര്യമുള്ളവര്‍ ഒറിജിനല്‍ സര്‍ട്ടിഫിക്കറ്റുകള്‍ സഹിതം മാര്‍ച്ച് 9 രാവിലെ 11-ന് സൂപ്രണ്ടിന്റെ ഓഫീസില്‍ നടത്തുന്ന വാക്ക്-ഇന്‍-ഇന്റര്‍വ്യുവില്‍ പങ്കെടുക്കണം.